തൃശൂർ റയിൽവെ സ്റ്റേഷനിൽ വന്നിറങ്ങുന്ന യാത്രക്കാരുടെ ശ്രദ്ധക്ക്

Total
0
Shares

കേരളത്തിൽ ഏറ്റവുമധികം പഴികേൾക്കുന്ന ഒരു വിഭാഗമാണ് ഓട്ടോറിക്ഷാ ഡ്രൈവർമാർ. ഒത്തിരി നല്ല മനുഷ്യർ ഓട്ടോ ഓടിച്ചു കുടുംബം പുലർത്തുകയും മറ്റുള്ളവർക്ക് നന്മ ചെയ്യുകയും ചെയ്യുന്നുണ്ടെങ്കിലും ഒരു വിഭാഗം ഓട്ടോക്കാരുടെ മോശമായ പെരുമാറ്റമാണ് ഓട്ടോറിക്ഷക്കാരെ ഒന്നടങ്കം വേട്ടയാടുന്നത്. സാധാരണ തിരുവനന്തപുരത്തും കൊച്ചിയിലുമായിരുന്നു ഓട്ടോക്കാരെക്കുറിച്ച് പരാതികൾ ഉയർന്നു വന്നിരുന്നത്. എന്നാൽ യൂബർ, ഓല തുടങ്ങിയ ഓൺലൈൻ ടാക്‌സികൾ ഇവിടങ്ങളിൽ സജീവമായതോടെ ഓട്ടോക്കാരുടെ കൊമ്പ് അൽപ്പം ഒടിഞ്ഞു എന്നുവേണമെങ്കിൽ പറയാം.

Representative Image

തൃശ്ശൂർ ജില്ലയുടെ കാര്യം എടുത്താൽ അവിടെ ഭൂരിഭാഗം ആളുകളും ഓട്ടോറിക്ഷകളെയാണ് ആശ്രയിക്കുന്നത് എന്നു മനസ്സിലാക്കാം. മറ്റു ജോലികൾ ചെയ്യുന്നവരും ഇടക്കാല ആശ്വാസം എന്ന നിലയ്ക്ക് ഓട്ടോറിക്ഷ വാങ്ങി ഓടിക്കാറുണ്ട് തൃശ്ശൂരിൽ. ഇവർ വേറെ പണിക്ക് പോകുമ്പോൾ ഓട്ടോ വീട്ടിൽ കിടക്കും. സാധാരണയായി അധികം പരാതികളൊന്നും കേൾപ്പിക്കാത്തവരായിരുന്നു തൃശ്ശൂരിലെ ഓട്ടോക്കാർ. എന്നാൽ ഇപ്പോൾ ഇതാ തൃശ്ശൂരിലെ ഓട്ടോറിക്ഷക്കാരെക്കുറിച്ചും പരാതി ഉയർന്നു വന്നിരിക്കുകയാണ്. ഇരിങ്ങാലക്കുട സ്വദേശി വൈശാഖിനാണ് തൃശ്ശൂർ റെയിൽവേ സ്റ്റേഷൻ പരിസരത്തെ ഓട്ടോറിക്ഷക്കാരിൽ നിന്നും മോശം അനുഭവമുണ്ടായത്. സംഭവം വൈശാഖ് തൻ്റെ ഫേസ്‌ബുക്കിൽ പോസ്റ്റ് ഇട്ടിട്ടുമുണ്ട്. വൈശാഖിൻ്റെ ഫേസ്‌ബുക്ക് കുറിപ്പിൽ നിന്നും എന്താണ് സംഭവിച്ചതെന്ന് നമുക്ക് ഒന്ന് വായിക്കാം.

 

“തൃശൂർ റയിൽവെ സ്റ്റേഷനിൽ വന്നിറങ്ങുന്ന യാത്രക്കാരുടെ ശ്രദ്ധക്ക് – തൃശൂർ റയിൽവെ സ്റ്റേഷനിൽ പ്രീപെയ്ഡ് ഓട്ടോ കൗണ്ടർ ഉണ്ട്. സാധാരണ രീതിയിൽ ഇത്തരണം കൗണ്ടറുകളിൽ കിടക്കുന്ന ഓട്ടോകൾ ശരിയായ ചാർജ് ഈടാക്കും എന്നാണ് പൊതു ധാരണ.. എന്നാൽ അങ്ങനെ അല്ല എന്നാണ് എൻ്റെ അനുഭവം.. കഴിഞ്ഞ ഞായറാഴ്ച പുലർച്ചെ റയിൽവെ സ്റ്റേഷൻ പ്രീപെയ്ഡ് കൗണ്ടറിൽ നിന്നും ഓട്ടോ വിളിച്ചു.. കൗണ്ടറിൽ ആരും ഉണ്ടായിരുന്നില്ല.. എൻ്റെ വീട്ടിലേക്ക് 19.2 കിലോമീറ്റർ.. 500 രൂപയാണ് ഈടാക്കിയത്..

