കോഴഞ്ചേരിയിൽ നിന്നും മൂന്നാർ, മറയൂർ വഴി കാന്തല്ലൂരിലേക്ക് ഒരു യാത്ര

Total
1
Shares

കുറച്ചു നാൾക്ക് ശേഷം വീണ്ടും മൂന്നാറിലേക്ക് ഒരു യാത്ര. ഇത്തവണ ഞങ്ങൾ നാലു പേരുണ്ട്. എൻ്റെ ഭാര്യ ശ്വേത, എമിൽ, എമിലിന്റെ ഭാര്യ അഞ്ചു എന്നിവരാണ് ഇത്തവണത്തെ യാത്രയിൽ എന്നോടൊപ്പം ചേർന്നത്. പത്തനംതിട്ട, കോഴഞ്ചേരിയിലെ വീട്ടിൽ നിന്നും ഞങ്ങൾ രാവിലെ തന്നെ യാത്ര തുടങ്ങി. പതിവ് കാഴ്ചകളെല്ലാം മനസ്സിനെ അലോസരപ്പെടുത്തിക്കൊണ്ടിരുന്നു. കാഴ്ചകളുടെ വസന്തം ആരംഭിക്കുന്നത് എറണാകുളം – ഇടുക്കി അതിർത്തിയായ നേര്യമംഗലം പാലം മുതലാണ്.

എമിൽ ആയിരുന്നു വണ്ടിയോടിച്ചിരുന്നത്. നേര്യമംഗലം പാലം കഴിഞ്ഞപ്പോൾ മുന്നിലുണ്ടായിരുന്ന കെഎസ്ആർടിസിയുടെ ഒരു മൂന്നാർ FSLS നെ എമിൽ അതിവിദഗ്ദ്ധമായി മറികടന്നു. എന്നാൽ അതിനു മുന്നിലുണ്ടായിരുന്ന ഒരു ഫാസ്റ്റ് പാസഞ്ചർ ബസ്സിനെ (വടക്കഞ്ചേരി – മൂന്നാർ) ഓവർടേക്ക് ചെയ്യുവാനുള്ള ശ്രമം അൽപ്പം കടുകട്ടിയായിരുന്നു. വളവുകളെല്ലാം അതിവിദഗ്ധമായിത്തന്നെ സ്പീഡിൽ അതിന്റെ ഡ്രൈവർ വളച്ചെടുത്തുകൊണ്ടു പോകുകയായിരുന്നു. അവസാനം ഒരിടത്ത് ബസ് നിർത്തിയപ്പോഴാണ് ഞങ്ങൾക്ക് അതിനെ കയറിപ്പോകുവാൻ സാധിച്ചത്.

അതിനിടെ എമിലിന്റെ കസിൻ ജിൻസ് ഞങ്ങളെ കാറിൽ പിന്തുടരുന്നുണ്ടായിരുന്നു. പറയാൻ മറന്നു, ജിൻസും മറ്റൊരു കാറിൽ ഞങ്ങളോടൊപ്പം യാത്രയിൽ ചേർന്നിരുന്നു. അങ്ങനെ കാഴ്ചകളെല്ലാം ആസ്വദിച്ചുകൊണ്ട് ഞങ്ങൾ മൂന്നാറിൽ എത്തിച്ചേർന്നു. എംജി ഹെക്ടർ എടുത്തതിൽപ്പിന്നെ മൂന്നാറിൽ ഞങ്ങൾ പോയിരുന്നില്ല. ഹെക്ടറിന്റെ ആദ്യത്തെ മൂന്നാർ യാത്ര കൂടിയായിരുന്നു ഇത്. മൂന്നാറിൽ ഒരിടത്ത് ഞങ്ങൾ വണ്ടി നിർത്തി ചായ കുടിച്ചു. ഉച്ചയ്ക്ക് ഒരുമണി ആയിരുന്നെങ്കിലും ഞങ്ങൾക്കായി ബുക്ക് ചെയ്ത റിസോർട്ടിൽ എത്തിയിട്ട് ഊണ് കഴിക്കുവാനായിരുന്നു ഞങ്ങളുടെ പ്ലാൻ.

