അതിരപ്പിള്ളിയും വാഴച്ചാലും ഇന്ന് തുറക്കില്ല; സഞ്ചാരികൾ അറിഞ്ഞിരിക്കേണ്ട കാര്യങ്ങൾ

Total
66
Shares

മാസങ്ങൾ നീണ്ട ലോക്ക്ഡൗണിനു ശേഷം കേരളത്തിലെ ടൂറിസ്റ്റുകേന്ദ്രങ്ങൾ തുറന്നിരിക്കുകയാണ്. അവയിൽ കേരളത്തിലെ പ്രധാനപ്പെട്ട വെള്ളച്ചാട്ടമായ അതിരപ്പിള്ളിയും വാഴച്ചാലും ഒക്ടോബർ 15 മുതൽ തുറക്കുമെന്ന് പ്രഖ്യാപിച്ചിരുന്നുവെങ്കിലും ആ മേഖലയിൽ കോവിഡ് വ്യാപനം കൂടുതലാണെന്ന കാരണത്താൽ ഇവ തുറക്കുന്നത് നീട്ടിയിരിക്കുകയാണ്. തുറക്കുന്ന തിയ്യതി പിന്നീട് അറിയിക്കുമെന്ന് അധികൃതർ വ്യക്തമാക്കി.

തുറക്കുമ്പോൾ പഴയതുപോലെ അതിരപ്പിള്ളിയിൽ സഞ്ചാരികൾക്ക് ഇഷ്ടംപോലെ ചെലവഴിച്ചു കറങ്ങിയടിച്ചു നടക്കുവാൻ സാധ്യമല്ല. ഇപ്പോഴത്തെ സാഹചര്യം മുൻനിർത്തി ചില മാനദണ്ഡങ്ങൾ പാലിച്ചു വേണം ഇവിടേക്ക് സഞ്ചാരികൾ വരുവാൻ. അവ താഴെ വിവരിക്കുന്നു. എല്ലാവരും ഒന്ന് അറിഞ്ഞിരിക്കുക.

10 വയസ്സിൽ താഴെയുള്ള കുട്ടികൾക്കും 60 വയസ്സിനു മുകളിലുള്ളവർക്കും അതിരപ്പിള്ളി, വാഴച്ചാൽ കേന്ദ്രങ്ങളിലേക്ക് പ്രവേശനം ഇല്ല. രാവിലെ 9 മുതൽ വൈകുന്നേരം 4 വരെയായിരിക്കും പ്രവേശന സമയം. അതുപോലെത്തന്നെ ഒരു സമയം 100 പേരെ മാത്രമേ അതിരപ്പിള്ളിയിൽ പ്രവേശിപ്പിക്കൂ.

സാധാരണയുള്ള ടിക്കറ്റ് കൗണ്ടറിൽ സാനിറ്റേഷൻ സംവിധാനം ഒരുക്കുന്നതിനോടൊപ്പം അതിരപ്പിള്ളി, വാഴച്ചാൽ കേന്ദ്രങ്ങളിൽ ടിക്കറ്റുകൾ ഓൺലൈനായി ബുക്ക് ചെയ്യുവാനുള്ള സൗകര്യം ഉണ്ടായിരിക്കും. ടിക്കറ്റിനോടൊപ്പം അവിടെ തങ്ങാവുന്ന സമയം കാണിക്കുന്ന ഓൺലൈൻ ടോക്കൺ സംവിധാനവും ഉടൻ പ്രവർത്തനം ആരംഭിക്കും. ടിക്കറ്റിൽ രേഖപ്പെടുത്തിയിരിക്കുന്ന സമയത്തു മാത്രമായിരിക്കും പ്രവേശനാനുമതി. പ്രവേശന സമയം മുതൽ പരമാവധി 1 മണിക്കൂറിനുള്ളിൽ സന്ദർശനം പൂർത്തിയാക്കിയിരിക്കണം.

