1500 രൂപയ്ക്ക് ഒരു കൊച്ചി – കണ്ണൂർ വിമാനയാത്ര

Total
89
Shares

വിവരണം – പ്രശാന്ത് പറവൂർ.

കൊച്ചിയിൽ നിന്നും കണ്ണൂർ എയർപോർട്ടിലേക്ക് വിമാന സർവ്വീസ് ആരംഭിച്ചതു മുതലേയുള്ള ഒരു ആഗ്രഹമായിരുന്നു ആ റൂട്ടിൽ ഒന്ന് യാത്ര ചെയ്യണമെന്ന്. ചാർജ്ജ് നോക്കിയപ്പോൾ 1500 – 1600 രൂപയൊക്കെയാണ് കാണിക്കുന്നത്. യാത്രയുടെ കാര്യം സുഹൃത്തായ അഫ്‌സലിനോട് പറഞ്ഞപ്പോൾ പുള്ളിയും റെഡി. അങ്ങനെ ഞങ്ങൾ ഒക്ടോബർ 26 നു കൊച്ചിയിൽ നിന്നും കണ്ണൂരിലേക്ക് രണ്ട് ടിക്കറ്റുകൾ ബുക്ക് ചെയ്തു.

യാത്രയ്ക്ക് മുൻപേ തന്നെ ഓൺലൈനായി ചെക്ക് ഇൻ ചെയ്തതിനാൽ സീറ്റുകളൊക്കെ തിരഞ്ഞെടുക്കുവാൻ ഞങ്ങൾക്ക് സാധിച്ചു. അങ്ങനെ കാത്തിരുന്ന ദിവസം വന്നെത്തി. രാവിലെ തന്നെ മുട്ടത്തെ കൊച്ചി മെട്രോ പാർക്കിംഗിൽ ഞങ്ങൾ കാർ പാർക്ക് ചെയ്ത ശേഷം എയർപോർട്ടിലേക്ക് യാത്രയായി.

അത്താണി വരെ ബസ്സിൽ പോയിട്ട് അവിടെ നിന്നും എയർപോർട്ടിലേക്ക് യൂബർ ടാക്സി വിളിച്ചായിരുന്നു പോയത്.കൈയിൽ ലഗേജുകൾ ഒന്നുമില്ലാതിരുന്നതിനാൽ ഞങ്ങൾ എയർപോർട്ടിന് മുന്നിലായുള്ള ‘SAJ ഹോട്ടൽ’ എന്നായിരുന്നു യൂബറിൽ ഡെസ്റ്റിനേഷൻ കൊടുത്തിരുന്നത്. കാരണം എയർപോർട്ടിലേക്ക് കയറിയാൽ 100 രൂപ എക്സ്ട്രാ ചാർജ്ജ് ആകും. അതു ലാഭിക്കുവാൻ കൂടിയായിരുന്നു ഞങ്ങൾ പുറത്തെ ഡെസ്റ്റിനേഷൻ സെലക്ട് ചെയ്തത്.

കണ്ണൂരിലേക്കുള്ള വിമാനം രാവിലെ 11.35 നു ആയിരുന്നതിനാൽ ഞങ്ങൾക്ക് എയർപോർട്ടിൽ അത്യാവശ്യം സമയമുണ്ടായിരുന്നു. കൗണ്ടറിൽ ചെന്നിട്ട് ബോർഡിംഗ് പാസും വാങ്ങി നേരെ ചെക്കിംഗ് ഏരിയയിലേക്ക്. വളരെ തിരക്ക് കുറവായിരുന്നതിനാൽ എല്ലാം പെട്ടെന്നു തന്നെ കഴിഞ്ഞു. സുരക്ഷാ ഉദ്യോഗസ്ഥർ യാത്രക്കാരെ നല്ലരീതിയിൽത്തന്നെ പരിശോധിക്കുന്നുണ്ട്. നല്ല കാര്യം.

ചെക്കിംഗ് കഴിഞ്ഞു ഞങ്ങൾ നേരെ ഗേറ്റുകൾക്കരികിലേക്ക് നടന്നു. അവിടെ പ്രമുഖ വ്ലോഗറും എൻ്റെ സുഹൃത്തുമായ സുജിത്ത് ഭക്തൻ ഉണ്ടായിരുന്നു. പുള്ളി ബെംഗളുരുവിലേക്ക് പോകുവാൻ വേണ്ടി കാത്തിരിക്കുകയായിരുന്നു. സുജിത്തിന്റെ വിമാനം 10.30 നു ആയിരുന്നു. കുറച്ചു സമയം സുജിത്തുമായി സംസാരിച്ചതിന് ശേഷം ഞാനും അഫ്സലും ഞങ്ങളുടെ ഗേറ്റ് ആയ GATE 8 ലേക്ക് പോയി.

