കെഎസ്ആർടിസി ബസ്സുകൾക്ക് പേരുകൾ നൽകുന്നതിനു പിന്നിൽ…

Total
34
Shares

കേരള സർക്കാർ നടത്തുന്ന ബസ് കമ്പനി ആണ് കേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ. ആനവണ്ടി എന്ന ഇരട്ടപേരിൽ അറിയപെടുന്ന സംസ്ഥാന ഉടമസ്ഥതയിലുള്ള ഏറ്റവും പഴയ ബസ് കമ്പനികളിൽ ഒന്നാണ് പൊതു മേഖലാ സ്ഥാപനമായ കെ.എസ്.ആർ.ടി.സി. ഒരിക്കലെങ്കിലും കെഎസ്ആര്‍ടിസി ബസില്‍ കയറാത്ത മലയാളികള്‍ കുറവായിരിക്കും. ഒറ്റപ്പെട്ടു കിടക്കുന്ന മലനാടുകളെയും കുഗ്രാമങ്ങളെയും പട്ടണങ്ങളുമായും റെയില്‍വേ സൗകര്യമില്ലാത്ത കിഴക്കന്‍ മലയോരമേഖലകളെ നഗരങ്ങളുമായും ബന്ധപ്പിക്കുന്ന കണ്ണി. ഒട്ടേറെപ്പേര്‍ക്ക് ജീവിതയാത്ര ഒരുക്കുന്ന ട്രാന്‍സ്‌പോര്‍ട്ട് ബസുകള്‍.

ചില കെഎസ്ആർടിസി ബസ്സുകൾക്ക് പേരുകൾ നൽകുന്നത് കാണാം. എന്താണ് ഈ പേരുകൾ കൊണ്ട് അർത്ഥമാക്കുന്നത് എന്നറിയാമോ?

മലബാർ – മധ്യ കാലഘട്ടത്തിൽ കേരളം മലബാർ എന്ന പേരിലാണ് അറിയപ്പെട്ടിരുന്നത്. പാലക്കാട് മുതൽ വടക്കോട്ടുള്ള പ്രദേശങ്ങളാണ് മലബാർ എന്നറിയപ്പെടുന്നത്. ഇതുകൊണ്ട് വടക്കൻ – മദ്ധ്യ മേഖലകളിൽ സർവ്വീസ് നടത്തുന്ന ചില കെഎസ്ആർടിസി ബസ്സുകൾക്ക് മലബാർ എന്നു പേര് നൽകി വരുന്നു. ഓർഡിനറി, ലിമിറ്റഡ് സ്റ്റോപ്പ്, ടിടി തുടങ്ങിയ സർവ്വീസുകൾക്കാണ് ഇത്തരത്തിൽ പേരിടുന്നത്. വെള്ളയും നീലയുമാണ് ഇത്തരം ബസുകളുടെ നിറം.

വേണാട് – ഒമ്പതാം ശതകത്തിൽ കൊല്ലം ആസ്ഥാനമാക്കി ഇന്നത്തെ കൊല്ലത്തിനും തിരുവനന്തപുരത്തിനും ഇടക്ക്‌ സ്ഥിതിചെയ്തിരുന്ന ഒരു രാജ്യമായിരുന്നു വേണാട്. വേണാട്ടിലെ ആദ്യകാല രാജാക്കന്മാർ അയ് വേലുകൾ ആയിരുന്നു. അയ് വേലുകൾ ഭരിക്കുന്ന രാജ്യം എന്ന പേരിൽ നിന്നാണ് വേണാട് എന്ന പദം വന്നത് എന്ന വാദത്തിനാണ് കൂടുതൽ തെളിവുകൾ ഉള്ളത്. മധ്യ – തെക്കൻ കേരളത്തിൽ സർവ്വീസ് നടത്തുന്ന ചില കെഎസ്ആർടിസി ബസ്സുകൾക്ക് വേണാട് എന്ന പേര് നൽകി വരുന്നു. വെള്ളയും നീലയുമാണ് ഇത്തരം ബസുകളുടെ നിറം.

