74 വീലുള്ള ട്രക്ക് മഹാരാഷ്ട്രയിൽ നിന്ന് കേരളത്തിലെത്തുവാൻ 1 വർഷം

Total
34
Shares

നമ്മൾ അയച്ച ഒരു പാർസൽ അല്ലെങ്കിൽ കൊറിയർ ലക്ഷ്യ സ്ഥാനത്തെത്തുവാൻ പരമാവധി എത്ര ദിവസമെടുക്കും? കൂടി വന്നാൽ ഒരാഴ്ച. അതിനപ്പുറം പോകാറില്ല. അതുമല്ലെങ്കിൽ നമ്മൾ മഹാരാഷ്ട്രയിൽ നിന്നും കേരളത്തിലെ തിരുവനന്തപുരത്ത് റോഡ് മാർഗ്ഗം എത്തിച്ചേരുവാൻ എത്ര ദിവസമെടുക്കും? അത് വാഹനത്തിന്റെ വേഗതയനുസരിച്ചിരിക്കും.. എന്നാലും ഏറിപ്പോയാൽ മാക്സിമം ഒരു മാസം.

എന്നാൽ ഒരു വർഷമായിട്ടും മഹാരാഷ്ട്രയിൽ നിന്നും കേരളത്തിലേക്ക് പുറപ്പെട്ട ട്രക്ക് ലക്ഷ്യസ്ഥാനത്ത് എത്തിയില്ലെന്നു പറഞ്ഞാൽ നിങ്ങൾ വിശ്വസിക്കുമോ? വിശ്വസിച്ചേ മതിയാകൂ. സംഭവം സത്യമാണ്. മഹാരാഷ്ട്രയിലെ അംബർനാഥിൽ നിന്നും കേരളത്തിലെ തിരുവനന്തപുരം ജില്ലയിലെ വട്ടിയൂർക്കാവിലുള്ള വിക്രം സാരാഭായ് ബഹിരാകാശ കേന്ദ്രത്തിലേക്ക് 70 ടൺ ഭാരമുള്ള ഒരു വലിയ കാർഗോയുമായി ട്രക്ക് പുറപ്പെടുന്നത് 2019 ജൂലൈ മാസത്തിലായിരുന്നു. എന്നാൽ 2020 ജൂലൈ പകുതി കഴിഞ്ഞിട്ടും ട്രക്ക് ലക്ഷ്യത്തിലേക്കുള്ള വഴിയിലാണ്.

വോൾവോ FM12 ട്രക്കാണ് 70 ടൺ ഭാരമുള്ള ഭീമൻ എയ്‌റോസ്‌പേസ് ഓട്ടോക്ലേവ് വഹിച്ചുകൊണ്ട് യാത്ര നടത്തുന്നത്. 74 വീലുകളുള്ള ഈ ട്രക്കിന് (ട്രെയിലർ) കാർഗോയുടെ അസാധാരണമായ വലിപ്പം കാരണം വളരെ പതുക്കെ മാത്രമേ സഞ്ചരിക്കാനാകൂ. അതായത് ഒരു ദിവസം ഏകദേശം അഞ്ചോ ആറോ കിലോമീറ്റർ ദൂരം മാത്രമാണ് ട്രക്ക് നിരങ്ങിനീങ്ങി പിന്നിടുന്നത്.

7.5 മീറ്റർ ഉയരവും 6.65 മീറ്റർ വീതിയുമുള്ളതാണ് ട്രക്ക് വഹിക്കുന്ന കാർഗോയായ ഈ യന്ത്രസാമഗ്രികൾ. ഇതിൻറെ ഭാരവും വലിപ്പവും വീതിയുമൊക്കെ കാരണം തിരക്കേറിയതും വീതി കുറഞ്ഞതുമായ റോഡുകളിലൂടെയുള്ള യാത്ര അത്യന്തം ദുഷ്ക്കരവുമാണ്. അതിനാൽ ട്രക്ക് സഞ്ചരിക്കുന്ന സമയത്ത് മിക്കവാറും അതുവഴിയുള്ള ഗതാഗതം തടസ്സപ്പെടുത്താറുണ്ട്. കൂടാതെ പോലീസും വൈദ്യുതി ബോർഡ് ഉദ്യോഗസ്ഥരും ഒക്കെ ചേർന്ന് ട്രക്കിന് വഴിയൊരുക്കി അകമ്പടി നൽകുകയും ചെയ്തു.

