3 കെഎസ്ആർടിസി ബസ്സുകൾ… 150 ൽപ്പരം ആളുകൾ… കുട്ടനാട്ടിൽ ചരിത്രം തീർത്ത് ആനവണ്ടി മീറ്റ്

Total
0
Shares

2019 ജൂലൈ 7, കുട്ടനാട്ടിലെ പാടവരമ്പത്തു കൂടിയുള്ള റോഡിലൂടെ കെഎസ്ആർടിസിയുടെ മൂന്നു പുത്തൻ ഫാസ്റ്റ് പാസഞ്ചർ ബസ്സുകൾ പോകുന്നതു കണ്ടവരെല്ലാം ആദ്യം ഒന്നമ്പരന്നു. പിന്നെയാണ് കാര്യം മനസ്സിലായത്, കെഎസ്ആർടിസി പ്രേമികളുടെ കൂട്ടായ്‌മയായ ആനവണ്ടി ബ്ലോഗ് സംഘടിപ്പിച്ച മൺസൂൺ മീറ്റ് യാത്രയായിരുന്നു അത്.

പമ്പ, ബെംഗളൂരു, അതിരപ്പിള്ളി, കുമളി, കണ്ണൂർ മീറ്റുകൾക്കു ശേഷമാണ് 2019 ജൂലായ് ഏഴാം തീയതി ആലപ്പുഴയിൽ ‘മൺസൂൺ മീറ്റ്’ എന്ന പേരിൽ ഒത്തുചേരലും ബസ് യാത്രയും ഒക്കെ സംഘടിപ്പിച്ചത്. കഴിഞ്ഞ പ്രാവശ്യത്തെ കണ്ണൂർ മീറ്റിൽ 107 ഓളം ആളുകളായിരുന്നു പങ്കെടുത്തിരുന്നതെങ്കിൽ, ഇത്തവണ അത് 150 ആയി. മൂന്നു കെഎസ്ആർടിസി ഫാസ്റ്റ് പാസഞ്ചർ ബസ്സുകളാണ് യാത്രയ്ക്കായി വാടകയ്ക്ക് എടുത്തത്. അതും പുതിയ കൊണ്ടോടി നിർമ്മിത ബസ്സുകൾ..

രാവിലെ എട്ടുമണിയോടെ കേരളത്തിന്റെ വിവിധ ജില്ലകളിൽ നിന്നും, ബെംഗളൂരു, ചെന്നൈ തുടങ്ങിയ സ്ഥലങ്ങളിൽ നിന്നും ആളുകൾ മീറ്റിൽ പങ്കെടുക്കുവാനായി ആലപ്പുഴ ഡിപ്പോയിൽ എത്തിച്ചേർന്നു. മൂന്നു ബസ്സുകളും എല്ലാവരും ചേർന്ന് ബലൂണുകളും, തോരണങ്ങളും ഒക്കെയായി അലങ്കരിക്കുകയും ചെയ്തു. ആലപ്പുഴ ഡിപ്പോ അധികൃതരുടെ പൂർണപിന്തുണ ഇതിനെല്ലാം ലഭിച്ചിരുന്നു. ഏകദേശം രാവിലെ 9 മണിയോടെ എല്ലാവരും മൂന്നു ബസ്സുകളിലായി യാത്രയാരംഭിച്ചു. അങ്ങനെ ആനവണ്ടി ബ്ലോഗിന്റെ കുട്ടനാടൻ മൺസൂൺ യാത്ര ആരംഭിക്കുകയായിരുന്നു…

വീഡിയോ കാണാം…

ആലപ്പുഴ കെഎസ്ആർടിസി ഡിപ്പോയിൽ നിന്നും തുടങ്ങിയ യാത്ര കൈനകരി, പൂപ്പള്ളി, ചമ്പക്കുളം, കിടങ്ങറ – മുട്ടാർ വഴിയൊക്കെയായിരുന്നു കടന്നു പോയത്. യാത്രയ്ക്കിടയിൽ മനോഹരമായ സ്ഥലങ്ങളിൽ ചിലയിടത്തൊക്കെ വണ്ടികൾ നിർത്തി ഫോട്ടോകളെടുക്കുവാനും കാഴ്ചകൾ ആസ്വദിക്കുവാനും എല്ലാവരും സമയം കണ്ടെത്തി. പിന്നീട് ചക്കുളത്തുകാവ് വഴി എടത്വ കെഎസ്ആർടിസി ഡിപ്പോയിൽ എത്തുകയും അവിടെ വെച്ച് നടന്ന കാര്യപരിപാടിയിൽ വെച്ച് മീറ്റിനു വന്ന ബസ്സിലെ ജീവനക്കാർ, കെഎസ്ആർടിസി കണ്ടക്ടറും ലഹരിവിരുദ്ധ പ്രവർത്തകനുമായ ഷെഫീഖ് എന്നിവരെ പൊന്നാട അണിയിച്ചുകൊണ്ട് ആദരിക്കുകയുണ്ടായി. അതിനുശേഷം മീറ്റിനു വന്ന അംഗങ്ങൾ സ്വയം പരിചയപ്പെടുത്തുകയും ചെയ്തു.

