ഈജിപ്റ്റിലെ പിരമിഡ് സന്ദർശിക്കുന്നവർ ശ്രദ്ധിക്കേണ്ട ഒരു പ്രധാന കാര്യം

Total
36
Shares

വിവരണം – Sameer Chappan.

ഈ കഴിഞ്ഞ ചെറിയ പെരുന്നാൾ ലീവ് പ്രഖ്യാപിച്ചത് തൊട്ടുള്ള അന്വേഷണമായിരുന്നു അധികം ക്വാറന്റൈൻ പ്രോട്ടോക്കോളില്ലാത്ത ഒരു രാജ്യത്തേക്കുള്ള യാത്ര. ഒടുവിൽ ബക്കറ്റ് ലിസ്റ്റിന്റെ താഴെ തട്ടിൽ എവിടെയോ ഒളിച്ച് കിടന്നിരുന്ന ഈജിപ്തിനെ അങ്ങ് പൊക്കി. പിന്നീട് നേരെ ഈജ്പ്ഷ്യൻ എംബസിയുമായി ബന്ധപ്പെട്ട് 4 ദിവസത്തിനുള്ളിൽ ഒരു മാസത്തേക്കുള്ള വിസയും ഒപ്പിച്ചു. 23 ദിനാറാണ് (4,400 Rs) അധികം ഡോക്യുമെന്റസിന്റയൊന്നും ആവശ്യമില്ലാത്ത ഈജിപ്ഷ്യൻ സിംഗിൾ എന്ട്രി വിസയ്ക്ക്.

അങ്ങനെ ഈ കഴിഞ്ഞ മെയ് പതിനാലിന് രാത്രി 7 മണിയോട് കൂടി കൈറോ ഇന്റർ നാഷണൽ എയർപോർട്ടിൽ നിന്നും ഫ്ലൈറ്റ് ഇറങ്ങി നേരെ തഹരീർ സ്ക്വറിൽ ബുക്ക് ചെയ്ത ഹോട്ടലിലെത്തി. 72 മണിക്കൂറിനുള്ളിൽ എടുത്ത PCR test റിസൾട്ടും എയർപ്പോർട്ടിൽ നിന്നും ലഭിക്കുന്ന Health Declaration Form-ഉം മാത്രമാണ് കോവിഡ് പ്രോട്ടോക്കോളായി ആവശ്യമുള്ള ഡോക്യമെന്റ്സ്. പുറത്തിറങ്ങിയാൽ RIP to Mask, അത്ര തന്നെ.

പിറ്റേന്ന് രാവിലെ നേരെ പിരമിഡ് ലക്ഷ്യമാക്കി ഗിസയിലേക്ക് ടാക്സി പിടിച്ചു. പണ്ട് സ്കൂളിൽ പഠിക്കുന്ന കാലം തൊട്ടുള്ള വലിയൊരു സ്വപ്നം തേടിയുള്ള യാത്ര. ഏകദേശം അരമണിക്കൂർ എടുത്തു കൈറോ ഡൗൺ ടൗണിൽ നിന്നും പുരതാന ലോകാത്ഭുതങ്ങളിൽ ഒന്നായ ദി ഗ്രേറ്റ് ഗിസ പിരമിഡ് ഉൾപ്പെടെ സ്ഥിതിചെയ്യുന്ന ഗിസ പിരമിഡ് കോംപ്ലക്സിലെത്താൻ. 200 ഈജിപ്ഷ്യൻ പൗണ്ട്സാണ് മൂന്ന് വലിയ പിരമിഡുകളും സ്ഫിനിക്സും ഉൾപ്പെടുന്ന പിരമിഡ് കോംപ്ലക്സിലേക്കുള്ള പ്രവേശന ഫീ.

സുരക്ഷാ പരിശോധനയൊക്കെ കഴിഞ്ഞ് അകത്തു കയറി ആദ്യം The great Pyramid of Giza എന്ന കൂറ്റൻ പിരമിഡിന്റെ ഭംഗി നന്നായി ആസ്വദിച്ചു. ഏകദേശം 23 ലക്ഷം വലിയ കല്ലുകൾ കൊണ്ട് നിർമ്മാണം കഴിപ്പിച്ചതാണ് Pyramid of Cheops എന്നും Khufu എന്നും അറിയപ്പെടുന്ന ഈ പുരാതന ലോകാത്ഭുതം. ഏകദേശം 3800 വർഷത്തോളം ലോകത്തിലെ ഏറ്റവും ഉയരം കൂടിയ (146.5 മീറ്റർ) നിർമ്മിതിയുമാണ് ഈ പിരമിഡ്.

