യാത്രക്കാർക്ക് അത്ഭുതമായി ഒരു തമിഴ്‌നാട് ബസ് കണ്ടക്ടർ…

Total
0
Shares

കെഎസ്ആർടിസിയിലെ ജീവനക്കാരെക്കുറിച്ചുള്ള കഥകൾ നാം ധാരാളം കേട്ടിട്ടുണ്ട്. അതുപോലെ തന്നെ ഒരു തമിഴ്‌നാട് ട്രാൻസ്‌പോർട്ട് കോർപ്പറേഷൻ ബസ് കണ്ടക്ടറുടെ വിശേഷങ്ങളാണ് ഇനി പറയുവാൻ പോകുന്നത്. അതിനായി ആദ്യം നമുക്ക് കോയമ്പത്തൂർ ബസ് സ്റ്റാൻഡിലേക്ക് ഒന്നു പോകാം.

“മധുരൈ ബൈപ്പാസ്, മധുരൈ ബൈപ്പാസ്..” തൻ്റെ ഡ്യൂട്ടി ബസ്സിനു മുന്നിൽ നിന്നുകൊണ്ട് കണ്ടക്ടർ ശിവഷണ്മുഖം യാത്രക്കാരെ വിളിക്കുകയാണ്. നെറ്റിയിലൊരു കുറിയും തൊട്ട് ഇളംനീല യൂണിഫോമും ധരിച്ച് കക്ഷത്തിൽ കണ്ടക്ടർ ബാഗുമായി പുഞ്ചിരിയോടെ ഓരോ യാത്രക്കാരെയും ബസ്സിലേക്ക് വിളിച്ചു കയറ്റുന്നു.

യാത്രക്കാരെല്ലാം കയറിയതിനു ശേഷം ബസ് പുറപ്പെടാറാകുമ്പോൾ ശിവഷൺമുഖം ബസ്സിലേക്ക് കയറുകയായി. പിന്നീട് യാത്രക്കാർക്ക് അഭിമുഖമായി പ്രസന്നവദനനായി നിന്നുകൊണ്ട് അദ്ദേഹം പറയുവാൻ തുടങ്ങും “വണക്കം… ഇത് നമ്മുടെ സർക്കാർ ബസ്സാണ്, ഈ മനോഹരമായ ബസ് വൃത്തിയായി കാത്തുസൂക്ഷിക്കേണ്ടത് നമ്മുടെ കടമയാണ്. etc..etc..”

വിമാനങ്ങളിൽ ടേക്ക് ഓഫിനു മുൻപ് എയർഹോസ്റ്റസുമാർ യാത്രക്കാർക്ക് ചില മാർഗ്ഗനിർദ്ദേശങ്ങൾ നൽകുന്നതു കണ്ടിട്ടില്ലേ? അതുപോലെ തമിഴ്‌നാട്ടിലെ ഒരു സർക്കാർ ബസ്സിൽ വിനയത്തിന്റെയും സേവനത്തിന്റെയും കടമയുടെയും ഉത്തമോദാഹരണമാകുകയാണ് കണ്ടക്ടർ ശിവഷൺമുഖം.

ഈ മാതൃകാ കണ്ടക്ടറുടെ കയ്യിൽ എപ്പോഴും ‘പുളിമിട്ടായി’ സ്റ്റോക്ക് ഉണ്ടാകും. യാത്രയ്ക്കിടയിൽ ആർക്കെങ്കിലും ബുദ്ധിമുട്ടുകൾ (motion sickness) ഉണ്ടാകുകയാണെങ്കിൽ അവർക്ക് കൊടുക്കുവാനാണ് ഇത്. അതുപോലെ തന്നെ യാത്രയ്ക്കിടയിൽ ഛർദ്ദിക്കുന്ന പ്രവണതയുള്ള യാത്രക്കാർക്കായി കവറുകളും (Sick Bag) ഷണ്മുഖത്തിന്റെ കയ്യിൽ സ്റ്റോക്ക് ഉണ്ടാകും. ഈ കാര്യങ്ങളെല്ലാം യാത്രയ്ക്ക് മുൻപായി ബസ്സിലെ യാത്രക്കാരോടുള്ള തൻ്റെ വിവരണത്തിൽ ഷൺമുഖം ഉൾപ്പെടുത്തും.

