ഒരു കേരളഗ്രാമം അതേപടി പുനരാവിഷ്കരിച്ചിരിക്കുന്ന മസ്‌കറ്റിലെ അനന്തപുരി റെസ്റ്റോറന്റ്…

Total
7
Shares

ഒമാനിലെ മസ്‌കറ്റിലെ എൻ്റെ ആദ്യത്തെ പകൽ പുലർന്നിരിക്കുകയാണ്. ചുമ്മാ കറങ്ങിക്കളയാം എന്നുകരുതി ഞാൻ പെട്ടിയും എടുത്തുകൊണ്ട് ഇറങ്ങിയതല്ല ഇവിടേക്ക്. ഇവിടത്തെ പ്രശസ്തമായ അനന്തപുരി റെസ്റ്റോറന്റ് നിങ്ങൾക്ക് പരിചയപ്പെടുത്തി തരുന്നതിനായാണ് ഞാൻ മസ്കറ്റിൽ എത്തിയിരിക്കുന്നത്. അനന്തപുരി റെസ്റ്റോറന്റിന്റെ ആളുകളുടെ ക്ഷണം സ്വീകരിച്ചാണ് ഞാൻ ഇവിടെ വന്നിരിക്കുന്നത്.

മസ്കറ്റിലുള്ള മലയാളികൾക്ക് വളരെ അനന്തപുരി റെസ്റ്റോറന്റ്. ഈ റെസ്റ്റോറന്റിന്റെ പ്രത്യേകത എന്തെന്നാൽ ഒരു തീം ബേസ് ചെയ്തിട്ടുള്ള ഒരു ഹോട്ടലാണിത് എന്നതാണ്. ഭക്ഷണത്തിനൊപ്പം അവതരണത്തിലും ആമ്പിയൻസിലും വ്യത്യസ്തമാണ് അനന്തപുരി റെസ്റ്റോറന്റ്. കേരളത്തിലെ ‘പുറമറ്റം’ എന്ന സ്ഥലത്തെ പുനരാവിഷ്കരിച്ചിരിക്കുകയാണ് അനന്തപുരി റെസ്റ്റോറന്റിൽ. കേരളത്തിലെ ഒരു റേഷൻകട തനതു രൂപത്തിൽ അവതരിപ്പിച്ചിരിക്കുന്ന കാഴ്‌ച ഏതൊരു പ്രവാസിയുടെയുള്ളിലും പഴയകാല നാടോർമ്മകൾ ഉണർത്തും എന്നുറപ്പാണ്. റേഷൻ കടയിലെ ബോർഡും, വിലവിവരപ്പട്ടികയും, മണ്ണെണ്ണ ടാങ്ക് എന്നിവ അതേപോലെ തന്നെ ഇവിടെ കാണാം. ഈ റേഷൻകടയ്ക്ക് മുന്നിൽ ആളുകൾക്ക് ഭക്ഷണം കഴിക്കുവാനായി ടേബിളുകളും കസേരകളും സെറ്റ് ചെയ്തിട്ടുമുണ്ട്.

റേഷൻ കടയ്ക്കു തൊട്ടിപ്പുറത്തായി ഒരു പാലക്കാടൻ ഗ്രാമഭംഗിയുടെ തീം ആണ് കാണുന്നത്. പാലക്കാട് ഭാഗത്തു നിന്നും എടുത്ത ഒറിജിനൽ ചിത്രം എൻലാർജ് ചെയ്ത് സെറ്റ് ചെയ്തിരിക്കുകയാണ് ഇവിടെ. ഈ ചിത്രത്തിനൊപ്പം ഒരു ബസ് സ്റ്റോപ്പ് കൂടി പണികഴിപ്പിച്ചിരിക്കുന്നു. നമ്മുടെ നാട്ടിൻപുറങ്ങളിൽ കാണുന്നതുപോലെ ‘ആർട്സ് ആൻഡ് സ്പോർട്സ് ക്ലബ്ബ്’ പണികഴിപ്പിച്ചതുപോലെ എന്ന രീതിയിലാണ് ഈ ബസ് സ്റ്റോപ്പ് തയ്യാറാക്കിയിരിക്കുന്നത്.മനോഹരമായ ഈ ബസ് സ്റ്റോപ്പിൽ ഇരുന്നു ഭക്ഷണം കഴിക്കുവാനുള്ള അവസരവും ഇവിടെ ഒരുക്കിയിട്ടുണ്ട്.

പിന്നീട് എന്നെ ആകർഷിച്ച ഒരു പ്രധാന കാര്യം KSEB യുടെ ഒരു പോസ്റ്റും അതിനു താഴെ ഒരു പൊതു പൈപ്പും ഒറിജിനാലിറ്റിയോടെ തന്നെ രൂപീകരിച്ചിരിക്കുന്ന കാഴ്ചയായിരുന്നു. അതിനിപ്പുറത്തായി ഒരു പലചരക്കു കടയും സെറ്റ് ചെയ്തിരിക്കുന്നു. കടയോടൊപ്പം പ്രായമായ കടക്കാരനെക്കൂടി ഉൾപ്പെടുത്തുവാൻ അവർ മറന്നില്ല. പലചരക്കു കടയുടെ സമീപത്തായി ചുവന്നനിറത്തിലുള്ള പഴയ ഒരു പോസ്റ്റ്ബോക്സ് വെച്ചിരിക്കുന്നു. അതിനടുത്തായി മലഞ്ചരക്ക് വ്യാപാരക്കടയും വില്ലേജ് ഓഫീസും ഒക്കെ തനിമ നഷ്ടമാകാതെ തയ്യാറാക്കിയിരിക്കുന്നു.

