യു.എസ്. ഇമിഗ്രേഷനിൽ എൻ്റെ ‘പേര്’ വിനയായപ്പോൾ; ഒരു അനുഭവക്കുറിപ്പ്

Total
5
Shares

വിവരണം – Hamidsha Shahudeen.

കഴിയുമെങ്കിൽ അമേരിക്കക്കാരുടെ പ്രത്യേക ദിവസ്സങ്ങളിൽ അങ്ങോട്ട് ചെന്ന് ഇറങ്ങാതിരിക്കുന്നതാ നല്ലതു. ഔദ്യോഗിക ആവശ്യത്തിനായി 2015 ജൂലൈ 4 (അവരുടെ സ്വാതന്ത്ര്യദിനമാണു പോലും), അങ്ങോട്ടേക്ക് പോയപ്പോ ഉണ്ടായ രസകരമായ (അന്ന് എനിക്ക് ഭയാനകരമായി തോന്നിയ) അനുഭവം.

ഞാനും കൂടെ ജോലി ചെയ്യുന്ന സുനിത്തും പിന്നെ ഡോക്ടർ അജിതും അദ്ദേഹത്തിന്റെ കുടുംബവും ഉണ്ട് പോകാൻ. അബുദാബി എയർപോർട്ടിൽ നിന്നും ജൂലൈ 4 വെളുപ്പിന് 3 മണിക്കാണ് ഫ്ലൈറ്റ്. നേരിട്ട് ചിക്കാഗോ.

അബുദാബി വിമാനത്താവളത്തിൽ ഒരു പ്രത്യേകതയുണ്ട്, US ഇമ്മിഗ്രേഷൻ ക്ലീറൻസ് ഫോര്മാലിറ്റീസ് മുഴുവൻ അബുദാബിയിൽ വച്ച് തന്നെ നടക്കും. US ൽ എത്തിയാൽ ഇമ്മിഗ്രേഷൻ ക്യൂവിൽ നിൽക്കേണ്ട കാര്യമില്ല. ലഗേജ്‌ ഉം എടുത്തു ഇറങ്ങി പോയാമതി.

ഞങ്ങൾ 3 മണിക്കൂർ മുന്നേ വിമാനത്താവളത്തിലെത്തി ചെക്ക് ഇൻ ഒക്കെ കഴിഞ്ഞു, UAE ഇമ്മിഗ്രേഷൻ ഫോര്മാലിറ്റീസും കഴിഞ്ഞു US ഇമ്മിഗ്രേഷനിൽ എത്തി. സാധാരണ ഗേറ്റ് No : 96 ഉം 97 ഉം US ഇമ്മിഗ്രേഷൻ വിഭാഗത്തിലൂടെയാണ് അബുദാബി വിമാനത്താവളത്തിൽ സജ്ജീകരിച്ചിട്ടുള്ളത്.

പത്തു പതിനഞ്ചു കൌണ്ടർ ഉണ്ട്. കൂടെ ഉണ്ടായിരുന്നവർ എന്റെ തൊട്ടുമുന്നിൽ ഇമ്മിഗ്രേഷൻ കഴിഞ്ഞു അകത്തേക്ക് കയറാനൊരുങ്ങി. എന്റെ അവസരമെത്തി. ബിയോമെട്രിക് സ്കാനറിൽ കൈ വക്കാൻ പറഞ്ഞു. ഞാൻ വച്ചു. കമ്പ്യൂട്ടർ സ്‌ക്രീനിൽ നോക്കിയ ആ അമേരിക്കൻ അമ്മച്ചി ഒരു അന്ധാളിപ്പോടെ എന്നെ ഒന്ന് നോക്കി. എന്നിട്ട് ഉടനെ വരാമെന്നു പറഞ്ഞു അവിടന്ന് ഇറങ്ങിപ്പോയി.

കൂടെ ഉണ്ടായിരുന്ന ഡോക്ടറുടെ ഫാമിലിയും ഒക്കെ അവിടെ വെയിറ്റ് ചെയ്യുന്നത് കണ്ടു. അപ്പൊ ഞാൻ അവരോട് ഗേറ്റിലേക്ക് പൊക്കോളാൻ പറഞ്ഞു. സുനിത്ത് മാത്രം അവിടെ വെയിറ്റ് ചെയ്തു. തിരിച്ചു വന്ന ആ ഇമ്മിഗ്രേഷൻ ഓഫീസർ, എന്നോട് അവിടെ ഒരു മുറിയിൽ പോയി വെയിറ്റ് ചെയ്യാൻ പറഞ്ഞു. സുനിത്ത് ഉം കൂടെ വന്നിരുന്നു. ചിലരെയൊക്കെ അങ്ങോട്ട് കയറ്റി വിടുന്നുണ്ട്.

