25 വർഷം മുൻപ് കേരളക്കരയെ ഞെട്ടിച്ച ചമ്മനാട് ബസ് ദുരന്തം – തിരിച്ചറിയാതെ ഇനിയും 3 പേർ..

Total
0
Shares

കേരളത്തിൽ കെഎസ്ആർടിസി ഉൾപ്പെട്ട റോഡപകടങ്ങൾ ധാരാളം നടന്നിട്ടുണ്ട്. അവയിൽ ചിലത് എല്ലാവരെയും ഞെട്ടിക്കുന്നതുമായിരുന്നു. അത്തരത്തിൽ ഇന്നും ആളുകളുടെ മനസ്സിൽ നിന്നും മായാതെ കിടക്കുന്ന ഒരു ദുരന്തമാണ് ചമ്മനാട് അപകടം.

1994 ഫെബ്രുവരി അഞ്ചാം തീയതി രാത്രി 10 മണിയ്ക്ക് ശേഷമാണ് ദേശീയപാതയിൽ ആലപ്പുഴ ജില്ലയിലെ ചമ്മനാട് ഇ.സി.ഇ.കെ. യൂണിയന്‍ ഹൈസ്‌കൂളിനുസമീപം നാടിനെ നടുക്കിയ ആ അപകടം നടന്നത്. തിരുവനന്തപുരം ബാലമന്ദിരത്തിലെയും ബാലികാമന്ദിരത്തിലെയും കുട്ടികളടക്കം 103 യാത്രക്കാരുമായെത്തിയ കെ.എസ്.ആര്‍.ടി.സി. ബസും ചകിരി കയറ്റി വന്ന ലോറിയും കൂട്ടിയിടിച്ചായിരുന്നു അപകടം. 37 പേരാണ് അപകടത്തില്‍ മരിച്ചത്.

തൃശ്ശൂരിൽ നിന്നും ആറ്റിങ്ങലിലേക്ക് പോകുകയായിരുന്ന കെഎസ്ആർടിസി ഫാസ്റ്റ് പാസഞ്ചർ ബസ്സും മധ്യപ്രദേശിലെ ഇൻഡോറിലേക്കു കയറുമായി പോകുകയായിരുന്ന ലോറിയും ആയിരുന്നു ഹൈവേയിൽ കൂട്ടിയിടിച്ചത്. ലോറിയുടെ ഹെഡ്‌ലൈറ്റ് ഡിം ചെയ്യാതിരുന്നതിനാൽ ബസ്സിനു മുൻപിൽ പോയിരുന്ന സൈക്കിൾ യാത്രികനെ ബസ് ഡ്രൈവർ കണ്ടത് തൊട്ടടുത്തെത്തിയപ്പോഴായിരുന്നു. സൈക്കിളുകാരനെ രക്ഷിക്കുവാനായി ബസ് ഉടനെ വലത്തേക്ക് വെട്ടിച്ചു. ഇതോടെ ബസ് എതിരെ വരികയായിരുന്ന ലോറിയുടെ വശത്ത് ഇടിച്ചു.

നിർഭാഗ്യവശാൽ ലോറിയുടെ ഡീസൽ ടാങ്കിലേക്കായിരുന്നു ബസ് ഇടിച്ചുകയറിയത്. ഇടിയുടെ ആഘാതത്താൽ ബസ്സിന്റെ മുൻഭാഗം പൂർണ്ണമായി തകരുകയും ലോറിയുടെ ഡീസൽ ടാങ്ക് പൊട്ടി അവിടമാകെ ഡീസൽ പരക്കുകയുമായിരുന്നു. ഒപ്പം തന്നെ ഇടിച്ചതിന്റെ ഫലമായി തീപ്പൊരി ഉണ്ടാകുകയും അതുമൂലം ഇരു വാഹനങ്ങളും കത്തുകയുമാണുണ്ടായത്. ലോറിയിലെ ലോഡ് കയർ ആയിരുന്നതിനാൽ തീ ആളിപ്പടരാൻ അതും ഒരു കാരണമായി.

അപകടത്തിന്റെ ശബ്ദം കേട്ട് ഓടിയെത്തിയ സമീപവാസികളും 
ചമ്മനാട് ഇസിഇകെ യ‍ൂണിയൻ ഹൈസ്കൂളിലെ വാർഷികാഘോഷത്തിൽ പങ്കെടുക്കാനെത്തിയവരും അടുത്തുള്ള ദേവീക്ഷേതത്തിലെ ഉത്സവത്തിനു വന്നവരും ചേർന്നാണു രക്ഷാപ്രവർത്തനം തുടങ്ങിയത്. ബസിൽ നിന്നിറക്കിയവരെ ചേർത്തല താലൂക്ക് ആശുപത്രിയിലും ആലപ്പുഴ മെഡിക്കൽ കോളജ് ആശുപത്രിയിലുമായി എത്തിച്ചത് വ്യാപാരി വ്യവസായി അസോസിയേഷന്റെ പ്രകടനത്തിൽ പങ്കെടുത്തു മടങ്ങിയ ബസുകളിലായിരുന്നു. കൂടാതെ ആ സമയം തിരുവനന്തപുരത്തേക്ക് വരികയായിരുന്ന ഒരു കെഎസ്ആർടിസി എക്സ്പ്രസ്സ് ബസ് തിരിച്ചുവിട്ട് അതിൽ പരിക്കേറ്റ ചിലരെ എറണാകുളത്തെ മെഡിക്കൽ ട്രസ്റ്റ് ആശുപത്രിയിലെത്തിക്കുകയും ചെയ്തു.

