വർക്കലയിൽ 70 രൂപയ്ക്ക് അടിപൊളി ഊണ് കഴിക്കാൻ പറ്റിയ നല്ലൊരു ഹോട്ടൽ

Total
0
Shares

വിവരണം – Praveen Shanmukom‎ (ARK – അനന്തപുരിയിലെ രുചി കൂട്ടായ്മ).

വർക്കലയിൽ 70 രൂപയ്ക്ക് അടിപൊളിയായൊരു ഊണ് കഴിയ്ക്കാൻ പറ്റിയ നല്ല ഒരു ഹോട്ടൽ. ശർക്കരയും പുളിയും ചേർത്ത നല്ല ഇഞ്ചി, ബീൻസ് തോരൻ, കാബേജ് തോരൻ, ഒന്നാന്തരം അവിയൽ, മാങ്ങാ അച്ചാറ്, മരിച്ചീനി, മീൻകറി, കിടിലം ഉണക്ക ചെമ്മീൻ ചമമന്തി, പപ്പടം, പരിപ്പ്, സാമ്പാർ, രസം, മോര്. ആ മോര് മാത്രം മതി ചോറുണ്ണാൻ. കറികളെല്ലാം ഒന്നിനൊന്ന് മെച്ചം.

മീനിന്റെ രുചി കൂടുതൽ അറിയാൻ വില ചോദിച്ചു മനസ്സിലാക്കി കൊഞ്ചും (₹ 200) അയലയും മേടിച്ചു (₹ 70) . എല്ലാം അഡാർ രുചി. ഒന്നും പറയാനില്ല. സർവീസും നമ്മളെ സംബന്ധിച്ചിടത്തോളം നല്ലതായിരുന്നു. രാവിലെ 8 മണി മുതൽ രാത്രി 10 മണി വരെയാണ് സമയം. ഉച്ചയ്ക്ക് 12 മുതൽ 3 വരെ ഊണ് സമയം. കാർഡ് എടുക്കില്ല ക്യാഷ് പേയ്മെന്റാണ്. തങ്ങളെ പറ്റി എത്ര പേജ് എഴുതിയാലും വായിച്ച് രസിക്കുന്നവർ മറ്റുള്ളവരെ പറ്റി വായിക്കാൻ വലിയ താല്പര്യം കാണിക്കാറില്ല എന്ന പ്രവണത പറഞ്ഞ് കേട്ടിട്ടുണ്ട്. പത്ത് പന്ത്രണ്ട് വർഷമായി ആയിരങ്ങൾക്ക് ആതിഥ്യമരുളുന്ന ഈ ഭക്ഷണയിടത്തിന്റെ ഉത്ഭവത്തെ പറ്റി അറിയാൻ താല്പര്യമുള്ളവർക്ക് തുടർന്ന് വായിക്കാം.

അവിടെ വച്ച് കണ്ട് പരിചയപ്പെട്ടു ഈ ഹോട്ടലിന്റെ ഉടമസ്ഥനായ ജയപ്രസാദ് എന്ന പ്രസാദ് ചേട്ടനെ. വളരെ സാധാരണ കുടംബത്തിലായിരുന്നു ജനനം. 1974 ൽ എറണാകുളത്ത് ഒരു സുഹൃത്തിന്റെ ഹോട്ടലിൽ മാനേജറായായിട്ടായിരുന്നു ഹോട്ടൽ ഫീൽഡിലോട്ടുള്ള രംഗപ്രവേശനം. ഹോട്ടൽ മേഖലയിലെ അറിവിലോട്ടുള്ള പാoപുസ്തകമായിരുന്നു ഈ ഉദ്യോഗം.സുഹൃത്തായ ആ ഹോട്ടലിന്റെ ഉടമസ്ഥനും വേറൊരു ഹോട്ടൽ ഉടമസ്ഥനും കൂടി ചേർന്നു പ്രസാദേട്ടന് എറണാകുളത്ത് വൈറ്റിലയിൽ ഒരു ഹോട്ടലിട്ടു കൊടുത്തു.

സുഹൃത്തുക്കളായിരുന്നാൽ പോലും ബിസിനസ്സിൽ പരസ്പരം കുതികാൽ വെട്ടുന്ന ഈ കാലത്ത് അവരുടെ ആ പ്രവർത്തി വളരെ ശ്ലാഘിനീയം അർഹിക്കുന്ന ഒന്നാണ് എന്നതിന് തർക്കമില്ല. സഹോദരൻ അയ്യപ്പൻ റോഡ് വീതി കൂട്ടിയപ്പോൾ ഹോട്ടൽ ഗവൺമെന്റിന് വിട്ട് കൊടുക്കേണ്ടി വന്നെങ്കിലും നാടിന്റെ വലിയൊരു വികസന പ്രവർത്തനത്തിൽ പങ്കാളിയായതിൽ നഷ്ടത്തിനിടയിലും അദ്ദേഹം സന്തോഷിക്കാനും അഭിമാനിക്കാനുമുള്ള ഒരു സന്ദർഭമായാണ് ഇതിനെ കണ്ടത്.

