ആമസോൺ കമ്പനിയെക്കൊണ്ട് KSRTC മാപ്പു പറയിച്ച ചരിത്രം കേട്ടിട്ടുണ്ടോ?

Total
0
Shares

ആമസോൺ – പഠിച്ചിരുന്ന കാലത്ത് ഈ പേര് കേട്ടാൽ നമ്മളൊക്കെ ഓർക്കുന്നത് തെക്കേ അമേരിക്കയിലെ പ്രശസ്തമായ നദിയെക്കുറിച്ചായിരുന്നു. എന്നാൽ ഇന്ന് ലോകത്തിലെ മികച്ച ഓൺലൈൻ ഷോപ്പിംഗ് സൈറ്റുകളിലൊന്നായിട്ടാണ് ‘ആമസോൺ’ കൂടുതൽ പ്രശസ്തി നേടിയിരിക്കുന്നത്.

ജെഫ് ബെസോസ് സ്ഥാപിച്ച ഈ ഈ-കോമേഴ്സ് കമ്പനി 1995 ജൂലൈ 16-നാണ്‌ പുസ്തകവില്പ്പന തുടങ്ങിയത്. ഇന്റർനെറ്റുവഴി വ്യാപാരം നടത്തിയ ആദ്യകമ്പനികളിലൊന്നാണ്‌ ആമസോൺ.കോം. പിൽക്കാലത്ത് ഇന്ത്യയിലും ആമസോൺ തങ്ങളുടേതായ ഒരു കുത്തക ഉണ്ടാക്കിയെടുത്തു എന്നുവേണം പറയുവാൻ. എന്നാൽ ഇത്രയും ഭീമനായ ആമസോൺ കമ്പനി മുട്ടുകുത്തിയ ഒരു സംഭവമുണ്ടായിട്ടുണ്ട്. അതും നമ്മുടെ കെഎസ്ആർടിസിയുടെ മുന്നിൽ.. ഒന്നുകൂടി വ്യക്തമായി പറഞ്ഞാൽ കെഎസ്ആർടിസി ആരാധകരുടെ മുന്നിൽ.

സംഭവം ഇങ്ങനെ. ഇന്ത്യൻ ഓൺലൈൻ ഷോപ്പിംഗ് സൈറ്റായ ഫ്ലിപ്പ്കാർട്ടിനോടൊപ്പമുള്ള മത്സരത്തിനിടെ ആമസോൺ കമ്പനി രാജ്യത്തെമ്പാടും വമ്പൻ പരസ്യ ബോർഡുകൾ സ്ഥാപിക്കുകയുണ്ടായി. വളരെ പണം മുടക്കിയാണ് ഇന്തരത്തിൽ ബോർഡുകൾ കമ്പനി സ്ഥാപിച്ചത്. എന്നാൽ ബെംഗളൂരു നഗരത്തിൽ വന്ന ഒരു ബോർഡ് ആയിരുന്നു ആമസോൺ കമ്പനിയെ വെട്ടിലാക്കിയത്.

കുറെ ആളുകൾ ചേർന്ന് കേടായ ഒരു കെഎസ്ആർടിസി (കേരള ആർടിസി) സൂപ്പർഫാസ്റ്റ് ബസ് തള്ളുന്നതായിരുന്നു ആമസോൺ പരസ്യത്തിലെ ദൃശ്യം. ‘We Indians love helping’ എന്നു തലക്കെട്ട് നൽകിയ ഈ പരസ്യ ബോർഡ് ആളുകൾ വളരെയേറെ ശ്രദ്ധിക്കപ്പെടാൻ ഇടയാക്കി. എന്നാൽ കെഎസ്ആർടിസി പ്രേമികളുടെ കൂട്ടായ്മയായ ആനവണ്ടി ബ്ലോഗിലെ ബെംഗളൂരുവിലുള്ള അംഗങ്ങൾ ഇതു കണ്ടതോടെയാണ് പ്രശ്നങ്ങളുടെ തുടക്കം.

ആനവണ്ടി പ്രേമിയും ബെംഗളൂരുവിൽ ജോലി ചെയ്യുന്നതുമായ ഈരാറ്റുപേട്ട സ്വദേശി ജോസ് എഫ്. സ്‌കറിയയാണ് ഈ പരസ്യ ബോർഡിന്റെ ചിത്രം ഫേസ്‌ബുക്കിൽ പോസ്റ്റ് ചെയ്ത് രോഷം പങ്കുവെച്ചത്. ചിത്രം ആനവണ്ടി ബ്ലോഗിൽ വന്നതോടെ കെഎസ്ആർടിസിയെ സ്നേഹിക്കുന്ന നിരവധി മലയാളികൾ രോഷപ്രകടനവുമായി രംഗത്തെത്തി. മലയാളികളുടെ അഭിമാനമായ കെഎസ്ആർടിസി ബസ്സിനെ അവഹേളിക്കുന്ന തരത്തിലായിരുന്നു ചിത്രമെന്നാണ് എല്ലാവരും ആരോപണമുയർത്തിയത്.

