12 മീ. നീളം, 3 ഡോറുകൾ, സ്ത്രീകൾക്ക് പ്രത്യേക കാബിൻ; ഇങ്ങനെയും ഒരു ബസ്സുണ്ടായിരുന്നു കേരളത്തിൽ…

Total
288
Shares

Unidentified Flying Object അഥവാ UFO; പറക്കും തളിക എന്നാണു ഇതിനു മലയാളത്തിൽ അർത്ഥം. എന്നാൽ മലയാളികൾ കൂടുതലും ഈ പേര് കേൾക്കുമ്പോൾ ഓർക്കുന്നത് ഒരു ബസ് സർവ്വീസിനെയായിരിക്കും. അതെ, UFO എന്നത് ഒരു ബസ് പ്രേമിക്കും മറക്കാനാവാത്ത പേരാണ്. അതുപോലെതന്നെ ജന്മമനസ്സുകളിൽ ആഴ്ന്നിറങ്ങിയ സർവീസ് കൂടിയാണിത്.

1997 കാലത്താണ് UFO ബസ് സർവീസുകൾ ആരംഭിക്കുന്നത്. ടാറ്റാ ടർബോ ചാർജ്ഡ് കമ്മിൻസ് എൻജിൻ വിരളമായിരുന്ന കാലത്താണ് തികഞ്ഞ വാഹനപ്രേമിയും അതിലുപരി ഒരു ഓട്ടോമൊബൈൽ എഞ്ചിനീയറുമായ ബിജുലാൽ 1312c ചേസിസ് ഈ ബസിനായി വാങ്ങുന്നത്. ബോഡി കെട്ടാൻ നേരം അദ്ദേഹം ഊന്നൽ കൊടുത്തത് 3 കാര്യങ്ങൾക്കായിരുന്നു.

1. പുറം കാഴ്ചകൾ കാണാൻ സാധിക്കണം, എന്നാൽ സീറ്റിലിരുന്നു യാത്രചെയ്യുന്ന യാത്രക്കാരുടെ മുഖത്തേയ്ക്കു കാറ്റടിക്കരുത്. 2. നിന്ന് യാത്രചെയ്യുന്നവർക്കും ആവശ്യത്തിന് കാറ്റും, വെളിച്ചവും ലഭിക്കുകയും വേണം. 3. ബസിനുള്ളിൽ നല്ലപോലെ വായൂസഞ്ചാരം ഉണ്ടാവണം.

ഈ കാര്യങ്ങൾ അടിസ്ഥാനമാക്കി സ്വന്തമായി ചെയ്ത ഡിസൈനിൽ കൊണ്ടോടിയിൽ പണികഴിപ്പിച്ചതായിരുന്നു ഈ ബസ്. ബസ് ഇറങ്ങി 3 മാസങ്ങൾക്ക് ശേഷം കുമളി-എറണാകുളം പെർമിറ്റ് എടുക്കുകയും ഈ ബസ് ഹൈറെയ്ഞ്ച് യാത്ര ആരംഭിക്കുകയും ചെയ്തു. ലെയ്ലാന്റ് ഹിനോ എൻജിൻ അടക്കി വാഴുന്ന ഹൈറേഞ്ചിലേയ്ക്ക് ആയിരുന്നു ഈ പരീക്ഷണവുമായി ബിജു സർ ഇറങ്ങിയത്. എന്നാൽ അദ്ദേഹത്തിന്റെ പരീക്ഷണം 100% വിജയമായി. അന്നത്തെ എണ്ണം പറഞ്ഞ വണ്ടികളിൽ ഒന്നായി UFO മാറി.

