18 രാജ്യങ്ങൾ, 70 ദിവസം… ഡൽഹി – ലണ്ടൻ റൂട്ടിൽ ബസ് ട്രിപ്പ് വരുന്നു….

Total
611
Shares

വർഷങ്ങൾക്ക് മുൻപ് ലണ്ടനിൽ നിന്നും ഇന്ത്യയിലെ കൽക്കട്ടയിലേക്ക് ഒരു ബസ് സർവ്വീസ് ഉണ്ടായിരുന്നുവെന്ന വാർത്ത വൈറലായത് മാസങ്ങൾക്ക് മുൻപാണ്. അന്ന് ധാരാളമാളുകൾ ഇങ്ങനെയൊരു ബസ് യാത്ര ഇപ്പോൾ ഉണ്ടായിരുന്നെങ്കിൽ എന്ന് ആഗ്രഹിച്ചതുമാണ്. ഈയടുത്തൊന്നും സാധ്യമാകില്ല എന്നു കരുതിയ ആ യാത്ര ഇപ്പോഴിതാ യാഥാർഥ്യമാകുവാൻ പോകുകയാണ്.

ഹരിയാനയിലെ ഗുരുഗ്രാം ആസ്ഥാനമാക്കി പ്രവർത്തിക്കുക അഡ്വഞ്ചെഴ്സ് ഓവര്‍ലാന്‍ഡ് എന്ന ഒരു ടൂറിസ്റ്റ് കമ്പനിയാണ് സഞ്ചാരികളെയാകെ കോരിത്തരിപ്പിച്ച ആ പ്രഖ്യാപനം നടത്തിയിരിക്കുന്നത്. “ഇന്ത്യയിൽ നിന്നും ലണ്ടനിലേക്ക് ഒരു ബസ് സർവ്വീസ്…” ബസ് റ്റു ലണ്ടൻ എന്നു പേരിട്ടിരിക്കുന്ന ഈ ടൂർ പാക്കേജ് ആണിത്. രണ്ടു ഭൂഖണ്ഡങ്ങളിലായി 18 രാജ്യങ്ങളിലൂടെ 20,000 ത്തോളം കിലോമീറ്ററുകൾ സഞ്ചരിച്ചാണ് ഈ ബസ് തൻ്റെ ഒരു വശത്തേക്കുള്ള ട്രിപ്പ് പൂർത്തിയാക്കുന്നത്. ഇതിനു എടുക്കുന്നതാകട്ടെ 70 ദിവസവും.

ഇന്ത്യയിലെ ഡൽഹിയിൽ നിന്നുമാരംഭിക്കുന്ന ബസ് യാത്ര മ്യാന്മർ, തായ്‌ലൻഡ്, ലാവോസ്, ചൈന, കിർഗിസ്ഥാൻ, ഉസ്‌ബെക്കിസ്ഥാൻ, കസാക്കിസ്ഥാൻ, റഷ്യ, ലാത്വിയ, ലിത്വാനിയ, പോളണ്ട്, ചെക്ക് റിപ്പബ്ലിക്ക്, ജർമ്മനി, നെതർലാൻഡ്, ബെൽജിയം, ഫ്രാൻസ് എന്നീ രാജ്യങ്ങളിലൂടെ സഞ്ചരിച്ചാണ് യു.കെ.യിലെ ലണ്ടനിൽ എത്തിച്ചേരുക.

ലോകത്തിലെ തന്നെ ദൈർഘ്യമേറിയ ബസ് യാത്രകളിൽ ഒന്നായതിനാൽ, അതിനു യോജിച്ചതും സഞ്ചാരികൾക്ക് യാത്രാസുഖം നൽകുന്നതുമായ ബസ് ആയിരിക്കും യാത്രയ്ക്കായി ഉപയോഗിക്കുക. ബസ്സിലെ സീറ്റുകൾ 2×1 എന്ന സീറ്റിംഗ് ക്രമത്തിലുള്ളതായിരിക്കും. ഓരോ സീറ്റിനും പ്രത്യേകം എന്റർടൈൻമെന്റ് സിസ്റ്റം, ചാർജ്ജിംഗ് പോയിന്റ്, ഫോൾഡബിൾ ഫുഡ് ട്രേ, പ്രൈവറ്റ് ലോക്കർ എന്നിവയുണ്ടായിരിക്കും. യാത്രക്കാർക്ക് സ്വകാര്യത കൈവരുന്ന വിധത്തിലായിരിക്കും സീറ്റുകൾ ക്രമീകരിച്ചിട്ടുണ്ടാകുക.