ഗേറ്റിനരികിലെ ഇരിപ്പിടങ്ങളിൽ ഒന്ന് റിലാക്സ് ചെയ്യുവാൻ നോക്കിയപ്പോഴാണ് തൊട്ടപ്പുറത്ത് പഴയകാല നടി രേഖയെ കണ്ടത്. ഞങ്ങൾ നോക്കുന്നതു കണ്ടപ്പോൾ അവർ ഒന്ന് ചിരിച്ചു, തിരികെ ഞങ്ങളും. ഞങ്ങളുടെ വിമാനം പുറപ്പെടാൻ ഇനിയുമുണ്ട് ഒന്നര മണിക്കൂർ. ഏതാണ്ട് ഒരു മണിക്കൂർ കഴിയുമ്പോൾ ബോർഡിംഗ് തുടങ്ങും. അതുവരെ റെസ്റ്റ് എടുക്കാമെന്നു വിചാരിച്ചു ഞങ്ങൾ അവിടെയിരുന്നു.

കുറച്ചു കഴിഞ്ഞപ്പോഴാണ് വിശപ്പിന്റെ വിളി വരുന്നത്. ആദ്യം അത് കാര്യമാക്കിയിലെങ്കിലും പിന്നീട് അത് വല്ലാത്തൊരു അവസ്ഥയിലേക്ക് എത്തിച്ചു. അറിയാമല്ലോ, എയർപോർട്ടിനുള്ളിൽ നിന്നും ഭക്ഷണം കഴിക്കാൻ നിന്നാൽ നല്ല ചാർജ്ജ് ആകുമെന്ന്. രാവിലെ ഒന്നും കഴിക്കാതിരുന്നതിനാൽ ഞങ്ങൾക്കാണെങ്കിൽ നല്ല വിശപ്പും. അവസാനം അവിടെ കണ്ട KFC യിൽ കയറി കോംബോ ഫുഡിന്റെ റേറ്റ് നോക്കി. രണ്ടു പേർക്കും കൂടി 565 രൂപ. അങ്ങനെ ഞങ്ങൾ അത് വാങ്ങിക്കഴിച്ചു.

ഭക്ഷണം കഴിച്ചു കഴിഞ്ഞപ്പോൾ ഒരു സമാധാനമായി. അപ്പോഴേക്കും ഞങ്ങളുടെ വിമാനത്തിലേക്കുള്ള ബോർഡിംഗ് ആരംഭിച്ചുവെന്ന അനൗൺസ്‌മെന്റ് കേട്ടു. നേരെ വാഷ്റൂമിൽ ചെന്ന് ഒന്ന് ഫ്രഷായി ഗേറ്റിനരികിലേക്ക് ചെന്നു. അവിടുന്ന് വിമാനത്തിലേക്കുള്ള ബസ്സിൽക്കയറി വിമാനത്തിനരികിലേക്ക് യാത്രയായി. കൂടുതൽ വിശേഷങ്ങൾ കണ്ടറിയാൻ താഴെ കൊടുത്തിരിക്കുന്ന വീഡിയോ കാണുക.

ഇൻഡിഗോയുടെ ചെറിയ (ATR) വിമാനമായിരുന്നു ഞങ്ങളുടേത്. ഏകദേശം 74 ഓളം യാത്രക്കാർക്ക് സഞ്ചരിക്കുവാൻ സാധിക്കുന്ന ഒരു എയർക്രാഫ്റ്റ് ആണിത്. അങ്ങനെ ഞങ്ങൾ ക്യൂ നിന്നുകൊണ്ട് വിമാനത്തിലേക്ക് കയറി. മുൻഭാഗത്തായിരുന്നു ഞങ്ങളുടെ സീറ്റുകൾ. പക്ഷെ എമർജൻസി എക്സിറ്റിനടുത്തുള്ള സീറ്റിൽ ആളില്ലായിരുന്നതിനാൽ അഫ്‌സലിനെ എയർഹോസ്റ്റസ് അവിടേക്ക് ക്ഷണിച്ചു. ടേക്ക് ഓഫ് & ലാൻഡിംഗ് സമയത്ത് മാത്രം അവിടെയിരുന്നാൽ മതിയെന്നും, അല്ലാത്തപ്പോൾ തിരികെ സീറ്റിൽ വന്നിരുന്നുകൊള്ളാനും അവർ പറഞ്ഞു.

