ഇൻഡിഗോ വിമാനത്തിൽ പറന്നുകൊണ്ടിരിക്കെ ഒരു സർപ്രൈസ് ‘ബർത്ത് ഡേ’ ആഘോഷം

Total
23
Shares

നമ്മൾ നമുക്ക് വേണ്ടപ്പെട്ടവരുടെ പിറന്നാൾ ദിനം ആഘോഷിക്കാറുണ്ട്. അതിപ്പോൾ മാതാപിതാക്കളുടെയോ, കൂട്ടുകാരുടെയോ, കുട്ടികളുടെയോ, ഭാര്യയുടെയോ ഒക്കെയാകാം. എന്തായാലും കേക്കൊക്കെ മുറിച്ച് “ഹാപ്പി ബർത്ത് ഡേ ടു യൂ..” പാട്ടും പാടി അതങ്ങു ആഘോഷിച്ചു കളയും. മിക്കവാറും വീടുകളിൽ വെച്ചാണ് ഇത്തരത്തിൽ ബർത്‌ഡേ പാർട്ടികൾ നടത്താറുള്ളത്. എന്നാൽ ഇതിൽ നിന്നൊക്കെ വ്യത്യസ്തമായി ആകാശത്തു വെച്ച് ബർത്ത് ഡേ ആഘോഷിക്കുവാൻ സാധിച്ചാലോ? ചുമ്മാ പറയുകയാണോ എന്നായിരിക്കും ഇപ്പോൾ നിങ്ങൾ വിചാരിക്കുന്നത്. എന്നാൽ അത്തരത്തിലൊരു ഭാഗ്യം കൈവരിച്ച കഥയാണ് മുണ്ടക്കയം സ്വദേശിയും Juan Travels & Logistics ഉടമയുമായ ആൽവിൻ ഫിലിപ്പിനു പറയാനുള്ളത്.

സംഭവം ഇങ്ങനെ : ആൽവിനും കുടുംബവും കൂടി ഹൈദരാബാദിലേക്ക് ഒരു ട്രിപ്പ് പോകുന്നു. ഹൈദരാബാദിലേക്കും അവിടുന്നുള്ള മടക്കയാത്രയ്ക്കും ഇവർ തിരഞ്ഞെടുത്തത് ഇൻഡിഗോ എയർലൈസ് വിമാന സർവ്വീസുകളെയായിരുന്നു. മടക്കയാത്രയടക്കം ബുക്ക് ചെയ്തതിനു ശേഷമാണ് ഇവർ ഹൈദരാബാദിലേക്ക് പോയതും. ഹൈദരാബാദ് ടൂറൊക്കെ കഴിഞ്ഞ ശേഷം അവിടുന്ന് തിരികെ കൊച്ചിയിലേക്ക് വിമാനം കയറുന്നതിനായി എയർപോർട്ടിൽ എത്തിയപ്പോഴാണ് ഇവരുടെ ഇളയ മകനായ ആർതറിൻ്റെ ഒന്നാം പിറന്നാളാണ് ആ ദിവസമെന്ന് അവർ ഓർത്തത്. വീട്ടിലെത്തിയിട്ട് എല്ലാവരെയും കൂട്ടി പിറന്നാൾ ഗംഭീരമായിത്തന്നെ ആഘോഷിക്കാമെന്നു ഇവർ പ്ലാൻ ചെയ്യുകയും ചെയ്തു.

ചെക്ക് ഇൻ കൗണ്ടറിൽ എത്തിയപ്പോൾ അവിടെയുണ്ടായിരുന്ന സ്റ്റാഫ്‌ കുട്ടിയുടെ പിറന്നാൾ ദിനമാണല്ലോ എന്ന് ഇവരോട് പറയുകയും ചെയ്തു. ഒപ്പം തന്നെ കുട്ടിയ്ക്ക് അവർ പിറന്നാളാശംസകൾ നേർന്നുകൊണ്ട് ബോർഡിങ് പാസ്സ് കൈമാറുകയും ചെയ്തു. സെക്യൂരിറ്റി ചെക്കിംഗും കഴിഞ്ഞു വിമാനത്തിലേക്ക് കയറിയ ആൽവിനും കുടുംബവും തങ്ങളുടെ സീറ്റിനു മുകളിലുള്ള ബെർത്തിൽ ലഗേജുകൾ വെച്ച ശേഷം സീറ്റിൽ ഇരിപ്പുറപ്പിച്ചു. സമയമായപ്പോൾ വിമാനം ടേക്ക് ഓഫ് ചെയ്യുകയും ചെയ്തു.

