വീടിൻ്റെ ചുറ്റുമതിൽ മതിൽ ട്രെയിനാക്കി മാറ്റി ഒരു റെയിൽവേ ജീവനക്കാരൻ

Total
36
Shares

ഒരു വീടായാൽ അതിനു ചുറ്റും മതിൽ വേണമല്ലോ. സാധാരണ എല്ലാവരും കട്ട കൊണ്ട് ചുമ്മാ ഒരു മതിൽ കെട്ടി പെയിന്റ് അടിക്കാറാണ് പതിവ്. എന്നാൽ കോഴിക്കോട് ജില്ലയിലെ പാലങ്ങാട് സ്വദേശി മുഹമ്മദിന്റെ മതിൽ കണ്ടാൽ ആരുമൊന്നു അമ്പരക്കും. കാരണം ഇന്ത്യൻ റെയിൽവേയിലെ ഒരു ട്രെയിനിന്റെ മാതൃകയിലാണ് മുഹമ്മദിന്റെ വീടിനു മുന്നിലെ മതിൽ തീർത്തിരിക്കുന്നത്. പ്രധാന റോഡിൽ നിന്നും മുഹമ്മദിന്റെ വീട്ടിലേക്ക് കയറുമ്പോൾത്തന്നെ ആളുകളെ ആകർഷിക്കുന്നത് ചൂളം വിളിച്ചുകൊണ്ട് പുറപ്പെടാൻ തയ്യാറായിക്കിടക്കുന്ന ഈ ട്രെയിനാണ്. “വീടിനു മുന്നിൽ ട്രെയിനോ? ഇതെന്താ റെയിൽവേ സ്റ്റേഷൻ വല്ലതുമാണോ” എന്നാണു മുഹമ്മദിന്റെ വീട് കാണുന്നവർ തമാശയ്ക്ക് ചോദിക്കുന്നത്. ഇനി ഈ തീവണ്ടി മതിൽ ഉണ്ടായ സാഹചര്യം വിവരിക്കാം.

പുതിയ വീട് തയ്യാറാക്കുന്നതിനിടെ വ്യത്യസ്തമായ രീതിയിൽ കിണർ പണിയുവാനാണ് മുഹമ്മദ്, ഷാജി ആരാമ്പ്രം എന്ന കലാകാരനെ ബന്ധപ്പെടുന്നത്. വലിയ ഉരുളിയുടെ മാതൃകയിൽ കിണർ രൂപകൽപ്പന ചെയ്യുന്നതിനിടെയാണ് ഷാജിയ്ക്ക് വ്യത്യസ്തമായ ഒരു ബുദ്ധിയുദിക്കുന്നത്. റെയിൽവേ ജീവനക്കാരനായ വീട്ടുടമ മുഹമ്മദിനോട് വീടിൻ്റെ മതിൽ ഒരു ട്രെയിനിന്റെ രൂപത്തിലാക്കിയാലോ എന്ന് ഷാജി അഭിപ്രായം ചോദിച്ചു. സംഭവം ഉഷാറാകുമെന്നു മുഹമ്മദിനു തോന്നി. അങ്ങനെ മതിൽ കെട്ടിക്കഴിഞ്ഞെങ്കിലും അത് പൊളിച്ചുമാറ്റി തീവണ്ടിയുടെ മാതൃകയിൽ പുതുക്കിപ്പണിയുവാൻ മുഹമ്മദ് ഷാജിയ്ക്ക് അനുവാദം നൽകി.

മതിൽ നിർമ്മിക്കുന്നതിനിടെ ട്രെയിനിന്റെ രൂപം അതേപടി ആവിഷ്‌ക്കരിക്കുന്നതിനായി മുഹമ്മദ് തീവണ്ടിയുടെ ഓരോ ഭാഗങ്ങളുടെയും വ്യത്യസ്തമായ ചിത്രങ്ങൾ പകർത്തി ഷാജിയ്ക്ക് നൽകി. തീവണ്ടി മതിൽ വളരെ തന്മയത്വത്തോടെ നിർമ്മിക്കുവാൻ ഇത് ഷാജിയ്ക്ക് സഹായകമായി മാറി. അങ്ങനെയാണ് വ്യത്യസ്തമായ ഈ ‘തീവണ്ടി മതിൽ’ പൂർത്തിയായത്. തീവണ്ടിയുടെ എഞ്ചിനും ബോഗികളും അതോടൊപ്പം ബോഗികളിലെ ജനാലകളും വരെ ഒറിജിനലിനെ വെല്ലുന്ന രീതിയിലാണ് ഷാജി തയ്യാറാക്കിയിരിക്കുന്നത്. ഗൃഹപ്രവേശന ചടങ്ങുകൾക്ക് സ്ഥലത്തെത്തിയ വീട്ടുടമ മുഹമ്മദിന്റെ റെയിൽവേയിലെ സുഹൃത്തുക്കളടക്കമുള്ളവർ തീവണ്ടി മതിൽ കണ്ട് അത്ഭുതപ്പെടുകയാണുണ്ടായത്. ഇവരെല്ലാം മതിലിനു മുന്നിൽ നിന്നുകൊണ്ട് ചിത്രങ്ങൾ പകർത്തിയതാണ് മടങ്ങിയതും. ട്രെയിനിൽ ഇതുവരെ കയറാത്ത നാട്ടുകാരും ഈ തീവണ്ടി മതിൽ കാണുവാനായി എത്തിയിരുന്നു. ചുരുക്കിപ്പറഞ്ഞാൽ വീടിനേക്കാൾ പ്രശസ്തി വീടിൻ്റെ ചുറ്റുമതിലിനായി എന്നു സാരം.

