52 മണിക്കൂർ രാജധാനി എക്‌സ്പ്രസ്സിൽ; മംഗലാപുരം – ഡൽഹി നിസാമുദ്ധീൻ യാത്ര…

Total
36
Shares

തിരുവനന്തപുരത്തു നിന്നും ഡൽഹി നിസാമുദ്ധീനിലേക്ക് ഞങ്ങൾ നടത്തിയ യാത്ര വിശേഷങ്ങളുടെ രണ്ടാം ഭാഗമാണിത്. ആദ്യഭാഗത്തിൽ ഞങ്ങൾ മംഗലാപുരം വരെ എത്തിയിരുന്നു. ആ വിവരണം കാണുവാനായി – https://bit.ly/2GEIi2S. ഇനി അവിടുന്ന് ഡൽഹി നിസാമുദ്ധീൻ വരെയുള്ള നീണ്ട യാത്രയുടെ വിശേഷങ്ങളും അനുഭവങ്ങളും പങ്കുവെയ്ക്കുകയാണ്. അപ്പോൾ തുടങ്ങാം അല്ലെ..

15 മിനിറ്റുകൾ നിർത്തിയിട്ടതിനു ശേഷം മംഗലാപുരത്തു നിന്നും ഞങ്ങളുടെ ട്രെയിൻ വീണ്ടും യാത്ര തുടർന്നു. ഉഡുപ്പിയും കുന്ദാപുരയുമൊക്കെ കഴിഞ്ഞു ട്രെയിൻ പറപറക്കുകയായിരുന്നു. രാജധാനി എക്സ്പ്രസ്സ് വളരെ മുൻഗണനയുള്ള ട്രെയിനായിരുന്നതിനാൽ മറ്റു തീവണ്ടികളെയൊക്കെ പിടിച്ചിട്ടുകൊണ്ടാണ് ഞങ്ങൾ പോയിരുന്നത്. എന്നാൽ ഇടയ്ക്ക് ചില പ്രത്യേക സാഹചര്യങ്ങളിൽ രാജധാനി എക്സ്‌പ്രസും പിടിച്ചിട്ടായിരുന്നു.

ഈ റൂട്ടിലെ മനോഹരമായ കാഴ്ചകൾ കൊങ്കൺ റൂട്ടിലാണ് ഉള്ളത്. നേരം ഇരുട്ടുമെന്നതിനാൽ ഞങ്ങൾക്ക് അവിടത്തെ പ്രധാനപ്പെട്ട കിടിലൻ കാഴ്ചകളൊക്കെ നഷ്ടപ്പെടുമോ എന്നൊരു പേടി. എന്തായാലും ഒന്നു ശ്രമിക്കാമെന്നു വെച്ചു. ഉഡുപ്പി കഴിഞ്ഞാൽ പിന്നീട് ട്രെയിൻ നിർത്തുന്നത് കാർവാർ സ്റ്റേഷനിൽ ആണ്. പക്ഷേ അതിനിടയ്ക്ക് ഹൊന്നവർ എന്നൊരു ചെറിയ സ്റ്റേഷനിൽ ഏതോ ട്രെയിനിന് കടന്നുപോകുവാനായി ട്രെയിൻ നിർത്തി. അതിനിടെ ഒരു റെയിൽവേ ജീവനക്കാരൻ (ലോക്കോ പൈലറ്റിന്റെ സഹായിയോ മറ്റോ ആണെന്ന് തോന്നുന്നു) ലോക്കോ പൈലറ്റിനായി ചായയും ഭക്ഷണവും പാർസലായി മുന്നിലെ എഞ്ചിനിൽ കൊണ്ടുപോയി കൊടുക്കുന്നു. ഈ ലോക്കോ പൈലറ്റുമാരുടെ കാര്യം വളരെ കഷ്ടം തന്നെയാണ്. ഒന്നു ടോയ്‌ലറ്റിൽ പോകണമെന്നു തോന്നിയാൽ പോലും എഞ്ചിനുള്ളിൽ അതിനുള്ള സൗകര്യങ്ങളൊന്നുമില്ല. പിന്നെ വിശക്കുമ്പോൾ ഇതുപോലെ ലഭിക്കുന്ന ഭക്ഷണങ്ങളാണ് ആശ്രയം.

അങ്ങനെ അവിടെ നിന്നും വീണ്ടും യാത്ര തുടർന്നു. അതിനിടെ ഞങ്ങളുടെ കൂപ്പെ വൃത്തിയാക്കുവാനായി ട്രെയിനിലെ ഹൗസ് കീപ്പിങ് ജീവനക്കാരൻ എത്തി. പ്രത്യേകിച്ച് ഒന്നും വൃത്തിയാക്കുവാൻ ഉണ്ടായിരുന്നില്ലെങ്കിലും അവർ അവരുടെ ജോലി നന്നായി ചെയ്തു.

മഡ്‌ഗാവ് റെയിൽവേ സ്റ്റേഷൻ കഴിഞ്ഞു പിന്നീട് കർമാലി എന്നൊരു സ്റ്റേഷനിൽ പിന്നീട് ട്രെയിൻ നിർത്തി. ഞങ്ങളുടെ മുന്നിലത്തെ കോച്ചിലെ ഒരു യാത്രക്കാരനെ കാണ്മാനില്ല എന്ന് ട്രെയിനിൽ അനൗൺസ്മെന്റ് കേട്ടു. അദ്ദേഹം വേറെ ഏതെങ്കിലും കോച്ചിൽ മാറിക്കയറിയോ എന്നറിയുവാനായിരുന്നു അനൗൺസ് ചെയ്തത്. എവിടെ പോയെന്നു ആർക്കും അറിയില്ല. കാര്യമെന്തെന്നറിയുവാൻ ഞങ്ങൾ പുറത്തിറങ്ങി നോക്കി. മുന്നിലെ കോച്ചിനു മുന്നിൽ ഒരാൾക്കൂട്ടം. കൂടെ TTR ഉം ഉണ്ട്. ചിലപ്പോൾ മുൻപ് നിർത്തിയ സ്റ്റേഷനിൽ ഇറങ്ങിക്കാണും എന്ന് ആളുകൾ പറയുന്നുണ്ടായിരുന്നു. കുറേനേരം ആ സ്റ്റേഷനിൽ നിർത്തിയിട്ടതിനു ശേഷം പിന്നീട് യാത്ര തുടർന്നു.