No fly ലിസ്റ്റിൽ പെട്ട പേരുകളുടെ കൂട്ടത്തിൽ ആണ് എന്റെ പേര്. അന്വേഷിച്ചപ്പോ അറിയാൻ കഴിഞ്ഞത് അങ്ങനെയാണ്. അതും ഒരു വല്യ ലിസ്റ്റ്, ഏകദേശം 35,000 ആളുകളടങ്ങുന്ന യമണ്ടൻ പട്ടിക. അതീന്നു ഞാൻ നല്ലവനാണോ ചീത്തയാണോ എന്ന് അവർക്കു ബോധ്യമാകണം. എന്നാലേ US ലേക്ക് കടത്തി വിടുള്ളൂ. July 4th ആയതു കൊണ്ടു സെക്യൂരിറ്റി സിസ്റ്റം സ്ട്രിക്ട് ആക്കിയത് കൊണ്ടുള്ള ബുദ്ധിമുട്ടുകൾ.

അവർ പഠിച്ച പണി പലതും നോക്കിയൊട്ടും ഒരു രക്ഷയുമില്ല. ഫ്ലൈറ്റ് പോകാൻ സമയമായി. സുനിത്ത് പറഞ്ഞു അവനും പോകുന്നില്ല, എല്ലാം ശെരിയായിട്ടു ഒരുമിച്ചു പോകാമെന്നു. ഇത്തിഹാദ് airline ന്റെ ആളുകൾ ഞങ്ങളെ കൊണ്ട് പോയി വിശ്രമ സ്ഥലത്തു ഇരുത്തിയിട്ടു അടുത്ത വിമാനത്തിൽ കയറ്റി വിടാം എന്ന് പറഞ്ഞു. US എത്തിയിട്ട് ഇമ്മിഗ്രേഷൻ ക്ലീറെൻസ് ചെയ്താൽ മതി അപ്പൊ കുറച്ചൂടെ എളുപ്പമാകുമെന്നു.

ഔദ്യോഗിക യാത്ര ആയതിനാൽ ബിസിനസ് ക്ലാസ് ടിക്കറ്റ് ആയിരുന്നു. വിശ്രമ ലോഞ്ചിൽ ചാരുകസേരയിൽ കിടന്നു ഉറങ്ങിപ്പോയി. “സാർ, നിങ്ങക്ക് പോകാനുള്ള വിമാനം തയാറാണ്.” നോക്കിയപ്പോ നേരം വെളുത്തിട്ടുണ്ട്. ഗേറ്റ് നമ്പർ മുപ്പത്തഞ്ചിലേക്കു പോവുക എന്ന് പറഞ്ഞു ഞങ്ങൾക്ക് പുതിയ Boarding Pass തന്നു. അത് വായിച്ച ഞങ്ങൾ രണ്ടാളും ഞെട്ടി. പോകുന്നത് ലണ്ടനിലേക്ക്. എന്നാൽ ഞങ്ങൾക്ക് ശെരിക്കും പോകേണ്ടത് ചിക്കാഗോക്കു, പിന്നെ അവിടന്ന് Detriot.

ഞങ്ങളോടൊപ്പം കൂടെ നടന്ന ആ ഇത്തിഹാദ് ഉദ്യോഗസ്ഥ പറഞ്ഞു ലണ്ടനിന്നു നേരിട്ട് Detroit വിമാനം അറേഞ്ച് ചെയ്തിട്ടുണ്ട്. ഞങ്ങളുടെ ലഗേജുകൾ ഫൈനൽ ഡെസ്റ്റിനേഷനിൽ കിട്ടുമെന്ന്. അങ്ങനെയെങ്കിൽ അങ്ങനെ. ആ യാത്ര കൊണ്ട് ഒരു ഉപകാരമുണ്ടായി A 380 ന്റെ ഫസ്റ്റ് ക്ലാസ്സിൽ യാത്ര ചെയ്യാനായി.

ലണ്ടനിൽ എത്തി. അവിടെ ഞങ്ങളുടെ ബോര്ഡിങ് പാസ് കാണിച്ചപ്പോ അറിയാൻ കഴിഞ്ഞത്, ഇനി അവർ ഞങ്ങളെ കൊണ്ട് പോകുന്നത് New York ലേക്കാണത്രെ. വളരെ സന്തോഷം. അങ്ങനെ അവിടന്ന് Virjin Atlanta വിമാനത്തിൽ New York ലേക്ക്. അവിടെ എത്തിയപ്പോ പിന്നെയും ഇമ്മിഗ്രേഷനിൽ എന്നെ പൊക്കി. ലിസ്റ്റ് കണ്ടിട്ട് പിടികിട്ടാപ്പുള്ളിയാണ്.

ആ ഓഫീസറോട് ഞാൻ പറഞ്ഞു, “ഇതിനു മുന്നേയും രണ്ടു മൂന്നു പ്രാവശ്യം വന്നിട്ടുണ്ട്. 10 വർഷത്തേക്കുള്ള വിസയുമുണ്ട്. അപ്പോഴൊന്നും കുഴപ്പമുണ്ടായിട്ടില്ല.” അയാള് പറഞ്ഞു “അതൊക്കെ ശെരി തന്നെ. പക്ഷെ നിന്നെ കയറ്റി വിടാൻ പറ്റില്ല. തിരിച്ചു പോകാൻ തയാറായിക്കോ. അവിടെ ഇത്തരക്കാരെ വെയിറ്റ് ചെയ്യിക്കുന്ന ഒരു സ്ഥലമുണ്ട് അവിടെ പോയി ഇരിക്കാൻ” പറഞ്ഞു .

