ഭരണി… തിരുമല… സ്ത്രീകൾ മാത്രം നടത്തുന്ന ഒരു ഭക്ഷണശാല

Total
17
Shares

വിവരണം – ‎Praveen Shanmukom‎,  ARK – അനന്തപുരിയിലെ രുചി കൂട്ടായ്മ.

ഭരണി… തിരുമല… സ്ത്രീകൾ മാത്രം നടത്തുന്ന ഒരു ഭക്ഷണശാല. 2017 ജൂൺ 5 നാണ് ഈ ഭക്ഷണയിടം നിലവിൽ വന്നത്. തിരുമല പ്രഭാത് മെഡിക്കൽസിന്റെ അടുത്തായിരുന്നു തുടക്കം. ഇപ്പോൾ പേയാട് നിന്ന് തിരുമല പോകുമ്പോൾ കുശക്കോട് അമ്പലം കഴിഞ്ഞുള്ള കയറ്റത്തിന്റെ ഇടത് വശത്തായി വരും. പുതിയ സ്ഥലത്ത് 2019 ജൂൺ 17 മുതലാണ് പ്രവർത്തിച്ച് വരുന്നത്. താഴെ കാണുന്ന ഭരണി എന്ന ഫാസ്റ്റ് ഫുഡ് സർവീസിന്റെ ഇടത് വശത്ത് കൂടി കുറച്ച് മുന്നോട്ട് പോകുമ്പോൾ വലത് വശത്തായി കുറച്ച് പടികെട്ടുകൾ കാണാം. അത് വഴി കയറി മുകളിലെത്തിയാൽ നമ്മുടെ സ്ഥലമായി.

ഒരു ദിവസം ഉച്ചയ്ക്ക് സതീർത്ഥ്യനുമായി ഇവിടെയെത്തി. ഒന്നാന്തരം വാഴയിലയിൽ നല്ല ചമ്പാവരി ചോറ് വിളമ്പി. കൂടെ നല്ല രുചിയുള്ള സാമ്പാറും ബീറ്റ് റൂട്ട് കിച്ചടിയും കാബേജ് തോരനും അവിയലും, മീൻ കറിയും, നല്ല ഒന്നാം തരം മരിച്ചീനിയും. പരിപ്പും പപ്പടവും ചെലവാകാത്തത് കൊണ്ട് ഇവിടെ ഇല്ലെങ്കിലും ഉള്ള കറികളാക്കെ ക്ലാസ്സ് ആണ്. തൊടുകറികൾ അച്ചാറുകൾ സഹിതം ഒന്നും ഒരു കുറ്റവും പറയാനില്ല. എല്ലാം രുചികരം.

മീൻ ഫ്രൈയിന്റെ രുചി അറിയാൻ ചൂര ഫ്രൈയും നെത്തോലി ഫ്രൈയും. രണ്ടും പൊളിക്കാച്ചി. സർവീസ് എല്ലാം വളരെ നല്ലതാണ്. ഇടയ്ക്കിടെ വന്ന് ചോദിക്കും. ആവശ്യം അറിഞ്ഞ് വിളമ്പും. എങ്കിലും അവസാനത്തെ പുളിശ്ശേരിയുടെ കാര്യം വിട്ട് പോയെങ്കിലും ചോദിച്ച് മേടിച്ചു. അത് കഴിച്ചില്ലെങ്കിൽ ഒരു നഷ്ടമായേനെ പൈനാപ്പിളൊക്കെ ചേർത്തൊരു കിടുക്കാച്ചി പുളിശ്ശേരി.

ഉച്ചയ്ക്കത്തെ ചൂട്, ടേബിൾ ഫാനിന്റെ സാന്നിദ്ധ്യത്തിൽ ഒട്ടും അറിഞ്ഞതേയില്ല. അവിയൽ, തീയൽ, കൂട്ടുകറി എന്നിവ മാറി മാറി വരും. അതു പോലെ കിച്ചടിയും തോരനും ഓരോ ദിവസം ഓരോ വിഭവങ്ങളിലായിരിക്കും. റെഡിമെയ്ഡ് മസാലകൾ ഇല്ല. എല്ലാം പൊടിച്ച് എടുക്കുന്നത്. മീൻ ഫ്രൈയെല്ലാം 60, മീൻ കറികൾ 40 ഇതാണ് ഇവിടത്തെ രീതി. ഊണിന്റെ കൂടെയുള്ള മരിച്ചിനിയ്ക്ക് പ്രത്യേകം കാശില്ല. അല്ലാതെ വാങ്ങിക്കുന്നെങ്കിൽ ₹ 30.

പുതിയതായി തുടങ്ങിയ സ്ഥലത്ത് താഴെയായി ഫാസ്റ്റ് ഫുഡ് സർവീസ് കൂടി നടത്തുന്നുണ്ട്. അത് സ്ത്രീകൾ നടത്തുന്ന ഭക്ഷണശാലയുമായി ബന്ധമില്ല വേറെ ആൾക്കാരാണ് നടത്തുന്നത്. സ്ത്രീകളുടെ ഭക്ഷണശാലയ്ക്ക് നേതൃത്വം കൊടുക്കുന്ന ശ്രീമതി ജയലക്ഷ്മിയുടെ, ഭർത്താവായ ശ്രീ ഹരി കുമാറിന്റേയും അദ്‌ദേഹത്തിന്റെ സുഹൃത്ത് ശ്രീ അനിൽകുമാറിന്റേയും കൂട്ടായ സംരംഭമാണ് ഭരണി. ശ്രീ അനിൽകുമാറിന്റെ ജന്മനക്ഷത്രമാണ് ഭരണി എന്നുള്ള പേരിന് പുറകിൽ.

ഭക്ഷണശാല പോലെ തന്നെ കൺസ്ട്രക്ഷൻ വർക്കുകളും ഭരണി എന്ന സ്ഥാപനത്തിന്റെ ഒരു ഭാഗമാണ്. പാഴ്സലിന് ആവശ്യക്കാർ പലരേയും കണ്ടു. പാഴ്സലും വാഴ ഇലയിൽ പൊതിഞ്ഞാണ് നല്കുന്നത്. അത് പോലെ അന്വേഷിച്ചപ്പോൾ മനസ്സിലായത് പാലുകാച്ചൽ, നൂല് കെട്ട് തുടങ്ങിയതിനൊക്കെ സദ്യയടക്കം കാറ്ററിംഗ് വർക്കുകളും എടുത്ത് ചെയ്യുന്നുണ്ട്. നല്ല അഭിപ്രായമാണ് കേട്ടത്.

വൃത്തി, സർവീസ്, ഒരു വിധ മായങ്ങളുമില്ലാതെ വിശ്വസിച്ച് രുചിയോടെ കഴിക്കാവുന്ന സ്ത്രീകൾ മാത്രം നടത്തുന്ന നല്ലൊരു ഭക്ഷണയിടത്തിലോട്ട് ഭക്ഷണപ്രിയർക്ക് സ്വാഗതം. Seating Capacity: 24, Timings: 12 PM to 2:30 PM (11:30 – 12 മണിക്ക് തുടങ്ങും 2:30 – 3 മണി വരെ കാണും).

Address : Bharani Homli Food and Fast Food, Rohini Buildings, TV nagar, Kusakkode, Thirumala, Thiruvananthapuram.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post