അപ്പോഴേക്കും ഡിന്നർ സമയമായിരുന്നു. ഞങ്ങൾക്കായുള്ള ഡിന്നർ വിഭവങ്ങളുമായി അറ്റൻഡർ എത്തിച്ചേർന്നു. ബ്രെഡ്, ജാം, ന്യൂഡിൽസ്, പാസ്ത, കട്ലറ്റ്, ചിക്കൻ എന്നിവയായിരുന്നു ഞങ്ങൾക്ക് ലഭിച്ച ഡിന്നർ. ലഞ്ചിനെ അപേക്ഷിച്ച് ഡിന്നർ വളരെ നല്ലതായിരുന്നു. ഡിന്നറിനു ശേഷം ഞങ്ങൾ ഉറങ്ങുവാനായി തയ്യാറെടുത്തു. ട്രെയിൻ ഭയങ്കര താമസിച്ചുകൊണ്ടായിരുന്നു ഓടിയിരുന്നത്. ഇരുട്ടായതിനാൽ കൊങ്കണിലെ മനോഹരമായ കാഴ്ചകൾ നഷ്ടമായതിൽ ഞങ്ങൾക്ക് വളരെ സങ്കടമുണ്ടായിരുന്നു. എന്തായാലും മറ്റൊരിക്കൽ ആ കാഴ്ചകൾ കാണുവാനായി പകൽ സമയം ഇതിലൂടെ വരണം എന്നു ഞങ്ങൾ തീരുമാനിച്ചു.

പിറ്റേദിവസം രാവിലെ എഴുന്നേറ്റു ഞാൻ കുളിച്ചു റെഡിയായി. അപ്പോഴേക്കും ബ്രേക്ക് ഫാസ്റ്റ് എത്തിയിരുന്നു. എനിക്ക് ഓംലറ്റും കുറച്ച് വെജിറ്റബിൾസും, ശ്വേതയ്ക്ക് കട്ലറ്റും വെജിറ്റബിൾസും ആയിരുന്നു ലഭിച്ചത്. ആ സമയം ട്രെയിൻ ഏതോ വരണ്ട കാലാവസ്ഥയുള്ള പ്രദേശത്തു കൂടി ഓടിക്കൊണ്ടിരിക്കുകയായിരുന്നു. ഞങ്ങളുടെ ട്രെയിൻ ഭയങ്കര സ്പീഡിൽ ആയിരുന്നു. ചില റെയിൽവേ സ്റ്റേഷനുകളൊക്കെ ശടെ എന്നു പറഞ്ഞുകൊണ്ടേയിരുന്നു കടന്നു പോയിരുന്നത്. യാത്രയ്ക്കിടയിൽ ഞാൻ വീഡിയോകൾ ഒക്കെ എഡിറ്റ് ചെയ്യുവാനായി സമയം കണ്ടെത്തി. അതിനിടയിൽ ഉച്ചയായപ്പോൾ ഞങ്ങൾക്കായുളള ലഞ്ച് വന്നു.

ഞങ്ങൾക്ക് ഒട്ടും പരിചയമില്ലാത്ത സ്ഥലങ്ങൾ കാണുവാനുള്ള അവസരം ഈ യാത്രയ്ക്കിടയിൽ ഉണ്ടായി. ഒരു യാത്രികൻ എന്ന നിലയ്ക്ക് അതൊരു ഭാഗ്യം തന്നെയാണെന്നാണ് ഞാൻ കരുതുന്നത്. ഡൽഹിയിൽ ചെന്നിട്ട് പ്രത്യേകിച്ച് അത്യാവശ്യങ്ങളൊന്നും ഇല്ലാതിരുന്നതിനാൽ ട്രെയിൻ ലേറ്റ് ആകുന്നതുകൊണ്ട് ഞങ്ങൾക്ക് പ്രത്യേകിച്ച് വിഷമമൊന്നും ഉണ്ടായിരുന്നില്ല. അങ്ങനെ അവസാനം ഞങ്ങൾ പിറ്റേന്നു അതിരാവിലെ ഡൽഹിയിലെ നിസാമുദ്ധീൻ റെയിൽവേ സ്റ്റേഷനിൽ എത്തിച്ചേർന്നു.

ലേറ്റ് ആയി വന്നാൽ ലേറ്റ് ആയി തന്നെ പോകും, അതാണ് ഇന്ത്യൻ റെയിൽവേ. 8 മണിക്കൂർ താമസിച്ച് പുറപ്പെട്ട ഞങ്ങളുടെ ട്രെയിൻ 21 മണിക്കൂർ വൈകിയാണ് ഡൽഹിയിൽ എത്തിയത്. അതുകൊണ്ട് തന്നെ ഈ യാത്ര ഞാൻ നന്നായി മുതലെടുക്കുകയും ചെയ്തു.

2 comments
  1. Your vlogs are excellent. The minute details you both cover are very informative. My wife and I watch your vlogs on a regular basis. Keep up the wonderful job in informing others through your blogging. We now watch your vlogs before travelling. Wish you both safe traveling and keep an eye on your food blogging we see you eat unhealthy food a lot. 😉

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post