ഇരുനില ഭീമൻ എയർബസ് A 380 യും വിടപറയുവാൻ ഒരുങ്ങുന്നു..

Total
1
Shares

വിമാനങ്ങളിൽ യാത്ര ചെയ്യുവാൻ ഇഷ്ടമില്ലാത്തവർ അധികമാരും കാണില്ല. എന്നാൽ നിങ്ങൾ യാത്ര ചെയ്യുന്ന വിമാനങ്ങളെക്കുറിച്ചോ മോഡലുകളെക്കുറിച്ചോ ആരെങ്കിലും ശ്രദ്ധിക്കാറുണ്ടോ? ഇന്ന് ലോകത്തിൽ സർവ്വീസ് നടത്തുന്നവയിൽ ഏറ്റവും വലിയ യാത്രാ വിമാനം ഏതാണ്? ചിലർക്കെങ്കിലും ഉത്തരം അറിയാമായിരിക്കും. എങ്കിലും പറഞ്ഞു തരാം.

ലോകത്തിലെ പ്രമുഖ വിമാന നിർമ്മാണ കമ്പനിയായ ‘എയർബസ്’ നിർമ്മിച്ച A 380 എന്ന മോഡലാണ് ഇന്ന് സർവ്വീസ് നടത്തുന്നവയിൽ ഏറ്റവും വലിയ മോഡൽ വിമാനം. നമ്മൾ കണ്ടിട്ടുള്ള സാധാരണ വിമാനങ്ങളെ അപേക്ഷിച്ച് രണ്ടു നിലകൾ ഉണ്ടെന്നുള്ളതാണ് ഇതിന്റെ എടുത്തു പറയേണ്ട ഒരു സവിശേഷത.

2007 ഏപ്രിൽ 27 നു ഫ്രാൻസിലെ ടുളുസിൽ വെച്ചായിരുന്നു ഇതിന്റെ ആദ്യ പറക്കൽ. എന്നാൽ A 380-യുടെ വാണിജ്യാടിസ്ഥാനത്തിലുള്ള ആദ്യത്തെ യാത്ര 2007 ഒക്ടോബർ 25-നായിരുന്നു. സിംഗപ്പൂർ എയർലൈൻസായിരുന്നു ഈ ഇരുനില ഭീമൻ വിമാനത്തെ ആദ്യമായി സ്വന്തമാക്കിയത്. സിംഗപ്പൂർ എയർലൈൻസിന്റെ സിംഗപ്പൂർ – സിഡ്‌നി റൂട്ടിലെ SQ380 വിമാനമാണ് ആദ്യമായി യാത്രാ സർവ്വീസ് നടത്തുന്ന A 380 വിമാനം. മറ്റൊരു പ്രമുഖ വിമാന നിർമ്മാണ കമ്പനിയായ ബോയിങ്ങിന്റെ B747 എന്ന മോഡലിനെ ജംബോ ജെറ്റ് എന്നു വിളിക്കാറുണ്ട്. ഇതേപോലെ A380 യെ ‘സൂപ്പർ ജംബോ’ എന്നാണു അറിയപ്പെടുന്നത്.

യാത്രക്കാർ ഏറ്റവും കൂടുതൽ സഞ്ചരിക്കുവാൻ ഇഷ്ടപ്പെടുന്ന വിമാന മോഡലാണ് A 380. സീറ്റുകൾക്കിടയിലെ നല്ല ലെഗ് സ്‌പേസും മികച്ച സൗകര്യങ്ങളുമുള്ള ഈ വിമാനത്തിന്റെ ഉൾവശം കണ്ടാൽ ഒരു മിനി തിയേറ്റർ ആണെന്നേ തോന്നൂ. ദീർഘദൂര സർവ്വീസുകൾക്കാണ് ഈ മോഡൽ വിമാനങ്ങൾ പ്രധാനമായും ഉപയോഗിക്കുന്നത്. പക്ഷേ ജനപ്രിയമായിട്ടും ഈ മോഡലുകളുടെ നിർമ്മാണം അവസാനിപ്പിക്കുവാൻ പോകുകയാണ് എയർബസ് കമ്പനി. കാരണം മറ്റൊന്നുമല്ല പ്രതീക്ഷിച്ച പോലെ ഈ മോഡലുകൾ ഒന്നും വിറ്റു പോകുന്നില്ല. പുതിയ A 380 വിമാനങ്ങൾക്കായി നൽകിയിരുന്ന ഓർഡറുകൾ വിമാനക്കമ്പനികൾ ക്യാൻസൽ ചെയ്യുകയും കൂടി ചെയ്തതോടെ ഈ ഭീമൻ വിമാനത്തിന്റെ അവസാനമാകുകയായിരുന്നു.

