ആന്ധ്രയിലെ ബേലം ഗുഹ : ഭൂമിക്കടിയിലെ വിസ്മയം

Total
0
Shares

വിവരണം – Prajoth Kkd.

ആന്ധ്രാപ്രദേശിലെ കർണൂൽ ജില്ലയിലെ ബേലം ഗ്രാമത്തിലാണ് ഈ വിസ്മയകരമായ ഗുഹ സ്ഥിതി ചെയ്യുന്നത്. ഇന്ത്യയിലെ വലിയ രണ്ടാമത്തെ വലിയ ഗുഹയാണ് ബേലം. 1884 ൽ ബ്രിട്ടീഷ് സർവേയർ റോബർട്ട് ബ്രൂസ് ഫൂട്ടാണ് ബേലം ഗുഹയെ ശ്രദ്ധയിൽപ്പെടുത്തിയത്. അതിനു ശേഷം 1983ൽ ജർമ്മൻ സംഘം ഈ ഗുഹയിൽ ആദ്യം പര്യവേഷം നടത്തുക,യും പിന്നീട് 2000 ൽ ആന്ധ്രപ്രദേശ് ടൂറിസം ഡെവലപ്പ്മെൻറ് ഏറ്റെടുക്കുകയും, 2003 ൽ ഗുഹാ സന്ദർശനം പൊതുജനങ്ങൾക്കായി തുറന്നു കൊടുക്കുകയും ചെയ്തു.

കേരളത്തിൽ നിന്നും ഏറ്റവും എളുപ്പം അനന്തപൂർ റെയിവേസ്റ്റേഷനിൽ നിന്നും ബസ് മാർഗ്ഗം ബേലം എത്തിച്ചേരുന്നതാണ്. ആന്ധ്രാപ്രദേശിലെ അനന്തുപൂർ മുതൽ താഠിപത്രി വരെ റോഡിനിരുവശവും വിവിധ തരത്തിലുള്ള കൃഷിപാടങ്ങളാണെങ്കിൽ താഠിപത്രി കഴിഞ്ഞാൽ ഗ്രാനൈറ്റ് ഖനനം ചെയ്യുന്നതും ചെയ്തു കഴിഞ്ഞതുമായ കുന്നുകളും പാടങ്ങളും ഫാക്ടറികളും കൊണ്ട് നിറഞ്ഞതാണ്. ഇന്ത്യയിൽ ഏറ്റവുമധികം ഗ്രാനൈറ്റ് ഖനനം നടക്കുന്ന സ്ഥലങ്ങളിലൂടെയുള്ള യാത്ര അതിശയപരമായ കാഴ്ച്ചയാണ് സമ്മാനിക്കുക.

ഭൂമിശാസ്ത്രപരമായും ചരിത്രപരമായും ബന്ധപ്പെട്ട ഗുഹകളാണ് ബേലം ഗുഹകൾ. നൂറ്റാണ്ടുകൾക്ക് മുമ്പ് ജൈന – ബുദ്ധമത സന്യാസിമാർ ഈ ഗുഹകൾ ഉപയോഗിച്ചിരുന്നുവെന്ന സൂചനകളുണ്ട്. അതിനു പ്രതീകമായി തന്നെയാണ് ഗുഹയിലേക്കു പ്രവേശിക്കുന്നതിനു മുമ്പായി കുന്നിൻ ചെരുവിൽ വലിയ ബുദ്ധ പ്രതിമ അവിടെ സ്ഥാപിച്ചിട്ടുള്ളത്.

APTDC യുടെ കൗണ്ടറിൽ നിന്നു ടിക്കറ്റിനു 65 രൂപ കൊടുത്താൽ പ്രവേശന കവാടത്തിൽ എത്താം. അവിടെ നിന്നും താഴെയ്ക്കു ചെറിയ പടികൾ ഇറങ്ങിച്ചെന്നാൽ ബേലം ഗുഹയ്ക്കുള്ളിലെ ആദ്യ ഹാളിൽ എത്തും. ബേലം ഗുഹയുടെ ഭൂഘടനാ ചിത്രം അവിടെ ബോർഡിൽ കൃത്യമായി രേഖപ്പെടുത്തിയിട്ടുണ്ട്.

പ്രകൃത്യാൽ രൂപപ്പെട്ടതാണ് ബേലം ഗുഹ. ആയിരകണക്കിനു വർഷങ്ങൾക്കു മുമ്പേ ഒഴുകിയിരുന്ന പുഴയുടെ അവശേഷിപ്പാണ് ഇന്നത്തെ ഗുഹയുടെ രൂപാന്തരം. അടുക്കുകളായുള്ള പാറക്കല്ലുകളും, ഗ്രാനൈറ്റിനു സമാനമായ പാളികളും, പാറയിൽ നിന്നു ഊറി വന്ന ചുണ്ണാമ്പുകല്ലുകളും നിറഞ്ഞതാണ് ഗുഹയ്ക്കുൾ വശം. പൗരാണിക കാലഘട്ടത്തെ അനുസ്മരിപ്പിക്കുന്ന പേരുകളാണ് ഗുഹയ്ക്കുള്ളിലെ പല അറകൾക്കും പേര് നൽകിയിരിക്കുന്നത്.

