ചിതറാൽ ജെയിൻ ടെംപിൾ – തെക്കൻ കേരളക്കാർക്ക് ഒരു ദിവസം കൊണ്ട് പോയി വരാവുന്ന ഒരു സ്ഥലം.

Total
201
Shares

വിവരണം – പ്രശാന്ത്_കൃഷ്ണ.

ഈ പൂജാ അവധിക്കു ഒരു ദീർഘദൂര യാത്ര തയാറാക്കി വച്ചിരിക്കുകയായിരുന്നു ഞങ്ങൾ. തുടർച്ചയായ അവധി ദിനങ്ങൾ ആയതിനാൽ ഞങ്ങൾ പോകാനുദ്ദേശിച്ചിരുന്ന സ്ഥലങ്ങളിൽ നല്ല തിരക്ക് കാണും എന്നുള്ളത് മനസിലാക്കി ആ യാത്ര ഞങ്ങൾ ഉപേക്ഷിക്കാൻ തീരുമാനിച്ചു . ഒരു യാത്രപോകാൻ ഒരുങ്ങി അത് മുടങ്ങുമ്പോഴുണ്ടാകുന്ന വിഷമം ഞങ്ങളെ അസ്വസ്ഥരാക്കി. അത് മറികടക്കുന്നതിനായി ഒരു ദിവസത്തെ ഒരു യാത തട്ടിക്കൂട്ടാൻ ഞങ്ങൾ തീരുമാനിച്ചു. അധികം തിരക്കില്ലാത്ത ഒരു ദിവസം കൊണ്ട് തിരിച്ചു വരാവുന്ന ഒരു സ്ഥലം അതായിരുന്നു ലക്ഷ്യം.

അവസാനം 18 നു രാത്രി 10 മണിയോടെ യാത്ര പോകാനുള്ള സ്ഥലം തെരഞ്ഞെടുത്തു “ചിതറാൽ ജെയിൻ ടെംപിൾ”. ഒരുപാട് നാളായി പോകണം എന്ന് ആഗ്രഹിച്ചിരുന്നതാണ്, പലപ്പോഴും യാത്ര മുടങ്ങി ഇപ്പോഴാണ് അതിനു പറ്റിയ സമയം. അങ്ങനെ ഞാൻ , അനന്ദു , അപ്പൂസ് , രാഹുൽ എന്നിവർ യാത്രയ്ക്ക് തയാറെടുത്തു. മറ്റുള്ളവർക്ക് പല അസൗകര്യങ്ങൾ കൊണ്ട് യാത്രയിൽ പങ്കുചേരാൻ സാധിച്ചില്ല. പിറ്റേന്ന് ബന്ദ് ആയതിനാൽ തലേദിവസം ഓഫീസിൽ നിന്ന് വന്നപ്പോൾ വണ്ടിയിൽ ഇന്ധനം നിറച്ചു. ആകെ ഈ യാത്രയ്ക്ക് ചെലവ് ഇന്ധനച്ചിലവും പിന്നെ ഭക്ഷണവും മാത്രം. രാവിലെ 6 മണിക്ക് യാത്ര തുടങ്ങണം എന്ന് എല്ലാവരെയും അറിയിച്ചു ഉറങ്ങാൻ കിടന്നു.

രാവിലെ കൃത്യസമയത്തു തന്നെ എല്ലാവരും എത്തി യാത്ര ആരംഭിച്ചു. രാഹുലിന്റെ വീട് കാട്ടാക്കടയാണ്. അവിടുന്ന് അവനെയും കൂട്ടിവേണം പോകാൻ. രാഹുൽ കാട്ടാക്കട എത്താം എന്ന് അറിയിച്ചിട്ടുണ്ട്. ഞങ്ങൾ കാട്ടാക്കട എത്തി. അഞ്ചുമിനിട്ടിനുള്ളിൽ രാഹുലും ബസിൽ അവിടെത്തി. ഞങ്ങൾ യാത്രതിരിച്ചു ചരിത്രമുറങ്ങുന്ന ആ ജൈന ക്ഷേത്രം കാണാൻ. കാട്ടാക്കട – ഒറ്റശേഖരമംഗലം – മണ്ഡപത്തിങ്കടവ് – ചെമ്പൂര് – വഴി ഞങ്ങൾ തമിഴ്നാട് അതിർത്തി കടന്നു. പിന്നീടങ്ങോട്ട് നല്ല കാഴ്ചകൾ കണ്ണിനു കുളിർമനൽകുന്ന കാഴ്ചകൾ. പാതയോടു ചേർന്നുള്ള തടാകം അതിൽ മീൻപിടിക്കുന്ന കുറച്ചുപേർ. കുറച്ചുനേരം അതാസ്വദിച്ചശേഷം ഞങ്ങൾ യാത്രതുടർന്നു.

