ഒരു കുഞ്ഞു ജീവൻ രക്ഷിക്കാൻ; ഒരിക്കലും മറക്കാനാകാത്ത യാത്ര…

Total
10
Shares

വിവരണം – Hamidsha Shahudeen.

ഒരോ നിമിഷവും വളരെ പ്രധാനപ്പെട്ടതാണ്. എന്തെങ്കിലും ഒരു ചെറിയ പാളിച്ച പറ്റിയാൽ കൈവിട്ട് പോകുന്നത് ഒരു പറക്കമുറ്റാത്ത ജീവനാണ്. ഡോക്ടർ മുതൽ ഡ്രൈവർ വരെ അവരവരുടെ ജോലി വളരെ ജാഗ്രതയോടെ ചെയ്യേണ്ട നിമിഷങ്ങൾ. ഏറ്റവും ശ്രമകരമായ ജോലി ചെയ്യേണ്ടത് കൂടെയുള്ള നേഴ്‌സ് ആണ്‌.

സംഭവം ഇങ്ങനെ : റുവൈസ് , അബുദാബി പട്ടണത്തിൽ നിന്നും 250 കിലോമീറ്റർ അകലെയുള്ള ഒരു സ്ഥലമാണ്. സൗദി അറേബിയയിൽ പോകുന്ന വഴിക്ക് മരുഭൂമിയും എണ്ണപ്പാടവും, എണ്ണ ശുചീകരണ ശാലയും ഉള്ള uae യുടെ വ്യാവസായിക തലസ്ഥാനം. ADNOC ന്റെ അവിടുത്തെ ആശുപത്രിയിലെ ഒരു ബയോമെഡിക്കൽ എഞ്ചിനീയർ ആയിരുന്നു ഞാൻ കൊല്ലങ്ങളോളം. 12 കൊല്ലം മുന്നേ ഈ സംഭവം നടക്കുമ്പോൾ കൂടെയുണ്ടായിരുന്ന സീനിയർ ബയോമെഡിക്കൽ എഞ്ചിനീയർ ലീവിൽ നാട്ടിലാണ്. പിന്നെയുള്ളത് ഞാൻ മാത്രം.

പ്രാഥമിക സൗകര്യങ്ങൾ മാത്രമുള്ള ഒരു സെക്കണ്ടറി കെയർ ആശുപത്രിയാണത്. എന്തെങ്കിലും അത്യാഹിതം സംഭവിച്ചാൽ പൂർണമായും കൈകാര്യം ചെയ്യാനുള്ള സംവിധാനങ്ങൾ അന്ന് റുവൈസ് ആശുപത്രിയിൽ ഇല്ല. പിന്നീട് 2012 ൽ പുതിയ ആശുപത്രി വന്നപ്പോൾ കാര്യങ്ങൾ കുറച്ചൂടെ മെച്ചമായി. ഗുരുതരമായ എന്ത് കേസ് വന്നാലും ആംബുലൻസിലോ ഹെലികോപ്റ്ററിലോ രോഗികളെ അബുദാബിയിലെ വലിയ ആശുപത്രികളിൽ എത്തിക്കുകയാണ് അന്നത്തെ പതിവ്.

വെറും ആറര മാസം മാത്രം തികച്ച് ഭൂമിയിൽ പിറന്ന ഒരു നവജാത ശിശുവിനെ അബുദാബി Mafraq ആശുപത്രിയിൽ ആംബുലൻസിൽ കിടത്തി കൊണ്ടുപോകണം. ആദ്യമായല്ല അത്തരത്തിൽ ഒരു കാര്യം ആ ആശുപത്രിയിൽ ചെയ്യുന്നത്. NICU സംവിധാനം ഇല്ലാത്തതിനാൽ പലപ്പോഴും ഇങ്ങനെ ട്രാൻസ്ഫർ ചെയ്യാറുണ്ട്. Baby Incubator/Ventilator മെഷീൻ ൽ കിടത്തിയാണ് നവജാത ശിശുവിനെ കൊണ്ടു പോകേണ്ടത്. ഡോക്ടർ, നേഴ്‌സ്, ഡ്രൈവർ എല്ലാരും റെഡി.

ബയോമെഡിക്കൽ സ്റ്റാഫ് എന്ന നിലയിൽ കുട്ടിയേ കിടത്തിയ ട്രാൻസ്‌പോർട് ഇൻക്യൂബേറ്റർ ആംബുലൻസിൽ ലോഡ് ചെയ്യാൻ സഹായിക്കുകയും, അതിന് മുന്നേ ഓക്സിജൻ സിലിണ്ടർ ഒക്കെ ഫുൾ ആണ് എന്ന് ഉറപ്പ് വരുത്തുകയും വേണം. എന്നിട്ട് ആംബുലൻസിന്റെ ഇവെർട്ടറിൽ ഇൻക്യൂബേറ്റർ കണക്ട് ചെയ്തു അത് നന്നായി വർക്ക്‌ ചെയ്യുന്നു എന്ന് ഉറപ്പ് വരുത്തണം. എന്നാൽ അവിടെ പണി പാളി. ഇൻവെർട്ടർ വർക്ക്‌ ചെയ്യുന്നില്ല.

