മലയാള നാട്ടിൽ പണികിട്ടിയ ലോറി ഡ്രൈവർക്ക് തുണയായതും മലയാളികൾ…

Total
0
Shares

മാസങ്ങൾക്ക് മുൻപ് എല്ലാവരെയും വേദനിപ്പിച്ചതും നാണക്കേടുണ്ടാക്കിയതുമായ ഒരു വാർത്തയാണ് കാസർഗോഡ് നിർത്തിയിട്ട ലോറിയുടെ ചേസിസിൽ നിന്നും ഹൈവേക്കള്ളന്മാർ വീലുകൾ അഴിച്ചെടുത്തു കൊണ്ടുപോയ സംഭവം. ഉത്തരഖണ്ഡിൽ നിന്നും ട്രക്ക് ചെയിസിസുമായി കേരളത്തിലെത്തിയ ജുമാഖാൻ എന്ന ഡ്രൈവർ കാസർഗോഡ് ചെറുവത്തൂർ എന്ന സ്ഥലത്ത് വാഹനം റോഡരികിൽ നിർത്തി ഉറങ്ങിയെണീറ്റപ്പോഴാണ് 2 ലക്ഷത്തിലധികം രൂപ വിലവരുന്ന ടയറുകൾ കള്ളന്മാർ കൊണ്ടുപോയ ഞെട്ടിക്കുന്ന സത്യം അറിഞ്ഞത്.

ഈ തുക ഡ്രൈവറായ താൻ കമ്പനിയ്ക്ക് വീട്ടണമെന്നറിഞ്ഞ ജുമാഖാന് അത് ഇടിത്തീ വീണത് പോലെയായി. കേരളം ആയതിനാൽ സുരക്ഷിതമാണല്ലോ എന്നോർത്താണ് ആ പാവം ഡ്രൈവർ മലയാളികളെ വിശ്വസിച്ച് കിടന്നുറങ്ങിയത്. എന്നാൽ സംഭവിച്ചത് മറിച്ചായിരുന്നു എന്നു മാത്രം. വാർത്ത വൈറലായതോടെ കേരളം മൊത്തം പാവം ഡ്രൈവറുടെ ഒപ്പം താങ്ങായി നിന്നു. ഇതിനിടെ ഡ്രൈവർക്കു നിയമസഹായങ്ങൾ ആവശ്യമെങ്കിൽ സൗജന്യമായി ചെയ്യുവാൻ തയ്യാറായി വയനാട് സ്വദേശി അഡ്വ. ശ്രീജിത്ത് പെരുമാനയും രംഗത്തെത്തി.

ഇങ്ങനെയൊരു വാർത്ത ആദ്യമായി റിപ്പോർട്ട് ചെയ്തത് സുപ്രഭാതം ലേഖകനും അധ്യാപകനുമായ വിനയൻ പിലിക്കോട് എന്ന വിനയൻ മാഷ് ആയിരുന്നു. ആരും അറിയപ്പെടാതെ പോകുമായിരുന്ന ഈ സംഭവം ഇത്തരത്തിലൊരു ജനശ്രദ്ധ നേടിയ വാർത്തയാക്കുവാൻ വിനയൻ മാഷും മറ്റുള്ള മാധ്യമ സുഹൃത്തുക്കളും എടുത്ത പ്രയത്നം വെറുതെയായില്ല. ഈ സംഭവം കേരളത്തെയാകെ നാണംകെടുത്തിയപ്പോൾ, വേണ്ടരീതിയിലുള്ള ഇടപെടലുകളിലൂടെ നമ്മുടെ നാടിന്റെയും ആളുകളുടെയും സ്നേഹവും നന്മയും അറിയിക്കുവാൻ ഇവർക്ക് സാധിച്ചു.

മുഖ്യധാരാ മാധ്യമങ്ങളിൽ വന്ന വാർത്തകൾ ജുമാഖാൻ വഴി വിനയൻ മാഷ് അവരുടെ കമ്പനി അധികൃതർക്ക് അയച്ചു കൊടുക്കുകയായിരുന്നു. ഇതോടെ സംഭവത്തിന്റെ നിജസ്ഥിതിയും, പാവം ഡ്രൈവറുടെ ദയനീയാവസ്ഥയും മനസിലാക്കിയ കമ്പനി അധികൃതർ, ഒപ്പമുള്ള മറ്റു വണ്ടികളിലെ സ്റ്റെപ്പിനി ടയറുകൾ അഴിച്ചെടുത്ത്, വീലുകൾ മോഷണം പോയ ലോറിയിൽ ഘടിപ്പിച്ച് ലക്ഷ്യസ്ഥാനത്തേക്ക് യാത്ര തുടരുവാൻ ആവശ്യപ്പെട്ടു. അതോടൊപ്പം ഡ്രൈവറിൽ നിന്നും നഷ്ടപ്പെട്ട വീലുകളുടെ തുകയായ 2 ലക്ഷം രൂപ ഈടാക്കില്ലെന്ന ഉറപ്പും നൽകി.

എന്തായാലും ഈ വാർത്ത കണ്ടു മനസ്സ് നീറിയ മലയാളി സുഹൃത്തുക്കൾക്ക് ഇനി ആശ്വസിക്കാം. നമ്മുടെ നാടിനെയും നാട്ടുകാരെയും വിശ്വസിച്ചു വന്ന ഒരാൾക്ക് ആപത്തു പിണഞ്ഞപ്പോൾ കൈത്താങ്ങായി നിന്നതും നമ്മുടെ ആളുകൾ തന്നെയാണ്. ആ പാവം ഡ്രൈവർ ഒരിക്കലും മറക്കില്ല ഇനി കേരളത്തെയും, മലയാളികളുടെ സ്നേഹത്തെയും. അതോടൊപ്പം തന്നെ വീലുകൾ മോഷ്ടിച്ച കള്ളന്മാരെ പിടികൂടാനുള്ള ഊർജ്ജിത ശ്രമം പോലീസ് ആരംഭിച്ചിട്ടുണ്ട്.

അങ്ങനെ ട്രാജഡി ആയിത്തീരേണ്ട ഒരു സംഭവത്തിന്റെ ക്ളൈമാക്സ് നന്മയും സന്തോഷവും കൊണ്ട് തീർന്നിരിക്കുന്നു. ഇതിനായി മുന്നിട്ടിറങ്ങിയ വിനയൻ മാഷും സുഹൃത്തുക്കളും മുതൽ വാർത്ത ഷെയർ ചെയ്തു വൈറലാക്കിയ എല്ലാ മലയാളി സുഹൃത്തുക്കളും അഭിനന്ദനങ്ങൾ അർഹിക്കുന്നു…

കടപ്പാട് – Vinodkumar Vinu.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post