നടക്കാൻ വയ്യാത്ത സ്വന്തം അമ്മയ്ക്കു വേണ്ടി മകൻ കണ്ടുപിടിച്ച ചലിക്കുന്ന കാർ സീറ്റ്

Total
79
Shares

ആരോഗ്യപരമായി എന്തെങ്കിലും ബുദ്ധിമുട്ടുകൾ അനുഭവിക്കുന്നവർക്കും നടക്കാൻ കഴിയാത്തവർക്കും കാറുകളിൽ കയറുകയും ഇറങ്ങുകയും ചെയ്യുന്നത് വളരെ ശ്രമകരമായ ഒരു കാര്യം തന്നെയാണ്. ചിലപ്പോൾ ഇതിനായി അവർക്ക് ഒന്നിലധികം ആളുകളുടെ സഹായം വേണ്ടി വന്നേക്കാം. ഇത്തരത്തിലുള്ള ബുദ്ധിമുട്ടുകൾ കാരണം മിക്കവരും യാത്രകൾ ഒഴിവാക്കി വീട്ടിൽത്തന്നെ ഒതുങ്ങിക്കൂടാറാണ് പതിവ്. എന്നാൽ ഇതിനെല്ലാം ഒരു പരിഹാരം കണ്ടെത്തിയിരിക്കുകയാണ് വൈക്കം സ്വദേശിയായ ആദർശ് ബാലകൃഷ്‌ണൻ എന്ന യുവാവ്.

നടക്കുവാൻ പ്രയാസമുള്ള സ്വന്തം അമ്മയ്ക്കു കാറിൽ കയറുവാനും ഇറങ്ങുവാനും വേണ്ടിയുള്ള ഉപകാരണത്തിനായി ആദർശ് പലയിടത്തും അന്വേഷിക്കുകയുണ്ടായി. എന്നാൽ ഇത്തരത്തിലുള്ള സംവിധാനം വാങ്ങുന്നതിനു അഞ്ചു ലക്ഷത്തിലധികം വിലവരുമെന്നാണ് അദ്ദേഹത്തിന് അറിയുവാൻ സാധിച്ചത്. അതോടെ അത് വാങ്ങുവാനുള്ള ഉദ്യമം അദ്ദേഹം ഉപേക്ഷിക്കുകയും ചെയ്തു. എന്നാൽ ഈ ഉദ്യമം പൂർണ്ണമായും ഉപേക്ഷിച്ചു മടങ്ങുവാൻ ആദർശ് ഒരുക്കമായിരുന്നില്ല. എന്തുകൊണ്ട് ഇത്തരമൊരു ഉപകരണം സ്വന്തമായി വികസിപ്പിച്ചെടുത്തുകൂടാ എന്ന് അദ്ദേഹം ചിന്തിച്ചു തുടങ്ങി. ആ ചിന്തകൾ എത്തിച്ചേർന്നത് ശരിക്കും ഇതുപോലൊരു ഉപകരണം സ്വന്തമായി ഉണ്ടാക്കുന്നതിൽ ആയിരുന്നു.

അതിനായി ആദ്യം ആദർശ് ചെയ്തത് തൻ്റെ ഹ്യുണ്ടായ് വെർണ കാറിലെ മുന്നിലെ സീറ്റ് (കോ -ഡ്രൈവർ സീറ്റ്) പരിഷ്‌ക്കരിക്കുകയായിരുന്നു. സീറ്റ് പൂർണ്ണമായും തെന്നി നീക്കാവുന്ന തരത്തിൽ മാറ്റങ്ങൾ വരുത്തി. സീറ്റിനടിയിലെ ലോക്ക് അഴിച്ചു കഴിഞ്ഞാൽ അത് പൂർണ്ണമായും വശങ്ങളിലേക്ക് തിരിക്കാവുന്ന രീതിയിലാകും. അങ്ങനെ ഡോർ തുറന്നതിനു ശേഷം സീറ്റ് പുറത്തേക്ക് തിരിച്ചു വെക്കുവാൻ സാധിക്കും. ഇനി ഈ സീറ്റ് പുറത്തേക്ക് തെന്നിച്ചു തന്നെ എടുക്കണം. അതിനായി വീൽ ചെയർ മാതൃകയും ഒരു ചെറിയ വണ്ടി ഉണ്ടാക്കുകയാണ് ആദർശ് ചെയ്തത്. ഈ വണ്ടിയിലേക്ക് പുറത്തേക്ക് അഭുമുഖമായി വെച്ച സീറ്റ് പതിയെ തെന്നിച്ച് കയറ്റാം. സ്വന്തമായി നിർമ്മിച്ച ഈ വണ്ടിയിൽ സീറ്റ് കയറിക്കഴിഞ്ഞാൽ അത് ലോക്ക് ചെയ്യുവാനുള്ള സൗകര്യവും സെറ്റ് ചെയ്തിട്ടുണ്ട്. ഇതോടെ സീറ്റ് കാറിൽ നിന്നും പൂർണ്ണമായും വിട്ട് വീൽചെയർ മാതൃകയിൽ ആകും.