ഇനിയുള്ളത് ഒരൊറ്റ ഓപ്ഷൻ. വണ്ടിയുടെ 12 Volt സപ്ലൈ ൽ കണക്ഷൻ കൊടുക്കണം. അതിനുള്ള കേബിളും connector ഉം ഒക്കെ ഇൻക്യൂബേറ്ററിൽ ഉണ്ട്. പക്ഷേ യാത്രയിൽ എന്തെങ്കിലും തകരാർ സംഭവിച്ചാൽ കുട്ടിയുടെ ജീവൻ അപകടത്തിലാകും. കാരണം വെന്റിലേറ്ററിൽ ആണ് ഇപ്പോ ആ കുഞ്ഞ് ഉള്ളത്.

ഞാനിക്കാര്യം Management നെ അറിയിച്ചപ്പോ അവർ പറഞ്ഞു, “ആശുപത്രി തത്കാലം മറന്നേക്കൂ. നീ കൂടെ പോകണം ആംബുലൻസിൽ അബുദാബിയിലെ Mafraq ആശുപത്രി വരെ.” പിന്നെല്ലാം യുദ്ധകാല അടിസ്ഥാനത്തിൽ ആയിരുന്നു. അങ്ങനെ ഞാനും, ഒരു ഈജിപ്ഷ്യൻ ഡോക്ടറും മലയാളിയായ ഒരു നഴ്സും പാകിസ്താനി ഡ്രൈവറും കൂടി യാത്ര പുറപ്പെട്ടു.

അധികം കുലുക്കമൊന്നും ഉണ്ടാക്കാതെ എന്നാൽ സ്പീഡ് അല്പം പോലും കുറക്കാതെ ആ ആംബുലൻസ് കുതിച്ചു. പിന്നിടേണ്ടത് 210 km. പകുതി ദൂരം എത്തുന്നത് വരെ എല്ലാം ഭംഗിയായി പോയി. എന്നാൽ Tarif എന്ന സ്ഥലം എത്തിയപ്പോ. പെട്ടെന്ന് വെന്റിലേറ്റർ ഓഫായി, സംഗതി ആകെ വഷളാകുന്ന അവസ്ഥ. കുട്ടിയുടെ ശരീരം മുഴുവനും നീല കളർ പോലെ.

ഡ്രൈവറോട് വണ്ടി നിർത്താൻ പറഞ്ഞു. നോക്കപ്പോൾ പവറിന്റെ ഇഷ്യൂ ആണ്‌. എന്നാൽ മൾട്ടി മീറ്റർ വച്ച് ചെക്ക് ചെയ്തപ്പോൾ വണ്ടിയിൽ നിന്നുള്ള 12 വോൾട് വരുന്നുണ്ട്. സമയം പാഴാക്കാതെ ഡോക്ടർ കുഞ്ഞിനെ ambu bag ഉപയോഗിച്ച് മാന്വൽ റെസ്പിറേഷൻ കൊടുക്കാൻ തുടങ്ങി.

നഷ്ടപ്പെടുന്ന ഒരോ നിമിഷവും വളരെ വിലപ്പെട്ടതാണ് എന്ന് എനിക്ക് പൂർണ ബോധ്യമുണ്ട്. എന്തായാലും മനസ്സാന്നിധ്യം കൈവിടാതെ ഞാൻ പടിപടിയായി ചെക്ക് ചെയ്യാൻ തുടങ്ങി. ഭാഗ്യം, ഫ്യൂസ് ഹോൾഡർ ഇളകിയതാണ് പ്രശ്നം. ഓട്ടത്തിന്റെ കുലുക്കത്തിൽ പറ്റിയത്. വീണ്ടും വെന്റിലേറ്ററും ഇൻക്യൂബേറ്ററും ON ആയി. കുഞ്ഞിനെ വെന്റിലേറ്ററിലേക്ക് കണക്ട് ചെയ്തു.

വീണ്ടും യാത്ര പുറപ്പെട്ടു. നഷ്ടപ്പെട്ടത് വിലപ്പെട്ട 20 മിനിറ്റ്. പിന്നെയങ്ങോട്ട് ആ വാഹനം പറക്കുകയായിരുന്നു 160km/hr ൽ. ഒടുവിൽ Mafraq ൽ എത്തിയപ്പോ ആകെ എടുത്ത സമയം ഒന്നേമുക്കാൽ മണിക്കൂർ. ആ യാത്രയിൽ ഒരോ നിമിഷവും ഞാൻ അറിയുകയായിരുന്നു ഒരു നഴ്സിന്റെ, ഒരു ഡോക്ടറുടെ ആത്മാർത്ഥത, മനക്കട്ടി, പ്രൊഫഷണലിസം, കരുതൽ എല്ലാം. അതോടൊപ്പം, പ്രായമുള്ള ആ പാകിസ്താനി സുഹൃത്തിന്റെ ഡ്രൈവിംഗ് മികവും. എന്റെ ഒരു തമിഴ് സുഹൃത്തിന്റെ ആ കുഞ്ഞ് മകളെ ഭദ്രമായി Mafraq ആശുപത്രിയിലെ SCBU എത്തിച്ചപ്പോൾ നെടുവീർപ്പിട്ടത് ഞാൻ മാത്രമായിരുന്നില്ല.

കൊല്ലങ്ങൾക്കിപ്പുറം സ്കൂൾ ബാഗും തൂക്കി അച്ഛന്റെ കൈപിടിച്ച് ക്ലാസ്റൂമിലെക്കു നടന്ന് പോകുന്ന ആ പെൺകുട്ടിയെ കണ്ടപ്പോൾ എന്റെ മനസ്സിൽ പഴയ ആംബുലൻസ് യാത്ര ഓടിയെത്തിയതും കണ്ണുകളിൽ ലേശം നനവ് പടർന്നതും സ്വാഭാവികം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post