ഗുഹയിലൂടെ ഏകദേശം 1.5 കിലോമീറ്ററോളം നിലവിൽ നമുക്ക് സഞ്ചരിക്കാം. ബാക്കിയുള്ളതത്രയും അടഞ്ഞു പോവുകയോ മറ്റു സുരക്ഷാകാരണങ്ങളാൽ നിർത്തിവെച്ചിരിക്കുകയോ ആണ്. ഗുഹയ്ക്കുൾവശം വായുസഞ്ചാരവും, വെളിച്ചവും, ദിശാബോർഡുകളും സുരക്ഷാക്യാമകളും ടൂറിസം വകുപ്പ് കൃത്യമായി നടപ്പാക്കിയിട്ടുണ്ട്. അതിനാൽ നിർഭയമായി ഗുഹയുടെ ഒരോ മൂലയിലും നമുക്ക് എത്തിചേരാം.

യാത്രാമാർഗ്ഗം – ഏറ്റവും അടുത്ത റെയിൽവേ സ്റ്റേഷൻ അനന്തപൂർ ആണ്. താഠിപത്രിയിൽ റെയിൽവേ സ്റ്റേഷനുണ്ടെങ്കിലും ബാംഗ്ലൂരിൽ നിന്നു നേരിട്ട് ട്രെയിൻ ഇല്ല. അതിനാൽ ആ യാത്ര നമുക്ക് വളരെ ചുറ്റലാണ്. കേരളത്തിൽ നിന്നും അനന്തപൂരിലേക്ക് നേരിട്ട് ഒരേ ഒരു ട്രെയിൻ മാത്രമേയുള്ളൂ. ട്രെയിൻ നമ്പർ 16332 – Mumbai CSMT weekly Express [Saturday Only]. ബാംഗ്ലൂരിൽ നിന്നു അനന്തപൂരിലേക്ക് ഒരുപാടു ട്രെയിനുകൾ ലഭ്യമാണ്. അനന്തപൂരിൽ നിന്നു (via താഠിപത്രി) ബേലം കേവ് പോകുന്ന നേരിട്ടുള്ള ബസുകൾ ഉണ്ട്. അല്ലെങ്കിൽ അനന്തപൂരിൽ നിന്നു നേരെ താഠിപത്രി അവിടുന്ന് ബേലം കേവ് വഴി പോകുന്ന ബസുകൾ ധാരാളമുണ്ട്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

കേരളത്തിനകത്തെ തമിഴ് പറയുന്ന ഗ്രാമമായ ‘വട്ടവട’യിലേക്ക്

വിവരണം – സന്ധ്യ ജലേഷ്. മലഞ്ചെരുവുകളെ തഴുകി വരുന്ന കാറ്റേറ്റ് സ്‌ട്രോബറിയും, ആപ്പിളും, കാരറ്റും, കാബേജും, ക്വാളിഫ്‌ലവറും, ഉള്ളിയും, ഉരുളക്കിഴങ്ങും, വെളുത്തുള്ളിയും വിളഞ്ഞു നില്‍ക്കുന്ന തോട്ടങ്ങളും, അലഞ്ഞുതിരിഞ്ഞു നടക്കുന്ന കോവര്‍ കഴുതകളും, തീപ്പെട്ടികൂടുപോലെ നിറമുള്ള വീടുകളും, ചെങ്കുത്തായ മലനിരകള്‍ക്കു നടുവില്‍ ജ്യാമിതീയ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1987 ലെ ഒരു ‘എസ്കേപ് റോഡ്’ സാഹസിക യാത്ര !!

വിവരണം – കെ.എം. കുര്യാക്കോസ്. 1987 ൽ ഒരു 1977 മോഡൽ അമ്പാസിഡർ കാറുമായി ടോപ് സ്റ്റേഷനിൽ നിന്നും എസ്കേപ് റോഡുവഴി കൊടൈക്കനാലിലേക്കു നടത്തിയ സാഹസിക യാത്ര. ഞങ്ങൾ കോതമംഗലം M.A. കോളജിലെ അഞ്ച് അദ്ധ്യാപകർ, കൊമേഴ്സിലെ ഐസക് കുര്യൻ (ഷാജി),…
View Post

ചുരുങ്ങിയ ചിലവിൽ 14 സ്ഥലങ്ങളിലേക്ക് ഒരു ഫാമിലി ട്രിപ്പ്

വിവരണം – Karrim Choori. 2019 ഓഗസ്റ്റ് 24 നല്ല ഇടിയും മഴയുള്ള രാത്രി ആയിരുന്നു അത്. 9 മണിക്ക് ഞാനും എന്റെ രണ്ട് മക്കളും, പെങ്ങളെ രണ്ടു കുട്ടികളും, ടോട്ടൽ ആറുപേർ Ritz കാറിൽ നാളെ ഉച്ചവരെയുള്ള ഫുഡ് ഒക്കെ…
View Post