അത്യാവശ്യം ഫോട്ടോയെടുപ്പൊക്കെ കഴിഞ്ഞ് ചൂട് വകവെക്കാതെ നേരെ ഇതിനി തൊട്ട് പിറകിലായി സ്ഥിതി ചെയ്യുന്ന രണ്ടാമത്തെ വലിയ പിരമിഡായ കാഫ്റെ പിരമിഡും (Pyramid of Khafre / Chephren) “കുഞ്ഞൻ” പിരമിഡായ മെൻകാറെ (Pyramid of Menkaure) യും കണ്ട് ഏകദേശം രണ്ട് മണിക്കൂറോളം ചിലവഴിച്ചതിന് ശേഷം തിരിച്ച് വരുന്ന വഴിയാണ് ചിലർ പിരമിഡിനകത്തേക്ക് പ്രവേശിക്കുന്നത് ശ്രദ്ധയിൽ പെട്ടത്.

വലിയ പിരമിഡിനകത്ത് കയറുന്നതിന് 400 പൗണ്ട്സും അതിന് താഴയുള്ള രണ്ട് പിരമിഡിനുള്ളിലാണെങ്കിൽ 100 പൗണ്ട്സും വീതമാണ് പ്രവേശന ഫീ. ഏറ്റവും ചെറിയ പിരമിഡിനകത്ത് ചില കാരണങ്ങൾ പ്രവേശനം നിരോധിച്ചതിനാൽ തത്ക്കാലം 100 പൗണ്ട്സ് കൊടുത്തു രണ്ടാമത്തെ വലിയ പിരമിഡിനുള്ളിൽ കയറാൻ തീരുമാനിച്ചു. ഈ യാത്രയിൽ ഞാൻ എടുത്ത ഏറ്റവും “മണ്ടൻ” തീരുമാനമായിരുന്നു അതെന്ന് അതിനകത്ത് കയറിയപ്പോയാണ് മനസ്സിലായത്.

ഏകദേശം രണ്ട് മൂന്ന് മണിക്കൂറോളം പുറത്ത് നിന്ന് വെയിൽ കൊണ്ട് തളർന്ന ഞാൻ ഒരിക്കലും ഒരാൾക്ക് കഷ്ടിച്ച് നടക്കാൻ കഴിയുന്ന, അതും നിവർന്ന് നടക്കാൻ കഴിയാത്ത, ഓക്സിജന്റെ അളവ് കുറവുള്ള പിരമിഡിന്റെ ഇരുട്ടറകളിലേക്ക് പ്രവേശിക്കരുതായിരുന്നു. ഏറെ പണിപ്പെട്ടാണ് തിരിച്ച് ഞാൻ മിനിറ്റുകളോളം നടന്ന് വെളിയിൽ എത്തിയത്. സഹാറ മരുഭൂമിയുടെ ചൂടും ഓക്സിജന്റെ അളവ് കുറഞ്ഞതുമെല്ലാം ശരീരത്തെ സാരമായി ബധിച്ചു എന്ന് തന്നെ പറയാം.

ഏകദേശം ഒരുമണിക്കൂറോളം പിരമിഡിന്റെ പുറത്തുള്ള സുരക്ഷാ ഉദ്യോഗസ്ഥരുടെ ക്യാമ്പിന് പുറത്ത് നിലത്തങ്ങ് കിടന്നു ഞാൻ. ഇത്രയും സമയം പുറത്ത് കറങ്ങി വെയിൽ കൊണ്ട ശേഷമാണ് ഞാൻ പിരമിഡിനകത്ത് കയറിയത് എന്ന് അറിഞ്ഞ സെക്യൂരിറ്റിക്കാരന്റെ വക ശകാരം വേറേയും, എന്ത് കൊണ്ടും ഞാൻ അർഹിക്കുന്ന ശകാരം.