ഈ കാര്യങ്ങളെല്ലാം പറഞ്ഞതിനു ശേഷം ഓരോ സ്ഥലത്തേക്കുമുള്ള ചാർജ്ജുകൾ യാത്രക്കാരോട് പറഞ്ഞു മനസ്സിലാക്കി കൊടുക്കും. “നിങ്ങൾ ഓരോരുത്തരുടെയും ഈ യാത്രയ്ക്ക് ഓരോരോ കാരണങ്ങളുണ്ടാകും. അവ സാധിക്കുവാൻ നിങ്ങൾക്ക് കഴിയട്ടെ. നമ്മുടെ സ്നേഹംനിറഞ്ഞ ഡ്രൈവറുടെ പേരിലും എൻ്റെ പേരിലും നിങ്ങൾക്കേവർക്കും ശുഭയാത്രകൾ നേരുന്നു. ഈ യാത്രയ്ക്കിടയിലെ നിങ്ങളുടെ എന്താവശ്യത്തിനും ഞാൻ സഹായത്തിനായി ഉണ്ടാകും.” ചുണ്ടിൽ വിരിയുന്ന പുഞ്ചിരിയോടെയും വിനയത്തോടെയും ശിവഷൺമുഖം പറഞ്ഞു നിർത്തുന്നു.

ഈ സംഭവം യാത്രക്കാരിൽ ആരോ വീഡിയോ എടുക്കുകയും സോഷ്യൽ മീഡിയകളിൽ ഷെയർ ചെയ്യുകയും ചെയ്തതോടെയാണ് വ്യത്യസ്തനായ ഈ 52 കാരൻ കണ്ടക്ടറെക്കുറിച്ച് പുറംലോകം അറിയുന്നത്. ഇതോടെ ശിവഷണ്മുഖം പ്രശസ്തനായി മാറി. നിരവധി ചാനലുകാർ അദ്ദേഹത്തിൻ്റെ വാർത്തയും ഇന്റർവ്യൂവും കൊടുക്കുവാനായി മുന്നോട്ടു വന്നു.

23 വർഷത്തോളമായി ശിവഷണ്മുഖം TNSTC യിൽ ജോലിചെയ്യുവാൻ തുടങ്ങിയിട്ട്. കോയമ്പത്തൂർ ഡിപ്പോയിൽ ഉണ്ടായിരുന്ന മറ്റൊരു കണ്ടക്ടറുടെ പ്രവൃത്തിയെ മാതൃകയാക്കിയാണ് താനും ഇത്തരത്തിൽ ചെയ്യുന്നതെന്ന് അദ്ദേഹം പറയുന്നു. വിമാനത്തിൽ ചെയ്യുന്നതുപോലത്തെ കാര്യമാണല്ലോ എന്ന് പറയുന്നവരോട് താൻ ജീവിതത്തിൽ ഇതുവരെ വിമാനത്തിൽ കയറിയിട്ടില്ലെന്ന സത്യവും ചിരിയോടെ ശിവഷണ്മുഖം വെളിപ്പെടുത്തുന്നു.

വളരെയേറെ ബുദ്ധിമുട്ടുള്ള ജോലിയാണ് ബസ് ജീവനക്കാരുടേത്. പലതരത്തിലുള്ള ആളുകളുമായുള്ള ഇടപെടലുകളും അനുഭവങ്ങളും ജോലി ഭാരവുമെല്ലാം ഒക്കെയാണ് മിക്ക ബസ് ജീവനക്കാരെയും പരുക്കൻ സ്വഭാവക്കാരാക്കി മാറ്റുന്നത്. ഇത്തരം പ്രശനങ്ങൾക്കിടയിൽ നിന്നുകൊണ്ട് അവയെ തരണം ചെയ്ത് യാത്രക്കാരോട് സൗഹാർദ്ദപരമായി ഇടപെടാൻ കഴിയുക എന്നതാണ് ഒരു ബസ് ജീവനക്കാരനെ സംബന്ധിച്ചിടത്തോളം അവരുടെ ഏറ്റവും വലിയ വിജയം. ആ വിജയം കൈവരിച്ചവരിൽ ഒരാളായി TNSTC യിലെ ശിവഷണ്മുഖവും..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post