കേരളത്തിനു പുറത്തേക്ക് കാറുമായി യാത്ര പോകുമ്പോൾ പണി കിട്ടാതിരിക്കാൻ..

Total
0
Shares

ഇന്ന് ധാരാളം ആളുകൾ കേരളത്തിനു പുറത്തേക്ക്, അതായത് തമിഴ്‌നാടും കർണാടകയും ഒക്കെ കഴിഞ്ഞു വടക്കേ ഇന്ത്യയിലേക്ക് സ്വന്തം കാറുമായി യാത്ര പോകുന്നുണ്ട്. ഇത്തരത്തിൽ യാത്രകൾ പോകുമ്പോൾ ശ്രദ്ധിക്കേണ്ട പ്രധാന കാര്യങ്ങൾ എല്ലാവർക്കും പല ശ്രോതസ്സുകളിൽ നിന്നുമായി ഇന്ന് മനസ്സിലാക്കുവാൻ കഴിയും. എന്നാൽ അതിൽ നിന്നും വ്യത്യസ്തമായ ഒന്നാണ് ഇവിടെ നിങ്ങൾക്ക് മുന്നിൽ പറയുവാൻ പോകുന്നത്. ദൂരദേശങ്ങളിലേക്ക് സ്വന്തം വാഹനവുമായി പോകുമ്പോൾ ഏറ്റവും കൂടുതൽ ഭയക്കേണ്ട ഒന്നാണ് കള്ളന്മാരെയും കൊള്ളക്കാരെയും. ഇത്തരക്കാരുടെ മുന്നിൽപ്പെട്ടാൽ നിങ്ങളുടെ കയ്യിലുള്ള പണവും സാധനങ്ങളും വാഹനവും ചിലപ്പോൾ ജീവൻ തന്നെ നഷ്ടപ്പെട്ടേക്കാം. ഇത്തരം ചതിക്കുഴിയിൽ പെടാതിരിക്കുവാൻ ശ്രദ്ധിക്കേണ്ട ചില കാര്യങ്ങളുണ്ട്.

ദീർഘദൂരയാത്രകൾ മിക്കവാറും ഹൈവേകളിലൂടെ ആയിരിക്കും. നമ്മുടെ നാട്ടിലെപ്പോലെയായിരിക്കില്ല മറ്റു സംസ്ഥാനങ്ങളിലെ ഹൈവേകൾ. വളരെ തിരക്ക് കുറവായിരിക്കും. ചുറ്റിനും തരിശു നിലമോ കാടോ ഒക്കെയാകാം. ഒരു മനുഷ്യജീവിയെപ്പോലും കാണുവാൻ സാധിക്കില്ല. ഇങ്ങനെയുള്ള പാതയോരത്ത് വാഹനം പാർക്ക് ചെയ്യുവാനോ നിർത്തുവാനോ ശ്രമിക്കരുത്. പെട്ടെന്നായിരിക്കും നിങ്ങൾക്ക് ചിലപ്പോൾ ഒരു ആക്രമണം നേരിടേണ്ടി വരിക. ഒരീച്ചപോലും അറിയുകയുമില്ല. ഹൈവേയുടെ ഓരങ്ങളിൽ ചിലപ്പോൾ ധാബകൾ കാണുവാൻ സാധിക്കും. ഇവിടങ്ങളിൽ മാത്രം നിർത്തി വിശ്രമിക്കുക. അതുപോലെതന്നെ ധാബകളിലെ മറ്റാളുകളുടെ മേൽ ഒരു ശ്രദ്ധ ഇപ്പോഴും ഉണ്ടായിരിക്കണം.