സുനിത്ത് ഇപ്രാവശ്യം ശെരിക്കും കുടുങ്ങി. നിയമ പ്രകാരം അവൻ US നു ഉള്ളിലും, ഞാൻ US നു പുറത്തും. ഒരു യഥാർഥ സുഹൃത്ത് എന്താണെന്നു മനസ്സിലായ ഒരു അവസ്സരം കൂടി ആയിരുന്നു അത്. Detroit ലേക്കുള്ള അടുത്ത ഫ്ലൈറ്റ് ന്റെ ടൈം ആയി. പക്ഷെ അവൻ കയറാൻ പോയില്ല. അവിടെ തന്നെ നിന്നു എന്നെയും കാത്ത്.

ആ വിമാന കമ്പനിയിലെ ആള് എന്നോട് വന്നു പറഞ്ഞു “സുഹൃത്തേ, ലക്ഷണം കണ്ടിട്ട് നിങ്ങള്ക്ക് അകത്തു കയറാൻ പറ്റുമെന്ന് തോന്നുന്നില്ല. ദയവു ചെയ്തു നിങ്ങളുടെ സുഹൃത്തിനോട് പോയി ഫ്ലൈറ്റിൽ കേറാൻ പറ.” ദൂരെ നിക്കുന്ന അവനോടു ഞാൻ ആംഗ്യ ഭാഷയിൽ പൊക്കോളാൻ പറഞ്ഞു. അവൻ കൂട്ടാക്കിയില്ല. എന്തിനേറെ പറയേണ്ടൂ അവനെയോ എന്നെയോ കൂട്ടാതെ Detroit ലേക്കുള്ള അവസാന വിമാനവും അവിടന്ന് പറന്നുയർന്നു.

എന്റെ കാര്യം ഏകദേശം പോക്കാണെന്നു കരുതി നിക്കുമ്പോഴാണ് ഒരു ഉയന്ന പോലീസ് ഉദ്യോഗസ്ഥ അവിടെ വന്നത്. അവർ എന്നോട് കൌണ്ടറിന്റെ അടുത്ത് ചെല്ലാൻ പറഞ്ഞു. എന്നോട് ചില ചോദ്യങ്ങളൊക്കെ ചോദിച്ചു. യാത്ര ഉദ്ദേശ്യം, ആരൊക്കെ ഉണ്ട് കൂട്ടത്തിൽ, എത്ര കാലം നിക്കും എന്നൊക്കെ. ഞാൻ എല്ലാറ്റിനും മറുപടി പറഞ്ഞു.

അവർ ഫോണിൽ ആരോടോ സംസാരിക്കുന്നതു ശ്രദ്ധിച്ചു. ബോർഡർ സെക്യൂരിറ്റി ഹെഡ് ക്വാർട്ടേഴ്‌സ്ലേക്കാണെന്നു പിന്നെ മനസ്സിലായി. എന്നെ നോക്കി ആണ് അവർ ഫോണിൽ സംസാരിക്കുന്നത്. എന്റെ രൂപം ഏകദേശം അവർ വിശദീകരിച്ചു കൊടുക്കുന്നുണ്ട് മറ്റേ അറ്റത്തുള്ള ആൾക്ക്.

എന്റെ ഫുൾ നെയിം : Hamidsha Abdul Shahudeen എന്നാണ് പാസ്സ്പോർട്ടിൽ. അവർ ചോദിച്ചു “എന്താ നിന്റെ പേര്?” ഞാൻ പറഞ്ഞു Hamidsha. അച്ഛന്റെ പേര്? ഞാൻ പറഞ്ഞു Shahudeen. അവർ സിസ്റ്റത്തിൽ നിന്നും Abdul റിമൂവ് ചെയ്തു. എല്ലാം ശരിയായിരിക്കുന്നു. എന്നിട്ട് എന്നോട് പറഞ്ഞു “Gentleman, You are welcome to the United States of America. Sorry for all the inconveniences.”

ഹോ സമാധാനമായി. അകത്തു കയറിയപ്പോ എന്നെ വെയിറ്റ് ചെയ്തിരിക്കുന്ന സുനിത്തിനെയും കൂട്ടി American Airlines ന്റെ കൌണ്ടറിൽ ചെന്നു. അവർ പറഞ്ഞു Detroit ലേക്ക് പിറ്റേ ദിവസ്സമേ ഇനി ഫ്ലൈറ്റ് ഉള്ളൂ. അത് കൊണ്ട് New York ഇൽ ആ രാത്രി താങ്ങാനുള്ള ഹോട്ടൽ അറേഞ്ച് ചെയ്തു തരാമെന്നു. പിറ്റേന്ന് Detroit ൽ എത്തിയപ്പോ, യാത്ര തുടങ്ങി രണ്ടര ദിവസ്സം കഴിഞ്ഞിരുന്നു. മാത്രവുമല്ല ഞങ്ങളുടെ Luggages അവിടെ എത്തിയിട്ടുമില്ല.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post