ഒട്ടും പ്രതീക്ഷിക്കാതെ കൈവന്ന ഒരു കെഎസ്ആർടിസി ഇലക്ട്രിക് ബസ് യാത്ര…

Total
9
Shares

വിവരണം – അരുൺ ബാബു.

വെക്കേഷൻ ആയതിനാൽ വീട്ടിലേക്ക് സന്ദർശനത്തിന് എത്തിയ പെങ്ങളുടെ മക്കളെ കൊണ്ട് വിടാനും ഏറെ ആഗ്രഹിച്ച ഒരു ക്ഷേത്രോത്സവം കൂടാനും വേണ്ടി നടത്തിയ ഒരു പ്ലാന്ഡ് യാത്ര.. പക്ഷേ കാറിലെ സ്ഥലപരിമിതി മൂലം നാടുകാണി വഴി നടത്തിയ യാത്ര പെരിന്തൽമണ്ണ എത്തിയപ്പോൾ ഞാൻ ബസിലേക്ക് മാറ്റി. കഥയിലെ ട്വിസ്റ്റെന്തെന്നു വച്ചാൽ കിട്ടിയ അവസരം ശരിക്കും ആസ്വദിച്ചു എന്നതാണ് സത്യം. വഴിക്കടവ് മുതൽ നിലമ്പൂർ വരെ പ്രമുഖന്റെ വഴിക്കടവ് സൂപ്പറിനെ പിടിക്കാൻ പരാക്രമം.. പക്ഷേ ശ്രമം വിഫലമാക്കി പ്രമുഖൻ കടന്നു കളഞ്ഞു..പെരിന്തൽമണ്ണ നിന്നും തൃശൂർ വരെ RSM 863(TSY) താമരശ്ശേരിയുടെ ഫാസ്റ്റ് പാസഞ്ചർ… ഏതാണ്ട് 1 മണിക്കൂർ 30 മിനിറ്റ് കൊണ്ട് തൃശൂർ എത്തി.. ഇടയ്ക്ക് വീട്ടുകാർ വിളിച്ചു ചോദിച്ചു താമരശ്ശേരിയുടെ തന്നെ തിരുവനന്തപുരം സൂപ്പർ ഫാസ്റ്റിലാണോ എന്ന്.. ഞാൻ പറഞ്ഞു അല്ല തൃശൂർ ബസാണ് എന്ന്…

തൃശൂർ ഡിപ്പോയുടെ കവാടത്തിൽ എത്തിയപ്പോൾ അതാ വരുന്നു എറണാകുളം ഡിപ്പോയുടെ JN 334 ചിൽ ബസ്.. ഓടി അതിൽ കയറി.. പക്ഷേ ചിൽ ബസ് ചതിച്ചു.. എസിയ്ക്ക് പവർ പോരാ. ഏതാണ്ട് ഉച്ചയ്ക്ക് രണ്ട് മണിയോടെ എറണാകുളം സൗത്ത് സ്റ്റാൻഡിൽ ഫുഡും കഴിച്ചു പോസ്റ്റ്. ചാർജ് ചെയ്യാൻ കിടന്ന ഇലക്ട്രിക് ബസ് ഒന്ന് വലം വച്ച് നേരെ റിസർവേഷൻ കൗണ്ടറിൽ. അവിടിരുന്ന സാർ പറഞ്ഞു ഇലക്ട്രിക് ബസിന് റിസർവേഷൻ ഇല്ല എന്ന്. പകുതി ആശ്വാസം.. അന്വേഷണ കൗണ്ടറിൽ കൊല്ലത്തേക്ക് ബസ് ചോദിച്ചു. വൈകിട്ട് മൂന്നരയോടെ ചിൽ ബസ് ഉണ്ടെന്ന് പറഞ്ഞു. കിട്ടിയ ചിൽ ബസിൽ തിരക്കിനിടയിൽ ഒരു സീറ്റ് തരപ്പെടുത്തി ഇരുന്നപ്പോൾ ദാ വരുന്നു നമ്മുടെ കഥാനായകൻ. കക്ഷി വന്നപാടെ ട്രാക്ക് പിടിച്ചു.