സ്വന്തം നാടായ വർക്കലയിൽ തിരിച്ചെത്തി ജനതാ റെസ്റ്റോറന്റ് എന്ന പേരിൽ ഒരു ഹോട്ടൽ തുടങ്ങാൻ അധികം കാലതാമസമുണ്ടായില്ല. വിമലാ തിയേറ്ററിന്റെയും എസ് ആർ തിയേറ്ററിന്റെയും അടുത്തായിരുന്നു ഹോട്ടൽ. അണ്ടർപാസ്സേജ് വന്നപ്പോൾ അത് കൊടുത്ത് അവിടെ നിന്ന് മാറി കടയ്ക്കൽ ലോഡ്ജ് എന്ന സ്ഥാപനത്തിൽ വീണ്ടും ഹോട്ടൽ തുടങ്ങി. ജനത റെസ്റ്റോറന്റ് എന്ന പേര് വിട്ട് നല്കാൻ അത് വാങ്ങിച്ചവർ തയ്യാറായില്ല. (പില്ക്കാലത്ത് ആ സ്ഥാപനം നിർത്തി അവർ അത് വിറ്റൊഴിയുകയാണ് ഉണ്ടായത്) അങ്ങനെ പുതിയ പേരിടേണ്ടി വന്നു, അതാണ് ദ്വാരക.

വർക്കല വന്നാൽ സന്തോഷത്തോടെ സംതൃപ്തിയോടെ ഊണ് കഴിക്കാനുള്ള ഒരു സ്ഥലമാണ് ദ്വാരക. 70 രൂപയ്ക്കുള്ള ഊണ് പലരും ഇവിടെ വന്ന് പാഴ്സൽ വാങ്ങിച്ചിട്ട് വർക്കല കാണാൻ വരുന്ന ടൂറിസ്റ്റുകൾക്ക് 200 രൂപയ്ക്ക് വരെ കൊടുക്കാറുണ്ട്.

ഭക്ഷണ വിഭവങ്ങൾ : മട്ടൺ, ചിക്കൻ, ബീഫ് ബിരിയാണികൾ അവിടെ വളരെ അധികം ചെലവാകുന്ന ഒരു ഐറ്റമാണെന്ന് മനസ്സിലായി. അവിടെ നിന്ന് കഴിച്ച് കൊണ്ടിരിക്കുമ്പോൾ ബൾക്കായി പാഴ്സൽ ഓർഡർ പറയുന്നത് കേൾക്കാമായിരുന്നു. പിന്നെ നാടൻ രീതിയിൽ ചിക്കൻ, മീൻ, ബീഫ് വിഭവങ്ങളുടെ വൈവിധ്യമാർന്ന ഭക്ഷണ രുചികൾ നമ്മളെ കാത്തിരിക്കുന്നു, ഫ്രൈഡ് റൈസ്, നൂഡിൽസും എന്നിവയും ലഭ്യമാണ്. വെജറ്റിബൾ കുറുമ, ഗോബി മഞ്ചൂരിയൻ, കടലക്കറി, ടുമാറ്റോ ഫ്രൈ, മുട്ടറോസ്റ്റ് തുടങ്ങി വിവിധതരത്തിലുള്ള കറികളും അപ്പം, ദോശ, ഇഡ്ഢലി, ഇടിയപ്പം, പെറൊട്ട, ചപ്പാത്തി തുടങ്ങി പാൽ, ചായ, കോഫി സ്നാക്ക്സ് ഐറ്റംസായ പഴംപൊരി, ഉഴുന്ന് വട, കട്ലറ്റ് തുടങ്ങിയവയും ലഭ്യമാണ്.

വർക്കലയിൽ വരുന്ന ഭക്ഷണ പ്രേമികൾക്ക് ദ്വാരകയും ഒരു അഭയ സ്ഥാനമാണ്. പ്രിയപ്പെട്ട ദ്വാരക വീണ്ടും കാണാം. Hotel Dwaraka, Varkala Kallambalam Rd, Near Police station, Varkala, Kerala 695141, 0470 260 1120, https://g.co/kgs/kZwJ26.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

കരിയെ മെരുക്കിയ കടുവ വേലായുധൻ; ആനപ്പണിക്കാരിലെ ധീരൻ – പാർട്ട് 3

ആനപ്പണിയിലെ എക്കാലത്തെയും വലിയ അതികായനായ ‘കടുവ വേലാധൻ’ എന്ന അപൂർവ്വ മനുഷ്യനെക്കുറിച്ചുള്ള കഥ. അവസാന ഭാഗം. ആദ്യഭാഗം വായിക്കുവാൻ : https://bit.ly/33rRcbo. എഴുത്ത് – വിനു പൂക്കാട്ടിയൂർ. തെച്ചിക്കോട്ടുകാവ് രാമചന്ദ്രന്റെ അപ്രതീക്ഷിത ഇടിയേറ്റ് പുതുനഗരം പാടത്തു വീണ്ടുകിടക്കുന്ന കർണ്ണൻ. കർണ്ണന്റെ നെഞ്ചുപിളർക്കാൻ കുതിച്ചുവരുന്ന…
View Post