ലോറിയുടെ ചേസിസിൽ നിന്നും വീലുകൾ മോഷണം പോയി; കെണിയിലായി പാവം ഡ്രൈവർ…

Total
1
Shares

അതീവ സങ്കടകരമായ ഒരു വാർത്ത കേട്ടുകൊണ്ടാണ് ഇന്ന് നേരം പുലർന്നത്. ഉത്തരഖണ്ഡിൽ നിന്നും ട്രക്ക് ചെയിസിസുമായി കേരളത്തിലെത്തിയ ജുമാഖാൻ എന്ന ഡ്രൈവർ കാസർഗോഡ് ചെറുവത്തൂർ എന്ന സ്ഥലത്ത് വാഹനം റോഡരികിൽ നിർത്തി ഉറങ്ങിയെണീറ്റപ്പോൾ 2 ലക്ഷത്തിലധികം രൂപ വിലവരുന്ന ടയറുകൾ കള്ളന്മാർ കൊണ്ടുപോയിരിക്കുന്നു.

നാല് ടയറുകൾ മോഷണം പോയി എന്നതിനപ്പുറം ഉള്ള് നീറുന്ന ഒരു മനുഷ്യന്റെ വേദന കൂടിയുണ്ട്. 7500 രൂപ വരുമാനത്തിനായി ഉത്തരാഖണ്ഡിൽ നിന്നും ഊണും ഉറക്കവുമില്ലാതെ, പ്രതികൂല കാലാവസ്ഥയെ അതിജീവിച്ച് മലയാള നാട്ടിലെത്തിയ ജുമാ ഖാൻ.ഒരു രാത്രി കൊണ്ട് 2 ലക്ഷം രൂപയുടെ കടക്കാരനായി ജീവിതം ചോദ്യ ചിഹ്നമായിരിക്കുയാണ് ഇദ്ദേഹത്തിന്.

ഉത്തരാഖണ്ഡിൽ നിന്നും ആ പുതിയ ലോറിയുടെ ചെയ്‌സുമായി എറണാകുളത്തേക്ക് യാത്ര തുടങ്ങുമ്പോൾ ജുമാ ഖാന്റെ മനസ്സിൽ ഈ യാത്രയുടെ അവസാനം പ്രതിഫലമായി തന്റെ കൈകളിലേക്ക് കിട്ടാൻപോവുന്ന 7500 രൂപ ആയിരുന്നു. ആ ഏഴായിരത്തിയഞ്ഞൂറു രൂപാ കൊണ്ടു ഒരുപാട് കാര്യങ്ങൾ മനസ്സിൽ കണ്ടുകൊണ്ടാകണം അദ്ദേഹം ഓരോ രാത്രിയും പകലാക്കി ബോഡി കെട്ടാത്ത ആ ചെയ്സും ഓടിച്ചു ഇതാ കേരളം വരെ എത്തിയത്.

ഇന്നിപ്പോൾ ഈ വഴിയരികിൽ അന്യദേശത്ത് എല്ലാം നഷ്ടപ്പെട്ടു ഇയാൾ ഇരിക്കുമ്പോൾ തല കുനിക്കേണ്ടത് നമ്മൾ ഓരോരുത്തരുമാണ്. കാരണം നമ്മുടെ നാട്ടിൽ വച്ചാണ് ഈ പാവം മനുഷ്യൻ രണ്ടുലക്ഷം രൂപയുടെ കടക്കാരനായത്. അതും ഒന്ന് മയങ്ങിയുണർന്ന സമയത്തിനുള്ളിൽ. “മറ്റൊരു സംസ്ഥാനം ആയിരുന്നെങ്കിൽ ഒരിക്കലും ഞാൻ ഉറങ്ങില്ലായിരുന്നു. പക്ഷേ ഇത് കേരളമാണല്ലോ. ആ ഒരു സുരക്ഷിതത്വം ഉണ്ടാവുമല്ലോ എന്ന് കരുതി… “നിറകണ്ണുകളോടെ ജുമാഖാൻ പറയുന്നു..

