രൗദ്ര ഭാവത്തിൽ പ്രകൃതി ; വിനോദസഞ്ചാരികളുടെ ശ്രദ്ധയ്ക്ക് ചില കാര്യങ്ങൾ..

Total
0
Shares

കേരളത്തിൽ ഇപ്പോൾ നിർത്താതെയുള്ള മഴയും പേമാരിയും കാരണം ഡാമുകൾ മിക്കതും തന്നെ തുറന്നു വിട്ടിരിക്കുകയാണ്. ഇതെല്ലാം ടിവിയിലൂടെയും മറ്റു മാധ്യമങ്ങളിലൂടെയും നമ്മൾ അറിയുന്നുണ്ടാകും. മലയാളിയുടെ ഓണം ഇത്തവണ മഴയിൽ കുളിക്കുമോ എന്നാണു പേടി. ഇടുക്കി, വയനാട്, കോഴിക്കോട്, മലപ്പുറം, പാലക്കാട്, എറണാകുളം ജില്ലയുടെ കിഴക്കൻ ഭാഗങ്ങൾ എന്നിവിടങ്ങളിലാണ് വെള്ളപ്പൊക്കവും ഉരുൾപൊട്ടൽ ഭീഷണിയും നിലനിൽക്കുന്നത്. മഴക്കെടുതിയിൽ നഷ്‌ടമായത് 22 ജീവനുകളാണ്.

മൂന്നാർ : കേരളത്തിൽ ഏറ്റവും കൂടുതൽ വിനോദസഞ്ചാരികൾ എത്തുന്ന മൂന്നാറിൽ ഇത്തവണ മഴ കനത്തതോടെ അത് കൂടുതലായി ബാധിച്ചത് ടൂറിസം മേഖലയെത്തന്നെയാണ്. വിനോദ സഞ്ചാരികളുടെ വരവ് ഏതാണ്ട് പൂർണമായും നിലച്ച സ്ഥിതിയാണ്. മൂന്നാറിലേക്കുള്ള ദേശീയപാതയിൽ പലയിടത്തും മണ്ണിടിഞ്ഞിരിക്കുകയാണ്. ഇതുമൂലം അവിടേക്കുള്ള ഗതാഗതം തടസ്സപ്പെട്ടിട്ടുണ്ട്. മൂന്നാറിൽ കുടുങ്ങിയ സഞ്ചാരികളെല്ലാം മറയൂർ, ചിന്നാർ, പൊള്ളാച്ചി, പാലക്കാട് വഴിയാണ് തിരികെ നാട്ടിലെത്തുന്നത്.

അതിരപ്പിള്ളി : മലവെള്ളം കൂടുതലായി ഒഴുകിയെത്തിയതോടെ അതിരപ്പിള്ളി വെള്ളച്ചാട്ടം ഉഗ്രരൂപിയായ അവസ്ഥയിലാണ്. മാധ്യമങ്ങളിലൂടെ ഇത് നമ്മൾ കണ്ടതാണ്. അതുപോലെതന്നെയാണ് അടുത്തുള്ള ചാർപ്പ വെള്ളച്ചാട്ടവും. ഏതു നിമിഷവും മരം വീഴാനും ഇടിഞ്ഞുപോകാനും ഇടയുള്ള ഈ വഴിയിലൂടെ ഇപ്പോൾ സഞ്ചരിക്കുന്നത് അത്യന്തം അപകടകരമാണ്. അടുത്ത ഒരാഴ്ചത്തേയ്ക്ക് അതിരപ്പിള്ളിയിലേക്ക് വിനോദസഞ്ചാരികളെ പ്രവേശിപ്പിക്കേണ്ടെന്നാണ് അധികൃതരുടെ തീരുമാനം. അതിരപ്പിള്ളി,മലക്കപ്പാറ ഭാഗത്തേയ്ക്കുള്ള വാഹനങ്ങൾക്കും നിയന്ത്രണം ഏർപ്പെടുത്തിയിട്ടുണ്ട്. അതുകൊണ്ട് അതിരപ്പിള്ളിയുടെ രൗദ്രഭാവം നേരിട്ടു കാണുവാൻ ആരും അവിടേക്ക് പോകാതിരിക്കുക. അതിരപ്പിള്ളി ഒഴുകിവരുന്ന ചാലക്കുടിപ്പുഴയുടെ പരിസരങ്ങളിലുള്ളവരും സൂക്ഷിക്കുക.