ഇറങ്ങി ഓടി അതിലെ പിൻ വാതിലിന് അടുത്ത സീറ്റിൽ ഇരുന്നു. ചെറുപ്പക്കാരൻ ചുള്ളൻ ഡ്രൈവർ ചേട്ടൻ സ്മൂത്തായി വണ്ടി വിടുന്നു. തൃശൂർ സ്വദേശിയാണ് ഡ്രൈവർ. തിരുവനന്തപുരം കഴക്കൂട്ടം സ്വദേശിയായ കണ്ടക്ടർ.. അവർ പറഞ്ഞു. രാവിലെ നാലു മണിക്ക് തിരുവനന്തപുരത്ത് നിന്ന് എടുത്ത ബസ് 10 മണിയ്ക്ക് എറണാകുളം എത്തി. ചാർജ് ചെയ്യാൻ വേണ്ടി ആലുവ( എറണാകുളം-ആലുവ കാലി) വരെ പോയി. എറണാകുളം ഡിപ്പോയിലെ ചാർജർ ഇടയ്ക്ക് ഡ്രിപ്പ് ആകുന്നു എന്നതാണ് പ്രശ്നം. അഞ്ചര മണിക്കൂർ വിശ്രമം കഴിഞ്ഞ് ബസ് തിരിച്ചു 3.30 ന് തിരുവനന്തപുരത്തേക്ക്..

വൈറ്റില മൊബിലിറ്റി ഹബിൽ എത്തിയപ്പോൾ ഏകദേശം എല്ലാ സീറ്റുകളും ഫുൾ.. എല്ലാ ടിക്കറ്റുകളും ആലപ്പുഴയ്ക്ക് ശേഷം വന്നതിനാൽ വലിയ തടസ്സം ഇല്ലാതെ ഹരിപ്പാട് എത്തി. അതിനിടെ 30% ത്തിൽ എത്തിയ മൊബൈൽ ബാറ്ററി വൈറ്റില നിന്ന് ഹരിപ്പാട് എത്തുന്നതിനു മുൻപേ ഫുൾ യു എസ് ബി ചാർജ്ജ് ചെയ്തു. ഓരോ സീറ്റിലും 2 യു എസ് ബി പോർട്ട് വീതം നൽകിയിട്ടുണ്ട്. ഹരിപ്പാട് എത്തുന്നതിനു മുൻപ് ബസ്സിന്റെ ബാറ്ററി ചാർജ്ജ് 48.9%. അവിടെ ഏതാണ്ട് മുക്കാൽ മണിക്കൂർ ചാർജ്ജ് ചെയ്തു. രാത്രിയുടെ തിരക്കും ഇടയ്ക്ക് ഒരു ഉത്സവത്തിന്റെ തടസ്സവും കഴിച്ചു രാത്രി 8:30 ന് കൊല്ലത്ത് എത്തിച്ചു.

നല്ല വണ്ടി, വൈബ്രേഷൻ ഇല്ല.. സ്വകാര്യ ബസുകൾ എസിയ്ക്ക് ആശ്രയിക്കുന്ന ജ്യിംഗിയാണ് എ സി നൽകിയിരിക്കുന്നത്. സാധാരണ എസി വെന്റുകൾക്ക് പകരം കാറിന്റെ ഡാഷ് ബോർഡ് ടൈപ് വെന്റാണ്. അപകടം ഒഴികെ പലപ്പോഴും റീജിയണൽ വർക് ഷോപ്പിലേക്ക് ബസ് കൊണ്ട് പോകുന്നത് റീജിയണൽ വർക് ഷോപ്പിന് ഏറ്റവും അടുത്ത ഡിപ്പോയിലേക്ക് സർവീസായാണ്. ആലുവ റീജിയണൽ വർക് ഷോപ്പിൽ ചാർജ് ചെയ്യാൻ പോകുന്ന അവസരത്തിൽ കഴിയുമെങ്കിൽ 36 കിലോമീറ്റർ (18+18) സർവീസായി തന്നെ ഓടിക്കാൻ അനുവദിച്ചാൽ നന്നായിരിക്കും. നിലവിൽ ഹരിപ്പാട്ടുള്ള ചാർജ്ജിംഗ് പോയിന്റ് യാത്രക്കാരുടെ കൂടി പ്രാഥമികാവശ്യങ്ങൾ നിർവഹിക്കാനും ആവശ്യമെങ്കിൽ ലഘുഭക്ഷണം കഴിക്കാനുമുള്ള സൗകര്യമൊരുക്കി കായംകുളത്ത് സജ്ജീകരിച്ചാൽ നല്ലതാണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post