ബാലുച്ചേട്ടനും തമ്പിച്ചേട്ടനും സ്നേഹങ്ങളും നിറങ്ങളും വാരിവിതറുന്ന തിരുവനന്തപുരം

Total
0
Shares

വിവരണം – സത്യ പാലക്കാട്.

അങ്ങനെ ഒരുപാട് സഞ്ചാരികളുടെ സ്നേഹങ്ങളും സഹായങ്ങളും കാരണം മനസിൽ കാത്ത്സൂക്ഷിച്ച യാത്ര തുടങ്ങുന്ന ദിവസം.. രാത്രി എട്ട് മണി, പുറത്ത് ഇടിവെട്ടും, വീടിനകത്ത് ദോശയും കഴിച്ചിരിക്കുന്ന ഞാനും. അമ്മയായി സംസാരിച്ച് സൈക്കിളുമായി (ഓജ ) എട്ടരയാകുമ്പോ പുറത്തേക്ക് ഇറങ്ങി. അമ്മി യാത്രക്ക് എത്ര സമയമെടുക്കും എന്നൊന്നും എനിയ്കറിയില്ല. ഒരു എത്തും പിടിത്തോം ഇല്ലാത്ത യാത്രയാണ് ഇറങ്ങുവാണ് … ശരിയെന്ന ..ട്ടോ ..! അഞ്ഞൂറ് രൂപ കൈതന്നിട്ട് പറഞ്ഞ് “ഇത് കയ്യിൽ വെക്ക് ,പിന്നെ ഫോൺ വിളിച്ച എടുത്തോണം വേറെ പ്രത്യേകിച്ച് ഒന്നൂല്ല , അപ്പൊ ശരി നീ വിട്ടോ മകനെ …! മഴക്ക് മുന്നേ ട്രെയിൻ കേറിക്കോ ..!”

പാലക്കാട് ഒലവക്കോട് സ്റ്റേഷനിൽ പെയ്തിരുന്ന മുഴുവൻ മഴയും ഇടിവെട്ടായി കൊണ്ട് പാർസൽ ഓഫീസിൽ കേറി ഓജക്കുള്ള മുപ്പതുരൂപ ട്രെയിൻ ചാർജും കൊടുത്ത് നനഞ്ഞു പിണ്ടിയായി ജനറലിൽ കേറി , രാജാവായി ഒറ്റഉറക്കം. പിന്നെ അടുത്ത സീൻ ട്രിവണ്ടറത്ത്. രാവിലെ എത്തി ഓജയെ വാങ്ങിച്ച് തമ്പാനൂരിൽ ഒരു കുളിയും പാസാക്കി ചുമ്മാ കറങ്ങി. മാനവീയം വീഥി എത്തി. ട്രിവാൻഡത്ത് പണ്ട് ജോലി ഉണ്ടായിരുന്നത് കൊണ്ട് സിറ്റി മുഴുവനായി അറിയാം.

എനിക്ക് ട്രിവണ്ടറത്ത് ഏറ്റവും ഇഷ്ടമുള്ള കാര്യം എന്താച്ചാ നഗരം കളർഫുള്ളാണ്. മനസിനെ സന്തോഷത്തിൽ എത്തിക്കാൻ കണ്ണിലെ കാഴ്ചകൾ പറ്റും. മുക്കിലും മൂലയിലും ആര്ട്ട് ആണ്. ട്രിവണ്ടറത്ത് എത്തിയാൽ ആദ്യം വിളിക്കുക മ്മടെ മുത്ത് തമ്പിച്ചേട്ടനെയാണ്. വെറുതെ പറയല്ല , മാസാണ് പൊളിയാണ്.. സ്നേഹിച്ച് കൊല്ലും മനുഷ്യനെ. എന്നെ മാത്രല്ല മൂപ്പർടെ കൂടെ നിക്കണ എല്ലാരേയും. ശരീരം മൊത്തം സ്നേഹമുള്ള മനുഷ്യനാണ്. അതാണ് ആ തടിയുടെ പ്രത്യേകത.. പഴയ ജോലി സ്ഥലത്ത് കിട്ടിയ മുത്താണ് ഈ മുത്ത്. ഞാൻ വിളിച്ചു, വന്നു വീട്ടികൊണ്ടുപോയി. ഒരുപാട് ഭക്ഷണം, സന്തോഷം അങ്ങനെ എല്ലാം, അന്നത്തെ ദിവസം കറക്കത്തോട് കറക്കം.