വനംവകുപ്പ് ജീവനക്കാർക്കും വിഎസ്എസ് ഗൈഡുകൾക്കും മാസ്ക്, ഗ്ലൗസ്, ഫെയ്സ് ഷീൽഡ്, സാംപിൾ സാനിറ്റൈസർ, മറ്റു സുരക്ഷാ സംവിധാനങ്ങൾ ഉണ്ടായിരിക്കും. ഇവിടങ്ങളിലെ സന്ദർശകരുടെ സാന്നിധ്യമുള്ള ഏരിയകളിൽ കൃത്യമായ ഇടവേളകളിൽ അണുനശീകരണം നടത്തും. ശരീരത്തിലെ ടെമ്പറേച്ചർ പരിശോധിച്ചതിനു ശേഷം മാത്രമായിരിക്കും സന്ദർശകരെ ഉള്ളിലേക്ക് പ്രവേശിപ്പിക്കുകയുള്ളൂ. ടെമ്പറേച്ചർ അളവിലും കൂടുതലാണെങ്കിൽ പ്രവേശിപ്പിക്കില്ലെന്നു മാത്രമല്ല, മെഡിക്കൽ ചെക്കപ്പിന് വിധേയരാകേണ്ടിയും വന്നേക്കാം.

ഇവിടങ്ങളിൽ പ്രവേശിക്കുന്ന സന്ദർശകർ കൃത്യമായ സാമൂഹിക അകലം പാലിക്കേണ്ടതും, ശരിയായ രീതിയിൽ മാസ്ക് ധരിക്കുകയും, കൈകൾ സാനിറ്റൈസർ ഉപയോഗിച്ച് അണുവിമുക്തമാക്കുകയും ചെയ്യേണ്ടതാണ്. ഭക്ഷണ പദാർഥങ്ങൾ, ബോട്ടിലുകൾ എന്നിവ അലക്ഷ്യമായി വലിച്ചെറിയാൻ പാടില്ലാത്തതാണ്. ഒപ്പംതന്നെ അവരവർ തന്നെ അവയെല്ലാം തിരികെ കൊണ്ടു പോകുകയും വേണം. അതിരപ്പിള്ളിയിലേക്ക് പോകുന്ന വഴിവക്കിൽ വാഹനങ്ങൾ നിർത്തി ഭക്ഷണം കഴിക്കുകയും ചെയ്യരുത്.

സംസ്ഥാനത്തെ വിനോദസഞ്ചാര കേന്ദ്രങ്ങൾ തുറക്കാൻ സർക്കാർ കഴിഞ്ഞ തിങ്കളാഴ്​ച തീരുമാനമെടുത്തിരുന്നു. ഇതിനെ തുടർന്ന് അതിരപ്പിള്ളി, വാഴച്ചാൽ കേന്ദ്രങ്ങളിൽ തിടുക്കപ്പെട്ട് ശുചീകരണ പ്രവർത്തനങ്ങളും ആരംഭിച്ചിരുന്നു. ഇതിനിടെ വിനോദ സഞ്ചാര കേന്ദ്രം തുറക്കുന്ന വിവരം അറിഞ്ഞ് ചിലരൊക്കെ ഈ മേഖലയിൽ വന്നെത്താനും തുടങ്ങി. എന്നാൽ തൃശ്ശൂർ ജില്ലയിലും, അതിരപ്പിള്ളിക്ക് സമീപത്തുള്ള ചില സ്ഥലങ്ങളിലുമൊക്കെ ധാരാളം കോവിഡ് കേസുകൾ റിപ്പോർട്ട് ചെയ്യപ്പെട്ടതിനാൽ, ഇവിടേക്ക് ഉണ്ടായേക്കാവുന്ന ജനത്തിരക്കും അതുമൂലമുണ്ടാകുന്ന വ്യാപനവും ഒഴിവാക്കാൻ വേണ്ടിയാണ്, ജില്ലാകളക്ടറുടെ നിർദ്ദേശ പ്രകാരം ഇപ്പോൾ തുറക്കേണ്ടതില്ല എന്നുള്ള തീരുമാനത്തിൽ എത്തിച്ചേർന്നത്.

ചിത്രം – ഷെറിൻ ടി.പി.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post