എടത്വയിലെ പരിപാടികൾക്ക്‌ ശേഷം ഉച്ചയോടെ സംഘം ഉച്ചഭക്ഷണത്തിനായി നീങ്ങി. തകഴിയിൽ സ്ഥിതി ചെയ്യുന്ന ഈറ്റ് ഇല്ലം റെസ്റ്റോറന്റിൽ ആയിരുന്നു എല്ലാവർക്കും കുട്ടനാടൻ സ്പെഷ്യൽ മീൻകറി ഉൾപ്പെടെയുള്ള ഊണ് ഒരുക്കിയിരുന്നത്. ഊണ് കഴിച്ചതിനു ശേഷം അമ്പലപ്പുഴ വഴി തിരികെ ആലപ്പുഴ ഡിപ്പോയിൽ വൈകുന്നേരത്തോടെ എല്ലാവരും തിരിച്ചെത്തുകയും മീറ്റിനു പരിസമാപ്തി കുറിക്കുകയും ചെയ്തു. മൺസൂൺ മീറ്റ് എന്നായിരുന്നു പേരെങ്കിലും യാത്രയ്ക്കിടയിൽ മഴ ഒട്ടും ഉണ്ടായിരുന്നില്ല. പക്ഷേ, അമ്പലപ്പുഴയിൽ നിന്നും ആലപ്പുഴയിലേക്കുള്ള യാത്രയ്ക്കിടെ മഴ കനിഞ്ഞു തുടങ്ങി. മൂന്നു ബസ്സുകളും ആലപ്പുഴ ഡിപ്പോയിൽ തിരിച്ചെത്തിയപ്പോൾ കയ്യടിയോടെ സ്വീകരിച്ചത് മഴയുടെ രൂപത്തിൽ പ്രകൃതി തന്നെയായിരുന്നു.

ഒരു ബസ് 10500 രൂപ + 18% ജിഎസ്ടി എന്ന നിരക്കിലായിരുന്നു കെഎസ്ആർടിസിയിൽ നിന്നും വാടകയ്ക്ക് എടുത്തത്. മീറ്റിൽ പങ്കെടുക്കുവാനായി ഒരാൾക്ക് 300 രൂപയായിരുന്നു ഫീസ് ഈടാക്കിയത്. ഊണ് ഉൾപ്പെടെയുള്ള ചാർജ്‌ജാണിത്. എന്തായാലും ഓരോ തവണ ആനവണ്ടി ബ്ലോഗ് മീറ്റ് നടത്തുമ്പോഴും ആളുകൾ കൂടിക്കൂടി വരുന്ന പ്രവണതയാണ് കാണുന്നത്.

ആനവണ്ടി ബ്ലോഗിന്റെ അമരക്കാരനായ വ്‌ളോഗർ സുജിത്ത് ഭക്തൻ INB ട്രിപ്പിന്റെ തിരക്കിലായിരുന്നതിനാൽ ഇത്തവണത്തെ മീറ്റിൽ പങ്കെടുക്കുവാൻ സാധിച്ചില്ല. ഇത്തവണ മീറ്റിൽ വന്നവർ അടുത്ത തവണയും ഉറപ്പായും മീറ്റിൽ പങ്കെടുക്കുമെന്ന് ഒരേ സ്വരത്തിൽ പറയുന്നു. ഏറ്റവും പ്രായംകുറഞ്ഞ ആനവണ്ടി പ്രേമിയായ രണ്ടര വയസ്സുകാരൻ സഹ്യൻ മുതൽ പ്രായമുള്ളവർ വരെ ഒരേമനസ്സോടെ യാത്രയും ഒത്തുചേരലും ആസ്വദിച്ചു എന്നത് ഈ കൂട്ടായ്മയുടെ വിജയം തന്നെയാണ്. അടുത്ത ആനവണ്ടി മീറ്റിനായി എല്ലാവരും കാത്തിരിക്കുകയാണ്…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post