പത്തുദിവസമെടുത്തു ഉത്തരാഖണ്ഡിൽ നിന്നും ഇവിടെവരെ എത്താൻ. അതും ബോഡിയില്ലാത്ത ലോറിയിൽ. കഷ്ടപ്പാട് ചില്ലറയല്ല. മഞ്ഞും മഴയും വെയിലുമെല്ലാം തടയാൻ ആകെയുള്ളത് പേരിനൊരു തടയാണ്. മഴ കാരണം യാതൊന്നും കാണാൻ സാധിക്കാതെ വന്നപ്പോളാണ് ജുമാഖാൻ വണ്ടിയൊതുക്കി അടുത്തുള്ള പെട്രോൾ പമ്പിലേക്ക് കേറിയത്. മഴ നീണ്ടതിനാൽ ഒന്ന് മയങ്ങിപ്പോവുകയും ചെയ്തു. ഉറക്കമെഴുന്നേറ്റ് വണ്ടിയുടെ അരികിൽ ചെന്നപ്പോളാണ് നാല് ടയറുകൾ ഡിസ്ക് അടക്കം നഷ്ടപ്പെട്ടതറിയുന്നത്.

എന്ത് ചെയ്യണമെന്നറിയാതെ ആദ്യം അദ്ദേഹം കമ്പനിയിലേക്ക് വിളിച്ചു സംഭവം അറിയിച്ചു. പക്ഷേ കൊണ്ടുപോകുന്ന വാഹനത്തിന്റെ ഉത്തരവാദിത്തം ഡ്രൈവർക്ക് മാത്രമാണെന്ന മറുപടിയാണ് കമ്പനിയിൽ നിന്നും ലഭിച്ചത്. പിന്നീട് പ്രദേശവാസികളുടെ സഹായത്തോടെ ചന്തേര പൊലിസില്‍ വിവരമറിയിച്ചു. സംഭവവുമായി ബന്ധപ്പെട്ട് കളവ് കേസ് രജിസ്റ്റർ ചെയ്‌തെന്നു പോലീസ് അറിയിച്ചു. കളവ് നടന്ന സ്ഥലത്തിന് സമീപത്തുള്ള പെട്രോൾ പമ്പിലെ സിസിടിവി തകരാറിലായിരുന്നതിനാൽ മോഷ്ട്ടാക്കളുടെ വിവരം ലഭിക്കാൻ വൈകുന്നത് എന്നാണ് പോലീസ് പറയുന്നത്. സംഭവത്തിൽ അടിയന്തര നടപടികളും അന്വേഷണവും നടത്തുന്നതിനൊപ്പം പെരുവഴിയിലായ ഡ്രൈവർക്ക് ആവശ്യമായ എല്ലാ സഹായങ്ങളും, ആവശ്യമെങ്കിൽ സൗജന്യമായി എല്ലാ നിയമാസഹായങ്ങളും നൽകാമെന്നു സാമൂഹിക പ്രവർത്തകനും അഡ്വക്കേറ്റുമായ വയനാട് സ്വദേശി അഡ്വ.ശ്രീജിത്ത് പെരുമന പോലീസിനെ അറിയിച്ചിട്ടുണ്ട്.

പ്രതിഫലം കിട്ടുമ്പോൾ ചെയ്യാനിരുന്ന കാര്യങ്ങളേക്കാൾ രണ്ടുലക്ഷം രൂപയുടെ കടബാധ്യതയാണ് ഇപ്പോൾ ജുമാഖാന്റെ തലയ്ക്കുമുകളിൽ. ആരാണ് ഇത് ചെയ്തത് എന്നറിയില്ല. പക്ഷേ ഈ മനുഷ്യനോട് ചെയ്യാൻ കഴിയുന്ന ഏറ്റവും വലിയ ക്രൂരതയാണിത്. ഉറങ്ങാതെ ഓരോ രാത്രിയും പകലാക്കുമ്പോൾ തിരികെ നാട്ടിലെത്തി ചെയ്തുതീർക്കേണ്ട കാര്യങ്ങൾ മാത്രമായിരുന്നിരിക്കണം ഈ മനുഷ്യന്റെ മനസ്സിൽ. അതെല്ലാം തകർന്നു എന്നതിലുപരി കേരളത്തോട്, മലയാളികളോട് ഈ മനുഷ്യനുണ്ടായിരുന്ന വിശ്വാസം ആണ് തകർന്നടിഞ്ഞത്..

ഒരു അപേക്ഷയേയുള്ളൂ. ആരാണ് ഇത് ചെയ്തതെങ്കിലും മനസാക്ഷി എന്നത് അല്പമെങ്കിലും അവശേഷിക്കുന്നുണ്ടെങ്കിൽ ഈ മനുഷ്യന്റെ കണ്ണുനീർ കാണാതെ പോവരുത്. നമ്മളിലുള്ള വിശ്വാസം നമ്മൾ തന്നെ കളയരുത്.

വിവരങ്ങൾക്ക് കടപ്പാട് – അഡ്വ. ശ്രീജിത്ത് പെരുമന, ജിതിൻ ജോഷി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post