ട്രിവാൻഡ്രം കഫേ : പൂജപ്പുരയിലെ ഒരു മികച്ച റെസ്റ്റോറൻറ്

Total
1
Shares

വിവരണം – പ്രവീൺ ഷൺമുഖം (ARK – അനന്തപുരിയിലെ രുചി കൂട്ടായ്മ).

കുടുംബവുമായി പൂജപ്പുര സരസ്വതി മണ്ഡപത്തിൽ പോയതാണ്. പിള്ളേർക്ക് ഒന്ന് ആർമാദിക്കാൻ. കൂടെ നമുക്കും. തിരിച്ച് ഇറങ്ങാറായപ്പോൾ ഇളയ മോൾക്ക് ഒരു മൂത്രശങ്ക. നമ്മുടെ തിരുവനന്തപുരത്ത് പബ്ലിക് ടോയ്‌ലറ്റുകളുടെ കുറവ് വലിയ ഒരു പ്രശ്നമായി തോന്നിയിട്ടുള്ള സന്ദർഭങ്ങളിൽ ഒന്ന്. അടുത്ത പോംവഴി ടോയ്ലറ്റ് ഉള്ള ഒരു റെസ്റ്റോറൻറ് കണ്ടു പിടിക്കണം. അതും പെട്ടെന്ന് വേണം. തിരുവനന്തപുരത്ത് നല്ല ടോയ്‌ലറ്റ് ഉള്ള എത്ര റെസ്റ്റോറൻറ് ഉണ്ട്. അതും ഒരു ചോദ്യമാണ്. നമുക്ക് ഒരു പോസ്റ്റ് ഇട്ടാലോ, ആലോചിക്കേണ്ട ഒരു വിഷയം തന്നെയാണെങ്കിലും തൽക്കാലം അതവിടെ നിൽക്കട്ടെ. നമുക്ക് ഇങ്ങോട്ട് വരാം.

സരസ്വതി മണ്ഡപത്തിൽ നിന്നും ഇറങ്ങി ഇടത്തോട്ടുള്ള റോഡ് വഴി താഴോട്ട് നടന്നപ്പോൾ കണ്ണിൽ പെട്ടത് വലതുവശത്തെ ട്രിവാൻഡ്രം കഫേയാണ്. ഞാൻ പുറത്തു നിന്നു. ഭാര്യ പിള്ളാരെയും കൊണ്ടുപോയി. ടോയ്ലറ്റ് ഉള്ള വഴി കുറച്ച് ഇരുട്ടായിരുന്നു. അകത്ത് ആവശ്യത്തിന് വൃത്തി ഉണ്ടായിരുന്നു എന്നു പറഞ്ഞു. വേറെ മേന്മ യൊന്നും പറയാനില്ല. സ്പേസ് വളരെ കുറവാണ്. എന്തായാലും സംഗതി ശുഭമായി കഴിഞ്ഞു. അവിടെ നിന്ന് ആഹാരം ഒന്നും കഴിച്ചില്ലെങ്കിലും ഹോട്ടലുകാർ മുഷിവ് ഒന്നും കാണിക്കാതെ ടോയ്ലറ്റ് കാണിച്ചു കൊടുത്തത് നല്ലൊരു കാര്യമായി തോന്നി.

ഈ ഹോട്ടലിൽ തന്നെ ആഹാരം കഴിക്കാനും കയറിയാലോ, കൊള്ളാമെങ്കിൽ റിവ്യൂവും ഇടാം. ആരും പറഞ്ഞ് കേട്ടിട്ടില്ല. അറിയാവുന്ന ദൈവങ്ങളെയൊക്കെ വിളിച്ച് അകത്തുകയറി കയറി. അകം കൊള്ളാം. വൃത്തി ഉണ്ട്. 32 പേർക്ക് വിശാലമായി ഇരിക്കാൻ സ്ഥലം ഉണ്ട്. ഓപ്പൺ കിച്ചൺ. ആകപ്പാടെ കൊള്ളാം. അജിനോമോട്ടോ ഇത്യാദികൾ ഇല്ല, പാമോയിൽ, സൺഫ്ലവർ, വെളിച്ചെണ്ണയിൽ ആണ് പാചകം എന്നൊക്കെ ബോർഡ് കണ്ടു. ഇനി ആഹാരം. ചെട്ടിനാടൻ ചിക്കനും പൊറോട്ടയും ആണ് പറഞ്ഞത്. ആഹാ നല്ല ടേസ്റ്റ്, ഇതൊക്കെ ഇവിടെ ഉണ്ടായിരുന്നോ, കൊള്ളാം.

നല്ല ക്വാണ്ടിറ്റിയും രുചിയും. സംതൃപ്തിയോടെ കഴിച്ചിറങ്ങി കാശെലല്ലാം കൊടുത്തു കഴിഞ്ഞ് കാര്യങ്ങൾ ചോദിച്ചപ്പോൾ ഇവിടെ തുടങ്ങിയിട്ട് ഏഴ് വർഷമായി എന്ന് അറിഞ്ഞു. ഇത് വഴി തേരാ പാരാ പോകുമ്പോഴും ഒന്നു നോക്കുമെന്നല്ലാതെ ഇത് വരെ കേറിയിട്ടില്ല. വൈകുന്നേരം ചിക്കൻ, ബീഫ് വിഭവങ്ങൾ ഉണ്ടെന്ന് അറിഞ്ഞു. ചൈനീസ്, നാടൻ വിഭവങ്ങൾക്ക് പ്രത്യേകം പ്രത്യേകം ഗ്രേവിയാണ് തയ്യാറാക്കുന്നത്. ഫ്രൈയിന് വെളിച്ചെണ്ണ മാത്രമാണ് ഉപയോഗിക്കുന്നത്. ഉച്ചയ്ക്ക് ഇലയിൽ ഊണ് ഉണ്ട്. 70 രൂപയാണ്. വിഭവങ്ങളൊക്കെ പറഞ്ഞു കേട്ടപ്പോൾ കൊള്ളാലോ ഇനി അടുത്തത് അത് എന്നും വിചാരിച്ചു ഇറങ്ങി.

