റോഡുമാർഗം ‘ലേ’യിലേക്ക് പോകുന്നവരുടെ പ്രത്യേക ശ്രദ്ധയ്ക്ക്…

Total
1
Shares

റോഡ് മാർഗം ലേയിലേക്ക് പോകാനുള്ള, ആഗ്രഹിക്കുന്ന കുഞ്ഞുങ്ങളെ ഇതിലെ. ലേയിലെ സീസൺ ഏപ്രിലിൽ ആരംഭിക്കും. റോഡ് മാർഗവും ഫ്ലൈറ്റ് മാർഗവും ലേയിലേക്ക് എത്താം. റോഡ് മാർഗം ലേയിൽ എത്താൻ പ്ലാൻ ചെയ്യന്നവർക്കാണി എഴുത്ത്.

ജൂണോടെ ശ്രീനഗറിൽ നിന്നും മണാലിയിൽ നിന്നും ലേയിലേക്കും തിരിച്ചും ഡെയിലി ബസ്സുണ്ടാകും. അതുപോലെ ഷെയർ ടാക്സിയും കിട്ടും. ബസ്സുകൾക്ക് 750 രൂപ മുതൽ ടിക്കറ്റ് ലഭ്യമാണ്. ഷെയർ ടാക്സിക്ക് 2500 മുതലാണ് നിരക്ക്. ബൈക്കിൽ വരാൻ ആഗ്രഹിക്കുന്ന സാഹസിക വീരന്മാരും വീരകളും മെയ് മാസത്തിനു ശേഷം വരുന്നതാകും നല്ലത്.അങ്ങനെ വന്നാൽ ഉണ്ടാകുന്ന ഏറ്റവും വല്യ പ്രയോജനം തടി കേടാകില്ല എന്നതുതന്നെയാണ്.

ഒന്നാമതായി റോഡ് മോശമായിരിക്കും (റോത്താങ് പാസ്). റോഡുകളിൽ ഒരു പാളിയായി മഞ്ഞ് മൂടിനിൽക്കും. അത് ടയർ തെന്നിപ്പോകാൻ കാരണമാകും. രണ്ടാമത് കഠിനമായ തണുപ്പിൽ കൈകൾ മരയ്ക്കും. റോഡ് മോശമായിരിക്കുകയും കയ്യുകൾ മരയ്ക്കുകയും ചെയ്താൽ പിന്നെ ബാക്കി കാര്യം പറയേണ്ടല്ലോ.

മെയ് പകുതിയോടുകൂടെ തണുപ്പ് നന്നായി കുറയും. വല്യ വണ്ടികൾ കയറിയിറങ്ങി വഴി കുറച്ചുകൂടി നന്നാകും. മൂടൽമഞ്ഞ് മാറും. അത് യാത്ര കുറച്ചുകൂടി സുഗമമാക്കും. സ്വന്തം വാഹനങ്ങളിൽ വരുന്നവരും മുകളിൽപ്പറഞ്ഞ കാരണങ്ങൾകൊണ്ട് തന്നെ മെയ് പകുതിക്ക് ശേഷം വരുന്നതാണ് നല്ലത്. കുടുംബവുമായി സ്വന്തം വാഹനത്തിൽ വരുമ്പോൾ ഡ്രൈവിങ് അറിയാവുന്ന രണ്ടു പേരെങ്കിലും വേണം.

മണാലി വഴി വരുമ്പോൾ റോഡ് മോശമാണ്. വാഹനം ഏതായാലും വർക്ഷോപ്പുകൾ കുറവാണ്. അതുകൊണ്ട് ടയർ, ബ്രേക്ക് മറ്റുള്ള കാര്യങ്ങളെല്ലാം പരിശോധിച്ചുറപ്പുവരുത്തിയതിനു ശേഷം മാത്രം വരണം. ആവശ്യത്തിന് അധികമുള്ള ഇന്ധനവും കരുതണം. പമ്പുകൾ ഉണ്ടെങ്കിലും പലപ്പോഴും ഇന്ധനം ഉണ്ടാകില്ല. ശ്രീനഗർ വഴി വന്നാലും അവസ്ഥ ഇത് തന്നെയാണ്. ശ്രീനഗറിൽ വച്ച് തന്നെ ആവശ്യമുള്ള പരിശോധനകളൊക്കെ ചെയ്യണം. വഴിയിൽ ഇന്ധനം ലഭ്യമല്ലാത്തതിനാൽ ആവശ്യത്തിന് സ്റ്റോക്ക് ചെയ്യണം.

