ബഹുമാനിക്കണ്ട, സ്നേഹിക്കണ്ട.. പക്ഷേ കെഎസ്ആർടിസി എന്നും ജനങ്ങളോടൊപ്പം..

Total
0
Shares

അപകടങ്ങൾ സംഭവിക്കുമ്പോൾ ജീവനക്കാരെയും പ്രസ്ഥാനത്തെയും ഒന്നടങ്കം കുറ്റം പറയുന്ന പ്രവണതയുള്ള ആളുകളുടെ കണ്ണുതുറപ്പിക്കുവാൻ കെഎസ്ആർടിസി എംഡിയുടെ കുറിപ്പ്. കഴിഞ്ഞ ദിവസം കൊട്ടാരക്കരയ്ക്ക് സമീപം ലോറിയുമായുണ്ടായ അപകടത്തിൽ കെഎസ്ആർടിസി ബസ് കത്തിനശിച്ച സംഭവത്തിന്റെ പശ്ചാത്തലത്തിലാണ് എംഡിയായ എം.പി. ദിനേശ് ഐ.പി.എസ് കെഎസ്ആർടിസിയുടെ ഒഫീഷ്യൽ ഫേസ്‌ബുക്ക് പേജിൽ കുറിപ്പ് പോസ്റ്റ് ചെയ്തിരിക്കുന്നത്.

“റോഡ് അപകടം എന്നത് ജനസാന്ദ്രതയും വാഹനസാന്ദ്രതയും വളരെ കൂടിയ കേരളത്തെ സംബന്ധിച്ച് പുതുമയുള്ള ഒന്നല്ല. ഓരോ ദിവസവും ദിനപത്രങ്ങളും വാർത്താ ചാനലുകളും റിപ്പോർട്ട് ചെയ്യുന്ന റോഡപകടങ്ങളിലൂടെയുള്ള മരണസംഖ്യ ദേശീയ ശരാശരിയേക്കാൾ വളരെ വലുതാണ്. അംഗഭംഗം സംഭവിച്ചവരുടേയും റിപ്പോർട്ട് ചെയ്യപ്പെടാത്ത അപകടങ്ങളുടേയും കണക്കെടുത്താൽ നിർഭാഗ്യവാൻമാരുടെ എണ്ണം ഇരട്ടിയാകും. ഒരു ദിവസം ശരാശരി 5000 ത്തോളം ബസുകൾ സർവ്വീസ് നടത്തുന്ന കെ.എസ്.ആർ.ടി.സിയെ സംബന്ധിച്ച് കുടുതൽ സമയവും റോഡിലായതിനാൽ തന്നെ, ഓരോ ദിവസവും അപകടം നേരിൽ കണ്ടാണ് കഴിഞ്ഞു പോകുക.

കെ.എസ്.ആർ.ടി.സി ഉൾപ്പെട്ട അപകടമാണെങ്കിൽ അത് ആരുടെ ശ്രദ്ധക്കുറവ് ആയാലും, കെ.എസ്.ആർ.ടി.സി ഡ്രൈവറെ പഴിചാരുന്ന രീതിയാണ് കണ്ടു വരുന്നത്. നിരവധി യാത്രക്കാരെയും പേറി കൃത്യസമയത്ത് കൃത്യമായ സ്ഥലത്ത് എത്തിക്കാൻ ശ്രമിക്കുന്ന ഒരു പൊതുഗതാഗതസംവിധാനമാണ് കെ.എസ്.ആർ.ടി.സി. വഴിയിലോടുന്ന ചെറിയ മോപ്പഡ് മുതൽ ട്രെയിലർ വരെ അപകടങ്ങൾ ഉണ്ടാക്കുന്നുണ്ട്. റോഡിൽ മറ്റുള്ളവർ ചെയ്യുന്ന തമാശകളും ഒരു നിമിഷത്തെ അശ്രദ്ധയുമാണ് പലപ്പോഴും വലിയ അപകടങ്ങൾക്ക് വഴിവെക്കുന്നത്. പക്ഷേ ഞങ്ങളുടെ ദൗത്യം ഭാരിച്ചതാണ്.. ഞങ്ങളെ ആശ്രയിക്കുന്ന ഓരോ ജീവനും ഞങ്ങൾക്ക് വിലപ്പെട്ടതാണ്..

15.06.2019ന് കൊട്ടാരക്കരക്കടുത്ത് പൊലിക്കോട് – വയക്കൽ എന്ന സ്ഥലത്തു വച്ച് തിരുവനന്തപുരത്തേക്ക് വന്ന കെ.എസ്.ആർ.ടി.സി കിളിമാനൂർ ഡിപ്പോയുടെ AT339 ഫാസ്റ്റ് പാസഞ്ചർ ബസ്സും ഒരു കോൺക്രീറ്റ് മിക്സർ ലോറിയുമായി കൂട്ടിയിടിച്ച് ഉദ്ദേശം 14:30 മണിക്ക് അപകടം ഉണ്ടായി. അപകടത്തിൽ ബസിലെ ക്രൂവിന് സാരമായ പരിക്കുകളും യാത്രക്കാർക്കു ചെറിയ പരിക്കുകളും ഉണ്ടായി. കൊട്ടാരക്കരയിൽ നിന്നും തിരുവനന്തപുരം ട്രിപ്പ് വരുമ്പോൾ വയക്കൽ എന്ന സ്ഥലത്ത് ബസ് വളവ് തിരിഞ്ഞ് വരുമ്പോൾ ഇടത് വശത്ത് കൺസ്ട്രക്ഷൻ ലോറികൾ പാർക്ക് ചെയ്യുന്ന ഗ്രൗണ്ടിൽ നിന്നും അശ്രദ്ധമായി ഒരു കോൺക്രീറ്റ് മിക്സർ ലോറി റോഡിലേക്ക് ഓടിച്ച് കയറ്റുകയും, ലോറിയിൽ ഇടിക്കാതിരിക്കാൻ പരമാവധി വലതു വശത്തേക്ക് വെട്ടിച്ച കെ.എസ്.ആർ.ടി.സി ബസ്സ്, ലോറിയുടെ മുൻഭാഗത്ത് ഇടിക്കുകയും ചെയ്തു.