അങ്ങനെ ഒരു ദിവസം വീട്ടിൽ നിന്ന് ഇറങ്ങിയപ്പോൾ ചോറ് ആയിട്ടില്ല. ഉച്ചയ്ക്ക് നേരെ അടുത്തുള്ള ട്രിവാൻഡ്രം കഫെയിലേക്ക് വിട്ടു. റോഡിൽ തിരക്കുള്ള സമയം കാർ പാർക്ക് ചെയ്യാൻ സ്ഥലം കുറവാണ്. കുറച്ചു മുന്നിലായി വലതുവശത്ത് വണ്ടി ഒതുക്കി ഹോട്ടലിലേക്ക് കയറി. അത്യാവശ്യം തിരക്കുണ്ട്. ഫാമിലി ആയിട്ടും അല്ലാതെയും ആൾക്കാരുണ്ട്. ഒരു ഇരിപ്പിടം നോക്കി ഇരുന്നു. വാഴയില എത്തി. വിളമ്പാൻ അധികം താമസിച്ചില്ല. മാങ്ങാ അച്ചാർ, തേങ്ങ ചമ്മന്തി, ബീൻസ് തോരൻ, ബീറ്റ്റൂട്ട് കറി, അവിയൽ, തക്കാളിക്കറി, പപ്പടം, പരിപ്പ്, ചോറ്. പരിപ്പ് ചോറിൽ ഒഴിച്ച് പപ്പടം പൊടിച്ചു ചേർത്തു കഴിക്കാൻ തുടങ്ങിയപ്പോഴേ മുഖം തെളിഞ്ഞു. ഇതു മിന്നും. നല്ല രുചി.

കൂട്ടു കറികളൊക്കെ ആദ്യം ഒന്ന് പിടിച്ചാണ് വിളമ്പിയതെങ്കിലും തീർന്നപ്പോൾ വീണ്ടും നല്ല അളവിൽ വിളമ്പാൻ അമാന്തം ഉണ്ടായില്ല. എല്ലാ കറികളും നന്നായിരുന്നു. ഒന്നിനും ഒരു കുറ്റവും പറയാനില്ല. അടുത്തത് സാമ്പാർ. നന്നായിരുന്നു. വെള്ള പായസം ഒരു കിണ്ണത്തിൽ കിട്ടിയത് ഇലയിൽ ഒഴിച്ചു കഴിച്ചു.കൊള്ളാം. പുളിശ്ശേരി, രസം എല്ലാം ബലേഭേഷ്. തൈര് അത്ര കട്ടിയല്ല എങ്കിലും തെറ്റു പറയാനില്ല. നന്നായിരുന്നു. എല്ലാം കൂടി 70 രൂപ. ടേസ്റ്റ് അറിയാൻ വാങ്ങിച്ച കണവ കറിയും കൊള്ളാം. നൂറു രൂപയ്ക്ക് worth ആണ്. ഇല എടുക്കേണ്ട. അവർ എടുത്തോളും. ടോട്ടലി സംതൃപ്തിയോടെ കഴിച്ചു എഴുന്നേറ്റു. സർവീസ് തൃപ്തികരമായിരുന്നു. തിരക്കിനിടയിലും എല്ലായിടത്തും ശ്രദ്ധ എത്തുന്നുണ്ട് . വൃത്തിയും ഉണ്ട്. പൂജപ്പുര വഴി പോകുമ്പോൾ വിശ്വസിച്ച് ആഹാരം കഴിക്കാൻ പറ്റിയ ഒരു റെസ്റ്റോറൻറ്. (എന്റെ അനുഭവം).

ലൊക്കേഷൻ: ജഗതിയിൽ നിന്ന് പൂജപ്പുര പോകുമ്പോൾ റൗണ്ട് എബൗട്ട് എത്തുന്നതിനു മുമ്പായുള്ള ഇടതുവശത്തെ റോഡിൽ കയറി കുറച്ചു മുന്നോട്ടു പോകുമ്പോൾ റെസ്റ്റോറന്റ് ഇടതുവശത്തായി വരും. 7 വർഷമായി പ്രധാനപ്പെട്ട സ്റ്റാഫുകൾ മാറിയിട്ടില്ല. Management ഇടയ്ക്ക് ഇടയ്ക്ക് മാറാറുണ്ട്. ഇപ്പോൾ നടത്തുന്ന ആൾ മെയ് മുതലാണ് നടത്തുന്നത്. പുള്ളി മുൻപും ഇതേ ഹോട്ടൽ നടത്തിയിട്ടുണ്ട്. Partners 3-4 പേരുണ്ട്. അവർ ഇടയ്ക്കിടയ്ക്ക് മാറി മാറി മാനേജ്മെന്റ് ചെയ്യും എന്നാണ് അവിടെ നിന്നിരുന്ന പഴയ സ്റ്റാഫ് പറഞ്ഞത്. ഓണറിനെ കോൺടാക്ട് ചെയ്യാൻ, പുള്ളി സ്ഥലത്തില്ല പുറത്താണെന്നും പറഞ്ഞിട്ടുണ്ട്. Seating Capacity: 32, Timings: 8 AM to 10:30 PM.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post