തിരുകൊച്ചി – കേരളം പിറവിയെടുക്കുന്നതിനു മുന്നോടിയായി, തിരുവിതാംകൂർ, കൊച്ചി എന്നീ നാട്ടുരാജ്യങ്ങൾ സം‌യോജിപ്പിച്ച് ഇന്ത്യയിലെ ഒരു സംസ്ഥാനമായി നിലവിൽ വന്ന ഭൂവിഭാഗമാണു് തിരു-കൊച്ചി. എറണാകുളം നഗരത്തിൽ പ്രൈവറ്റ് ബസ്സുകളോടൊപ്പം മത്സരിക്കുവാൻ നിരത്തിലിറക്കിയ സിറ്റി സർവ്വീസ് ബസ്സുകൾക്ക് കെഎസ്ആർടിസി തിരുകൊച്ചി എന്ന പേരായിരുന്നു നൽകിയത്. ഓർഡിനറി സർവ്വീസുകളാണിവ.കാലക്രമേണ സിറ്റി സർവ്വീസുകളായി ഓടിയിരുന്ന ഈ ബസ്സുകൾ പലയിടങ്ങളിലേക്ക് ട്രാൻസ്‌ഫർ ചെയ്തിരുന്നതായി കാണാം. നിലവിൽ പുതിയ തിരുകൊച്ചി ബസ്സുകൾ നിരത്തിലിറങ്ങിയിട്ടില്ല. വെള്ളയും നീലയുമാണ് ഇത്തരം ബസുകളുടെ നിറം.

അനന്തപുരി – കേരളത്തിന്റെ തലസ്ഥാനമായ തിരുവനന്തപുരത്തിന്റെ മറ്റൊരു പേരാണ് അനന്തപുരി. എറണാകുളത്ത് തിരുകൊച്ചി സർവ്വീസുകൾ പോലെ തിരുവനന്തപുരം നഗരത്തിൽ സർവ്വീസ് നടത്തുന്ന കെഎസ്ആർടിസി ബസ്സുകളാണ് അനന്തപുരി. തിരുകൊച്ചി സർവ്വീസുകൾ ഓർഡിനറിയാണെങ്കിൽ അനന്തപുരി ഫാസ്റ്റ് കാറ്റഗറിയിൽപ്പെട്ടതാണ്. ഇവയുടെ നിറവും വെള്ളയും നീലയും ആണ്.

രാജധാനി – തിരുവനന്തപുരം, വയനാട് ജില്ലകളിൽ ഒരിടയ്ക്ക് കെഎസ്ആർടിസി ഇറക്കിയ പോയിന്റ് റ്റു പോയിന്റ് സർവീസുകളാണ് രാജധാനികൾ. കടുംമഞ്ഞയും വിവിധ നിറങ്ങളും അടങ്ങിയതാണ് രാജധാനി ബസുകൾ. കോഴിക്കോട് നിന്നും മാനന്തവാടി, ബത്തേരി തുടങ്ങിയ സ്ഥലങ്ങളിലേക്ക് സർവ്വീസ് നടത്തിയിരുന്ന പോയിന്റ് ടു പോയിന്റ് ബസ്സുകൾ രാജധാനികൾ ആയിരുന്നു. ഇന്ന് കാലപ്പഴക്കം മൂലം ഈ സർവ്വീസുകൾ നിറംമാറ്റി ഓർഡിനറി ആക്കുകയാണ്.