ഇടുക്കി : വർഷങ്ങൾക്ക് ശേഷം ഇടുക്കി ഡാം തുറന്നു വിട്ടു എന്നു പറയുമ്പോൾത്തന്നെ അവിടത്തെ അവസ്ഥ നമുക്ക് ഊഹിക്കാമല്ലോ. അതുകൊണ്ട് ഇടുക്കിയിലേക്ക് ഒരു കാരണവശാലും പ്രശ്നങ്ങൾ ഒതുങ്ങുന്നതുവരെ യാത്ര ചെയ്യുവാൻ പാടില്ല. കൂടുതലും ഉരുൾപൊട്ടൽ നടക്കുന്ന ഏരിയയാണ് ഇടുക്കി എന്ന കാര്യവും ഓർക്കുക. ഇടുക്കി ജില്ലയിൽ ചരക്ക് വാഹനങ്ങളും വിനോദ സഞ്ചാരവും നിരോധിച്ച് കളക്ടർ ഉത്തരവ് പുറപ്പെടുവിച്ചിട്ടുണ്ട്.

വയനാട് : താമരശ്ശേരി ചുരത്തിൽ മണ്ണിടിഞ്ഞതോടെ വയനാട് ഏതാണ്ട് ഒറ്റപ്പെട്ട അവസ്ഥയിലാണ് ഇപ്പോൾ. കുറ്റിയാടി ചുരവും ഒട്ടും സുരക്ഷിതമല്ല. വയനാട്ടിൽ പെട്ടുപോയവർക്ക് തിരികെവരുവാനായി ഇപ്പോഴത്തെ അവസ്ഥയിൽ ഒരൽപം ബുദ്ധിമുട്ടാണ്. വഴിക്കടവ് – നിലമ്പൂർ റോഡിലൊക്കെ വെള്ളം കയറി മുങ്ങിയിരിക്കുന്നതിനാൽ ആ റൂട്ടും പറ്റില്ല. പിന്നെ വളരെ ദൂരം സഞ്ചരിച്ച് കോയമ്പത്തൂർ വന്നശേഷം അവിടുന്ന് പാലക്കാട് വഴി കേരളത്തിലേക്ക് കടക്കേണ്ടി വരും. കനത്ത മഴയുള്ളപ്പോൾ വയനാട്ടിലേക്കുള്ള യാത്രകൾ എല്ലാവരും ഒഴിവാക്കുന്നതായിരിക്കും ഉത്തമം.

ഇതേ അവസ്ഥകൾ തന്നെയാണ് കോഴിക്കോട്, മലപ്പുറം, എറണാകുളം, കോട്ടയം ജില്ലകളുടെ കിഴക്കൻ മേഖലയിലും അനുഭവപ്പെടുന്നത്. മലപ്പുറത്ത് മഴ കനത്തതോടെ റോഡ് തന്നെ ഒലിച്ചു പോകുന്ന ദൃശ്യങ്ങളും മറ്റും സമൂഹ മാധ്യമങ്ങളിൽ വൈറലായതോടെ മഴ വിതയ്ക്കുന്ന ആശങ്കയും ഏറുകയാണ്. നദികളുടെ പരിസരത്ത് ഈ സമയങ്ങളിൽ കുളിക്കുവാനോ മീൻപിടിക്കുവാനോ ആരും തന്നെ പോകാതിരിക്കുക. ഡാം തുറന്നു വിട്ടതിനാൽ മീൻ കിട്ടും എന്ന ചിന്ത പാടെ അവഗണിക്കുക. എല്ലാം കെട്ടടങ്ങിയ ശേഷം നമുക്ക് എത്രവേണമെങ്കിലും മീൻ പിടിച്ച് കഴിക്കാമല്ലോ.