തിരുവനതപുരത്ത് കാണാത്ത സ്ഥലങ്ങൾ ഇല്ല. മുക്കും മൂലയും കടത്തിണ്ണകളും എല്ലാം പണ്ട് പോയിട്ടുണ്ട് അനുഭവിച്ചിട്ടുണ്ട് .. ഈ യാത്രയിൽ എന്റെ മനസിനെ പറഞ്ഞ് പഠിപ്പിച്ചത് “സത്യാ ഈ പോകുന്ന യാത്രയിൽ കാണുന്നതെല്ലാം പുതിയാതായി അനുഭവിക്കുക. അതിൽ നിന്ന് സന്തോഷത്തിന്റെ അളവ് കൂട്ടാൻ ശ്രമിക്കുക. ഒരു പ്രവാസി പത്ത് വർഷം കഴിഞ്ഞ് നാട്ടിലേക്ക് വന്നാലുള്ള മാനസിക അവസ്ഥ അല്ലേൽ ഒരു ഫോറിനർ ആദ്യമായി കേരളം കണ്ടാലുള്ള അതേ അനുഭൂതിയിൽ കാണുക.. പിന്നെ വേറെ ഒരു വ്യക്തമായ കാര്യം പോകുന്ന യാത്രയിൽ സ്ഥലത്തേക്കാൾ ജീവിതങ്ങളും മനുഷ്യരെയും കാണുക എന്നതാണ്. ഈ യാത്രയിൽ സമയം എന്നതിന് സ്ഥാനമില്ല. കാണാത്ത ഒരുപാട് പേരെ കാണണം. അതൊക്കെ അല്ലെ ജീവിതത്തിൽ ഒരു ത്രില്ല്. ഏഹ്..”

ബാലുച്ചേട്ടൻ : ബാലുച്ചേട്ടനെ ഒരുപാട് പേർക്ക് വയലിനിസ്റ്റായി അറിയാം. വയലിൻ കൊണ്ട് ഒരുപാട് വിസ്മയിപ്പിച്ചിട്ടുണ്ട് , കോരിത്തരിപ്പിച്ചിട്ടുണ്ട് , താലോലിച്ചിട്ടുണ്ട് , കരയിപ്പിച്ചിട്ടുണ്ട് …! ഇതെല്ലാത്തിനും അപ്പുറം ബാലുച്ചേട്ടൻ പച്ചമനുഷ്യനാണ്. നേരിട്ട് കണ്ടവർക്കറിയാം. തമ്പിച്ച ചേട്ടനെ കണ്ട അതേ സമയത്തൊക്കെയാണ് തമ്പിച്ചേട്ടൻ എനിക്ക് ബാലുച്ചേട്ടനെ (ബാലഭാസ്കർ) പരിചയപെടുത്തി തരുന്നത്. ആദ്യം കണ്ടപ്പോൾ തന്നെ എനിക്ക് ഫോട്ടോ എടുക്കാനോ മറ്റൊന്നിനും തോന്നിയില്ല. അത്രക്ക് സിമ്പിൾ ബാലുച്ചേട്ടൻ. ആ ദിവസം തന്നെ പറഞ്ഞു സത്യാ അപ്പൊ കാണാം. ആ കാണാം എന്ന് പറഞ്ഞത്. ബാലുച്ചേട്ടന്റെ കൂടെയുള്ള സൗഹൃദം അവസാന രണ്ട് വർഷമായി ഉണ്ട്. അനന്തപുരി നഗരം ഏറ്റവും കൂടുതൽ അടിച്ച് പൊളിച്ചത് തമ്പിച്ചേട്ടനും ബാലുച്ചേട്ടനും കൂടെ ഉള്ളപ്പോഴാണ്.