ഇനി വയ്യാത്ത ആളെ ഈ വണ്ടിയിൽ വീൽ ചെയറിൽ എന്നപോലെ ഉന്തിക്കൊണ്ട് ലക്ഷ്യസ്ഥാനത്ത് എത്തിക്കാം. അതിനുശേഷം സീറ്റ് തിരികെ കാറിൽ ഫിറ്റ് ചെയ്യുകയും ചെയ്യാം. ഇതേ മാതൃകയിൽത്തന്നെ ആളുകളെ കാറിലേക്ക് കയറ്റുകയും ചെയ്യാം. ഇതെല്ലാം ചെയ്യുവാൻ ഒരാളുടെ സഹായം മാത്രമേ ആവശ്യമുള്ളൂ. സീറ്റ് തള്ളിക്കൊണ്ടു പോകുവാൻ ഉപയോഗിക്കുന്ന ആ വീൽചെയർ വണ്ടി കാറിന്റെ ഡിക്കിയിൽ സൂക്ഷിക്കുകയും ചെയ്യാം. ഇതെല്ലാം ഇന്റർനെറ്റിൽ നിന്നുള്ള അറിവുകൾ നേടിയ ശേഷം ആദർശ് സ്വയം നിർമ്മിച്ചെടുത്തതാണ്. ഈ സംവിധാനം പ്രവർത്തിപ്പിക്കുന്നത് എങ്ങനെയെന്നുള്ള വീഡിയോ ആദർശ് തൻ്റെ ഫേസ്‌ബുക്കിൽ പങ്കുവെക്കുകയും ചെയ്തിട്ടുണ്ട്. ഈ വീഡിയോ വൈറലായതോടെയാണ് ഇത്തരമൊരു സംവിധാനത്തെക്കുറിച്ച് ആളുകൾ അറിയുന്നതും. ആ വീഡിയോ താഴെ കൊടുത്തിരിക്കുന്നു. നിങ്ങൾക്കത് കണ്ടു മനസ്സിലാക്കാവുന്നതാണ്.

വെളിച്ചം കാണേണ്ട ഇത്തരം കഴിവുകൾ തീർച്ചയായും ഒരു സ്റ്റാർട്ടപ്പ് ആയോ അല്ലെങ്കിൽ പേറ്റന്റ് എടുത്തോ ഇമ്പ്രൂവ് ചെയ്തു വിപണിയിലെത്തിച്ചാൽ അത് ഒരുപാടു പേർക്ക് അനുഗ്രഹമാകും എന്ന് ഉറപ്പാണ്. ആദർശിനെപ്പോലെ നിർമ്മാണ വൈദഗ്ധ്യമുള്ളവർക്ക് ഈ ഉപകരണം സ്വയം വികസിപ്പിച്ചെടുക്കാവുന്നതുമാണ്. ഇത്തരം ഉപകരണങ്ങൾ ചെലവ് കുറഞ്ഞ രീതിയിൽ കൂടുതലായി നിർമ്മിച്ച് വിപണിയിലെത്തിക്കുവാൻ കഴിഞ്ഞാൽ അത് വളരെ നല്ലൊരു കാര്യം തന്നെയാണ്. ഇതിനായി നമ്മുടെ സർക്കാർ മുൻകൈയെടുത്തു പ്രവർത്തിക്കും എന്നു വിശ്വസിക്കാം.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post