എന്നാൽ ഇതിനിടയിൽ ‘Disaster Tourism’ എന്നു വിളിക്കുന്ന പുതിയ ഒരു ടൂറിസം ഇപ്പോൾ ഉയർന്നു വന്നിരിക്കുകയാണ്. സംഭവം വേറൊന്നുമല്ല, ഡാം തുറന്നു വിടുന്നതും, വെള്ളപ്പൊക്കവും, ആളുകളുടെ കഷ്ടപ്പാടും ഒക്കെ നേരിട്ടു കാണുവാൻ ചിലർ വളരെ ഉത്സാഹത്തോടെയാണ് പ്രശ്‌നബാധിത പ്രദേശങ്ങളിലേക്ക് പോകുന്നത്. അവിടെപ്പോയി ഫോട്ടോസും ലൈവ് വീഡിയോയും ഒക്കെ എടുത്ത് സോഷ്യൽ മീഡിയയിൽ ഇടുക എന്നതാണ് ഇത്തരക്കാരുടെ പ്രധാന പ്ലാൻ. എന്നാൽ നിങ്ങൾ ഒന്നറിയുക, തങ്ങളുടെ വീടും കിടപ്പാടവും മുങ്ങിയതോടെ ഇനി മുന്നോട്ടുള്ള വഴി എന്തെന്നു പോലും ചിന്തിക്കാൻ വയ്യാതെ അനേകം മനുഷ്യജീവനുകൾ അവിടെയുണ്ട്. അവരുടെ വിഷമങ്ങൾ ഒന്നു മനസ്സിലാക്കുവാൻ നമ്മൾ ശ്രമിക്കണം.

പ്രകൃതി താണ്ഡവമാടിയിരിക്കുന്ന ഈ സമയത്ത് യാത്രകളെല്ലാം എല്ലാവരും ഒഴിവാക്കണം. അണക്കെട്ടുകള്‍ തുറക്കുന്ന സ്ഥലങ്ങളിലേക്ക് ആളുകള്‍ പോകരുത്. ഈ മേഖലകളിലെത്തിയിരിക്കുന്ന വിനോദസഞ്ചാരികൾ ജാഗ്രത പാലിക്കുകയും ഉടൻതന്നെ സുരക്ഷിതമായ സ്ഥലങ്ങളിലേക്ക് മാറുകയുമാണ് വേണ്ടത്. ദുരന്തസ്ഥലങ്ങൾ സന്ദർശിക്കുന്നതിൽ നിന്നും പൊതുജനങ്ങൾ പിൻമാറണം. കനത്ത മഴ തുടരുന്നതിനിടെ ദുരന്തമേഖലകളില്‍ രക്ഷാപ്രവര്‍ത്തനം തുടരുകയാണ്. ഫയര്‍ ഫോഴ്‌സിനും പൊലീസും സജീവമായി രംഗത്തുണ്ട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ഹോട്ടലുകളും റിസോർട്ടുകളും തെരഞ്ഞെടുക്കുമ്പോൾ ശ്രദ്ധിക്കേണ്ട കാര്യങ്ങൾ

ഹോട്ടലുകൾ, റിസോർട്ടുകൾ, റെസ്റ്റോറന്റ്.. ഈ പേരുകൾ കേൾക്കാത്തവരായി ആരുംതന്നെ ഉണ്ടാകില്ല. പലപ്പോഴും ഇവയെല്ലാം നമ്മുടെ ദൈനംദിന സംഭാഷണങ്ങളിൽ ഉൾപ്പെടാറുമുണ്ടാകും. എന്നാൽ ഇവ ശരിക്കും എന്താണെന്ന് അറിയാമോ? ഹോട്ടൽ, റെസ്റ്റോറന്റ്, റിസോർട്ട് ഇവ തമ്മിലുള്ള വ്യത്യാസങ്ങൾ എന്തൊക്കെ? ആദ്യമായി എന്താണ് ഈ ഹോട്ടൽ…
View Post

പഴനിയിൽ പോകുമ്പോൾ പറ്റിക്കപ്പെടാതിരിക്കുവാൻ ശ്രദ്ധിക്കേണ്ട കാര്യങ്ങൾ

ആദ്യമായി പഴനിയിലേക്ക് വരുന്നവര്‍ അറിഞ്ഞിരിക്കേണ്ട ചില കാര്യങ്ങള്‍….  പഴനിയെക്കുറിച്ച് കേള്‍ക്കാത്തവര്‍ ആരുമുണ്ടാകില്ല. ഒരിക്കലെങ്കിലും ഇവിടെ വന്നു ദര്‍ശനം നടത്തണം എന്ന് തോന്നിയിട്ടുണ്ടോ? കൂട്ടിനു മുന്‍പരിചയം ഉള്ളവര്‍ ഇല്ലയെന്ന കാരണത്താല്‍ നിങ്ങളുടെ പഴനിയാത്ര മുടങ്ങരുത്. അങ്ങനെയുള്ളവര്‍ക്കു വേണ്ടിയാണീ പോസ്റ്റ്‌. അതുപോലെതന്നെ ഇവിടെ ആദ്യമായി…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post