ലഡാക്കിൽ കാത്തിരിക്കുന്ന ചില ‘എട്ടിൻ്റെ പണികൾ’ അറിഞ്ഞിരിക്കാം

Total
220
Shares

വിവരണം – Joshna Sharon Johnson.

ലഡാക്ക് സുന്ദരമാണ്. പക്ഷെ കേരളമല്ല ലഡാക്ക്. അവിടത്തെ ഓക്സിജൻ ലെവൽ, വായുവിലെ ഈർപ്പം, ഇവയെല്ലാം വളരെ കുറവാണ്. നിലവിലെ സാഹചര്യത്തിൽ മണാലി വഴി റോഡ് മാർഗം, അല്ലെങ്കിൽ ലേയിലേക്കു നേരിട്ട് ഫ്ലൈറ്റ് മാർഗമാണ് ലേയിൽ എത്താനുള്ള രണ്ടു വഴികൾ. ഫ്ലൈറ്റ് വഴി വരുകയാണെങ്കിൽ പ്രേത്യേകിച്ച് ആസ്ത്മ, ബിപി മുതലായ ആരോഗ്യ പ്രശ്നം ഉള്ളവരാണെങ്കിൽ ഡോക്ടറെ കണ്ടു അഭിപ്രായം തേടിയതിനു ശേഷം ലേയിലേക്ക് വരുക. ഡൈമോക്സ് മുതലായ ടാബ്ലെറ്റുകളാണ് കൂടുതൽ പേരും റെക്കമെന്റ് ചെയ്യുന്നത്. അല്ലാത്തവർ നല്ലവണ്ണം വെള്ളം കുടിക്കുക. കുറഞ്ഞത് നാലു ലിറ്റർ. വരുന്നതിനു രണ്ടു ദിവസം മുൻപും വന്നു രണ്ടു മുതൽ മൂന്നു ദിവസം വരെയും ഇത് തുടരുക. പിന്നീട് രണ്ടോ മൂന്നോ ലിറ്റർ കുടിച്ചാൽ മതിയാകും. വെള്ളം ആവശ്യത്തിന് കുടിച്ചാൽ ഓക്സിജൻ മാസ്ക്കൊക്കെ വെറും കോമഡിയാകും.

സൺഗ്ലാസ് മറക്കരുത്. കണ്ണടിച്ചു പോകും അല്ലെങ്കിൽ. ഡസ്റ്റ് മാസ്കും അത്യാവശ്യം. മണാലി വഴി റോഡ് മാർഗം വരുന്നവർക്കും വെള്ളം കുടി ബാധകമാണ്. വണ്ടികളെല്ലാം ബസ് ആയാലും ഷെയർ ടാക്സി ആയാലും ഇടക്കൊക്കെ നിർത്തിത്തരുന്നത്കൊണ്ട് മറ്റുള്ള ശങ്കളൊന്നും വേണ്ട. വരുന്ന വഴിക്ക് കിട്ടുന്നതെല്ലാം വലിച്ചു തിന്നരുത്, പണി കിട്ടും. പനി, വയറ്റിളക്കം, തലവേദന മുതലായവ. ഫ്രൂട്സും, ഡ്രൈ ഫ്രൂട്സും വെള്ളവും പെർഫെക്റ്റ് ചോയ്‌സ് ആണ്. തണുപ്പിന് സിഗരറ്റ് വേണ്ട. ഈ യാത്രയിൽ അതൊഴിവാക്കുന്നതാണ് ഉത്തമവും. ചായ, കോഫീ, സൂപ്പ് എന്നിവ ആകാം.

ബൈക്ക് നല്ലവണ്ണം ഓടിക്കാനറിയാമെങ്കിൽ മാത്രം റെന്റ് ബൈക്ക് എടുത്തു വരുക. മണാലി മുതൽ ലേഹ് വരെ 473 കിലോമീറ്റർ ദൂരമെന്നത് 1000 കിലോമീറ്റർ ആയി കൂട്ടണം. റോഡ് മോശമാണ്. കൊടും തണുപ്പ്, മഞ്ഞു വീഴ്ച, കാറ്റ്, മഴ എന്നിവ തീർച്ചയായും പ്രതീഷിക്കാം. ഹെൽമെറ്റ് ചെക്ക് ചെയ്യാനായി ആരുമുണ്ടാകില്ല. എന്നാൽ ഹെൽമെറ്റ് വക്കാതിരുന്നാൽ 8+8=16 ന്റെ പണി കിട്ടും. ഇങ്ങോട്ടു വരും വഴി ഹെൽമെറ്റ് ഊരിവച്ച്‌ പ്രകൃതി ഭംഗി ആസ്വദിയ്ക്കാൻ നിന്ന ഒരു സുഹൃത്തിന്റെ തലയിൽ കല്ല് (shooting stone) വീണു പണികിട്ടിയത് അടുത്താണ്.ബൈക്കിൽ കയറുമ്പോൾ വയ്ക്കുന്ന ഹെൽമെറ്റ് ഇവിടെ വന്നിട്ട് ഊരിയാൽ മതി.