താരതമ്യേന ശ്രീനഗർ വഴി നല്ലതാണു. മോശം വഴി സോനാമാർഗിന് ശേഷമാണു ആരംഭിക്കുന്നത്. (സോജില്ല പാസ്) അത്യാവശ്യം സൗകര്യങ്ങൾ സോനാമാർഗിൽ ലഭ്യമാണ്. സോനാമാര്ഗിന് ശേഷമുള്ള ചെക്പോസ്റ്റ് ഇപ്പോഴും തുറന്നിട്ടുണ്ടാകില്ല. ദിവസത്തിൽ ഏതാനും മണിക്കൂറുകളാണ് തുറന്നിരിക്കുക. അതിനാൽ ചിലപ്പോൾ സോനാമാർഗിൽ ഒരു രാത്രി കഴിയേണ്ടിവരാം. വ്യക്തികൾക്ക് 250 രൂപ മുതൽ താമസസൗകര്യം ലഭ്യമാണ്. ഭക്ഷണവും അടുത്തുള്ള ഹോട്ടലുകളിൽ ഏകദേശം പത്തുമണിവരെ ലഭിക്കും.

ശ്രീനഗർ വഴിയിലെ ഇടയിലുള്ള അവശ്യ സൗകര്യങ്ങൾ ലഭ്യമായ പ്രധാന സ്ഥലങ്ങൾ സോനാമാർഗ്, ദ്രാസ്സ്, കാർഗിൽ, സറാക്സ്, ലാമയുരു, അൽച്ചി, ഫേയ്, ഷെയ് എന്നിവയാണ്. റോത്താങ്, ഗ്രംഫു, കോഖ്സർ, സിസ്സു, കീലോങ്, ജിപ്സ, സർച്ചു, തങ്ലങ്, ഉപ്ഷി, കരു മുതലായ സൗകര്യങ്ങൾ ലഭ്യമായ പ്രധാന സ്ഥലങ്ങൾ മണാലി ലേഹ് റൂട്ടിൽ ഉള്ളത്.

മണാലിയിൽ നിന്ന് വാഹങ്ങൾ റെന്റിനെടുത്തു വരുന്നവർ അറിഞ്ഞിരിക്കേണ്ട പ്രധാനകാര്യം കർതുന്ഗ്ലയിലേക്ക് മറ്റു സംസ്ഥാങ്ങളിലെ, പ്രത്യേകിച്ചും ഹിമാചൽപ്രദേശിലെ റെന്റ് വാഹങ്ങൾ കടത്തിവിടില്ല എന്നതാണ്. റെന്റിനെടുക്കും മുൻപ് ആകെ യാത്ര ചെയ്യാനുദ്ദേശിക്കുന്ന ദിവസങ്ങളിൽ രണ്ടു ദിവസത്തെ റെന്റ് ഇളവ് ചോദിക്കുക. അല്ലെങ്കിൽ കർതുന്ഗ്ല പോകാൻ നിങ്ങൾ മറ്റു വാഹങ്ങൾ റെന്റിനെടുക്കുമ്പോൾ സ്വാഭാവികമായും പണനഷ്ടമുണ്ടാകും. ജമ്മു, ശ്രീനഗർ മുതലായ സ്ഥലങ്ങളിൽ നിന്ന് റെന്റിനെടുക്കുന്ന വാഹങ്ങൾക്ക് ഈ പ്രശ്നമില്ല. സ്വന്തം വാഹനങ്ങൾക്ക് പ്രശ്നമില്ല.

മണാലി വഴിയാണ് വരുന്നതെങ്കിൽ വഴിയിൽ കടകൾ കുറവാണ്. ശ്രീനഗർ വഴി വന്നാലും ശ്രീനഗർ കഴിഞ്ഞാൽ കാർഗിൽ, സോനാമാർഗ് പോലുള്ള സ്ഥലങ്ങളിലൊഴിച്ചാൽ നല്ല കടകളൊന്നുമില്ല. റോഡ് മാർഗം വരുന്നവർ ഡ്രൈഫ്രൂട്സ്, ഫ്രൂട്സ്, ഡാർക്ക് ചോക്ലേയ്റ്റ്‌ പോലുള്ള ഭക്ഷണം കരുതുന്നത് നന്നാകും. ആപ്പിൾ, മാതളം മുതലായ പഴങ്ങൾ മണാലിയിൽ നിന്നും ശ്രീനഗർനിന്നും വിലകുറച്ച് വാങ്ങാം. വഴിയിൽ കാണുന്ന അരുവികളിലെ വെള്ളം സ്വന്തം റിസ്കിൽ കുടിക്കാമെങ്കിൽ കുടിക്കാം. ഇല്ലെങ്കിൽ ഒരു ദിവസം ഒരാൾ ഏറ്റവും കുറഞ്ഞത് രണ്ടു ലിറ്റർ വെള്ളമെങ്കിലും കുടിക്കുക.

