കെഎസ്ആർടിസി പ്രേമികളുടെ ‘ആനവണ്ടി മീറ്റ്’ ഇത്തവണ കണ്ണൂരിൽ…

Total
0
Shares

സിനിമാ താരങ്ങൾക്കും സ്പോർട്സ് താരങ്ങൾക്കുമെല്ലാം ആരാധകർ ഉള്ളതുപോലെ മലയാളികളുടെ സ്വകാര്യ അഹങ്കാരമായ കെഎസ്ആർടിസിയ്ക്കും ഉണ്ട് ആരാധകർ. ആനവണ്ടി എന്നറിയപ്പെടുന്ന കെഎസ്ആർടിസി ആരാധകർ ഒന്നടങ്കം ആനവണ്ടി പ്രേമികൾ എന്ന ലേബലിലാണ് അറിയപ്പെടുന്നത്. 2008 ൽ കെഎസ്ആർടിസിയെ ഇഷ്ടപ്പെടുന്നവരുടെ കൂട്ടായ്മ എന്ന നിലയിൽ ആരംഭിച്ച ‘KSRTC BLOG’ പിന്നീട് ആനവണ്ടി ബ്ലോഗ് ആയി മാറിയപ്പോഴും പ്രശസ്തിയ്ക്ക് കുറവൊന്നും ഉണ്ടായില്ല. അതോടൊപ്പം തന്നെ കെഎസ്ആർടിസി ബസ്സുകളുടെ സമയവിവരങ്ങൾ പൊതുജനങ്ങൾക്ക് സൗജന്യമായി എത്തിച്ച ആനവണ്ടി ആപ്പും വെബ്‌സൈറ്റും ഇന്നും ഹിറ്റാണ്.

ബ്ലോഗ് തുടങ്ങിയതു മുതൽ വർഷത്തിലൊരിയ്ക്കൽ അംഗങ്ങളെല്ലാം ഒത്തുകൂടുന്നതിനായി മീറ്റുകൾ സംഘടിപ്പിക്കാറുണ്ടായിരുന്നു. അതിൽ അവസാനം നടന്ന 2018 ലെ മീറ്റ് കുമളിയിൽ വെച്ചായിരുന്നു. ഒരു വയസ്സ് പ്രായം മാത്രമുണ്ടായിരുന്ന സഹ്യൻ മുതൽ ധാരാളമാളുകളാണ് കുമളി മീറ്റിൽ അന്ന് പങ്കെടുത്തത്. ഒപ്പം എല്ലാവരും ചേർന്ന് കമ്പം ഭാഗത്തേക്ക് കെഎസ്ആർടിസി ബസിൽ ഒരു സ്പെഷ്യൽ ട്രിപ്പും പോവുകയുണ്ടായി.

ഇപ്പോഴിതാ ആനവണ്ടി പ്രേമികൾ ആവേശത്തോടെ കാത്തിരുന്ന ഇക്കൊല്ലത്തെ ആനവണ്ടി മീറ്റ് 2019 മാർച്ച് മൂന്നിന് ഞായറാഴ്ച്ച മലബാറിന്റെ ഹൃദയഭൂമിയായ കണ്ണൂരിൽ നടത്തുന്നു. മധ്യ കേരളത്തിലും തെക്കൻ കേരളത്തിലും ആനവണ്ടി മീറ്റുകൾ നടന്നിട്ടുണ്ട് എങ്കിലും ഇങ്ങു വടക്ക് കണ്ണൂരിൽ ഒരു ആനവണ്ടി മീറ്റ് ഇതാദ്യം. ആനവണ്ടി ബ്ലോഗ് വടക്കൻ കേരളത്തിൽ മീറ്റ് നടത്തണം എന്ന മലബാറിലെ സുഹൃത്തുക്കളുടെ കാലങ്ങളായിട്ടുള്ള ആഗ്രഹമാണ് ഈ അവസരത്തിൽ സാക്ഷാത്കരിക്കുന്നത്.

മാർച്ച് മൂന്നിന് രാവിലെ എട്ടു മണിക്ക് കണ്ണൂരിൽ നിന്നും ആനവണ്ടിയിൽ കയറി അതിമനോഹരമായ പൈതൽമലയിലേക്കാണ് ഇത്തവണത്തെ ആനവണ്ടി യാത്ര. കണ്ണൂരിൽ നിന്നും ഏകദേശം അറുപത് കിലോമീറ്റർ അകലെ കർണാടക അതിർത്തിയിൽ സ്ഥിതി ചെയ്യുന്ന പൈതൽമലയിലേക്ക് കെഎസ്ആർടിസി ബസ്സിൽ ഒരു കിടിലൻ ട്രിപ്പ് ആഗ്രഹിക്കാത്തവർ ആരെങ്കിലും ഉണ്ടാകുമോ?

രാവിലെ എട്ടു മണിക്ക് പുറപ്പെട്ടാൽ പത്തരയോട് കൂടി പൈതൽമലയിൽ എത്തുകയും അവിടെ ഒരു മണിക്കൂറോളം ചിലവഴിച്ചതിനു ശേഷം ഉച്ചയ്ക്ക് രണ്ടു മണിയോട് കൂടി തിരിച്ചു കണ്ണൂർ ഡിപ്പോയിൽ എത്തുക എന്ന രീതിയിൽ ആണ് പരിപാടി പ്ലാൻ ചെയ്തിരിക്കുന്നത്. തിരിച്ചു വന്നതിന് ശേഷം കെഎസ്ആർടിസിയുടെ ഏറ്റവും പഴക്കമുള്ള സർവീസ് ആയ കണ്ണൂർ ഡീലക്‌സിനെ ആദരിച്ചു കൊണ്ട് ഒരു പരിപാടിയും ഉണ്ടായിരിക്കുന്നതാണ്.

കഴിഞ്ഞ വർഷം കുമളിയിൽ നടത്തിയ മീറ്റിൽ കേരളത്തിന്റെ എല്ലാ ഭാഗത്തു നിന്നും ആനവണ്ടി പ്രേമികൾ എത്തിയ പോലെ ഈ വർഷം എല്ലാവരും കണ്ണൂരിൽ എത്തും എന്നു വിശ്വസിക്കുന്നു. അപ്പൊ എല്ലാവരും മാർച്ച് മൂന്നിന് നിങ്ങളുടെ കലണ്ടർ ബ്ലോക്ക് ചെയ്യുക. മാർച്ച് മൂന്ന് ഞായറാഴ്ച്ചയും അടുത്ത ദിവസം ശിവരാത്രി പബ്ലിക്ക് ഹോളിഡേയും ആണ്. അതുകൊണ്ട് എല്ലാവരും വരിക, നമുക്ക് അടിച്ചു പൊളിക്കാം..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post