ഞാൻ സാധാരണ കെ എസ് ആർ ടി സി ബസുകളിൽ ആണ് വരാറുള്ളത്. അവിടെ നിന്നും ഇതേ ദൂരത്തിന് ഓട്ടോ വിളിച്ചാൽ 400 രൂപയാണ് മേടിക്കാറുള്ളത്. ഇത് ഓട്ടോക്കാരനോട് പറഞ്ഞപ്പോൾ പ്രീപെയ്ഡ് കൗണ്ടറിൽ നിന്നും 505 രൂപയാണ് അടിച്ചു തരാറുള്ളത് എന്ന് പറഞ്ഞു. ഞാൻ പരാതി പെടും എന്ന് പറഞ്ഞപ്പോൾ എന്തെങ്കിലും ചെയ്യാൻ പറഞ്ഞു… കേരള പോലീസ് ഫേസ്‌ബുക്ക് പേജിൽ നിന്നും തൃശ്ശൂരിലെ ഇമെയിൽ അഡ്ഡ്രസ്സ്‌ കിട്ടി.. അതിലേക്ക് വിവരങ്ങൾ ഉൾപ്പെടുത്തി അന്ന് തന്നെ പരാതി ആയിച്ചു.. ഇതു വരെയും മറുപടി ലഭിച്ചിട്ടില്ല.. ചൊവ്വാഴ്ച പുലർച്ചെ കെ എസ് ആർ ടി സി സ്റ്റാൻഡിൽ നിന്നും വിളിച്ച ഓട്ടോ 400 രൂപയാണ് ഈടാക്കിയത്.. രണ്ടും സമയം പുലർച്ചെ മൂന്ന് മണി..

തൃശൂർ റയിൽവെ സ്റ്റേഷൻറെ തൊട്ടടുത്ത് കിടക്കുന്ന കെ എസ് ആർ ടി സി സ്റ്റാൻഡിൽ നിന്നും 400 രൂപ മേടിക്കുന്ന സ്ഥാനത്തു റയിൽവെ സ്റ്റേഷൻ പ്രീപെയ്ഡ് കൗണ്ടറിൽ നിന്നും വാങ്ങുന്നത് 505 രൂപ. ഇത് തന്നെയായിരിക്കും മറ്റുള്ള സ്ഥലങ്ങളിലേയ്ക്കും ഉള്ള ചാർജുകൾ.. അത് കൊണ്ട് ഒരു 200 മീറ്റർ നടന്നു കെ എസ് ആർ ടി സി സ്റ്റാൻഡിലെ ഓട്ടോറിക്ഷ സ്റ്റാൻഡിൽ നിന്നും വണ്ടി വിളിച്ചാൽ കുറച്ചു പൈസ ലാഭിക്കാം.”

കണ്ടില്ലേ? വെറും 200 മീറ്റർ ദൂരവ്യത്യാസത്തിൽ 105 രൂപയാണ് അധികമായി ഈടാക്കിയിരുന്നത്. ഇത് ഈ ഓട്ടോക്കാരൻ മാത്രമായി ചെയ്തതാണോ അതോ സ്റ്റാൻഡിലെ മറ്റ് ഓട്ടോക്കാരും കൂടി ഒത്തുള്ള തീരുമാനമാണോ എന്നു തീർച്ചയില്ല. എന്നിരുന്നാലും ഇത്തരം കൊള്ളകൾ നടത്തുന്നത് സാധാരണക്കാരെ ഓട്ടോറിക്ഷകളിൽ നിന്നും അകറ്റുവാൻ ഇടയാക്കും. ഫലമോ പാവപ്പെട്ട ഓട്ടോറിക്ഷാ ഡ്രൈവർമാർ ബുദ്ധിമുട്ടിലാകുകയും ചെയ്യും. അതുകൊണ്ട് ദയവുചെയ്ത് നിങ്ങൾ യാത്രക്കാരെ കൊള്ളയടിക്കരുത് എന്നൊരു അപേക്ഷയേയുള്ളൂ.. സാധാരണക്കാരന്റെ വാഹനമായ ഓട്ടോറിക്ഷ, ചാർജ്ജിലും അതുപോലെയാകട്ടെ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post