ഇന്ത്യയിലേക്ക് സർവ്വീസുകളുമായി ‘ബിക്കിനി എയർലൈൻസ്’ എന്നറിയപ്പെടുന്ന വിയജെറ്റ്

Total
0
Shares

ഇന്ത്യയിലേക്ക് സർവീസുമായി ഒരു ഇന്റർനാഷണൽ എയർലൈൻ കമ്പനി കൂടി വന്നിരിക്കുകയാണ് ഇപ്പോൾ. ബിക്കിനി എയർലൈൻസ് എന്ന വിളിപ്പേരിലറിയപ്പെടുന്ന വിയജെറ്റ് ആണ് ഇന്ത്യയിൽ തങ്ങളുടെ സർവ്വീസ് ആരംഭിക്കുവാൻ മുന്നോട്ടു വന്നിരിക്കുന്നത്. വിയറ്റ്‌നാം കേന്ദ്രീകരിച്ചു പ്രവർത്തിക്കുന്ന ഒരു ബഡ്‌ജറ്റ്‌ എയർലൈനാണ്‌ വിയജെറ്റ്.

ഇന്ത്യയിൽ നിന്നും വിയറ്റ്നാമിലേക്കുള്ള സന്ദർശകരുടെ സൗകര്യാർത്ഥമാണ് പുതിയ സർവ്വീസുകൾ ആരംഭിക്കുവാൻ സാഹചര്യമൊരുക്കിയത്. തുടക്കത്തിൽ വിയറ്റ്നാമിലെ ഹോചിമിൻ സിറ്റി, ഹനോയ് തുടങ്ങിയ നഗരങ്ങളിൽ നിന്നും ഇന്ത്യയിലെ ന്യൂഡൽഹിയിലേക്ക് ആയിരിക്കും വിയജെറ്റ് വിമാന സർവ്വീസുകൾ ആരംഭിക്കുക. പിന്നീട് ഇന്ത്യയിലെ വിവിധ നഗരങ്ങളിലേക്ക് കൂടി സർവ്വീസുകൾ വ്യാപിപ്പിക്കുമെന്നും കമ്പനി കൂട്ടിച്ചേർത്തു.

തുടക്കം മുതൽക്കേ തന്നെ മാർക്കറ്റിങ് & പ്രൊമോഷൻ കാര്യങ്ങളിൽ വ്യത്യസ്തതയും ശ്രദ്ധയും പുലർത്തി വരുന്ന വിയജെറ്റ് മികച്ച ഓഫറുകളുമായാണ് ഇന്ത്യയിലേക്ക് സർവ്വീസുകൾ ആരംഭിക്കുന്നതും. 2019 ഡിസംബർ ആറ് മുതലാണ് കമ്പനി ഇന്ത്യയിൽ നിന്നും, ഇന്ത്യയിലേക്കും സർവ്വീസുകൾ ആരംഭിക്കുന്നത്. ആഗസ്റ്റ് 20 മുതൽ 22 വരെയുള്ള ദിവസങ്ങളിൽ ടിക്കറ്റുകൾ മുൻകൂട്ടി ബുക്ക് ചെയ്യുന്നവർക്കായി വെറും 9 രൂപയ്ക്ക് ടിക്കറ്റ് ലഭിക്കുന്ന തരത്തിലുള്ള സ്പെഷ്യൽ ഓഫറാണ് കമ്പനി മുന്നോട്ടു വെച്ചിരിക്കുന്നത്. 2020 മാർച്ച് 28 വരെയുള്ള ബുക്കിംഗ് കമ്പനി ഇപ്പോൾ ആരംഭിച്ചു കഴിഞ്ഞു.

തുടക്കത്തിൽ ഹോചിമിൻ സിറ്റിയിലേക്ക് ഞായർ, തിങ്കൾ, ബുധൻ, വെള്ളി ദിവസങ്ങളിലും; ഹാനോയിലേക്ക് ചൊവ്വ, വ്യാഴം, ശനി ദിവസങ്ങളിലുമായിരിക്കും വിമാനസർവീസുകൾ ഉണ്ടായിരിക്കുക.