എറണാകുളം കുമളി റൂട്ടിൽ ഈരാറ്റുപേട്ട വഴിയും പൊൻകുന്നം വഴിയും UFO പെർമിറ്റുകൾ ഓടുന്നുണ്ടായിരുന്നു. അതിൽ ഈരാറ്റുപേട്ട വഴിയുള്ള പെർമിറ്റിൽ ഓടിയിരുന്ന ബസ്സായിരുന്നു ഏറ്റവും കൂടുതൽ ശ്രദ്ധിക്കപ്പെട്ടിരുന്നത്. 12 മീറ്റർ നീളമുള്ള ടാറ്റാ ചേസിസിൽ നിർമ്മിച്ച ആ ബസ് അക്കാലത്തെ പ്രൈവറ്റ് ബസ്സുകൾക്കിടയിൽ ഒറ്റയാൻ ആയിരുന്നു എന്നു വേണമെങ്കിൽ പറയാം.

ടാറ്റാ 1610c എന്ന അത്യപൂർവ ചേസിസ്സിൽ വിരിഞ്ഞ 12 മീറ്റർ UFO യുടെ മുൻ വാതിൽ കാണുമ്പോൾ ആരും ഒന്നമ്പരക്കും (താഴെ കൊടുത്തിരിക്കുന്ന ചിത്രം കാണുക). എന്തിനാണ് ഇത്രയും വിസ്തൃതിയുള്ള വാതിൽ എന്ന് ചിന്തിക്കുന്നുണ്ടാകും. എന്നാൽ ഇത് ഒരു വാതിൽ അല്ല രണ്ടെണ്ണം ആണ്. മുന്പിലെ വാതിൽ സ്ത്രീകൾക്ക് വേണ്ടി ഒരുക്കിയ മുൻഭാഗത്തേക്ക്‌ മാത്രം. മറ്റേതു പിന്ഭാഗത്തേക്ക്. രണ്ടിനും മദ്ധ്യേ തുറന്ന വേർതിരിവ്. ആവശ്യം എങ്കിൽ മാത്രം പിന്നിലേക്കും മുന്പിലേക്കും കടക്കാം.

സ്ത്രീകൾക്ക് കൂടുതൽ സുരക്ഷ എന്നതിനാലാണ് ഇങ്ങനെ. കൂടാതെ പിറകിൽ മറ്റൊരു വാതിലും കൂടിയുണ്ട്. 12 മീറ്റർ നീളൻ ചെസ്സിസ് ആയതിനാൽ ഇതിനെല്ലാം ആവശ്യത്തിന് സ്ഥലം ഉണ്ടായിരുന്നു താനും. ഒരേസമയം ഷട്ടർ വഴി കാറ്റു കിട്ടാനും ഗ്ലാസ്‌ വഴി കാഴ്ച കാണാനും ആയി രണ്ടും ബസിൽ സന്നിവേശിപ്പിച്ചു. മികച്ച സീറ്റുകളും സസ്പെൻഷനും വേറെ. ഇന്ന് കേൾക്കുമ്പോൾ അമ്പരപ്പ് തോന്നുമെങ്കിലും ഇങ്ങനെ ഒരു ബസും നമ്മുടെ കേരളത്തിൽ ഓടിയിരുന്നു. പണിതത് കോട്ടയത്തെ കൊണ്ടോടിയിൽ. UFO വാഹനങ്ങളുടെ ഉടമകളിൽ ഒരാൾ ആയ ബിജുലാലിന്റെ രൂപകൽപനാ വൈഭവമാണ് യാത്രക്കാരുടെ സൗകര്യം മുൻനിർത്തി ഇങ്ങനെ ഒരു വിചിത്ര നിർമിതി ബസ് രംഗത്ത് വരാൻ കാരണമായത്.

