ഒരു ഗവി യാത്രാവിവരണം

Total
1
Shares

ഇമ്മിണി വല്യ നാണക്കാരിയാണ് നമ്മുടെ പത്തനംതിട്ട, അവൾ അങ്ങനെ ഒന്നും ആരോടും അത്ര മുഖപരിചയം കാട്ടാറില്ല, സ്വാഭാവികമായും നമുക്ക് കരുതാം നമ്മൾ അവളോട്‌ അത്ര അടുക്കാത്ത കാരണം ആകാം ഈ നാണം എന്ന്.

പത്തനംതിട്ട നാണക്കാരി ആണെങ്കിൽ ആ നാണക്കാരിയുടെ നിഗൂഢതകളും സൗന്ദര്യവും നിറഞ്ഞ കണ്ണാണ് ഗവി. ഏകദേശം പകുതിയോളം പ്രദേശം വനത്താൽ ചുറ്റപ്പെട്ട ജില്ല, ആ പച്ചപ്പിനിടയിലെ ചെറിയ മനുഷ്യ തുരുത്ത് എന്നു ഗവിയെ വിശേപ്പിച്ചാൽ കേൾക്കുന്നവർ അതിനെ മനുഷ്യാധിപത്യമായി കരുതും, എന്നാൽ സത്യം എന്തെന്നാൽ മാസ്മരികമായ പ്രകൃതി ശക്തിക്കു മുമ്പിൽ പകച്ച് നിൽക്കുന്ന മനുഷ്യ തുരുത്താണ് ഗവി. അങ്ങമൂഴി മുതൽ വള്ളക്കടവ് വരെയുള്ള യാത്ര കഴിയുമ്പോൾ നമ്മൾ അറിയാതെ പറയും അടുത്തുണ്ടായിട്ടും അറിയാതെ പോയല്ലോ ഈ സുന്ദരിയെ.

അച്ഛന്റെ ഓഫീസിലെ സഹപ്രവർത്തകരോടൊപ്പം ഉള്ള യാത്രയിലാണ് എനിക്കുള്ള ഗവി ടിക്കറ്റ് ഒത്തുകിട്ടുന്നത്. കോട്ടയംകാരനാണെങ്കിലും 2 വർഷം മല്ലപ്പള്ളിയിൽ പഠിക്കാൻ ചെന്നപ്പോൾ തൊട്ടുള്ള ആഗ്രഹമാണ് പത്തനംതിട്ടയുടെ ഉൾപ്രദേശങ്ങൾ താണ്ടി ഒരു യാത്ര. അങ്ങനെ ആ ആഗ്രഹം ഏതായാലും ഈ യാത്രയോട് സഫലമായി. രാവിലെ 7 ഓടെ ഞങ്ങൾ യാത്ര ആരംഭിച്ചു.

2 വാനുകളിലായി ഞങ്ങൾ 30 പേരോളം അടങ്ങുന്ന സംഘം. പുല്ലാട് കോഴഞ്ചേരി വഴി പത്തനംതിട്ട, പിന്നെ വടശ്ശേരിക്കര മണിയാർ വഴി ചിറ്റാർ, ആദ്യ സ്റ്റോപ് ചിറ്റാറിൽ. പ്രാതൽ ആയി ബ്രെഡും ജാമും ഒരു ഞാലിപൂവനും പിന്നെ ഒരു ഗ്ലാസ് ചായയും സമീപത്തുള്ള ഒരു ചെറിയ കടയിൽ നിന്ന് ശേഷം സീതത്തോട് വഴി അങ്ങമൂഴി. ചിറ്റാർ മുതൽ പത്തനംതിട്ടയുടെ മറ്റൊരു മുഖം ആണ് നാം കാണുന്നത്. പമ്പയുടെയും മനിമലയാറിന്റെയും തീരത്ത് കാണുന്ന പത്തനംതിട്ടക്കാരെ ഇവിടെ കാണാൻ കഴിയില്ല, കരിങ്കലുകൾ കെട്ടി ഉണ്ടാക്കിയ ചെറു വീടുകളും തോട്ടം തൊഴിലാളികളായിട്ടുള്ള മനുഷ്യരും.