മതിൽ പൂർത്തിയായതോടെ നിർമ്മാതാവായ ഷാജി ഇതിന്റെ ചിത്രങ്ങൾ തൻ്റെ ഫേസ്‌ബുക്ക് വാളിൽ പോസ്റ്റ് ചെയ്യുകയുണ്ടായി. നിരവധിയാളുകൾ ഈ ചിത്രം കാണുകയും ഷെയർ ചെയ്യുകയും ചെയ്തു. ഇതോടെ തീവണ്ടി മതിൽ സോഷ്യൽ മീഡിയയിൽ വൈറലായി മാറി. വ്യത്യസ്തമായ, വളരെ ആകർഷണീയമായ ഈ കലാവിരുത് കണ്ട് ഷാജിയെ അഭിനന്ദിക്കുവാനായി നിരവധിപേർ മുന്നോട്ടു വന്നു. കോഴിക്കോട് ആരാമ്പ്രം സ്വദേശിയായ ഷാജി ഇതിനു മുൻപും ഇത്തരം വ്യത്യസ്തമായ വർക്കുകൾ ചെയ്തിട്ടുണ്ട്. അവയിൽ ചിലതൊക്കെ മാധ്യമശ്രദ്ധ നേടുകയും ചെയ്തിരുന്നു. അങ്ങനെയാണ് മുഹമ്മദ് ഷാജിയെ കിണർ രൂപകൽപ്പന ചെയ്യുവാനായി ക്ഷണിക്കുന്നത്. പത്തു വർഷത്തോളമായി ഈ ഫീൽഡിൽ വർക്ക് ചെയ്യുന്ന ഷാജിയ്ക്ക് ഇത്രയധികം അംഗീകാരം ലഭിക്കുന്നത് ഇതാദ്യമായാണെന്ന് അദ്ദേഹം പറയുന്നു. ഇതിനെല്ലാം പുറമേ സ്വന്തമായി വീടിൻ്റെ മുഴുവൻ ഭാഗങ്ങളും നിർമ്മിച്ച് ഷാജി ശ്രദ്ധേയനായി മാറിയിരുന്നു. കോൺക്രീറ്റിങ് ഒഴികെ വീടിന്റെ എല്ലാ പണികളും ഷാജി സ്വന്തമായി രൂപകൽപ്പന ചെയ്യുകയായിരുന്നു.

വീട്ടുടമ മുഹമ്മദും കലാകാരനായ ഷാജിയും . ചിത്രം – മുഹമ്മദ് ബഷീർ.

എന്തായാലും കോഴിക്കോട് നിന്നും ഏകദേശം 25 കിലോമീറ്റർ ദൂരത്തായി സ്ഥിതി ചെയ്യുന്ന പാലങ്ങാട് എന്ന ഗ്രാമം തീവണ്ടി മതിലിന്റെ പേരിൽ ഇപ്പോൾ വാർത്തകളിൽ ഇടംനേടി പ്രശസ്തമായിരിക്കുകയാണ്. സംഭവമറിഞ്ഞു മുഹമ്മദിനെ റെയിൽവേയിലെ ഉന്നത ഉദ്യോഗസ്ഥരും അഭിനന്ദിക്കുകയുണ്ടായി. തൻ്റെ ജോലിയോടുള്ള ആദരവും ട്രെയിനുകളോടുള്ള സ്നേഹവും കൂടിയാണ് വീടിനു മുന്നിലെ മതിലിൽ മുഹമ്മദ് ഒരുക്കിയിരിക്കുന്നത്. റെയിൽവേ സിഗ്നൽ വിഭാഗത്തിൽ ജോലി നോക്കുന്ന മുഹമ്മദിന് ഇനി ജോലിസ്ഥലത്തും അതോടൊപ്പം വീട്ടിലെ ഒഴിവു സമയങ്ങളിലും കൺനിറയെ ട്രെയിൻ കാണാം. നിങ്ങൾക്കും ഇതുപോലെ വീടുകളുടെ മതിൽ വ്യത്യസ്തമായി ആവിഷ്‌ക്കരിച്ച് ആകർഷണീയമാക്കാവുന്നതാണ്. കഴിയുമെങ്കിൽ ഷാജി ആരാമ്പ്രത്തിനെ തന്നെ വിളിക്കുക. സംഭവം ഉഷാറാക്കിത്തരും…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post