എറണാകുളം – കുമളി റൂട്ടിൽ ആകെ 13 സ്റ്റോപ്പുകൾ മാത്രമേ ഉണ്ടായിരുന്നുള്ളൂ. UFO എന്ന പേരു കേട്ട് റോഡിലൂടെ പറക്കുന്ന ബസ്സായിരുന്നു എന്നാരും കരുതല്ലേ. അമിതവേഗതയില്ലാതെ പോയിരുന്ന ചുരുക്കം ചില ബസ്സുകളിൽ ഒന്നായിരുന്നു UFO. ഇതോടൊപ്പം സമയത്തിന്റെ കാര്യത്തിൽ കൃത്യനിഷ്ഠയും ഉണ്ടായിരുന്നു. ഇതേപോലെ എറണാകുളം – കുമളി റൂട്ടിൽ പൊൻകുന്നം വഴി ഓടിയിരുന്ന UFO ബസ് ടാറ്റായുടെ മാർക്കോപോളോ മോഡൽ ആയിരുന്നു എന്നതും ശ്രദ്ധേയമാണ്.

കുമളി-എറണാകുളം ഹൈറേഞ്ച് പെർമിറ്റ് ഓടി തെളിഞ്ഞ ഇടയിലാണ് കോഴിക്കോട് നിന്നും എറണാകുളത്തേക്ക് ഒരു ബുക്കിംഗ് സർവീസ്‌ എന്ന പരീക്ഷണവുമായി UFO ഇറങ്ങിയത്. ആ പരീക്ഷണവും 100% വിജയമായി. നാളുകൾക്കു ശേഷം UFO സ്വകാര്യ ബസ് രംഗത്തു നിന്നും പതിയെ പിൻവലിയുകയാണുണ്ടായത്.

കുറച്ചുകാലത്തിന് ശേഷം ചങ്ങനാശ്ശേരി – എറണാകുളം പെര്മിറ്റിൽ സർവീസ് നടത്തിയെങ്കിലും പിന്നീട് ബസും പെർമിറ്റും വിൽക്കുകയും ചെയ്തു. മണ്മറഞ്ഞു പോയി എങ്കിലും ഇന്നും ഒരോ ബസ് പ്രേമികളുടെയും മനസ്സിലെ മായാത്ത ചിത്രമാണ് UFO. ഒപ്പം ഹൈറേഞ്ചിൽ ഏറ്റവും കൂടുതൽ ടാറ്റാ ബസുകൾ റീപ്ലേസ് ചെയ്തു എന്ന റെക്കോർഡും. ഇന്ന് UFO യുടെ പെർമിറ്റിൽ ഓടുന്നത് റോബിൻ എന്ന ബസ്സാണ്. A/C ബസ് സർവ്വീസ് ആയാണ് എറണാകുളം – കുമളി റൂട്ടിൽ റോബിൻ ഓടുന്നത്.

എങ്കിലും ഇന്ന് കോൺട്രാക്ട് കാര്യേജ് സർവ്വീസായി UFO സർവ്വീസ് നടത്തുന്നുണ്ട്. എറണാകുളം – ഇരിട്ടി (കണ്ണൂർ ജില്ല) റൂട്ടിലാണ് ഇന്ന് UFO രാത്രി സർവീസ് നടത്തുന്നത്. ഈ റൂട്ടിൽ മൾട്ടി ആക്സിൽ വോൾവോയും, സാധാരണ സെമി സ്ലീപ്പർ ബസ്സും UFO യുടേതായി ഓടുന്നുണ്ട്. കാര്യം എന്തൊക്കെയാണെങ്കിലും ബസ് പ്രേമികളുടെയുള്ളിൽ UFO നിറഞ്ഞു നിൽക്കുന്നത് മൂന്നു ഡോറുകളുള്ള, 12 മീറ്റർ നീളമുള്ള ആ പഴയ ടാറ്റാ UFO തന്നെയായിരിക്കും.

വിവരങ്ങൾക്ക് കടപ്പാട് – അരുൺ വി നായർ, ആൽവിൻ & Private Bus Kerala Group. ചിത്രങ്ങൾ – ജിമ്മി ജോസ്, Private Bus Kerala.

1 comment
  1. Thanks for sharing
    “Sthree suraksha yude UFO model” ennu ith annu vaartha aayath orkkunnu
    Palappozhum college il poyirunnah ee bus il aayirunnu.Special design aaya kondum air suspension nte gunam kondum nalla comfort aayirunnu

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post