മലയാളികളുടെ പൊങ്കാല ഏറ്റു; വാർത്തയിൽ നിന്നും KSRTC ചിത്രം ഒഴിവാക്കി ഡെക്കാൻ ക്രോണിക്കിൾ…

Total
0
Shares

ബെംഗളൂരുവിൽ ട്രാഫിക് സിഗ്നൽ തെറ്റിച്ചു മുന്നോട്ടോടിയ കർണാടക ആർടിസി ബസ് കാറിലിടിച്ച് ഇരുപതു വയസ്സുകാരനായ യുവാവ് മരിച്ച വാർത്തയിൽ കർണാടക ആർടിസി ബസ്സിന്റെ ചിത്രത്തിനു പകരം കേരള ആർടിസി ബസ് ചിത്രം പോസ്റ്റ് ചെയ്ത ഡെക്കാൻ ക്രോണിക്കിളിനു മലയാളികളുടെ കൂട്ടപ്പൊങ്കാല. ഇതിനെത്തുടർന്ന് പത്രം അധികൃതർ ചിത്രം മാറ്റി വിവാദത്തിൽ നിന്നും തലയൂരിയിരിക്കുകയാണ് ഇപ്പോൾ.

ബെംഗളൂരുവിലെ രാജാജി നഗറിൽ നവരംഗ് തീയേറ്ററിന് സമീപമായിരുന്നു വാർത്തയ്ക്ക് ആധാരമായ അപകടം നടന്നത്. ഈ വാർത്ത കൊടുത്തപ്പോഴുണ്ടായ ഒരു പിഴവാണ് പ്രമുഖ പത്രമായ ഡെക്കാൻ ക്രോണിക്കിളിനു വിനയായത്. സംഭവത്തെക്കുറിച്ച് വലിയ ധാരണയൊന്നുമില്ലാത്ത ഡെക്കാൻ ക്രോണിക്കിൾ ഓൺലൈൻ വിഭാഗത്തിന്റെ എഡിറ്റർ, ഈ വാർത്തയ്‌ക്കൊപ്പം കൊടുക്കുവാനായി കെഎസ്ആർടിസി (കർണാടക) ബസ്സിന്റെ ചിത്രം ഗൂഗിളിൽ തപ്പി. കിട്ടിയതാകട്ടെ കേരള ആര്ടിസിയുടെ ഫാസ്റ്റ് പാസഞ്ചർ ബസ്സിന്റെ ചിത്രവും.

സംഭവം മലയാളികളായ ആനവണ്ടിപ്രേമികളുടെ ശ്രദ്ധയിൽപ്പെട്ടതോടെ ആകെ പ്രശ്നമായി. ഡെക്കാൻ ക്രോണിക്കിളിന്റെ ഫേസ്‌ബുക്ക് പേജിൽ ആനവണ്ടി പ്രേമികളായ മലയാളികളുടെ കൂട്ടപ്പൊങ്കാലയാണ് നടന്നത്. കർണാടക ആർടിസി ബസ് ഉണ്ടാക്കിയ അപകടത്തിന് കെഎസ്ആർടിസി (കേരള) ബസ്സിന്റെ ചിത്രം കൊടുത്തത് എന്ത് ഉദ്ദേശിച്ചിട്ടാണെന്നും മര്യാദയ്ക്ക് ചിത്രം മാറ്റി മാപ്പു പറഞ്ഞില്ലെങ്കിൽ സംഗതി വഷളാകുമെന്നുമാണ് പൊങ്കാലയിലൂടെ മലയാളികൾ ഒന്നടങ്കം വാണിംഗ് നൽകിയത്. കർണാടക ആർടിസിയും കേരള ആർടിസിയും തിരിച്ചറിയാത്തവരെയൊക്കെ എന്തിനാണ് പത്രത്തിൽ നിയമിച്ചിരിക്കുന്നതെന്നുള്ള ചോദ്യങ്ങളും കമന്റ് മുഖേന ചിലർ ചോദിക്കുന്നുമുണ്ടായിരുന്നു.

