1072 കി.മീ. ദൂരം, 35 മണിക്കൂർ, 1500 രൂപ ടിക്കറ്റ്; ഈ ബസ് യാത്രയ്ക്ക് നിങ്ങൾ തയ്യാറാണോ?

Total
998
Shares

കാറിലും ടൂവീലറിലുമെല്ലാം ട്രിപ്പ് പോകുന്നതു പോലെത്തന്നെ ബസ് മാർഗ്ഗം യാത്ര ചെയ്യുവാൻ താല്പര്യമുള്ളവരും നമ്മുടെ കൂട്ടത്തിലുണ്ട്. അവർക്കായി ഇതാ ഒരു സന്തോഷ വാർത്ത.!! ഇന്ത്യയിൽത്തന്നെ ഏറ്റവും ദുർഘടമായതും മനോഹരമായതുമായ റൂട്ടിലൂടെ ഒരു ബസ് യാത്രയ്ക്ക് നിങ്ങൾ തയ്യാറാണോ? ഡൽഹിയിൽ നിന്നും ജമ്മു കാശ്മീരിൽ സ്ഥിതി ചെയ്യുന്ന ലേ വരെയുള്ള ബസ് സർവ്വീസിനെക്കുറിച്ചാണ് പറഞ്ഞു വരുന്നത്. കേൾക്കുമ്പോൾ വളരെ ഈസിയായി തോന്നുമെങ്കിലും സംഭവം അൽപ്പം കട്ടിയാണ്.

ഡൽഹിയിൽ നിന്നും ലേ വരെ 1072 കിലോമീറ്ററോളം ദൂരം സഞ്ചരിച്ചാണ് ഈ ബസ് ഒരു ട്രിപ്പ് പൂർത്തിയാക്കുന്നത്. ഇതിനായി എടുക്കുന്നതോ 35 മണിക്കൂർ സമയവും. കാലാവസ്ഥ പ്രതികൂലമായാൽ ചിലപ്പോൾ യാത്രാ സമയം 40 മണിക്കൂർ വരെ എത്തിയേക്കാം. ഹിമാചൽപ്രദേശ് റോഡ് ട്രാൻസ്‌പോർട്ട് കോർപ്പറേഷനാണ് അൽപ്പം സാഹസികരായ യാത്രാപ്രേമികൾക്ക് അനുഭവങ്ങളൊരുക്കുന്ന ഈ ബസ് സർവ്വീസ് നടത്തുന്നത്. 1500 രൂപയാണ് ഡൽഹിയിൽ നിന്നും ലേയിലേക്കുള്ള ടിക്കറ്റ് ചാർജ്ജ്. ടാറ്റായുടെ 47 സീറ്റുള്ള ഓർഡിനറി ബസ്സാണ് ഇത്തരമൊരു സർവ്വീസ് നടത്തുന്നതെന്നാണ് മറ്റൊരു കാര്യം.

ഡൽഹിയിൽ നിന്നും ഉച്ചയ്ക്ക് 2.30 നു പുറപ്പെടുന്ന ബസ് ചണ്ടീഗഡ്, ബിലാസ്‌പൂർ, മാണ്ടി, കുളു, മണാലി, കെയ് ലോംഗ്, സർച്ചു, പാംഗ്, ഉപ്ഷി വഴിയാണ് ജമ്മു കശ്മീർ സംസ്ഥാനത്തു സ്ഥിതി ചെയ്യുന്ന ലേയിൽ എത്തിച്ചേരുന്നത്. യാത്രയ്ക്കിടയിൽ ഒരു ദിവസം രാത്രി ബസ് കെയ് ലോംഗിൽ വിശ്രമിക്കുകയും ചെയ്യും. യാത്രക്കാർക്ക് ഇവിടെ താമസിക്കുവാനായി റൂമുകൾ എടുക്കാവുന്നതാണ്. ബസ് സ്റ്റാൻഡിനു സമീപത്തായി ബഡ്‌ജറ്റ്‌ അക്കോമഡേഷനുകൾ ലഭിക്കുന്നതാണ്. പിറ്റേന്നു രാവിലെ ബസ് യാത്ര തുടരുകയും ചെയ്യും.

