‘ആനവണ്ടി’യിലെ വാർത്ത ഫലം കണ്ടു; ബസ് യാത്രയ്ക്കിടെ നഷ്ടപ്പെട്ട ബാഗ് തിരികെ കിട്ടി..

Total
0
Shares

ആഴ്ചകൾക്ക് മുൻപ് കേരളത്തിനുള്ളിൽ വെച്ച് ബസ് യാത്രയ്ക്കിടെ ട്രോളി ബാഗ് നഷ്ടപ്പെട്ട അനുഭവം പങ്കുവെച്ചുകൊണ്ടുള്ള ഒരു വാർത്ത ആനവണ്ടി ബ്ലോഗിൽ പ്രസിദ്ധീകരിക്കുകയുണ്ടായി. ഇത് പ്രസിദ്ധീകരിച്ചു രണ്ടു മൂന്നു ദിവസത്തിനകം നഷ്ടപ്പെട്ട ബാഗ് ഉടമസ്ഥയ്‌ക്കു തിരികെ ലഭിച്ചു എന്ന സന്തോഷകരവും അഭിമാനകരവുമായ വാർത്തയാണ് ഇപ്പോൾ ഞങ്ങൾ നിങ്ങളോട് പങ്കുവെക്കുവാൻ ആഗ്രഹിക്കുന്നത്. അതിനു മുൻപ് നടന്ന സംഭവം എന്താണെന്നു ഒരിക്കൽക്കൂടി വിശദീകരിക്കാം.

എറണാകുളം ജില്ലയിലെ മൂവാറ്റുപുഴ സ്വദേശിനിയും പെരിയ സെൻട്രൽ യൂണിവേഴ്‌സിറ്റിയിലെ ഗവേഷണ വിദ്യാർത്ഥിനിയുമായ അനഘ ബാബു കഴിഞ്ഞ ഏപ്രിൽ 12 നു കോളേജിൽ നിന്നും നാട്ടിലേക്ക് അവധിക്കാലം ചെലവഴിക്കുവാനായി പുറപ്പെടുകയുണ്ടായി. യാത്രയ്ക്കായി പഞ്ചിക്കൽ – കോട്ടയം റൂട്ടിൽ സർവ്വീസ് നടത്തുന്ന ‘പീറ്റേഴ്‌സ്’ എന്ന പ്രൈവറ്റ് ബസ്സിലായിരുന്നു അനഘ ഓൺലൈനായി സീറ്റ് ബുക്ക് ചെയ്തിരുന്നത്. വിഷു – ഈസ്റ്റർ അവധിയായതിനാൽ അത്യാവശ്യം ലഗേജുകളും ഇവരുടെ പക്കലുണ്ടായിരുന്നു.

അന്നേ ദിവസം വൈകീട്ട് കാസർഗോഡ് ജില്ലയിലെ പെരിയയിൽ നിന്നും ഇവർ ലഗേജുകളുമായി ബസ്സിൽ കയറുകയും കൂട്ടത്തിൽ നഷ്ടപ്പെട്ട ട്രോളി ബാഗ് മുൻഭാഗത്തെ ഡോറിനും അതിനു മുന്നിലെ സീറ്റിനും ഇടയിലായിട്ടുള്ള ഭാഗത്ത് വെക്കുകയും ചെയ്തു. ഇതേ ബസ് കാഞ്ഞങ്ങാട് പോലീസ് എയ്‌ഡ്‌ പോസ്റ്റിനു സമീപത്ത് എത്തിയപ്പോൾ മുൻകൂട്ടി ബുക്ക് ചെയ്തിട്ടില്ലാത്ത ഒരു ഫാമിലി ബസ് ജീവനക്കാരോട് സീറ്റ് ഉണ്ടോയെന്ന് അന്വേഷിക്കുകയും, സീറ്റ് ലഭ്യമായതിനാൽ ബസ്സിൽ കയറുകയും ചെയ്തു. ഈ കയറിയ ഫാമിലിയിലെ ഒരാൾ അനഘയുടെ അടുത്തായിരുന്നു ഇരുന്നിരുന്നതും.

അങ്ങനെ ബസ് കോട്ടയം ലക്ഷ്യമാക്കി യാത്ര തുടർന്നു. രാത്രിയായപ്പോൾ ഭൂരിഭാഗം യാത്രക്കാരും ഉറക്കത്തിലേക്ക് വഴുതി വീഴുകയും ചെയ്തു. പ്രസ്തുത ബസ് വെളുപ്പിനു നാലു മണിയോടെ എറണാകുളം കലൂരിൽ എത്തുകയും മുൻപ് പറഞ്ഞ ആ ഫാമിലി അവിടെ ഇറങ്ങുകയും ചെയ്തു. പിന്നീട് ബസ് കൂത്താട്ടുകുളത്ത് എത്തിയപ്പോൾ അനഘ അവിടെ ഇറങ്ങുവാൻ തയ്യാറെടുക്കുന്നതിനിടെയാണ് ട്രോളി ബാഗ് നഷ്ടപ്പെട്ട വിവരം അറിയുന്നത്. ഉടനെ കാര്യം ബസ് ജീവനക്കാരോടും മറ്റു യാത്രക്കാരോടും പറയുകയും ചെയ്തു. അപ്പോഴാണ് യാത്രക്കാരിൽ ചിലർ മുൻപ് കലൂരിൽ ഇറങ്ങിയ ഫാമിലി ഈ ബാഗും എടുത്തുകൊണ്ട് ഇറങ്ങിയത് കണ്ടതായി പറഞ്ഞത്. ബസ് ജീവനക്കാരും ഇത് സ്ഥിരീകരിച്ചതോടെ ബാഗ് ആ ഫാമിലിയുടെ കൈവശം ഉണ്ടെന്ന് ഉറപ്പിക്കുകയും ചെയ്തു.