ബസ്സിനൊപ്പം ഡ്രൈവർമാർ, ഹെൽപ്പർ, ഗൈഡ് തുടങ്ങിയവർ യാത്രക്കാരെ സഹായിക്കുവാനായി സദാ സജ്ജരായിരിക്കും. ഒരു ബസ്സിൽ 20 യാത്രക്കാർക്ക് മാത്രമായിരിക്കും യാത്ര അനുവദിക്കുക.

ഇനി ഈ ട്രിപ്പിലെ യാത്രക്കാർ ശ്രദ്ധിക്കേണ്ട ചില കാര്യങ്ങൾ പറയാം. ഡൽഹിയിൽ നിന്നും ലണ്ടനിലേക്കുള്ള ഫുൾ യാത്രയ്ക്ക് ഒരാൾക്ക് 15 ലക്ഷം രൂപയാണ് ചാർജ്ജ്. കടന്നു പോകുന്ന രാജ്യങ്ങളിലെ വിസ ചാർജ്ജുകൾ പാക്കേജ് തുകയിൽ ഉൾപ്പെട്ടിട്ടുള്ളതാണ്. ഇമിഗ്രെഷൻ – കസ്റ്റംസ് ക്ലിയറൻസ്, ഇന്നർലൈൻ പെർമിറ്റുകൾ, മിനിസ്ട്രി അപ്പ്രൂവലുകൾ എന്നിവ ടൂർ കമ്പനി തന്നെ ശരിയാക്കുന്നതാണ്. പോകുന്ന സ്ഥലങ്ങളിലെ സൈറ്റ് സീയിങ്, വാക്കിംഗ് ടൂറുകൾ എന്നിവ പാക്കേജിൽ ഉൾപ്പെടുത്തിയിട്ടുണ്ട്. സഞ്ചാരികൾക്ക് യാത്രയ്ക്കിടയിൽ റൂം ഷെയറിംഗ് അടിസ്ഥാനത്തിൽ ഹോട്ടലുകളിൽ താമസം, ഭക്ഷണം എന്നിവ ലഭ്യമായിരിക്കും.

ഫസ്റ്റ് എയ്‌ഡ്‌ കിറ്റ്, അത്യാവശ്യം വേണ്ട മരുന്നുകൾ മുതലായവ ബസ്സിൽ സജ്ജീകരിച്ചിട്ടുണ്ടാകും. എന്തെങ്കിലും പ്രത്യേകതരം മരുന്നുകൾ കഴിക്കുന്നവരുണ്ടെങ്കിൽ യാത്രയ്ക്ക് വരുമ്പോൾ അവ ആവശ്യത്തിനു കൂടെ കരുതേണ്ടതാണ്. കോവിഡിന്റെ പശ്ചാത്തലത്തിൽ യാത്രയ്ക്ക് മുൻപായി ടെസ്റ്റുകളും മറ്റും നടത്തേണ്ടിയും വരാം.

യാത്രക്കാർ തങ്ങളുടെ കൈയിൽ നിന്നും ചെലവാക്കേണ്ടി വരുന്നവ – ടൂർ മെനുവിൽ ഇല്ലാത്ത ഭക്ഷണം, മദ്യം, ട്രാവൽ ഇൻഷുറൻസ്, മെഡിക്കൽ ചെലവുകൾ, പല സ്ഥലങ്ങളിലുള്ള ക്യാമറ ഫീസ്, പലയാളുകൾക്കും നൽകേണ്ടി വരുന്ന ടിപ്പുകൾ, 5% GST എന്നിവയൊക്കെയാണ്.