ഡൽഹി – ലേ ട്രിപ്പിനിടയിൽ മനോഹരമായതും അപകടം പിടിച്ചതുമായ റൂട്ടുകളിലൂടെയാണ് ഈ ബസ് സഞ്ചരിക്കുന്നത്. ലോകത്തിലെ തന്നെ ഏറ്റവും ഉയരം കൂടിയ ചുരങ്ങളിലൂടെയാണു ഈ ബസ് കടന്നു പോകുന്നത് എന്നതു തന്നെയാണു ഈ യാത്രയുടെ പ്രത്യേകതയും. പ്രശസ്തമായ റോത്താങ് പാസ്സ്, ബറാലച്ച പാസ്സ്, നാകി പാസ്സ്, ലാചുങ്ങ് പാസ്സ്, താങ്ലാംഗ് പാസ്സ് എന്നിവിടങ്ങൾ കടന്നാണ് യാത്രകൾ. മഞ്ഞുമൂടിക്കിടക്കുന്നതും, വീതി കുറവായതും, റോഡ് എന്നു പറയുവാൻ പറ്റാത്തതുമായ ഏതാണ്ട് 17,000 അടി ഉയരത്തിൽ സ്ഥിതി ചെയ്യുന്ന മാർഗ്ഗങ്ങളിലൂടെയുള്ള ഈ ബസ് യാത്ര ഏതൊരു സഞ്ചാരിയെയും മോഹിപ്പിക്കുന്നതാണ്.

ഈ ബസ്സിൽ യാത്ര ചെയ്യണമെന്നു മോഹമുള്ളവർക്ക് തങ്ങളുടെ യാത്രാ തീയതി പ്ലാൻ ചെയ്ത്, മുൻകൂട്ടി ബസ് ടിക്കറ്റുകൾ ഓൺലൈനായി ബുക്ക് ചെയ്യാം. ഓൺലൈൻ ബുക്കിംഗിനായി www.hrtchp.com എന്ന വെബ്‌സൈറ്റിൽ കയറിയാൽ മതി. പ്രസ്തുത ബസ്സിനു നിലവിൽ മണാലി വരെയാണ് ഓൺലൈൻ ബുക്കിംഗ് സൗകര്യം ലഭ്യമായിട്ടുള്ളത്. ദിവസങ്ങൾക്കുള്ളിൽ ബുക്കിംഗ് ലേ വരെ ലഭ്യമാക്കുമെന്ന് ഹിമാചൽ പ്രദേശ് ട്രാൻപോർട്ട് കോർപ്പറേഷൻ അധികൃതർ അറിയിച്ചു.

SCHEDULE: From Delhi- 2:30 pm, Chandigarh sec.43- 8:30 pm, Kullu- 5:15 am, Manali- 7:00 am approx. At Keylong- 1:00 pm -Overnight Halt-. From Keylong- 5:00 am, At Leh- 7:00 pm. REVERSE SCHEDULE: From Leh- 5:00 am, At Keylong- 7:00 pm -Overnight Halt-. From Keylong- 6:30 am, Manali- 1:25 pm, At Delhi- 3:30 am approx.
.
FOOD HALTS: Evening snacks: Karnal, Dinner: Ropar, Early morning break: Pandoh,
Breakfast: Gulaba, Lunch: Koksar, Breakfast: Bharatpur near Baralacha La, Lunch: Pang,
Evening snacks: Upshi. ഇവ കൂടാതെ പ്രധാനപ്പെട്ട വ്യൂ പോയിന്റുകളിലും, മൗണ്ടൻ പാസ്സുകളിലും സഞ്ചാരികൾക്ക് ഇറങ്ങി കാഴ്ചകൾ ആസ്വദിക്കുവാനും ഫോട്ടോയെടുക്കുവാനും ഏകദേശം പത്തു മിനിറ്റോളം ബസ് നിർത്തിയിടുന്നതായിരിക്കും.