ശബരി – കെഎസ്ആർടിസിയുടെ സൂപ്പർ ഡീലക്സ് കാറ്റഗറിയിൽപ്പെട്ട ചില ബസ്സുകൾക്ക് നൽകിയിരിക്കുന്ന പേരാണ് ശബരി. 2016 ലെ മണ്ഡലകാലത്ത് ശബരിമല സ്പെഷ്യൽ സർവ്വീസുകളായാണ് ഇവ രംഗപ്രവേശനം ചെയ്തത്. അതുകൊണ്ടാണ് ഇവയ്ക്ക് ശബരി എന്ന പേര് നൽകിയതും. അയ്യപ്പൻറെ വാഹനമായ കടുവയുടെ ചിത്രം അടങ്ങിയതാണ് ഈ ബസ്സുകളുടെ ലിവെറി ഡിസൈൻ.

ഗരുഡ – കെഎസ്ആർടിസിയുടെ പ്രീമിയം മൾട്ടി ആക്സിൽ സർവീസുകൾക്ക് നൽകിയിരിക്കുന്ന പേരാണ് ഗരുഡ. വോൾവോ ബസ്സുകൾക്ക് ഗരുഡ കിംഗ് ക്ലാസ്സ് എന്നും സ്‌കാനിയ ബസുകൾക്ക് ഗരുഡ മഹാരാജ എന്നുമാണ് പേരിട്ടിരിക്കുന്നത്. ടിവി, മ്യൂസിക് സിസ്റ്റം, എസി, പുതപ്പ്, വെള്ളം തുടങ്ങി യാത്രക്കാർക്ക് ഉയർന്ന തലത്തിലുള്ള സൗകര്യങ്ങൾ ഈ സർവീസുകളിൽ ലഭിക്കും. തെലങ്കാന ആർടിസിയുടെ പ്രീമിയം സർവ്വീസുകളുടെ പേരും ഗരുഡ എന്നുതന്നെയാണ്. പുരാണത്തിൽ പറയുന്ന ഗരുഡൻ എന്ന പക്ഷിയെ അടിസ്ഥാനമാക്കിയാണ് ഈ പേര് നൽകിയിരിക്കുന്നത്.

ഐരാവത് – കേരള ആർടിസിയുടേതു പോലെ കർണാടക ആർടിസി ബസുകൾക്കും ഇതുപോലെ പേരുകൾ നൽകാറുണ്ട്. കർണാടകയുടെ വോൾവോ സ്‌കാനിയ ബസ്സുകൾക്ക് ഐരാവത് എന്നാണു പേര് നൽകിയിരിക്കുന്നത്. ഹൈന്ദവ പുരാണങ്ങളിൽ പ്രതിപാദിച്ചിരിക്കുന്ന അഷ്ടദിക് ഗജങ്ങളിൽ ഒരാനയാണ് ഐരാവതം. ഐരാവതം, പുണ്ഡീരകം, കൌമുദം, അഞ്ജന, പുഷ്പദന്തം, സുപ്രദീകം, സാർവഭൌമൻ, വാമനൻ എന്നിവയാണ് എട്ടു ദിക്കിനെ പ്രതിനിധീകരിക്കുന്ന ദിക് ഗജങ്ങൾ. ദേവന്മാരുടെ രാജാവായ ദേവേന്ദ്രന്റെ വാഹനമാണു് ഐരാവതം എന്ന് മഹാഭാരതത്തിലും, ഭാഗവതത്തിലും ഇതരപുരാണങ്ങളിലും പ്രതിപാദിച്ചിരിക്കുന്നു.

അംബാരി – കർണാടക ആർടിസിയുടെ സ്ലീപ്പർ ബസ്സുകൾക്ക് അംബാരി എന്ന പേരാണ് നൽകിയിരിക്കുന്നത്. ആനപ്പുറത്ത് സവാരി ചെയ്യുന്നവർക്കുള്ള ഇരിപ്പിടം ആണ് അമ്പാരി.

ഇനി കെഎസ്ആർടിസി ബസ്സുകൾ കാണുമ്പോൾ ഈ കാര്യങ്ങൾ ഒന്നോർമ്മിക്കുക. ഇവ അറിയാത്ത സുഹൃത്തുക്കൾക്ക് ഇത് പറഞ്ഞു കൊടുക്കുക.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post