തമിഴ്നാടിന്റെ അതിർത്തി ഗ്രാമങ്ങളിലൂടെയും ചെറു പട്ടണങ്ങളിലൂടെയും സഞ്ചരിച്ചു ഞങ്ങൾ ലക്ഷ്യ സ്ഥാനത്തെത്തി. വണ്ടി ഒതുക്കിവച്ചു ഞങ്ങൾ ക്ഷേത്രത്തിലേക്കുള്ള നടത്തം തുടങ്ങി. പാറയുടെ മുകളിലേക്കുള്ള പാത കരിങ്കല്ല് പാകി നല്ല വൃത്തിയായി സൂക്ഷിച്ചിരിക്കുന്നു. ഇടയ്ക്കു പടികളും ഉണ്ട് ഏകദേശം ഒരു കിലോമീറ്റർ നടക്കാനുണ്ട് ക്ഷേത്രത്തിനടുത്തെത്താൻ. ഇടയ്ക്കിടക്ക് വിശ്രമിക്കാൻ വേണ്ടി കരിങ്കല്ലിൽ തന്നെ ഇരിപ്പിടങ്ങളും ഒരുക്കിയിട്ടുണ്ട്.

തിരുവനന്തപുരം -കന്യാകുമാരി : ദേശീയപാതയിൽ മാർത്താണ്ഡത്തിനടുത്താണ് ചിതറാൽ . തിരുച്ചരണാത്തുപള്ളി എന്നാണ് ഈ പ്രദേശത്തിന്റെ ചരിത്രനാമം. ഒമ്പതാം നൂറ്റാണ്ടിലേതെന്നു കരുതുന്ന ജൈന ക്ഷേത്രമാണിവിടുത്തെ പ്രധാന ആകർഷണം. അക്കാലത്തെ വാസ്തുവിദ്യയുടെ ഉദാഹരണമാണ് ജൈന ക്ഷേത്രം . ആർക്കിയോളജിക്കൽ സർവേ ഓഫ് ഇന്ത്യയുടെസംരക്ഷണത്തിലാണ് ക്ഷേത്രം. പാറയിൽക്കൊത്തിയ ധ്യാന നിരതനായ തീർഥങ്കരന്റെ വിവിധ രൂപങ്ങളും ശിൽപ്പങ്ങളും ക്ഷേത്രത്തിലുണ്ട്. ഞങ്ങൾ നടന്നു ക്ഷേത്രത്തിനടുത്തെത്തി.

ഒരു ചെറിയ കവാടം കടന്നു പാറകൾക്കിടയിലൂടെ വേണം ക്ഷേത്രത്തിലെത്താൻ. പാറകളിൽ മനോഹരങ്ങളായ ശില്പങ്ങളും മറ്റും കൊത്തിവച്ചിരിക്കുന്നു. ശില്പങ്ങളെ കൂടാതെ ശിലാലിഖിതങ്ങളും കാണുവാൻ സാധിക്കും. വളരെ ശാന്തമായ അന്തരീക്ഷം. പാറമുകളിൽ നിന്ന് നോക്കിയാൽ കണ്ണെത്താദൂരത്തോളം പരന്നുകിടക്കുന്ന തമിഴ്നാടിന്റെ ഭംഗി ആസ്വദിക്കാനാകും. ഞങ്ങൾ അവിടെത്തിയപ്പോൾ സമയം 10 മണി കഴിഞ്ഞിരുന്നു വെയിൽ വീണു തുടങ്ങി. എന്നിരുന്നാലും വെയിലിന്റെ ചൂടേൽക്കാതെ നില്ക്കാൻ ആൽമരങ്ങളും വൃക്ഷങ്ങളും നമ്മെ സഹായിക്കും.

അൽപനേരം ഞങ്ങൾ ആല്മരത്തണലിൽ വിശ്രമിച്ചു. ഞങ്ങൾ അവിടെത്തിയപ്പോൾ ആകെ രണ്ടുപേരെ ഉണ്ടായിരുന്നുള്ളു. പിന്നീട് ഒരുപാടുപേർ ക്ഷേത്രം കാണാനായി വന്നുകൊണ്ടിരുന്നു. പലർക്കും ഇപ്പോഴും അജ്ഞാതമാണ് ഈ സ്ഥലം. യാത്രയെയും ചരിത്ര സ്മാരകങ്ങളെയും സ്നേഹിക്കുന്ന ഓരോ വ്യക്തിയും കണ്ടിരിക്കേണ്ട ഒന്നാണ് ചിതറാൽ ജെയിൻ ടെംപിൾ. മറ്റൊന്നുകൂടി ഓർമ്മിക്കുന്നു ഈ പൈതൃകങ്ങളെല്ലാം സംരക്ഷിക്കേണ്ടതും അത് നാളേക്കുവേണ്ടി കാത്തുസൂക്ഷിക്കേണ്ടതും നമ്മൾ ഓരോരുത്തരുടെയും കടമയാണ്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post