സൗകര്യങ്ങൾ ഏറെയുണ്ടെങ്കിലും ഈ മോഡൽ ഉപയോഗിച്ചു സർവ്വീസ് നടത്തുന്നതിനുള്ള അധിക ചെലവുകളാണ് എയർലൈനുകളെ മറ്റു മോഡലുകൾ വാങ്ങുന്നതിലേക്കുള്ള തീരുമാനങ്ങളിലേക്ക് എത്തിച്ചത്. A 380 വെച്ച് നടത്തുന്ന സർവീസുകളിൽ ഒരു സീറ്റ് ഒഴിഞ്ഞു കിടന്നാൽ എയര്ലൈനുകൾക്ക് അതുമൂലമുണ്ടാകുന്ന നഷ്ടം ഏറെയാണ്. മികച്ച യാത്രാ സൗകര്യങ്ങൾ വാഗ്ദാനം തരുന്നുണ്ടെങ്കിലും ടിക്കറ്റ് നിരക്ക് ഉയർന്നതായതിനാൽ സാധാരണക്കാരായ യാത്രക്കാർ മറ്റു വിമാനങ്ങളെയാണ് കൂടുതലായും ആശ്രയിക്കുന്നത്. ഇതാണ് ഇതിൽ യാത്രക്കാർ കുറയുവാൻ കാരണവും. നീളം കുറഞ്ഞ റൺവേകളുള്ള എയർപോർട്ടുകളിൽ ഇറക്കുവാൻ സാധ്യമല്ലാത്തതും ഈ മോഡലിന്റെ ഡിമാൻഡ് കുറയുവാൻ ഇടയാക്കി.

ഉയർന്ന തുക നൽകി ഒരു A 380 വിമാനം വാങ്ങി സർവ്വീസ് നടത്തിയിട്ട് അതിനനുസരിച്ചുള്ള ലാഭം വിമാനക്കമ്പനികൾക്ക് ലഭിക്കുന്നില്ല എന്നതാണ് സത്യം. ഇന്ധനത്തിനും അറ്റകുറ്റപ്പണികൾക്കുമാണ് A 380 മോഡലിന് ചിലവുകൾ ഏറെയും വരുന്നത്. ഏറ്റവും കൂടുതൽ A 380 സൂപ്പർ ജംബോ വിമാനങ്ങൾ വാങ്ങിയിരുന്ന എമിറേറ്റ്സ് കമ്പനിയും ഓർഡറുകൾ വെട്ടിക്കുറച്ചതോടെ ഈ മോഡൽ ഇനി പുറത്തിറക്കേണ്ട എന്ന നിലപാടിലാണ് എയർബസ് കമ്പനി. നിലവിലുള്ള ഓർഡറുകൾ കൊടുത്ത ശേഷമായിരിക്കും ഈ മോഡൽ ഉൽപ്പാദനം നിർത്തുക. ഇതുപ്രകാരം 2021 ഓടെ A 380 എന്ന ഇരുനില ഭീമൻ വിമാനം കളത്തിൽ നിന്നും പിന്മാറും.

എയർബസ് പുറത്തിറക്കുന്ന, A 380 യെക്കാൾ വലിപ്പം കുറഞ്ഞ A 330, A 350 മോഡലുകൾക്കാണ് ഇപ്പോൾ കൂടുതൽ ആവശ്യക്കാർ. കൂടുതൽ സൗകര്യപ്രദവും കൂടുതൽ കാലം ഈട് നിൽക്കുന്നതുമെന്നതിനാലാണ് എയർലൈൻ കമ്പനികൾക്ക് ഈ മോഡലുകൾ A 380 യെക്കാൾ പ്രിയങ്കരമായത്. എയർബസ് A 380 മോഡൽ നിർത്തുന്നതോടെ ഏകദേശം 3500 ഓളം തൊഴിലാക്കികൾക്ക് ജോലി നഷ്ടപ്പെടുമെന്നാണ് സൂചന. എങ്കിലും പരമാവധി ആളുകളെ ജോലി നഷ്ടപ്പെടാതെ തന്നെ തങ്ങളുടെ വിവിധ മേഖലകളിലേക്ക് തിരഞ്ഞെടുക്കുമെന്ന് എയർബസ് കമ്പനി പ്രഖ്യാപിച്ചിട്ടുണ്ട്.

എയർ ഫ്രാൻസ്, ബ്രിട്ടീഷ് എയർവേയ്‌സ്, ഏഷ്യാന എയർലൈൻസ്, ചൈന സതേൺ എയർലൈൻസ്, എമിറേറ്റ്സ്, ഇത്തിഹാദ്, കൊറിയൻ എയർ, ലുഫ്താൻസ, മലേഷ്യ എയർലൈൻസ്, ക്വാണ്ടാസ്, ഖത്തർ എയർവേയ്‌സ്, സിംഗപ്പൂർ എയർലൈൻസ്, തായ് എയർവേയ്‌സ് എന്നീ എയർലൈനുകളാണ് നിലവിൽ A 380 മോഡൽ വിമാനങ്ങൾ ഉപയോഗിച്ച് സർവ്വീസ് നടത്തുന്നത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post