യാത്രാ ജീവിതത്തിൽ ഇത്രയും ദുഷ്കരമായ ഒരു ഘട്ടത്തിലൂടെ ഇതുവരെ പോയിട്ടില്ലെന്ന് തന്നെ പറയാം. ഏകദേശം ശ്വാസം നേരെയായതിന് ശേഷം കിതപ്പൊക്കെ മാറി ഉച്ചയ്ക്ക് ശേഷം പ്ലാൻ ചെയ്ത എല്ലാ പരിപാടികളും മാറ്റിവെച്ച് നേരെ ഹോട്ടലിലേക്ക് ചെന്ന് റെസ്റ്റെടുത്തു. യാത്ര ജീവിതത്തിലെ മറക്കാനാവാത്ത ഒരു “അബദ്ധം.”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

മൂന്നാറിൻ്റെ തലവര മാറ്റാൻ ‘എസ്കേപ്പ് റോഡ്’

എഴുത്ത് – ദയാൽ കരുണാകരൻ. ഇപ്പോൾ കൊടൈക്കനാലും മൂന്നാറും തമ്മിലുള്ള യാത്രാ അകലം വാസ്തവത്തിൽ വെറും 13 കിലോമീറ്ററാണ്. കൊടൈക്കനാലിന്റ്റെ തെക്കുപടിഞ്ഞാറ് ഭാഗത്തുള്ള ടൂറിസ്റ്റ് സ്പോട്ടാണ് ബെരിജം തടാകം. ദിവസവും ഇവിടേക്ക് നിശ്ചിത എണ്ണം സന്ദർശ്ശകരുടെ വാഹനങ്ങൾ കടത്തി വിടുന്നുമുണ്ട്. ഇനി…
View Post

ജനമൈത്രി പോലീസിനൊപ്പം പൂയംകുട്ടി വനത്തിലേക്ക്

വിവരണം – അരുൺ കളപ്പില. ശ്വാസം അടക്കിപ്പിടിച്ചനുഭവിച്ച അതി കഠിനമായൊരു വനയാത്രയാണിത്. ആനച്ചൂരിൽ, ഇരുണ്ട കാട്ടിലൂടെ കടന്നുപോകുമ്പോൾ നാമറിയാതെ അനുഭവിക്കുന്ന ഒരു ലഹരിയുണ്ട്. അതാണീ യാത്രയുടെ ജീവൻ. കാടിനെ സ്നേഹിക്കുന്ന ഓരോ മനുഷ്യന്റേയും ആഗ്രഹമാണ്, കാടിനെ നോവിക്കാതെ നിശബ്ദമായി മരങ്ങളെ, പക്ഷികളെ,…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

കെഎസ്ആർടിസി മിന്നൽ ബസ്സുകളിൽ കയറുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

കുറച്ചു നാളുകളായി ചില യാത്രക്കാരുടെ പരാതികളാൽ വാർത്തകളിൽ നിറഞ്ഞു നിൽക്കുന്ന ഒരു ബസ് സർവീസാണ് കെഎസ്ആർടിസിയുടെ മിന്നൽ ബസ് സർവ്വീസുകൾ. എന്തുകൊണ്ടാണ് മിന്നൽ സർവ്വീസിലെ ചില യാത്രക്കാർ പരാതികൾ ഉന്നയിക്കുന്നത്? അതിനുള്ള കാര്യം അറിയുന്നതിനു മുൻപായി എന്താണ് മിന്നൽ ബസ് സർവ്വീസുകൾ…
View Post

വാഹനങ്ങൾക്ക് വിലക്കുള്ള ഏഷ്യയിലെ ഏക ഹിൽസ്റ്റേഷൻ

എഴുത്ത് – അബു വി.കെ. കാലാവന്തിൻ കോട്ടയും പ്രബൽഗഡ് കോട്ടയും രണ്ടുദിവസമെടുത്ത് നന്നായി ചുറ്റിയടിച്ച ശേഷം പ്രബിൽ മച്ചി ബെഴ്‌സ് ക്യാമ്പിൽ നിന്നും ഒരു ഓട്ടോ വിളിച്ചു ചൗകിലേക്ക് യാത്ര തിരിക്കുകയാണ്. കാശുണ്ടായിട്ട് യാത്ര ചെയ്യാൻ തുനിഞ്ഞിറങ്ങിയതല്ല. യാത്ര ഒരു വികാരമായത്…
View Post