ഇതിനു ശേഷം അനഘയും കുടുംബാംഗങ്ങളും എറണാകുളം നോർത്ത് പോലീസിൽ പരാതി നൽകുകയും, ബസ് നിർത്തിയതിനു സമീപത്തെ സിസിടിവി ക്യാമറകളിലെ ദൃശ്യങ്ങൾ പരിശോധിക്കുകയും ചെയ്തു. പക്ഷേ നിർഭാഗ്യവശാൽ സിസിടിവിയിൽ ബസ്സിന്റെ പിൻഭാഗം മാത്രമേ റെക്കോർഡ് ചെയ്യപ്പെട്ടുള്ളൂ. ഈ ഫാമിലിയാകട്ടെ മുന്ഭാഗത്തു കൂടിയായിരുന്നു ഇറങ്ങിപ്പോയതും. അതോടെ ആ മാർഗ്ഗവും അടഞ്ഞു. ബസ്സിൽ ആണെങ്കിൽ സിസിടിവിയും ഇല്ല. ദീർഘദൂര ബസ്സുകളിൽ സിസിടിവി ഘടിപ്പിക്കുന്നതു കൊണ്ടുള്ള ഉപയോഗം ഇപ്പോൾ എല്ലാവർക്കും മനസ്സിലായിക്കാണുമല്ലോ അല്ലേ?

നഷ്ടപ്പെട്ട ട്രോളി ബാഗിൽ ഗവേഷണ വിദ്യാർത്ഥിനിയായ അനഘയുടെ പ്രധാനപ്പെട്ട വിവരങ്ങളും നോട്സും അടങ്ങിയ ബുക്കുകളും, കൂടാതെ ഫാൻസി ആഭരണങ്ങളുടെ ഒരു കളക്ഷനും ഉണ്ടായിരുന്നു. ബാഗ് കിട്ടാൻ യാതൊരു വഴിയും ഇല്ലെന്നു കണ്ടതോടെ “ബാഗ് നഷ്ടപ്പെട്ടതായി ഒരു വാർത്ത കൊടുക്കാമോ?” എന്ന അഭ്യർത്ഥനയുമായി അനഘ ആനവണ്ടി ബ്ലോഗിൽ മെസ്സേജ് അയയ്ക്കുകയും തുടർന്ന് ഞങ്ങളുടെ എഡിറ്റർ അനഘയെ ബന്ധപ്പെട്ടു വിവരങ്ങൾ ശേഖരിച്ചു വാർത്ത പ്രസിദ്ധീകരിക്കുകയുമായിരുന്നു. അബദ്ധത്തിൽ ബാഗും എടുത്തുകൊണ്ട് എറണാകുളത്ത് ഇറങ്ങിയ ആ ഫാമിലി ആനവണ്ടി ബ്ലോഗിൽ വന്ന വാർത്ത കണ്ടപ്പോൾ ഉടൻ തന്നെ വർത്തയോടൊപ്പമുണ്ടായിരുന്ന അനഘയുടെ നമ്പറിൽ വിളിച്ച് ബാഗ് തങ്ങളുടെ കൈവശമുണ്ടെന്ന് അറിയിക്കുകയായിരുന്നു.

തങ്ങൾ അറിയാതെ എടുത്തുകൊണ്ടു പോയ ബാഗിന്റെ ഉടമയെ കണ്ടെത്താൻ കഴിയാതെ ആ ഫാമിലി വിഷമിക്കുകയായിരുന്നു. തുടർന്ന് അവരുടെ ബന്ധുവായ ഒരു പോലീസുകാരനെ അവർ കാര്യം അറിയിക്കുകയും, ബ്ലോഗിലെ വാർത്ത കണ്ട പോലീസുകാരൻ വിവരം ആ കുടുംബത്തെ അറിയിക്കുകയുമായിരുന്നു. എന്തായാലും എന്നെന്നേക്കുമായി നഷ്ടപ്പെട്ടു എന്നുകരുതിയ ബാഗ് അനഘയ്ക്ക് രണ്ടു മൂന്നു ദിവസങ്ങൾക്കുള്ളിൽ തിരികെ ലഭിച്ചു. ഇനി അനഘയ്ക്ക് തൻ്റെ പഠനം തുടരാം. ഈ സംഭവത്തിൽ ആനവണ്ടി ബ്ലോഗിന് നന്ദി പറഞ്ഞുകൊണ്ട് അനഘ ഫേസ്‌ബുക്കിൽ ഒരു പോസ്റ്റ് ഇടുകയുമുണ്ടായി. ഞങ്ങൾ കാരണം ഒരു പാവം വിദ്യാർത്ഥിനിയുടെ പുസ്തകങ്ങൾ അടങ്ങിയ ബാഗ് തിരികെ ലഭിക്കുവാനിടയായത് ഞങ്ങൾക്കും സന്തോഷവും അഭിമാനവും പകരുന്ന ഒരു സംഭവമാണ്. എല്ലാവർക്കും നന്ദി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post