വർഷത്തിൽ 6 മാസം മാത്രമാണു ഈ ബസ് സർവ്വീസ് നടത്തുന്നത്. ബാക്കിയുള്ള 6 മാസം മഞ്ഞു മൂടി ഈ റൂട്ട് ഗതാഗത യോഗ്യമല്ലാതാകും. സാഹസിക ബസ് യാത്ര ഇഷ്ടപ്പെടുന്ന സഞ്ചാരികളെല്ലാം ഒരുവട്ടമെങ്കിലും ഈ റൂട്ടിലൂടെ ബസ് യാത്ര നടത്തിയിരിക്കണം.

വടക്കേ അതിർത്തി സംസ്ഥാനമായ ജമ്മു-കാശ്മീരിലെ ഒരു ജില്ലയാണ് ലേ. ഹിമാലയ രാജ്യമായ ലഡാക്കിന്റെ തലസ്ഥാനമായിരുന്നു ലേ. പഴയ ലഡാക് രാജവംശത്തിന്റെ ലേ കൊട്ടാരം ഇപ്പോഴും ഇവിടെ സ്ഥിതി ചെയ്യുന്നുണ്ട്. സമുദ്ര നിരപ്പിൽനിന്നും 3,500 മീറ്റർ (11,483 അടി) ഉയരത്തിലാണ് ലേ സ്ഥിതി ചെയ്യുന്നത്. ഏകദേശം 90 മി.മി മഴ ഓരോ വർഷവും ഇവിടെ ലഭിക്കാറുണ്ട്. മഞ്ഞുകാലത്ത് ഇവിടുത്തെ താപനില −28 °സെൽ‌ഷ്യസ് വരെയും താഴാറുണ്ട്. വേനൽ താപനില 33 ° വരെയും എത്താറുണ്ട്. 434 കി. മി നീളമുള്ള ശ്രീനഗർ- ലേ ദേശിയ പാതയും, 473 കി. മി നീളമുള്ള മനാലി – ലേ ദേശിയ പാതയുമാ‍ണ് ലേയെ റോഡ് വഴി ബന്ധിപ്പിക്കുന്ന പ്രധാന പാതകൾ. രണ്ട് പാതകളും കാലാവസ്ഥ പ്രശ്നങ്ങൾ കൊണ്ട് പ്രത്യേകസമയങ്ങളിൽ മാത്രമേ തുറക്കാറുള്ളു.

വിവരങ്ങൾക്ക് കടപ്പാട് – Himachal Parivahan, വിക്കിപീഡിയ, ചിത്രങ്ങൾ – Himachal Parivahan.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

എന്താണ് ദുബായ് എക്സ്പോ? അവിടെ എന്തൊക്കെ കാണാം? ആകർഷണങ്ങൾ…

ഇപ്പോൾ മാധ്യമങ്ങളിലും സോഷ്യൽ മീഡിയകളിലും, പിന്നെ പ്രവാസി സുഹൃത്തുക്കൾക്കിടയിലും സംസാരവിഷയമായിരിക്കുന്ന ഒന്നാണ് ദുബായ് എക്സ്പോ. എന്താണ് ഈ ദുബായ് എക്സ്പോ എന്ന് ശരിക്കും അറിയാത്ത ചിലരെങ്കിലും നമുക്കിടയിലുണ്ടാകും. അവർക്കായി ദുബായ് എക്സ്പോയുടെ വിശേഷങ്ങൾ പങ്കുവെയ്ക്കാം. ബ്യൂറോ ഒഫ് ഇന്റർനാഷണൽ എക്സ്പോസിഷൻസിന്റെ മേൽനോട്ടത്തിൽ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post