ട്രക്ക് വഹിക്കുന്ന യന്ത്രസാമഗ്രികൾ വലിയ ഷീറ്റുകൾ കൊണ്ട് മൂടിയിട്ടാണ് സഞ്ചാരം. ട്രക്ക് സഞ്ചരിക്കുമ്പോൾ വശങ്ങളും മുകൾഭാഗവുമൊക്കെ എവിടെയും മുട്ടുകയില്ലെന്ന് ഉറപ്പുവരുത്തുന്നതിനായി 32 ജീവനക്കാർ ഇതിനൊപ്പമുണ്ട്. ഇവർ പതിയെ സഞ്ചരിക്കുന്ന ട്രക്കിനൊപ്പം നടന്നാണ് വഴിയൊരുക്കുന്നത്.

മുംബൈ പോർട്ടിൽ ഷിപ്പ്മെന്റിന്റെ ഉയരം കാരണം എൻട്രി സാധ്യമല്ലാത്തതിനാലാണ് ഈ ചരക്കു കടത്തലിനായി റോഡ് മാർഗം സ്വീകരിച്ചത്. നാസിക്കിനും വട്ടിയൂർക്കാവിനും ഇടയിലുള്ള ദൂരം 1700 ഓളം കിലോമീറ്ററുകളാണ്. ഇത്രയും ദൂരം ഒരു സാധാരണ ട്രക്കിനു സഞ്ചരിക്കുവാൻ, ബ്ലോക്കുകളൊന്നും കിട്ടിയില്ലെങ്കിൽ ഏകദേശം ഒരാഴ്ചയോളം മതിയാകും.

അംബര്‍നാഥില്‍ നിന്ന് നാസിക്, ആന്ധ്രാപ്രദേശ് വഴി ബംഗളുരുവിലെത്തിയ വാഹനം തമിഴ്‌നാട്ടിലെ സേലം, തിരുനല്‍വേലി, കന്യാകുമാരി, മാര്‍ത്താണ്ഡം വഴിയായിരുന്നു സഞ്ചാരം. 2020 ജൂലൈ ആദ്യവാരമാണ് ട്രക്ക് കേരളത്തിനുള്ളിൽ പ്രവേശിച്ചത്. കേരളത്തിലേക്കു കടക്കുമ്പോള്‍ മാര്‍ത്താണ്ഡം പാലമാണ് വാഹനസംഘത്തിനു വെല്ലുവിളിയായിരുന്നത്. വാഹനത്തിന്റെ ഭാരക്കൂടുതല്‍ കാരണം പാലം പൊളിഞ്ഞുവീഴുമോയെന്ന സംശയമുണ്ടായിരുന്നെങ്കിലും ഭാഗ്യം കൊണ്ട് അത്തരം അനിഷ്ട സംഭവമൊന്നും ഉണ്ടായില്ല. ട്രക്കിനു കടന്നുപോകാനായി കളിയിക്കാവിള ചെക്ക് പോസ്റ്റ് നീക്കം ചെയ്യുകയും അത് പിന്നീട് പുനഃസ്ഥാപിക്കുകയും ചെയ്തിരുന്നു.

പൊതുവെ റിഫൈനറിയിലേക്കും മറ്റുമുള്ള ഭീമൻ യാത്രാഭാഗങ്ങളുമായി പോകുന്ന ട്രക്കുകളൊക്കെ കണ്ടിട്ടുണ്ടെങ്കിലും ഒരു വർഷമെടുത്ത ഇതുപോലൊരു ചരക്കുനീക്കം ആദ്യമായിട്ടായിരിക്കും നിങ്ങൾ കാണുന്നത്. എന്തായാലും യാതൊരു അപകടവും കൂടാതെ ഇത്രയും ദൂരം ഇത് ഇവിടെയെത്തിച്ചതിനുള്ള ക്രെഡിറ്റ് ഇതിലെ ജീവനക്കാർക്കും, അതുപോലെത്തന്നെ അതാത് സ്ഥലങ്ങളിലെ വൈദ്യുതിബോർഡ്, പോലീസ് എന്നിവർക്ക് ഒക്കെ തന്നെയാണ്.

വിവരങ്ങൾക്ക് കടപ്പാട് – വിവിധ ഓൺലൈൻ മാധ്യമങ്ങൾ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post