അതിനപ്പുറത്തായി ഗ്രാമപ്രദേശങ്ങളിലെ ഒരു ചായക്കട അതേപോലെ സെറ്റ് ചെയ്തിരിക്കുന്ന കാഴ്‌ചയാണ്‌ പിന്നീട് എന്നെ ആകർഷിച്ചത്. റെസ്റ്റോറന്റിനുള്ളിൽ ഒരു ചായക്കട..!! അടിപൊളി അല്ലെ? ചായക്കടയിൽ കേരളം സർക്കാരിന്റെ കലണ്ടറും പഴയ സമോവറും പുറത്ത് സിനിമാ പോസ്റ്ററുകളും ഒക്കെയുണ്ട്. അങ്ങനെ മൊത്തത്തിൽ ഒരു കേരളഗ്രാമം തന്നെ സൃഷ്ടിച്ചിരിക്കുകയാണ് മസ്‌കറ്റിലെ അനന്തപുരി എന്ന മനോഹരമായ ഈ റെസ്റ്റോറന്റിൽ.

അതിമനോഹരമായ ഈ കാഴ്ചകൾ പോലെത്തന്നെയാണ് ഇവിടത്തെ ഭക്ഷണവും. അതുകൊണ്ടുതന്നെയാണ് മസ്കറ്റിൽ ജീവിക്കുന്നവും സന്ദർശിക്കുന്നവരുമായ മലയാളികൾ ഇവിടേക്ക് വരുന്നത്. ഒരു കാര്യം കൂടിയുണ്ട്, മലയാളികൾ മാത്രമല്ല എല്ലാത്തരം ആളുകൾക്കും അനന്തപുരി റെസ്റ്റോറന്റ് വളരെ പ്രിയങ്കരമാണ്. അത് ഇവിടെ വന്നാൽ നിങ്ങൾക്ക് നേരിട്ട് ബോധ്യമാകും. ഇവിടത്തെ പ്രധാനപ്പെട്ട ഒരു ഐറ്റമാണ് ചട്ടിച്ചോറ്. മൺചട്ടിയിൽ ചോറും മീന്കറിയുമൊക്കെ ഇട്ട് ഒരു സുഖമുണ്ടല്ലോ… അത് അനുഭവിച്ചു തന്നെ അറിയണം സുഹൃത്തുക്കളേ.. ചട്ടിച്ചോറ് കഴിക്കാത്തവർ ആരെങ്കിലും മസ്കറ്റിൽ ഉണ്ടെങ്കിൽ തീർച്ചയായും അടുത്ത ദിവസം തന്നെ ഇതൊന്നു പരീക്ഷിച്ചു നോക്കണം.

3 comments
  1. Super blog..Sujithchetta …… welldone…
    Wish you good married life .God bless you

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

കെഎസ്ആർടിസിയുടെ മലക്കപ്പാറ ടൂർ പാക്കേജ് വമ്പൻ ഹിറ്റ് !!

കെ എസ് ആർ ടി സിയുടെ മലക്കപ്പാറ പാക്കേജ് സർവീസ് ഇന്ന് കേരളമാകെ ഹിറ്റ്! അവധി ദിനങ്ങളിൽ സഞ്ചാരികൾക്കായി ചാലക്കുടിയിൽ നിന്നും ഏർപ്പെടുത്തിയ പ്രത്യേക സർവ്വീസുകൾ സൂപ്പർ ഹിറ്റായതിനെ തുടർന്ന് യാത്രക്കാരുടെ ആവശ്യം പരിഗണിച്ച് മറ്റു ഡിപ്പോകളിലേയ്ക്കും വ്യാപിപ്പിക്കുകയായിരുന്നു. ആദ്യഘട്ടം എന്ന…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

ഊട്ടിയിൽ പോകുന്നവർ കണ്ടിരിക്കേണ്ട ചില സ്ഥലങ്ങളെ പരിചയപ്പെടാം..

മലയാളികൾക്ക് പണ്ടുമുതലേ ടൂർ എന്നു വെച്ചാൽ ഊട്ടിയോ കൊടൈക്കനാലോ ഒക്കെയാണ്. എങ്കിലും കൊടൈക്കനാലിനെക്കാളും ഒരുപടി മുന്നിലാണ് ഊട്ടിയെ നമ്മൾ പ്രതിഷ്ഠിച്ചിരിക്കുന്നത്. കോളേജ് ടൂർ, ഫാമിലി ടൂർ, ഹണിമൂൺ എന്നുവേണ്ട മിക്കവരുടെയും ടൂർ ലൊക്കേഷൻ ഊട്ടിയായിരിക്കും. ഊട്ടിയിൽ ചിത്രീകരിച്ച മലയാള സിനിമകൾ ഒരു…
View Post

കോഴിക്കോട് നിന്നും വൺ ഡേ ട്രിപ്പ് പോകാൻ പറ്റിയ അഞ്ച് സ്ഥലങ്ങൾ…

കേരളത്തിൽ ഏറ്റവും കൂടുതൽ സഞ്ചാരികൾ വസിക്കുന്നത് മലബാർ മേഖലകളിലാണ്. സോഷ്യൽ മീഡിയയിലെ ട്രാവൽ ഗ്രൂപ്പുകളിൽ നിറഞ്ഞ സാന്നിധ്യത്തോടെയാണ് ഇവരുടെ മുന്നേറ്റം. ഇവരിൽ കൂടുതൽപേരും മലപ്പുറം, കോഴിക്കോട് ജില്ലകളിൽ നിന്നുള്ളവരാണ്. അതുകൊണ്ട് ഇത്തവണ സ്വൽപ്പം വടക്കൻ വിശേഷങ്ങളാണ് നിങ്ങള്ക്ക് മുന്നിൽ പങ്കുവെയ്ക്കാൻ പോകുന്നത്.…
View Post