ചിത്രത്തോടൊപ്പമുള്ള വാർത്തയിൽ അപകടമുണ്ടാക്കിയത് കർണാടക ആർടിസിയുടെ ബസ്സാണെന്നും അതിന്റെ രജിസ്‌ട്രേഷൻ നമ്പർ ‘KA 27 F 0828’ എന്നാണെന്നും പറയുന്നുണ്ട്. അശ്രദ്ധയോടെയുള്ള ഡ്രൈവിംഗ് മൂലം അപകടമുണ്ടാക്കിയ കർണാടക ആർടിസി ബസ് ഡ്രൈവർ പ്രകാശ് നായകിനെ പോലീസ് അറസ്റ്റ് ചെയ്യുകയും ചെയ്തിട്ടുണ്ട്. വാർത്തയുടെ പൂർണ്ണരൂപം – https://bit.ly/2YU7yY5 .

ഒരു ബസ്സിന്റെ ചിത്രം മാറിപ്പോയത് ഇത്രയ്ക്ക് വഷളാകുമെന്നു പത്രക്കാരും കരുതിക്കാണില്ല. ഇതിനിടെ ഡെക്കാൻ ക്രോണിക്കിളിന്റെ ഒഫീഷ്യൽ ആപ്ലിക്കേഷന്റെ റേറ്റിങ് കുറയ്ക്കുന്നതിനായുള്ള കാമ്പെയ്‌നുകളും ശക്തമായി. സംഭവത്തിൽ ആദ്യമൊന്നും പത്രമധികൃതർ പ്രതികരിച്ചിരുന്നില്ലെങ്കിലും പിന്നീട് കൈവിട്ട കളിയാകുമെന്നു കണ്ടതോടെ ചിത്രം മാറ്റി തടിയൂരുകയാണ് അവർ ചെയ്തത്. കുറ്റങ്ങളും കുറവുകളുമൊക്കെ ഉണ്ടെങ്കിലും കെഎസ്ആർടിസി എന്നും മലയാളികളുടെ സ്വകാര്യ അഹങ്കാരമാണ്. തമാശയ്ക്കാണെങ്കിലും കെഎസ്ആര്ടിസിയെ പുറത്തുള്ളവർ കളിയാക്കിയാൽ മലയാളികളും ആനവണ്ടി പ്രേമികളും വെറുതെയിരിക്കില്ല.

ഇതിനു മുൻപ് ഒരിക്കൽ ബെംഗളൂരുവിൽ കെഎസ്ആർടിസിയെ അപമാനിക്കുന്ന തരത്തിലുള്ള പരസ്യബോർഡ് ആമസോൺ കമ്പനി സ്ഥാപിച്ചിരുന്നു. ഇതിനെത്തുടർന്ന് ഇപ്പോഴത്തേതിനു സമാനമായ രീതിയിൽ അന്നും ആമസോൺ കമ്പനിയുടെ പേജിൽ മലയാളികൾ പൊങ്കാലയിടുകയും ആമസോൺ ആപ്പിൾ നെഗറ്റിവ് റിവ്യൂസ് ഇടുകയുമൊക്കെ ചെയ്തു പ്രതിഷേധം അറിയിച്ചിരുന്നു. ഒടുവിൽ ഗത്യന്തരമില്ലാതെ ആമസോൺ അധികൃതർ മാപ്പു പറയുകയും പ്രസ്തുത പരസ്യം നീക്കം ചെയ്യുകയുമാണുണ്ടായത്. ഈ സംഭവം അന്ന് വാർത്താമാധ്യമങ്ങളിൽ വൻ ശ്രദ്ധ നേടിയിരുന്നു.

ആമസോൺ പോലുള്ള ഭീമൻ കമ്പനിയെ മുട്ടുകുത്തിച്ച ആനവണ്ടി പ്രേമികളും മലയാളി സുഹൃത്തുക്കളുമൊക്കെ ഡെക്കാൻ ക്രോണിക്കിളിനെയും വെറുതെ വിട്ടില്ല. സംഭവം കൂടുതൽ വഷളായതോടെയാണ് പത്രം അധികൃതരുടെ ഭാഗത്തു നിന്നും നടപടിയുണ്ടായത്. ആനവണ്ടിബ്ലോഗ് ബെംഗളൂരു ഘടകം പ്രതിനിധികളാണ് ഈ പൊങ്കാലയ്ക്ക് നേതൃത്വം നൽകിയത്. ചിത്രം മാറ്റിയതോടെ പൊങ്കാലയും അവസാനിച്ചു. ഇതൊരു താക്കീതാണ്, മലയാളികളുടെ സ്വന്തം വണ്ടിയായ ആനവണ്ടിയെ ചൊറിയുന്നവർക്കുള്ള താക്കീത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post