എയർ ഇന്ത്യ എക്‌സ്പ്രസ്സ്; മലയാളികളുടെ സ്വന്തം ബഡ്‌ജറ്റ്‌ എയർലൈൻ

Total
1
Shares

ഇന്ത്യയിലെ ഒരു ലോകോസ്റ്റ് എയർലൈനാണ്‌ എയർ ഇന്ത്യ എക്സ്പ്രസ്സ്. ഇന്ത്യയുടെ നാഷണൽ ഫ്ലാഗ് കാരിയറായ എയർ ഇന്ത്യയുടെ ഒരു അനുബന്ധ എയർലൈനാണിത്. എയർ ഇന്ത്യ എക്സ്പ്രസ്സിൻ്റെ ചരിത്രവും വിശേഷങ്ങളും ഒന്നറിഞ്ഞിരിക്കാം.

ഗൾഫ് രാജ്യങ്ങളിലേക്ക് ലോകോസ്റ്റ് എയർലൈൻ സർവ്വീസുകൾ വേണമെന്ന ആവശ്യം ശക്തമായതിനെത്തുടർന്ന് 2005 ഏപ്രിൽ മാസത്തിലാണ് എയർ ഇന്ത്യയുടെ ഒരു അനുബന്ധ എയർലൈനായി എയർ ഇന്ത്യ എക്സ്പ്രസ്സ് ആരംഭിക്കുന്നത്. ബോല്ലിയോൺ ഏവിയേഷൻ സർവീസസിൽ നിന്നും വായ്പ അടിസ്ഥാനത്തിൽ ലഭിച്ച പുതിയ ബോയിംഗ് 737 വിമാനമുപയോഗിച്ചു കൊണ്ട് തിരുവനന്തപുരം – അബുദാബി റൂട്ടിലായിരുന്നു എയർ ഇന്ത്യ എക്സ്പ്രസ്സിൻ്റെ ആദ്യ സർവ്വീസ്.

തിരുവനന്തപുരം, കൊച്ചി, കോഴിക്കോട് എന്നിവിടങ്ങളിൽ നിന്നുമായിരുന്നു എയർ ഇന്ത്യ എക്സ്പ്രസിൻ്റെ പ്രധാന ഓപ്പറേഷനുകൾ. മിഡിൽ ഈസ്റ്റ്, ഗൾഫ് രാജ്യങ്ങളിലേക്കും, സൗത്ത് ഈസ്റ്റ് ഏഷ്യൻ രാജ്യങ്ങളിലേക്കുമായിരുന്നു എയർ ഇന്ത്യ എക്സ്പ്രസ്സ് സർവ്വീസുകൾ നടത്തിയിരുന്നത്. പിന്നീട് എയർ ഇന്ത്യ എക്സ്പ്രസ്സ് മലേഷ്യ, തായ്‌ലൻഡ്, ശ്രീലങ്ക, ബംഗ്ലാദേശ് തുടങ്ങിയ സ്ഥലങ്ങളിലേക്കുള്ള സർവ്വീസുകൾ പിൻവലിക്കുകയും ഗൾഫ് സർവ്വീസുകളിലേക്ക് കൂടുതൽ ശ്രദ്ധ ചെലുത്തുകയായിരുന്നു.

കുവൈറ്റ്, ബഹ്‌റൈൻ, മസ്കറ്റ്, സലാല, ദോഹ, ദമാം, റിയാദ്, അബുദാബി, അൽഐൻ, ദുബായ്, റാസൽഖൈമ, ഷാർജ്ജ, സിംഗപ്പൂർ എന്നീ അന്താരാഷ്ട്ര ലക്ഷ്യകേന്ദ്രങ്ങളിലേക്കാണ് നിലവിൽ എയർ ഇന്ത്യ എക്സ്പ്രസ്സുകൾ സർവ്വീസ് നടത്തുന്നത്. കൂടാതെ ഇന്ത്യയിലെ ചില ആഭ്യന്തര റൂട്ടുകളിലും എയർ ഇന്ത്യ എക്സ്പ്രസ്സ് സർവ്വീസ് നടത്തുന്നുണ്ട്.

തുടക്കം മുതലേ ബോയിങ് 737-800 മോഡൽ എയർക്രാഫ്റ്റുകളാണ് എയർ ഇന്ത്യ എക്സ്പ്രസ്സ് തങ്ങളുടെ സർവ്വീസുകൾക്കായി ഉപയോഗിച്ചു വരുന്നത്. 2020 ലെ കണക്കനുസരിച്ച് 24 ബോയിങ് 737 വിമാനങ്ങൾ എയർ ഇന്ത്യ എക്സ്പ്രസ്സിൻ്റെ ഫ്‌ലീറ്റിലുണ്ട്. ഓരോ എയർ ഇന്ത്യാ എസ്ക്പ്രസ്സ് വിമാനത്തിന്റെയും ചിറകിൽ ഇന്ത്യൻ സംസ്കാരം, പാരമ്പര്യം, ചരിത്രം എന്നിവ പ്രതിബിംബിക്കുന്ന വൈവിധ്യമാർന്ന ചിത്രങ്ങൾ ആലേഖനം ചെയ്തിട്ടുണ്ട്.

കുറഞ്ഞ ടിക്കറ്റ് ചാർജ്ജിന് യാത്രക്കാർക്ക് ലഘു ഭക്ഷണങ്ങളും ചായയും വെള്ളവുമെല്ലാം ഉപചാരമായി എയർ ഇന്ത്യ എക്സ്പ്രസ്സ് നൽകുന്നുണ്ട്. ഇതുകൊണ്ടുതന്നെ മറ്റു ഇന്ത്യൻ ലോകോസ്റ്റ് എയർലൈൻസുകളെ അപേക്ഷിച്ച്, യാത്രക്കാർക്ക് മികച്ച സൗകര്യങ്ങൾ നൽകുന്നത് എയർ ഇന്ത്യ എക്സ്പ്രസ്സാണ് എന്നു പറയാം.

ചരിത്രത്തിൽ രണ്ടു വലിയ അപകടങ്ങളാണ് എയർ ഇന്ത്യ എക്സ്പ്രസ്സ് നേരിട്ടിട്ടുള്ളത്. 2010 ൽ 158 പേരുടെ മരണത്തിനിടയാക്കിയ മംഗലാപുരം ദുരന്തവും, 2020 ൽ 20 പേരുടെ ജീവനെടുത്ത കരിപ്പൂർ വിമാനദുരന്തവുമാണ് അവ.

കൊച്ചി കേന്ദ്രമാക്കി പ്രവർത്തിക്കുന്ന എയർ ഇന്ത്യ എക്സ്പ്രസ്സിൻ്റെ പ്രധാന ഹബ്ബ് കൊച്ചിൻ ഇന്റർനാഷണൽ എയർപോർട്ടാണ്. തിരുവന്തപുരം, കോഴിക്കോട്, കണ്ണൂർ എയർപോർട്ടുകൾ പ്രധാനപ്പെട്ട ബേസുകളും ആണ്. മലയാളികളാണ് എയർ ഇന്ത്യ എക്സ്പ്രസ്സിൻ്റെ പ്രധാന കസ്റ്റമേഴ്സ്. അതുകൊണ്ടുതന്നെ മലയാളികളുടെ സ്വന്തം എയർലൈനായി എയർ ഇന്ത്യ എക്സ്പ്രസ്സിനെ വിശേഷിപ്പിക്കാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post