ബാലുച്ചേട്ടൻ കൂടെ ഉണ്ടേൽ കൂടെ ഉള്ളവരും അതെ സന്തോഷത്തിലായിരിക്കും. ഒരുപാട് യാത്രകൾ, ഭക്ഷണങ്ങൾ, മനുഷ്യർ , അങ്ങനെ എന്നെ സംബന്ധിച്ചിടത്തോളം ബാലുച്ചേട്ടന്റെ കൂടുയുള്ളപ്പോ മാജിക്ക് പോലെയാണ്. അതുപോലെ തന്നെ തമ്പിച്ചേട്ടന്റെയും ബാലുച്ചേട്ടന്റെയും സൗഹൃദം അത് വേറെ ലെവൽ ആണ്.. ബാലുച്ചേട്ടന്റെ കൂടെ നിന്ന് എല്ലാ ചെറിയ കാര്യത്തിലും സന്തോഷം കണ്ടെത്താൻ ഇപ്പഴും ശ്രമിക്കാറുണ്ട്.. ബാലുച്ചേട്ടൻ ആൾക്കാരോട് ഇടപഴകുന്നത് കണ്ടാൽ തന്നെ ആരായാലും സ്നേഹത്തോടെ ചിരിച്ച് കൂടെ നിൽക്കും. എപ്പഴും എങ്ങനെയാണ് ഈ പുഞ്ചിരി നിലനിർത്തുന്നത് എന്ന് ഇന്നേവരെ എനിക്ക് മനസിലായിട്ടില്ല ….!

യാത്രയുടെ തലേദിവസം ബാലുച്ചേട്ടനുമായി ഒരുപാട് നേരം സംസാരിച്ചിരുന്നു. വല്ലാത്ത മോട്ടിവേഷനാണ്. നമ്മൾ മനസ്സറിഞ്ഞ് ഇഷ്ടപ്പെടുന്നത് കണ്ടാൽ ബാലുച്ചേട്ടൻ കട്ടക്ക് കൂടെ നിൽക്കും. അതിപ്പോ ആരായാലും അങ്ങനെ തന്നെയാണ്. കട്ടനും മുറുക്കും കഴിച്ച് ബാലുച്ചേട്ടൻ ഒരു ഹഗ്ഗും തന്ന നിറപുഞ്ചിരിയോടെ “പോയിട്ട് വാടാ, എല്ലാം പോസറ്റീവ് ആവട്ടെ” എന്ന് പറഞ്ഞ് ബാലുച്ചേട്ടൻ പോയി. ഈ ദിവസം ബാലുച്ചേട്ടനെ കാണുന്നത് അവസാനമായിട്ടായിരിക്കും എന്നെനിക്കറിയില്ലാർന്നു. അവസാനത്തെ ഞാൻ കണ്ട കാഴ്ച “സത്യാ സന്തോഷായി പോയിട്ട് വാട്ടോ, എന്തേലും പ്രശ്നങ്ങൾ ഉണ്ടെങ്കിൽ വിളിക്കെന്ന് പറഞ്ഞ് എപ്പഴുമുള്ള ചിരി. ബാലുച്ചേട്ടൻ കൂടെ ഉള്ളവര് സങ്കടമായി കാണുന്നത് ഇഷ്ടല്ലാത്തത് കൊണ്ട് കാര്യങ്ങൾ സന്തോഷമായിമായി തന്നെ എഴുതിപിടിപ്പിക്കാൻ ഞാൻ കഴിവതും ശ്രമിച്ചിട്ടുണ്ട്. ഇന്നും യാത്രയിൽ ഇടക്കൊക്കെ ബാലുച്ചേട്ടൻ പറഞ്ഞതൊക്കെ ഓർമ്മ വന്നുപോകും.

അങ്ങനെ വൈകിട്ട് 9 മണിക്ക് ശേഷം മ്മടെ ചങ്ക് മഹേഷ് ആയി പാളയം മാർക്കറ്റ് വരെപോയി. കൊറേ കറങ്ങി. ഒരു കുഞ്ഞ് ഗിഫ്റ്റും തന്ന് ഓൾ ദി ബെസ്റ്റും ..! നാളെ യാത്ര തുടങ്ങുന്നത് കൊണ്ട് ഉറക്കത്തിനു സ്ഥാനമിലാർന്നു രാത്രിയിൽ. പോകുന്ന യാത്രയിൽ എവിടെയാണ് താമസം , ഭക്ഷണം,എവിടെക്കാ പോണ്ടത് , ആലോചിച്ചിട്ട് ഒരു എത്തും പിടിയും ഇല്ലാത്തത് കൊണ്ട് സുഖായി കിടന്നുറങ്ങി. വരുന്നത് വരട്ടാടാ , ബാലുച്ചേട്ടൻ പറഞ്ഞ പോലെ പോസിറ്റീവ് ആയി മാത്രം ആലോചിക്കുക .. ന്തലായാലും മ്മടെ കേരളം അല്ലെ ..!

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post