വല്യേട്ടനിൽ മമ്മൂട്ടിയോടൊപ്പം തകർത്തഭിനയിച്ച ഗജവീരൻ; പാമ്പു കടിയേറ്റ് ചെരിയേണ്ടി വന്ന കൊമ്പൻ..

Total
27
Shares

വർഷങ്ങൾക്കു മുമ്പുള്ള ഏറ്റുമാനൂർ ഉത്സവം, ആനക്കാര്യത്തിൽ അൽപം പഴക്കവും ചരിത്രവമേറിയതാണ് ഏറ്റുമാനൂർ ഉത്സവം വലിയ വിരൂപാക്ഷനും നീലകണ്ഠനും വണ്ടന്നൂർ ഗോപാലകൃഷ്ണനും ഇടമനപാട്ട് മോഹനനും തിരു നീലകണ്ഠനുമടക്കം എണ്ണം പറഞ്ഞ നാട നാനകൾ തലയുയർത്തി നിന്ന ഉത്സവഭൂമി. ഉത്തരേന്ത്യൻ ആനകൾ എത്താറുണ്ടെങ്കിലും തിടമ്പേറ്റുക സഹ്യസുതന്മാർ തന്നെയാവും.

പതിവു പോലെ നല്ല ആൾത്തിരക്കുള്ള ശീവേലി എഴുന്നള്ളിപ് തിടമ്പേറ്റാൻ നാട്ടുകാർക്ക് അത്ര പരിചിതനല്ലാത്ത ഒരു ഗജരാജൻ പക്ഷേ എഴുന്നള്ളിപു തുടങ്ങിയതു മുതൽ തലയുയർത്തി പ്രൗഢിയോടെ നിന്നആ ഗജകേസരിയെ പുരുഷാരം ശരിക്കുമൊന്നു ശ്രദ്ധിച്ചു. ഒപ്പം ഒരു പേരും ‘തിടനാട് താന്നിപുഴയിൽ രാജഗോപാൽ.’ പെരുന്ന ഗജമേളയുടെ കിരീട മടക്കം ശിരസ്സിലേന്തി അക്ഷരമുറ്റത്തിന്റെ ഹൃദയ ചോരനായി അവൻ മാറി. കോട്ടയത്തങ്ങോളമിങ്ങോളമുള്ള ഉത്സവത്തിടമ്പുകളേന്തി അരങ്ങുവാണ അവനെ തേടി ഒരാളെത്തി, ആനക്കേരളത്തിലെ എക്കാലത്തെയും ലക്ഷണതകവിന്റെ നേർരൂപമായ ചേലൂരാനയുടെ പിന്മുറക്കാരനായി വാഴിക്കാൻ.

അങ്ങനെ തൊണ്ണൂറുകളുടെ അവസാനത്തിൽ ‘തിടനാട് താന്നിപുഴയിൽ രാജഗോപാൽ’ തൃശ്ശൂരിന്റെ മണ്ണിലേക്ക് എത്തിച്ചേർന്നു. രാജഗോപാൽ ‘ചേലൂർ രവി’യായി. വടക്കുംനാഥന്റെ മണ്ണിൽ പുതിയൊരു സൂര്യോദയം. തിരുകൊച്ചിയും, തൃശ്ശിവപേരൂരും, വള്ളുവനാടും ആ ആനച്ചന്തത്തെ കണ്ണിമയ്ക്കാതെ നോക്കി നിന്നു. തൃശ്ശൂർ പൂരം തുടങ്ങി പ്രധാന ഉത്സവ ആഘോഷങ്ങളിലും അവൻ അവിഭാജ്യ ഘടകമായി മാറി. ഇതിനിടയിൽ വല്യേട്ടൻ എന്ന സിനിമയിൽ മമ്മൂട്ടിയോടൊപ്പം അറയ്ക്കൽ കണ്ണൻ എന്ന പ്രാധാന്യമുള്ള വേഷം ചെയ്ത് മോളിവുഡിൽ താരമായി.