70 ദിവസത്തെ പാക്കേജിൽ മുഴുവൻ ദിവസവും യാത്ര മാത്രമായിരിക്കില്ല. ഇതിനിടയിൽ വിശ്രമത്തിനായുള്ള ദിവസങ്ങളും ഉണ്ടായിരിക്കും. ബസ് ലണ്ടനിൽ എത്തിയാൽ അവിടെ നിന്നുള്ള മടക്ക യാത്രയും ഇതുപോലെത്തന്നെ ആയിരിക്കും. മടക്കയാത്രയും ആവശ്യമാണെങ്കിൽ 15 ലക്ഷം അതിനും മുടക്കേണ്ടി വരും. രണ്ടു വശത്തേക്കും ബസ്സിൽത്തന്നെ യാത്ര ചെയ്യാൻ എന്തായാലും സഞ്ചാരികൾ തയ്യാറാകുമെന്നു തോന്നുന്നില്ല.

2021 മെയ് മാസത്തിലായിരിക്കും ട്രിപ്പ് ആരംഭിക്കുകയെന്നാണ് ടൂർ കമ്പനി പറയുന്നത്. ഡൽഹി – ലണ്ടൻ ബസ് യാത്രയുടെ കൂടുതൽ വിവരങ്ങൾക്ക് അവരുടെ വെബ്‌സൈറ്റ് സന്ദർശിക്കുക – https://bit.ly/2ErSAU6. കൈയിൽ കാശുണ്ടോ? 70 ദിവസം ബസ്സിൽ അടിച്ചു പൊളിച്ചു 18 രാജ്യങ്ങളും കണ്ടു വരാം. ജീവിതത്തിൽ കിട്ടാവുന്ന ഏറ്റവും മികച്ച അനുഭവമായിരിക്കും അത്.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

പെട്രോൾ പമ്പുകളിൽ മലയാളികൾ പറ്റിക്കപ്പെടുന്നത് ഇങ്ങനെ – ഒരു ടാക്സി ഡ്രൈവറുടെ അനുഭവക്കുറിപ്പ്…

അന്യസംസ്ഥാനങ്ങളിലേക്കൊക്കെ സ്വന്തം വാഹനങ്ങളുമായി പോകാറുള്ളവരാണല്ലോ നമ്മളൊക്കെ. യാത്രയ്ക്കിടയിൽ കേരളത്തിനു പുറത്തു വെച്ച് വണ്ടിയിൽ ഇന്ധനം കുറഞ്ഞുപോയാൽ നമ്മൾ സാധാരണ ചെയ്യാറുള്ളതു പോലെ അടുത്തുള്ള പമ്പിൽ കയറി ഇന്ധനം നിറയ്ക്കുകയും ചെയ്യും. എന്നാൽ ഇത്തരത്തിൽ ഇന്ധനം നിറയ്ക്കുവാൻ പമ്പിൽ ചെല്ലുന്നവർ തങ്ങൾ കബളിപ്പിക്കപ്പെടുന്ന…
View Post

എറണാകുളം ജില്ലയിലെ ഏറ്റവും ഉയർന്നതും കൊടുംകാട്ടിലൂടെയുമുള്ള ബസ് റൂട്ട്

‘കോതമംഗലം – കുട്ടമ്പുഴ – മാമലക്കണ്ടം’ : എറണാകുളം ജില്ലയിലുള്ള കോതമംഗലം കെഎസ്ആർടിസി ഡിപ്പോയിലെ ഏറ്റവും പ്രയാസവും, എന്നാൽ ഏറ്റവും മനോഹരവുമായ പ്രദേശത്തേക്കുള്ള ബസ് റൂട്ടാണിത്. കാട്ടാനകൾ ധാരാളമുള്ള വനത്തിലൂടെ ഒരു ബസിനു മാത്രം പോകാൻ കഴിയുന്ന റോഡ്, പോകും വഴിയേ…
View Post