അങ്ങമൂഴിയിൽ നിന്ന്‌ ഫോറസ്റ്റ് പാസ്സ് നേടിയ ശേഷം മൂഴിയാറിലേക്ക്, പോകുന്ന വഴി ആദ്യ ചെക്ക് പോസ്റ്റ്, അവിടെ ഒരു ബോർഡിൽ കാണാം ഇരു ചക്ര വാഹനങ്ങൾ ഇതിനപ്പുറം അനുവദനീയമല്ല. മൂഴിയാർ വരെ ഉള്ള പ്രദേശങ്ങൾ ഈറ്റ കാടിനാൽ സമൃദ്ധമാണ്, അതിനാൽ തന്നെ ആനകളുടെ വിഹാരകേന്ദ്രവും. വഴിയിലേക്ക് ചാഞ്ഞു നിൽക്കുന്ന ഈറ്റകൾ വകഞ്ഞു മാറ്റി ഞങ്ങൾ മൂഴിയാറിൽ ചെന്നു. മൂഴിയാറിൽ കാണാൻ ആയി ഡാം മാത്രമേ ഉള്ളൂ, ഫോട്ടോഗ്രാഫി അനുവധിനീയമല്ല, മൂഴിയാറിൽ നിന്ന്‌ അടുത്ത സ്റ്റോപ് ആയ കക്കി ഡാമിലേക്ക് കുത്തനെയുള്ള ഹെയർ പിൻ നിറഞ്ഞ പാദയാണ്. ജൂണ് മാസം ആയതുകാരണം ചെറിയ ചാറ്റൽ മഴയും കൂടെ ഉള്ളത് യാത്രയുടെ ചാരുത കൂട്ടുന്നതായി തോന്നി. കയറ്റം കയറും തോറും ശബരിഗിരി ജലവൈദ്യുത പദ്ധതിയുടെ ഭീമാകാരന്മാരായ വൈധ്യുദ ടവറുകൾ അടുത്തുവരുന്നതായി കാണാം.

ഇടക്കിടക്ക് കാണുന്ന കെ എസ് ഈ ബി സ്ഥാപനങ്ങൾ ഒഴിച്ചാൽ കൊടും വനമാണ് ചുറ്റും, എതിരെ ചില കാറുകളും ഇടക്ക് ഒരു കെ എസ് ആർ ടീ സി ബസും വന്നത് ഒഴിച്ചാൽ വഴിയും വിജനം , അങ്ങനെ ചെറിയ ഒരു നീണ്ട യാത്രക്ക് ശേഷം ഇപ്പോൾ മഞ്ഞു മൂടി കിടക്കുന്ന ഒരു ജലാശയം കാണാം, അതേ ഉറപ്പിച്ചു ഇതു തന്നെ കക്കി. അവിടെ ഇറങ്ങി എല്ലാവരും ഒന്നു നടുവ് നിവർത്തി , കുറച്ചു സുരക്ഷാ ഉദ്യോഗസ്ഥർ അല്ലാതെ മറ്റാരും അവിടെ ഇല്ല, ശേഷം വീണ്ടും വണ്ടിയിൽ. അടുത്ത ലക്ഷ്യം കൊച്ചുപമ്പ ആണ്. ഊണ് അവിടെയാണ് ഏര്പെടുത്തിയിട്ടുള്ളത്, നീണ്ട യാത്ര ആണെങ്കികും നല്ല കാലാവസ്ഥ ആയതുകാരണം ആർക്കും ക്ഷീണമോ മറ്റ്‌ അസ്വസ്ഥതകളോ ഒന്നും ഇല്ല.

അങ്ങനെ കൊച്ചുപമ്പ എത്തിയിരിക്കുന്നു, പക്ഷെ ഇപ്പോൾ ഇവിടെ ഒന്നും കാണാൻ പറ്റുന്നില്ല കാരണം ചുറ്റും മഞ്ഞാണ്‌, ഏതായാലും മുൻപേ നടന്നവരുടെ ചുവട് പിടിച്ച് ഞാനും നടന്നു. ഇപ്പോൾ ചെറിയ രണ്ടു മൂന്നു കെട്ടിടങ്ങൾ കാണാം, കുറച്ചു നേരങ്ങൾക്കു ശേഷം മഞ്ഞു മുഴുവൻ മാറിയപ്പോൾ മുമ്പിൽ ഒരു ചെറു ജലാശയവും അവിടെ കുറച്ചു ബോട്ടുകളും കാണാമായിരുന്നു. സമയം പാഴാക്കാൻ ഇല്ലാത്തതുകാരണം നോക്കിനിന്നില്ല, വേഗം ബോട്ടിൽ സ്ഥാനം പിടിച്ചു. സുരക്ഷക്കായി ഒരു ജാക്കറ്റും ഒക്കെ ഇട്ട്‌ യാത്ര തുടങ്ങുകയും ശേഷം ഒപ്പം ഉണ്ടായിരുന്ന ചാറ്റൽ മഴ ഒന്നു കടുത്തു.