ഹൈദരാബാദിൽ നിന്നും പറന്നുയർന്ന വിമാനം കൊച്ചിയിൽ ലാൻഡ് ചെയ്യുന്നതിനു മുൻപായി എയർഹോസ്റ്റസുമാർ ഇവരുടെ അടുത്തേക്ക് വരികയും എല്ലാ യാത്രക്കാരെയും മുൻനിർത്തി കുട്ടിയുടെ ജന്മദിനമാണെന്നു പറയുകയും വിഷ് ചെയ്യുകയും ചെയ്തു. അപ്രതീക്ഷിതമായി ഇതെല്ലാം കണ്ട് അന്തംവിട്ടു നിൽക്കുകയായിരുന്നു ആൽവിനും ഭാര്യയും മൂത്ത മകനും. ഇതിനിടെ യാത്രക്കാരെല്ലാം കുട്ടിയ്ക്ക് പിറന്നാളാശംസകൾ നേരുകയുണ്ടായി. അങ്ങനെയിരിക്കുമ്പോഴാണ് വിമാന ജീവനക്കാരുടെ വക അടുത്ത സർപ്രൈസ്.. ഒരു ബർത്ത്ഡേ കേക്കുമായി എയർഹോസ്റ്റസുമാർ പിറന്നാളാഘോഷം ഗംഭീരമാക്കുവാനായിത്തന്നെ തയ്യാറെടുത്തു.

ആഘോഷത്തിനായുള്ള എല്ലാം സൈറ്റായപ്പോൾ ജീവനക്കാർ ആൽവിനെയും കുടുംബത്തെയും സീറ്റിൽ നിന്നും എഴുന്നേൽപ്പിച്ച് കേക്ക് മുറിക്കുവാനായി സ്വാഗതം ചെയ്തു. കാര്യമൊന്നുമറിയാതെ നിന്ന കുഞ്ഞു ആർതറിനെ എയർഹോസ്റ്റസുമാർ ഓരോരുത്തരായി എടുത്തു കളിപ്പിക്കാൻ തുടങ്ങി. കുട്ടിയെക്കൊണ്ട് അവർ തന്നെ കേക്ക് മുറിപ്പിക്കുകയും ബർത്ത്ഡേ ഗാനം ആലപിക്കുകയും ഒക്കെ ചെയ്തു. ഇതെല്ലാം കണ്ടുനിന്ന യാത്രക്കാരെല്ലാം കൈയടിച്ചു പ്രോത്സാഹിപ്പിച്ചു. ആഘോഷങ്ങളെല്ലാം നോർത്ത് ഇന്ത്യക്കാരായ എയർഹോസ്റ്റസുമാർ വീഡിയോയിൽ പകർത്തുകയും അത് ആൽവിന് വാട്‍സ് ആപ്പ് വഴി അയച്ചു കൊടുക്കുകയും ചെയ്തു. ആ വീഡിയോ താഴെ കാണാം.

വിമാനം കൊച്ചിയിൽ ലാൻഡ് ചെയ്ത് എല്ലാവരോടും യാത്ര പറഞ്ഞു ടെർമിനലിലേക്ക് പോകുമ്പോൾ ആൽവിന്റെയും ഭാര്യയുടെയും മനസ്സു നിറഞ്ഞിരുന്നു. ഒരിക്കലും പ്രതീക്ഷിച്ചതല്ല അവർ ഇതൊക്കെ. സംഭവം വേറൊന്നുമല്ല, ഹൈദരാബാദിലെ ചെക്ക് ഇൻ കൗണ്ടറിൽ നിന്നും കുട്ടിയുടെ ബർത്ത്ഡേ ആണെന്ന വിവരമറിയിച്ചു കൊണ്ടുള്ള മെസ്സേജ് വിമാനത്തിലെ ജീവനക്കാർക്ക് പോയി. അങ്ങനെയാണ് അവർ ഈ സെലിബ്രെഷനുകളൊക്കെ സെറ്റ് ചെയ്തത്. എന്തായാലും ജീവിതത്തിൽ ഒരിക്കലും മറക്കാനാവാത്ത ഒരനുഭവം കൈവന്ന സന്തോഷത്തിലാണ് ആൽവിനും കുടുംബവും.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post