ഞാൻ ആദ്യമായിട്ടായിരുന്നു ഒരു ചെറിയ വിമാനത്തിൽ കയറുന്നത്. ഒരു സ്‌കാനിയ ബസ്സിനുള്ളിൽ കയറിയ പ്രതീതിയായിരുന്നു വിമാനത്തിനകത്ത്. രണ്ടു പൈലറ്റുമാരും രണ്ടു എയർഹോസ്റ്റസുമാരുമായിരുന്നു വിമാനത്തിൽ ജീവനക്കാരായി ഉണ്ടായിരുന്നത്. മുന്നിൽ ഉണ്ടായിരുന്ന എയർഹോസ്റ്റസ് മലയാളിയായിരുന്നു. അവർ ഞങ്ങളോട് വളരെ സൗഹാർദ്ദപരമായാണ് ഇടപെട്ടത്. സാധാരണ ഇൻഡിഗോ സ്റ്റാഫ് അത്ര ഫ്രണ്ട്ലി അല്ലാത്തതാണ്. എന്തായാലും ഈ മലയാളി എയർഹോസ്റ്റസ് പെരുമാറ്റം കൊണ്ട് യാത്രക്കാരുടെയെല്ലാം മനസ്സ് കീഴടക്കി.

കുറച്ചു സമയത്തിനകം ഞങ്ങളുടെ വിമാനം ടേക് ഓഫ് ചെയ്തു. ATR വിമാനം ആയിരുന്നതിനാൽ ബോട്ട് പോകുന്നത് പോലത്തെ ശബ്ദമായിരുന്നു അതിന്. പക്ഷെ യാത്ര നല്ല സുഖകരമായിരുന്നു. കൂടാതെ അധികം ഉയരത്തിലേക്ക് വിമാനം പൊങ്ങിയിരുന്നില്ലാത്തതിനാൽ താഴെയുള്ള കാഴ്ചകളൊക്കെ നന്നായി ആസ്വദിക്കുവാനും ഞങ്ങൾക്ക് സാധിച്ചു. ചമ്രവട്ടം പാലവും, പൊന്നാനിയുമൊക്കെ ഞങ്ങൾക്ക് ആകാശത്തിലിരുന്നു കാണുവാൻ സാധിച്ചു.

ഏതാണ്ട് ഒരു മണിക്കൂർ നേരത്തെ പറക്കലിനു ശേഷം ഞങ്ങൾ കണ്ണൂർ എയർപോർട്ടിൽ ലാൻഡ് ചെയ്തു. ഒട്ടും തിരക്കില്ലാത്ത സമയമായിരുന്നു ഞങ്ങളുടെ ലാൻഡിംഗ്. ടെർമിനലിനുള്ളിൽ അധികമാരും ഉണ്ടായിരുന്നില്ല. പക്ഷെ എയർപോർട്ട് അടിപൊളി തന്നെയാണ്. സൂപ്പർ…

ലഗേജുകൾ ഒന്നുമില്ലാതിരുന്നതിനാൽ ഞങ്ങൾ വേഗം എയർപോർട്ട് ടെർമിനലിന് വെളിയിലെത്തി. അങ്ങനെ കിടിലനൊരു വിമാനയാത്ര ലഭിച്ച സംതൃപ്തിയുമായി ഞങ്ങൾ അവിടെ നിന്നും താഴെത്തെ മെയിൻ റോഡിലേക്ക് നടന്നു. വലിയ കുഴപ്പമൊന്നും ഇല്ലെകിൽ നടക്കാവുന്ന ദൂരമേയുള്ളൂ എയർപോർട്ടിൽ നിന്നും ബസ്സുകൾ പോകുന്ന റോഡിലേക്ക്. മെയിൻ റോഡിൽ ചെന്നിട്ട് കണ്ണൂരിലേക്ക് ഞങ്ങൾ ബസ് കയറി. കണ്ണൂർ ബസ് സ്റ്റാൻഡിൽ ചെന്നിട്ട് ബസ്സുകൾ മാറിക്കയറി മാറിക്കയറി എറണാകുളത്തേക്ക്…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post