പരുപാടി മുടങ്ങുമോ എന്ന് ആദ്യം ഭയന്നെങ്കിലും പ്രകൃതിക്ക്‌ അങ്ങനെ അങ്ങു നമ്മളെ ചതിക്കാൻ പറ്റില്ലല്ലോ കാരണം അവളുടെ ഭംഗി ഏതൊരു പെണ്ണിനേയും പോലെ തന്നെ നാലാളെ കാണിക്കണം എന്ന്‌ അവൾക്കും ഉണ്ട് ആഗ്രഹം. ഏതായാലും ബോട്ടിംഗ് നടന്നു, അത് വിശേഷണങ്ങൾക്ക് ഉയരെ നിൽക്കുന്ന ഒരു അനുഭവമാണ്. ലാറ്റിൻ അമേരിക്കൻ നാടുകളിലെ ഏതോ മഴകാടിനുള്ളിലൂടെയുള്ള യാത്രയെ അനുസ്മരിപ്പിക്കുന്ന വിധമുള്ള തീവ്രമായ സൗന്ദര്യം. രാത്രികാലങ്ങളിൽ ഈ പരിസരങ്ങളിൽ കടുവയെ കാണാമെന്നും ഇടയിൽ ബോട്ട് തുഴയുന്ന ചേട്ടൻ എന്നോട് പറഞ്ഞു എന്നിട്ടു അഴുകിയ ഒരു മരകൊമ്പിന് നേരെ വിരൽ ചൂണ്ടി ഒരു മൂർഖൻ പാമ്പിനെയും കാട്ടി തന്നു. ഏകദേശം 20 മിനിറ്റോളം നീണ്ട ബോട്ട് യാത്രക്കു ശേഷം തണുത്തു വിറച്ചിരുന്ന ഞങ്ങൾ ഉച്ചക്കത്തെ ഭക്ഷണം കഴിച്ചു, ശേഷം ഒരു ചെറിയ ഫോട്ടോ സെക്ഷനും അവിടെ വെച്ച് തന്നെ നടത്തി.

കൊച്ചുപമ്പ ആസ്വദിച്ചു, ഇനി ഗവിയാണ്‌ ലക്ഷ്യം, 2014 ഇൽ ഓർഡിനറി എന്ന ചലച്ചിത്രം ഇറങ്ങിയ ശേഷം ആണ് നമ്മൾ മലയാളികളിൽ അധികം പേരും ഈ സ്ഥലത്തെ പറ്റി അറിയുന്നത് എന്നു പറയുമ്പോഴാണ് മലയാളികളുടെ നിരീക്ഷണ ബോധത്തിന്റെ ഒരു പൊതു അവസ്ഥ മനസിലാക്കുന്നത്.
ഗവിയിൽ ചെന്നപ്പോൾ വൈകുന്നേരം ആയിരുന്നു.അവിടെ കാര്യമായി ഒന്നും ആസ്വദിക്കാൻ ഉള്ളതായി തോന്നിയില്ല. ഒരു ചെറിയ ഡാമും കുറെ വീടുകളും അല്ലാതെ ഒന്നും ഇല്ല, അധികം കാഴ്ചകൾ വേണ്ടവർക്ക് വനം വകുപ്പിന്റെ സഫാരി പ്രോഗ്രാം ഒക്കെയുണ്ട്‌ എന്നാൽ ഇനി സമയം അധികം ഇല്ല, ഇരുട്ടുനത്തിനു മുൻപ് വനാപാതയുടെ അപ്പുറം എത്തണം. അപ്പുറം വള്ളക്കടവാണ്, ഇടുക്കി ജില്ലാ .

നാം സഞ്ചരിച്ചതാകട്ടെ ദേശിയ പാത അഥവാ അല്പം ഗമ വേണേൽ NH183A. ഇന്റർനെറ്റിലെ മാപ്പിൽ നോക്കിയാൽ കാണാം ഒരു നേർത്ത വരപോലെ ഈ വനപാത കിടക്കുന്നത്. ഒന്നൂടി സൂക്ഷ്മമായി നോക്കിയാൽ ഒരു ചെറിയ കുത്ത് പോലെ കാണാം ഗവിയെയും. മടക്കയാത്ര ആ യാത്ര പോലെ തന്നെ വായനക്കാർക്കും മുഷിച്ചിൽ ആയതുകാരണം അധികം വിവരിക്കുന്നില്ല. സന്ധ്യയോട് വള്ളക്കടവിലെത്തി. വള്ളക്കടവിന് തൊട്ടു മുൻപ് രണ്ടു മൂന്നു കാട്ടുപോത്തുകളെയും ആനകളെയും കണ്ടതിനാൽ വന്യമൃഗങ്ങളെ കാത്തിരുന്നവരെയും യാത്ര നിരാശപ്പെടുത്തിയില്ല. ശേഷം വണ്ടിപ്പെരിയാർ, പീരുമേട് വഴി വീട്ടിലേക്ക്, മഴ തോർന്നിട്ടില്ല അതി രാവിലെ കൂടെ കൂടിയതാണ് യാത്രയുടെ താളവും ശ്രുതിയും ഒക്കെയായി.

By Sreehari Kollamattam

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post