കോൺക്രീറ്റ് മിക്സർ ലോറിയുടെ ഡീസൽ ടാങ്ക് മുൻഭാഗത്ത് ആയതിനാൽ, ഡീസൽ ടാങ്ക് തകർന്ന് ഡീസൽ ലോറിയുടെ സൈലൻസറിൽ വീണ് പെട്ടെന്ന് തീ പിടിക്കുകയും ബസും ലോറിയും പൂർണ്ണമായും കത്തി നശിക്കുകയും ചെയ്തു. അലക്ഷ്യമായി വളവിൽ ലോറി ഡ്രൈവർ വാഹനം നടുറോഡിലേക്ക് പെട്ടെന്ന് ഓടിച്ചു കയറ്റിയതാണ് അപകട കാരണം എന്നാണ് പ്രാഥമിക വിവരം.

ബസിലുണ്ടായ ഏകദേശം ഇരുപതോളം യാത്രക്കാരെ ദേഹം തീപ്പൊള്ളലേറ്റ അവസ്ഥയിലും ഡ്രൈവറായ ശ്രീ. പ്രകാശും, കഴുത്തിന് മാരകമായി പരുക്കേറ്റ കണ്ടക്ടർ സജീമും ബസിന്റെ ഓട്ടോമാറ്റിക് ഡോർ തുറന്ന് തൽക്ഷണം പുറത്തിറക്കിയതിനാലാണ് ബസിലുള്ള ഒരു യാത്രക്കാരനു പോലും ജീവഹാനി സംഭവിക്കാതെ രക്ഷിച്ചത്. അമ്മപ്പക്ഷി മക്കളെ ചിറകിനു കീഴിലൊതുക്കി സൂക്ഷിക്കുന്നതു പോലെ തന്റെ യാത്രക്കാരെ സുരക്ഷിതരായി പുറത്തിറക്കിയ രണ്ട് കെ.എസ്.ആർ.ടി.സി ജീവനക്കാരും ആശുപത്രിയിൽ ചികിൽസയിലാണ്. അപകടം നടന്ന് നിമിഷങ്ങൾക്കകം സേവന സന്നദ്ധരായി സമീപ പ്രദേശത്തുള്ള എല്ലാ യൂണിറ്റുകളിൽ നിന്നും ജീവനക്കാർ സംഭവസ്ഥലത്ത് പാഞ്ഞെത്തി. അപകടം മൂലമുള്ള ഗതാഗതക്കുരുക്കു കാരണം കിലോമീറ്ററുകളോളം ഓടിയും നടന്നുമാണ് അവർ സംഭവസ്ഥലത്തെത്തിയതു പോലും. പക്ഷേ അപകടത്തിൽ ബസ് പൂർണമായും കത്തിനശിച്ചു..

ഒരൽപ്പസമയത്തെ അശ്രദ്ധ അതൊന്നുമാത്രമാണ് ഈ അപകടത്തിനു കാരണം. നൂറോളം യാത്രക്കാരെ വഹിച്ചുകൊണ്ടു പോകുന്ന ഒരു ബസിലെ ഡ്രൈവർക്കും കണ്ടക്ടർക്കും എപ്പോഴും നിങ്ങളെ തൃപ്തിപ്പെടുത്താൻ സാധിക്കുകയില്ലായിരിക്കും. പക്ഷേ അവർ നിങ്ങളെ ആപത്തിലേക്ക് തള്ളിവിടില്ല…ഉറപ്പ്…

അതിനാൽ നാളെ സ്വന്തം വാഹനവുമായി റോഡിലേക്കിറങ്ങുമ്പോൾ അൽപം ശ്രദ്ധ മറ്റു വാഹനങ്ങളിലേക്കും നീളുവാൻ അഭ്യർഥിക്കുന്നു. കെ.എസ്.ആർ.ടി.സി ബസുകളെയോ ജീവനക്കാരെയോ നിങ്ങൾ ബഹുമാനിക്കണ്ട, സ്നേഹിക്കണ്ട.. പക്ഷേ അവർ സാമൂഹ്യ പ്രതിബദ്ധതയോടെ എന്നും നിങ്ങളോടൊപ്പം തന്നെയുണ്ടാകും. കെ.എസ്.ആർ.ടി.സി എന്നും ജനങ്ങളോടൊപ്പം..”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post