മണാലിയിൽനിന്ന് ഒറ്റദിവസം കൊണ്ട് മാരത്തൺ നടത്താതെ രണ്ടു ദിവസം കൊണ്ട് വന്നാൽ സ്ഥലങ്ങളും കാണാം. ശരീരവും നന്നായിരിക്കും. തിരക്ക് കുറഞ്ഞ അവസ്ഥയിൽ റൂമുകൾ ബുക്ക് ചെയ്തു വന്നില്ലെങ്കിലും കുഴപ്പമില്ല. അത്യാവശ്യം സൗകര്യങ്ങളുള്ള രണ്ടുപേർക്ക് ഉപയോഗിക്കാവുന്ന മുറികൾ 500 രൂപമുതൽ മുകളിലേക്ക് കിട്ടും. ഡോർമെട്രികളും ഉണ്ട്. സിം ഇവിടെ വന്നു എടുക്കുന്നതിലും നല്ലത്, എയർടെൽ, BSNL മുതലായ സിമ്മുകളാണെങ്കിൽ പോസ്റ്റ് പെയ്ഡ് ആക്കി കൊണ്ടുവരുക. മറ്റുള്ള നെറ്റ്-വർക്കിലുള്ള സിമ്മുകൾ കസ്റ്റമർ കെയറിൽ വിളിച്ചുപറഞ്ഞു വരും മുൻപ് മാറ്റി കൊണ്ടുവരാം.

സ്ഥലങ്ങൾ കാണാനുള്ള പെർമിറ്റിന് ടൂർ ഇൻഫർമേഷൻ സെന്ററിൽ പോയാൽ മതി. പോകും മുൻപ് ഒരു കഫെയിൽ കയറി ഓൺലൈൻ അപ്ലിക്കേഷൻ കൊടുത്തു, അതിന്റെ പ്രിന്റ് എടുത്ത് അതുംകൊണ്ട് പോകുക. പ്രിന്റിങ് ചാർജ്, ഫില്ലിംഗ് ചാർജ് ഉൾപ്പെടെ 100 രൂപയിൽ അധികമാകില്ല. ബാക്കി അടക്കേണ്ട പണം ആ പ്രിന്റിൽ ഉണ്ടാകും. അത് ടൂർ ഇൻഫർമേഷൻ ഓഫീസിൽ അടക്കുക. മണ്ടത്തരം പറ്റി ആയിരങ്ങൾ കളയാൻ നിൽക്കരുതെന്നാണ് ഉദ്ദേശിച്ചത്.

മണാലിയിൽ നിന്നുള്ള റെന്റ് ബൈക്ക് കർതുന്ഗ്ല വഴി കയറ്റി വിടില്ല. സ്വന്തം വണ്ടികൾക്ക് പ്രശ്നമില്ല. അതുകൊണ്ടു മണാലിയിൽ നിന്ന് വണ്ടിയെടുക്കുന്നവർ ഇത് പറഞ്ഞാൽ രണ്ടു ദിവസത്തെ പണത്തിന്റെ ഇളവ് അവർ ചെയ്തു തരും. ആ പണത്തിന് ലേയിൽ നിന്ന് വണ്ടി റെന്റിനെടുക്കാം. ഇത് അവരോടു മുൻകൂട്ടി പറഞ്ഞില്ലെങ്കിൽ തിരികെ ചെല്ലുമ്പോൾ അവർ സമ്മതിക്കില്ല. ഇനി ഏതെങ്കിലും കാരണവശാൽ അവിടെ നിന്ന് വണ്ടിയെടുക്കുകയും അവിടെ ഇക്കാര്യം സൂചിപ്പിക്കാൻ മറക്കുകയും ചെയ്താൽ, വന്ന ദിവസം പെർമിറ്റ് എടുത്തതിനു ശേഷം പിറ്റേന്ന് അതിരാവിലെ (5-6) കർതുന്ഗ്ല കയറുക. ചെക്കിങ് ഗവണ്മെന്റ് ചെക്കിങ് അല്ല. ഇവിടുത്തെ ലോക്കൽ അസോസിയേഷൻ ചെക്കിങ് ആണ്. അതുകൊണ്ടു തന്നെ ഇത് ലംഘിച്ചാലും നിയമപ്രശ്നങ്ങൾ ഇല്ല.

അവിടുത്തെ നെറ്വർക്കിന്റെ ഗുണം കൊണ്ട് കാർഡ്, ഓൺലൈൻ പേയ്മെൻറ്സ് തീരെയില്ല, ഉള്ളതൊക്കെ ദുരന്തമാണ്. അതുകൊണ്ടു ലിക്വിഡ് ക്യാഷ് കയ്യിൽ കരുതണം. കള്ളന്മാർ ലേയിൽ വംശനാശം സംഭവിച്ച ജീവികളാണ്. അതുകൊണ്ടു മോഷണഭീതി വേണ്ട. ലേയിൽ നിന്ന് മറ്റിടങ്ങളിൽ സ്വന്തമായുള്ള അല്ലെങ്കിൽ റെന്റ് വണ്ടിയിൽ കറങ്ങാൻ പോകുമ്പോൾ പെട്രോൾ അല്ലെങ്കിൽ ഡീസൽ കയ്യിൽ കരുതുക. അവിടുത്തെ ഉൾമേഖലയിലുള്ള പമ്പുകളെല്ലാം വെറും കാഴ്ചക്ക് മാത്രമാണ്. പണി കിട്ടാതിരിക്കാനും കിട്ടിയാലും സഹായങ്ങൾക്കും വിളിക്കാം – 8086932149, 8848392395.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post