2011 ൽ ബിക്കിനി ധരിച്ച എയർഹോസ്റ്റസുകളുമായി സർവ്വീസ് നടത്തി വാർത്തകളിൽ ഇടംനേടിയതുകൊണ്ടാണ് വിയജെറ്റിനെ ‘ബിക്കിനി എയർലൈൻസ്’ എന്ന് വിളിക്കുന്നത്. ഇതോടൊപ്പം തന്നെ വിമാനത്തിനുള്ളിൽ വെച്ച്, ഏവിയേഷൻ അതോറിറ്റിൽ നിന്നും പെർമിഷൻ വാങ്ങാതെ എയർഹോസ്റ്റസുമാരുടെ ഫാഷൻ ഷോ ഇവർ അവതരിപ്പിച്ചത് ഏറെ വിവാദങ്ങൾക്ക് വഴിതെളിച്ചിരുന്നു. ഇതിനെത്തുടർന്നു വിയറ്റ്‌നാം ഏവിയേഷൻ അതോറിറ്റി വിമാനക്കമ്പനിയിൽ നിന്നും 60000 രൂപയോളം പിഴയും ഈടാക്കിയിരുന്നു.

ബിക്കിനി വിവാദത്തിൽ പലയിടത്തു നിന്നും എതിർപ്പുകൾ ഉണ്ടായെങ്കിലും യഥാർത്ഥത്തിൽ വിയജെറ്റിന് അതൊരു കിടിലൻ പ്രൊമോഷൻ തന്നെയായിരുന്നു. 2011 ൽ പ്രവർത്തനമാരംഭിച്ച വിയജെറ്റ് ഇന്ന് 400 ലധികം സർവ്വീസുകൾ ആഭ്യന്തര റൂട്ടുകളിലും, അന്താരാഷ്ട്ര റൂട്ടുകളിലുമായി നടത്തുന്നുണ്ട്. വരുമാനത്തിന്റെ കാര്യത്തിലും വിയജെറ്റ് മുകളിലേക്കു തന്നെയാണ് കുതിക്കുന്നത്.2017 ൽ 17 ദശലക്ഷത്തോളം യാത്രക്കാരെ കൈകാര്യം ചെയ്‌ത വിയജെറ്റ് 986 ദശലക്ഷത്തോളം ഡോളറാണ് ആ വര്‍ഷം മാത്രം സമ്പാദിച്ചത്. വിയറ്റ്‌നാമിലെ വനിതാ കോടീശ്വരിയായ ഗുയേന്‍ തീ ഫൂവോംഗ് താവോയാണ് ഈ വിമാന കമ്പനിയുടെ ഉടമസ്ഥ.

ഇതുകൂടാതെ ഒക്ടോബർ മൂന്നു മുതൽ കൊൽക്കത്തയിൽ നിന്നും ഹോചിമിൻ സിറ്റിയിലേക്ക് ഇൻഡിഗോ എയർലൈൻസ് സർവ്വീസുകൾ ആരംഭിക്കുന്നുമുണ്ട്. കൂടുതൽ ബഡ്‌ജറ്റ്‌ വിമാന സർവ്വീസുകൾ വിയറ്റ്നാമിലേക്ക് ആരംഭിക്കുന്നതോടെ ഇന്ത്യയിൽ നിന്നും തായ്‌ലൻഡ്, മലേഷ്യ എന്നിവിടങ്ങളിലേക്ക് ടൂറിസ്റ്റുകൾ ഒഴുകുന്നതുപോലെ വിയറ്റ്നാമിലേക്കും കൂടുതലായി ആളുകൾ പോകുവാൻ തുടങ്ങും. ടൂറിസം രംഗത്ത് ഒട്ടേറെ മാറ്റങ്ങൾക്ക് ഇത് വഴിതെളിയിക്കും എന്നുതന്നെയാണ് പറയപ്പെടുന്നത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post