കള്ളന്മാർ സ്ഥിരമായി പയറ്റുന്ന ഒരു വിദ്യയാണ് ലിഫ്റ്റ് ചോദിക്കൽ. ഒന്നുകിൽ പാതയോരത്തു നിന്നായിരിക്കും ഇത്തരക്കാർ കൈകാണിക്കുന്നത്. അല്ലെങ്കിൽ ധാബയിൽ നിന്നും. എന്തുവന്നാലും പരിചയമില്ലാത്ത ഒറ്റയാളുകൾക്കും ലിഫ്റ്റ് കൊടുക്കുവാൻ മുതിരരുത്. ചിലപ്പോൾ നല്ല സുന്ദരികളായ യുവതികളായിരിക്കും നിങ്ങളുടെ വാഹനത്തിൽ ലിഫ്റ്റ് ചോദിക്കുക. ദയവുചെയ്ത് ഇത്തരക്കാരിൽ മയങ്ങരുത്. ഒന്നു വീണുകൊടുത്താൽ പിന്നെ തീർന്നു. ഇങ്ങനെ ലിഫ്റ്റ് ചോദിക്കുന്ന കള്ളന്മാരുടെ കയ്യിൽ ആയുധങ്ങൾ ഉണ്ടായിരിക്കും. അത് ചിലപ്പോൾ കത്തിയോ തോക്കോ ഒക്കെയാകാം. അതുപോലെതന്നെ ഇയാൾ ഒറ്റയ്ക്ക് ആയിരിക്കില്ല. കൂട്ടാളികൾ വേറെ വാഹനത്തിൽ നമ്മെ പിന്തുടർന്ന് വരാനും സാധ്യതയുണ്ട്. ചിലപ്പോൾ നിങ്ങളോട് ലിഫ്റ്റ് ചോദിക്കുന്നത് പാവങ്ങളാകാം. എന്നിരുന്നാലും ഒരു റിസ്ക് എടുക്കാൻ നിൽക്കണോ? സ്വയം ചിന്തിച്ചു തീരുമാനിക്കുക.

കുറേനേരം വാഹനമോടിച്ച് തളരുമ്പോൾ ഒന്ന് നിർത്തി വിശ്രമിക്കണം എന്നു തോന്നിയാൽ ധാരാളം ആൾസഞ്ചാരമുള്ള സ്ഥലം നോക്കി വണ്ടി നിർത്തി അൽപ്പനേരം വിശ്രമിക്കണം. ധാബയോ, ഹോട്ടലുകളുടെ സമീപമോ പെട്രോൾ പാമ്പുകളോ ഒക്കെ ഇതിനായി തിരഞ്ഞെടുക്കാം. ഇങ്ങനെ വണ്ടി നിർത്തിയിടുമ്പോൾ വാഹനത്തിന്റെ വിൻഡോ ഗ്ളാസ്സുകൾ ഉയർത്തിയിടാൻ ശ്രദ്ധിക്കണം. അതുപോലെതന്നെ വാഹനത്തിന്റെ താക്കോൽ ignition ൽ നിന്നും മാറ്റിവെക്കുകയും വേണം. താക്കോൽ ചുമ്മാ കിടക്കുന്നതുകണ്ടാൽ ചില കള്ളന്മാർക്ക് മോഷ്ടിക്കാനുള്ള ത്വര കൂടും എന്നതിനാലാണ് ഈ വിദ്യ.

യാത്രയിൽ ഒരുപരിധിവരെ നിങ്ങൾക്ക് ഗൂഗിൾ മാപ്പിനെ ആശ്രയിക്കാവുന്നതാണ്. എന്നാൽ നെറ്റ് കണക്ഷൻ ഇല്ലാത്ത സ്ഥലത്തെണെങ്കിലോ? ആരോടെങ്കിലും വഴി ചോദിക്കുക തന്നെ ശരണം. എന്നാൽ ഇങ്ങനെ വഴി ചോദിക്കുവാൻ ഏറ്റവും ഉചിതം പെട്രോൾ പമ്പുകളും ഹോട്ടലുകളുമാണ്. വഴിയിൽ കാണുന്നവരോട് വഴി ചോദിക്കുന്ന പരിപാടി പരമാവധി ഒഴിവാക്കുക. ഒരു രക്ഷയുമില്ലെങ്കിൽ മാത്രം ഇങ്ങനെ ചോദിക്കുക.