ചെറിയ പെട്ടിക്കടകളിൽ പോലും ഒന്നിനും രണ്ടിനുമെല്ലാം സൗകര്യം കാണും. അതുകൊണ്ട് മറ്റു പേടികൾ വേണ്ട. നന്നായി വെള്ളംകുടിച്ചാൽ ലേയിൽ എത്തുമ്പോൾ ആദ്യ ദിവസം പൊതുവെ ഉണ്ടാകുന്ന തലവേദന, ശർദ്ദി തുടങ്ങിയ ബുദ്ധിമുട്ടുകൾ ഒഴിവാക്കാം. എന്നാൽ റോഡ് മാർഗം വരുന്നവർ താരതമ്യേന വേഗത്തിൽ അക്ലമൈടൈസ് ആകാറുണ്ട്.

സ്ത്രീകൾ സാനിറ്ററി പാഡ് മുൻകൂട്ടി കരുതണം. ദുഷ്കരമായ യാത്രയും കാലാവസ്ഥയിലെ മാറ്റവും നേരത്തെയുള്ള പീരീഡ്‌സിന് കാരണമാകാം. ബ്ലീഡിങ് ഉള്ളപ്പോൾ നന്നായി വെള്ളം കുടിക്കണം. ഇല്ലെങ്കിൽ പണി കിട്ടും (അനുഭവം ഗുരു). കൃത്യമായി പാഡ് മാറ്റി ഇൻഫെക്ഷൻ ആകാതെ നോക്കണം. സാനിറ്റൈസർ ഉപയോഗിക്കണം.

സോക്സും ഗ്ലൗസും ഷൂസുമൊക്കെ കേരളത്തിലെ കാലാവസ്ഥക്ക് പലപ്പോഴും ആവശ്യമല്ല. പക്ഷെ ലേയിൽ അത് അത്യാവശ്യമാണ്. തണുപ്പു മാത്രമല്ല കാരണം. വരണ്ട ഈർപ്പരഹിതമായ വായുവും ലേയെ മറ്റുള്ള തണുപ്പുള്ള സ്ഥലങ്ങളിൽനിന്ന് വ്യസ്ത്യസ്തമാക്കുന്നു. അത് തൊലി വരണ്ടതാക്കും (അനുഭവം പിന്നേം ഗുരു).

മാർച്ച്, ഏപ്രിൽ, മെയ്, സെപ്റ്റംബർ, ഒക്ടോബർ, നവംബറിൽ മാസങ്ങളിൽ തെർമൽ ഇന്നേഴ്സ് ബൈക്ക് റൈഡേഴ്‌സ് തീർച്ചയായും കരുതിയിരിക്കണം. തണുപ്പ് ശീലമില്ലാത്ത മറ്റെല്ലാവരും, റോഡ് മാർഗമായാലും ഫ്ലൈറ്റ് മാർഗമായാലും തെർമൽ വിയർ, ഓവർ കോട്ട് എന്നിവ കരുതണം. കൂളിംഗ് ഗ്ലാസ് തീർച്ചയായും കരുതണം. മണാലി മുതലങ്ങോട്ട് വെളിച്ചം കൂടുതലാണ്. കൂളിംഗ് ഗ്ലാസ് കാഴ്ചകൾ എളുപ്പമാക്കും.

മണലിൽ നിന്ന് വരുമ്പോൾ റോത്താങ് പാസ് കയറാൻ പെര്മിറ്റി ആവശ്യമാണ്. വാഹങ്ങൾക്കാണ് പെര്മിറ്റ്. സ്വന്തം വാഹനങ്ങളാകുമ്പോൾ സ്വയമെടുക്കേണ്ടി വരും. റെന്റ് വാഹങ്ങൾക്ക് അവർ സഹായിക്കും. ലേയിലേക്ക് വരുന്നവർക്ക് എന്ത് സഹായത്തിനും വിളിക്കാം 8082932149.

വിവരണം – ജോഷ്‌ന ഷാരോൺ ജോൺസൺ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post