2004 ലെ തൃശൂർ പൂരത്തിൽ പാറമേക്കാവ് വിഭാഗത്തിൽ ശ്രീപരമേശ്വരനും, മംഗലംകുന്നു അയ്യപ്പനും, എഴുത്തച്ഛൻ ശങ്കരനാരായണനും ശേഷം ഉള്ള നാലാം സ്ഥാനം രവിക്കായിരുന്നു. തിടമ്പാനയായാലും പറ്റാനയായാലും എന്നും ഒരാൾക്കൂട്ടം രവിക്കു ചുറ്റുമുണ്ടായിരുന്നു. എന്നാൽ വിധിയുടെ വികൃതിയിൽ ആ സൂര്യൻ അസ്തമനത്തിലേക്ക് നീങ്ങുകയാണന്ന് ആരും അറിഞ്ഞിരുന്നില്ല.

2004 ലെ തൃശ്ശൂർ പൂരം കഴിഞ്ഞു പാലക്കാട് ജില്ലയിലെ ഏതോ ഭാഗത്തു ഏതോ പൂരത്തിനു പോകുന്നതിനിടയിൽ, ഒരു പാലക്കാടൻ കാറ്റേറ്റ പകലിൽ ചിതലി എന്ന സ്ഥലത്തു വിശ്രമിക്കുന്നതിനിടയിൽ ആനകളുടെ പ്രിയ ഭോജനമായ മുളയില തുമ്പിക്കൈയാൽ വാരിയെടുത്തു കഴിക്കുകയായിരുന്നു രവി. എന്നാൽ പെട്ടെന്ന് പറമ്പിൽ കെട്ടി നിർത്തിയ ആനയിൽ പിന്നീട് വന്ന ഭാവമാറ്റം കണ്ടുനിന്നവരെയെല്ലാം ഞെട്ടിച്ചു. തന്റെ പ്രിയ തോഴനെന്തു പറ്റി എന്നറിയാതെ സന്തത സഹചാരിയായ പാപ്പാനും കുഴങ്ങിപ്പോയി. എന്താണ് സംഭവിച്ചതെന്നു തിരിച്ചറിയുന്നതിനും മുന്നേ ഏവരെയും കണ്ണീരിലാഴ്ത്തി അവൻ നിത്യതയിലേക്ക് കണ്ണടച്ചു.

പാമ്പുകടിയേറ്റായിരുന്നു ചേലൂർ രവിയുടെ അന്ത്യമെന്ന് പിന്നീടാണ് മനസ്സിലായത്. മുളയിലക്കൂട്ടങ്ങൾക്കിടയിൽ പതുങ്ങിയിരുന്ന പാമ്പ് ചേലൂർ രവിയെന്ന തലയെടുപ്പുള്ള കൊമ്പന്റെ അന്തകനാകുകയായിരുന്നു. ഈ വാർത്ത ആനപ്രേമികളെ തീരാദുഃഖത്തിലാഴ്ത്തി. 30-35 വയസ്സിനോടുത്തു പ്രായമുള്ളപ്പോൾ ആയിരുന്നു രവി ഈ ലോകത്തോടും പൂരങ്ങളോടും വിടപറഞ്ഞത്. നല്ല ആരോഗ്യവും തലയെടുപ്പും ഉണ്ടായിരുന്ന, ഒരുപാട് ഉയരങ്ങൾ കീഴടക്കേണ്ടിയിരുന്ന കൊമ്പൻ…പക്ഷെ എങ്ങും എത്താതെ പോയി.

ഇന്നും വല്യേട്ടൻ സിനിമ കാണുമ്പോഴും അതിലെ “നിറനാഴി പോന്നിൻ..” എന്ന ഗാനരംഗം കാണുമ്പോഴും തലയെടുപ്പോടെ മമ്മൂട്ടിയുടെ അടുത്തു നിൽക്കുന്ന ചേലൂർ രവി ആനപ്രേമികൾക്ക് ഒരു നീറുന്ന വേദനയാണ്. ഒരിക്കലും മറക്കാനാവാത്ത ചേലൂർ രവിയുടെ ഓർമ്മക്കു മുൻപിൽ പ്രണാമങ്ങളോടെ…

കടപ്പാട് – ‎Vivin Dadu, വിവിധ ആനപ്രേമി കൂട്ടായ്മകളിൽ വന്ന ലേഖനങ്ങൾ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post