ബസ് ഡ്രൈവർ ദിവാകരൻ ഗുരുതരമായ പരിക്കുകളോടെ ആശുപത്രിയിൽ പ്രവേശിക്കപ്പെട്ടു. എന്നാൽ പിന്നീട് ഇദ്ദേഹവും മരണത്തിനു കീഴടങ്ങി. മരിക്കുന്നതിനു മുൻപ് ഡ്രൈവർ ദിവാകരന്റെ മൊഴി രേഖപ്പെടുത്തുവാൻ പോലീസിനായി. അദ്ദേഹത്തിൻ്റെ മൊഴി ഇങ്ങനെ : “എല്ലാം ഞാൻ വ്യക്തമായി ഓർക്കുന്നു. കയർ ലോറി ഏതോ വാഹനത്തെ ഓവർടേക്ക് ചെയ്തു വരികയായിരുന്നു. രണ്ടു വണ്ടികളുടെയും പ്രകാശം ഒന്നിച്ചു കണ്ണിലടിച്ചത‍ുകൊണ്ട് മറ്റേ വാഹനം ഏതാണെന്നു കണ്ടില്ല. പെട്ടെന്നാണ് ബസിന്റെ മുന്നിൽ ഒരു സൈക്കിളുകാരൻ വന്നുപെട്ടത്. മറ്റൊന്നും ചെയ്യാനി‍ല്ലായിരുന്നു. അയാളെ രക്ഷിക്കാനായി ഞാൻ ബസിൽ ആഞ്ഞു ചവിട്ടി. അപ്പോഴേക്കും എല്ലാം സംഭവിച്ചിരുന്നു. റോഡിന്റെ വലതുഭാഗത്തേക്കു തെന്നിമാറ‍ിയ വണ്ടിയും ലോറിയും ഏതാണ്ടു നേർക്കുനേരെ എന്നപോലെ കൂട്ടിയിടിച്ചു. പ‍ിന്നൊന്നും എനി‍ക്ക് ഓർമയില്ല.” (1994 ഫെബ്ര‍ുവരി 7ന് മലയാള മനോരമയിൽ പ്രസിദ്ധീകരിച്ചത്).

നൂറോളം യാത്രക്കാരുണ്ടായിരുന്ന ബസ്സിലെ 33 പേരും ലോറിയിലുണ്ടായിരുന്ന രണ്ടുപേരും ഉൾപ്പെടെ മൊത്തം 35 ജീവനായിരുന്നു സംഭവസ്ഥലത്തു വെച്ച് ആ ഭീകരമായ ദുരന്തത്തിൽ പൊലിഞ്ഞത്. പിന്നീട് ചികിത്സയിലിരിക്കെ ബസ് ഡ്രൈവർ ഉൾപ്പെടെ രണ്ടുപേർ കൂടി മരണപ്പെട്ടതോടെ ആകെ മരണസംഖ്യ 37 ആയി മാറി. മരിച്ചവരെല്ലാം കത്തിയമർന്നു കരിക്കട്ടകളായി. വളരെ ശ്രമിച്ചിട്ടാണ് 26പേരെ തിരിച്ചറിഞ്ഞത്. ദിവസങ്ങൾക്കുശേഷം, തിരിച്ചറിയാനാകാത്ത ഒൻപതുപേരുടെ മൃതദേഹങ്ങൾ ചേർത്തല മുനിസിപ്പൽ ശ്മശാനത്തിൽ സംസ്‌കരിച്ചു. ഇതിൽ ആറുമാസത്തിനുള്ളിൽ ആറുപേരെക്കൂടി തിരിച്ചറിഞ്ഞു. മരിച്ചവരിൽ ഇനിയും മൂന്നുപേർ ആരെന്നു തിരിച്ചറിഞ്ഞിട്ടില്ല.

മൂന്നു ഘട്ടങ്ങളിലായി നടന്ന വിചാരണ പൂർത്തിയാക്കിയാണ് മോട്ടോർ ആക്സിഡന്റ്സ് ക്ലെയിം ട്രിബ്യൂണൽ  1997 സെപ്റ്റംബറിൽ നഷ്ടപരിഹാരം നിർദേശിച്ചത്. 101 കേസുകളിലായി ഏകദേശം 1.20 കോടി രൂപ നഷ്ടപര‍ിഹാരം അനുവദിച്ചു. അപകടം നടന്ന ദിവസം മുതലുള്ള 12% പലിശ ഉൾപ്പെടെ 1.75 കോടി രൂപയായിരുന്നു നൽകേണ്ടിയിരുന്നത്. ഇതിൽ 70% കെഎസ്ആർടിസിയും 30% യുണൈറ്റഡ് ഇന്ത്യ ഇൻഷുറൻസും നൽകണമെന്നായിരുന്നു ഉത്തരവ്. ഈ തുക ഇതുവരെ പൂർണമായി നൽകിയിട്ടില്ല. നിലവിൽ രണ്ട്‌ കേസുകൾ സുപ്രീംകോടതിയുടെ പരിഗണനയിലാണ്.

വിവരങ്ങൾക്ക് കടപ്പാട് – മാതൃഭൂമി, മലയാള മനോരമ, ചിത്രം – മാതൃഭൂമി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post