നിങ്ങളുടെ വാഹനത്തെ ആരെങ്കിലും അകാരണമായി പിന്തുടരുന്നതായി അനുഭവപ്പെട്ടാൽ ഉടനെ പോലീസിനെ വിവരമറിയിക്കുക. വാഹനം പെട്രോൾ പാമ്പിന്റെ അല്ലെങ്കിൽ മറ്റേതെങ്കിലും ആൾസഞ്ചാരമുള്ള സ്ഥലത്തോ ഒതുക്കുക. നിങ്ങളെ പിന്തുടരുന്ന വാഹനത്തിന്റെ നമ്പർ കുറിച്ചു വെക്കുക. കേരളം വിട്ടുകഴിഞ്ഞാൽ പിന്നെ പകൽ സമയത്ത് മാത്രം വാഹനമോടിക്കുക. രാത്രിയിൽ എവിടെയെങ്കിലും സുരക്ഷിതമായ സ്ഥലത്ത് തങ്ങിയശേഷം നേരം പുലർന്നിട്ടു വീണ്ടും യാത്ര തുടരുക. എത്ര വലിയ ധൈര്യശാലി ആണെങ്കിലും ഈ കാര്യം ഉറപ്പായും ശ്രദ്ധിക്കേണ്ടതാണ്. ഇത്തരത്തിൽ ഒറ്റയ്ക്കുള്ള യാത്രകൾ കഴിവതും ഒഴിവാക്കുക. പറ്റിയ കൂട്ടുകാരെ കൂടെക്കൂട്ടുവാൻ ശ്രമിക്കുക. പോകുന്ന വഴികൾ പരിചയമുള്ളവർ കൂടെയുണ്ടെങ്കിൽ വളരെ നല്ലത്.

അതുപോലെതന്നെ യാത്രയ്ക്കിടയിൽ പല സംഭവങ്ങൾക്കും നിങ്ങൾ സാക്ഷിയാകേണ്ടി വന്നേക്കാം. റോഡിലെ തർക്കങ്ങളോ അടിപിടിയോ ഒക്കെയാകാം. വേണ്ടാത്ത കാര്യത്തിൽ ഇടപെടാതിരിക്കുക. നമ്മുടെ നാടല്ലെന്നുള്ള ചിന്ത ഇപ്പോഴും ഉണ്ടായിരിക്കണം. ആരെങ്കിലും ഇങ്ങോട്ടു വന്നു അലമ്പുണ്ടാക്കുവാൻ നോക്കിയാലും പരമാവധി ഒഴിഞ്ഞുമാറുക. ഇത്തരം ക്ഷമ കൂടെയില്ലെങ്കിൽ നിങ്ങൾക്ക് നല്ല പണി കിട്ടാൻ സാധ്യതയുണ്ട്. ഇന്ത്യ എൻ്റെ രാജ്യമാണ്, എല്ലാ ഇന്ത്യക്കാരും എൻ്റെ സഹോദരീ സഹോദരന്മാരാണ് എന്ന ചിന്തയൊക്കെ ഇന്ന് സ്‌കൂളുകളിലെ പ്രതിജ്ഞയിൽ മാത്രമേയുള്ളൂ, വടക്കേ ഇന്ത്യക്കാരിൽ ചിലർക്ക് നമ്മളെയൊക്കെ (കേരള, തമിഴ്നാട് ഉള്ളവരെ) ഒട്ടും കണ്ടുകൂടായെന്ന സത്യം മനസ്സിലാക്കുക.

ഇനി ദീർഘദൂര യാത്രകൾ പോകുമ്പോൾ ഈ കാര്യങ്ങൾ ഒന്നു ശ്രദ്ധിക്കണം. എല്ലാവർക്കും ശുഭയാത്ര നേരുന്നു…

3 comments
  1. സഞ്ചാര പാത ഉൾപ്പെടുന്ന മേഖലയുടെ offline മാപ്പ് നേരത്തെ തന്നെ നെറ്റ് ഉള്ളപ്പോൾ ഡൌൺലോഡ് ചെയ്‌ത് വെക്കുക. അപ്പൊ നെറ്റ് ഇല്ലെങ്കിലും മാപ്പ് ലഭിക്കും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ഹോട്ടലുകളും റിസോർട്ടുകളും തെരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ

ഹോട്ടലുകൾ, റിസോർട്ടുകൾ, റെസ്റ്റോറന്റ്.. ഈ പേരുകൾ കേൾക്കാത്തവരായി ആരുംതന്നെ ഉണ്ടാകില്ല. പലപ്പോഴും ഇവയെല്ലാം നമ്മുടെ ദൈനംദിന സംഭാഷണങ്ങളിൽ ഉൾപ്പെടാറുമുണ്ടാകും. എന്നാൽ ഇവ ശരിക്കും എന്താണെന്ന് അറിയാമോ? ഹോട്ടൽ, റെസ്റ്റോറന്റ്, റിസോർട്ട് ഇവ തമ്മിലുള്ള വ്യത്യാസങ്ങൾ എന്തൊക്കെ? ആദ്യമായി എന്താണ് ഈ ഹോട്ടൽ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post