ഇതിനിടെ കെഎസ്ആർടിസി അധികൃതരും പരസ്യത്തിനെതിരെ തിരിഞ്ഞു. പരസ്യ ചിത്രീകരണത്തിനായി ബസ് വാടകയ്ക്ക് കൊടുത്തത് കെഎസ്ആർടിസിയുടെ അറിവോടെ ആയിരുന്നെങ്കിലും തങ്ങളെ അപമാനിക്കുന്ന രീതിയിലായിരുന്നു പരസ്യ ചിത്രീകരണമെന്നു അപ്പോൾ അറിഞ്ഞിരുന്നില്ലെന്ന് അന്നത്തെ എംഡിയായിരുന്ന ശ്രീ. ആന്റണി ചാക്കോ പറഞ്ഞു.

സംഭവം ഫേസ്‌ബുക്കിൽ വൈറൽ ആയതോടെ കെഎസ്ആർടിസി പ്രേമികൾ കൂട്ടത്തോടെ ആമസോണിന്റെ ഫേസ്‌ബുക്ക് പേജിൽ പൊങ്കാല ആരംഭിച്ചു. ഒപ്പംതന്നെ പ്രോഡക്ട് റിവ്യൂകളിലും ഈ സംഭവത്തെക്കുറിച്ചുള്ള രോഷപ്രകടനം ആളുകൾ പങ്കുവെക്കുവാൻ തുടങ്ങി. ഇതും പോരാഞ്ഞു ഗൂഗിൾ പ്ളേ സ്റ്റോറിലെ ആമസോൺ ആപ്പിന്റെ റേറ്റിങ് എല്ലാവരും ചേർന്ന് കുത്തനെ കുറച്ചു. പ്ളേസ്റ്റോറിലും നെഗറ്റിവ് റിവ്യൂകൾ കൊണ്ട് നിറയുവാൻ തുടങ്ങി.

ആദ്യമൊക്കെ പ്രതിഷേധങ്ങൾ നിസ്സാരമായി തള്ളിക്കളഞ്ഞ കമ്പനി പിന്നീട് മലയാളികളുടെ ഈ ‘പൊങ്കാല’ കാര്യമായി തന്നെയെടുക്കുകയാണുണ്ടായത്. തങ്ങൾ വേണ്ടപ്പെട്ടവരെ ഈ പ്രശ്നം അറിയിക്കുകയും പരിഹാരം കാണുകയും ചെയ്യാമെന്നു പൊങ്കാലകൾക്ക് ആമസോൺ മറുപടി നൽകിത്തുടങ്ങി. എന്നാൽ ഇതിലൊന്നും തിരുന്നതായിരുന്നില്ല മലയാളികളുടെ രോഷം. അവസാനം ഗത്യന്തരമില്ലാതെ കെഎസ്ആർടിസിയെ അപമാനിച്ച ഈ സംഭവത്തിൽ ആമസോൺ ഇന്ത്യയുടെ ഒഫീഷ്യൽ പേജിൽ കമ്പനി എല്ലാവരോടുമായി മാപ്പ് ചോദിച്ചു. ഒപ്പംതന്നെ വിവാദമായ ആ പരസ്യ ബോർഡ് മുഴുവനായി നീക്കം ചെയ്യുകയും ചെയ്തു. ഈ സംഭവം അന്ന് പ്രമുഖ മാധ്യമങ്ങൾ റിപ്പോർട്ട് ചെയ്യുകയുണ്ടായി. ഒരു വാർത്തയുടെ ലിങ്ക് – indiatimes.com.

സച്ചിനെ അറിയില്ലെന്നു പറഞ്ഞ മരിയ ഷറപ്പോവ, ബ്രിട്ടീഷ് എയർവേയ്‌സ്, പാക്കിസ്ഥാൻ പട്ടാള ജനറൽ തുടങ്ങിയവരെ പൊങ്കാലയിട്ടു തോൽപിച്ച ചരിത്രമുള്ള മലയാളികളുടെ മുന്നിൽ ആമസോൺ പോലുള്ള കമ്പനികൾ ഒന്നുമല്ലെന്ന് ഇതോടെ തെളിഞ്ഞു. കെഎസ്ആർടിസിയ്ക്ക് കുറവുകളും കുറ്റങ്ങളും ഒക്കെയുണ്ടെങ്കിലും എന്തെങ്കിലും ഒരാപത്തു വന്നാൽ തങ്ങളെ രക്ഷിക്കുവാൻ കെഎസ്ആർടിസി ഉണ്ടാകും എന്ന തിരിച്ചറിവുകൾ കൊണ്ടാണ് മലയാളികൾക്ക് ഈ സംഭവത്തിൽ ഇത്രയേറെ പ്രതികരിക്കുവാൻ കാരണം. അല്ലെങ്കിലും കെഎസ്ആർടിസി എന്നത് മലയാളികളുടെ ഒരു നൊസ്റ്റാൾജിയയും അഭിമാനവുമൊക്കെയാണല്ലോ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post