മൂന്നാറിൽ നിന്നും മറയൂർ വഴി കാന്തല്ലൂരിൽ ആയിരുന്നു ഞങ്ങൾ താമസിക്കുവാനായി റിസോർട്ട് ബുക്ക് ചെയ്തിരുന്നത്. മൂന്നാറിലെ തിരക്കുകളിൽ നിന്ന് ഒഴിവായി ഞങ്ങൾ മറയൂർ റൂട്ടിലേക്ക് വണ്ടിയോടിച്ചു. മനോഹരമായ സ്ഥലങ്ങളിൽ എത്തിയപ്പോൾ ഞാൻ കാറിന്റെ സൺറൂഫ് തുറന്ന് മുകളിലേക്ക് കയറി കാഴ്ചകൾ വൈഡ് ആയിത്തന്നെ ആസ്വദിക്കുവാൻ തുടങ്ങി. വളരെ പതുക്കെയായിരുന്നു എമിൽ വണ്ടിയോടിച്ചിരുന്നത്.

ഇരവികുളം നാഷണൽ പാർക്ക് പരിസരത്തെത്തിയപ്പോൾ അവിടെ തിരക്ക് കുറഞ്ഞ അവസ്ഥയായിരുന്നു. സീസൺ ആരംഭിച്ചാൽ പിന്നെ ഇവിടെ സഞ്ചാരികളുടെ തിരക്കും വാഹനങ്ങൾ കൂടുതലായി വന്നതുകൊണ്ടുള്ള ട്രാഫിക് ബ്ലോക്കും പതിവാണ്. തേയിലത്തോട്ടങ്ങൾക്കിടയിലൂടെ കാറിന്റെ സൺറൂഫിൽക്കൂടി കാഴ്ചകൾ ആസ്വദിക്കുന്നതിന്റെ സുഖം ഒന്ന് വേറെ തന്നെയായിരുന്നു. പോകുന്ന വഴിയിൽ കഴിഞ്ഞ പ്രളയകാലത്തിൻ്റെ ശേഷിപ്പുകൾ കാണുവാൻ സാധിച്ചിരുന്നു. എങ്കിലും റോഡുകളൊക്കെ സഞ്ചാരയോഗ്യമായിരുന്നു. റോഡിൽ തിരക്കുകളൊന്നും ഇല്ലാതിരുന്നതിനാൽ ഞങ്ങൾക്ക് നല്ല സുഖമായി യാത്ര ചെയ്യുവാൻ സാധിച്ചു.

ഒരു കാര്യം പറയുവാൻ മറന്നു. കാന്തല്ലൂരിലെ ജങ്കിൾ ബുക്ക് വിന്റേജ് റിസോർട്ടിലേക്ക് ആയിരുന്നു ഞങ്ങളുടെ യാത്ര. അവിടെ രണ്ടു ദിവസം ഇനി അടിച്ചു പൊളിക്കണം. മറയൂരിൽ ചെന്നിട്ട് ഞങ്ങൾ കാന്തല്ലൂരിലേക്ക് യാത്രയായി. കാന്തല്ലൂരിലേക്ക് ആദ്യമായിട്ടായിരുന്നു ഞങ്ങളുടെ യാത്ര. അതുകൊണ്ട് അവിടത്തെ കാഴ്ചകളെല്ലാം പുതുമയുള്ളതായി ഞങ്ങൾക്ക് തോന്നി. അത് അല്ലെങ്കിലും അങ്ങനെയാണല്ലോ. വഴിയിൽ പലയിടത്തും യൂക്കാലി മരങ്ങൾ വെട്ടി, അതിന്റെ തടി ലോറിയിൽ കയറ്റുന്ന കാഴ്ചകൾ കാണുവാൻ സാധിച്ചു.

അങ്ങനെ ഒടുവിൽ ഞങ്ങൾ ജങ്കിൾ ബുക്ക് വിന്റേജ് റിസോർട്ടിൽ എത്തിച്ചേർന്നു. ഒരു മലമടക്കിലായിരുന്നു ആ റിസോർട്ട് സ്ഥിതി ചെയ്തിരുന്നത്. റിസോർട്ടിൽ എത്തിയപ്പോഴേക്കും മഴ ചെറുതായി പൊടിഞ്ഞു തുടങ്ങിയിരുന്നു. നല്ല വിശപ്പ് ഉണ്ടായിരുന്നതിനാൽ ഞങ്ങൾ വേഗം ഭക്ഷണം കഴിക്കുവാനായി റെസ്റ്റോറന്റ് ലക്ഷ്യമാക്കി ഓടി. ജങ്കിൾ ബുക്ക് വിന്റേജ് റിസോർട്ടിലെ കാഴ്ചകളും വിശേഷങ്ങളുമൊക്കെ ഇനി അടുത്ത എപ്പിസോഡിൽ… ജങ്കിൾ ബുക്ക് വിന്റേജ് റിസോർട്ട് കാന്തല്ലൂർ: 80788 08912.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post