റഷ്യൻ തലസ്ഥാനമായ മോസ്‌ക്കോയിലെ ‘നൈറ്റ് ലൈഫ്’ ഇങ്ങനെ..

Total
32
Shares

നമ്മൾ ഒരു സ്ഥലം പകൽ കണ്ടാസ്വദിക്കുന്നതുപോലെ തന്നെ, ചിലപ്പോൾ അതിനേക്കാൾ മനോഹരമായിരിക്കും അവിടത്തെ രാത്രിക്കാഴ്ചകളും അനുഭവങ്ങളും. ബാങ്കോക്ക്, പാട്ടായ, ക്വലാലംപൂർ തുടങ്ങിയ സ്ഥലങ്ങളിലെ നൈറ്റ്‌ലൈഫ് പ്രശസ്തവുമാണല്ലോ. അങ്ങനെ ഞങ്ങൾ ഇത്തവണ റഷ്യൻ തലസ്ഥാനമായ മോസ്‌ക്കോയുടെ ‘നൈറ്റ് ലൈഫ്’ആസ്വദിക്കുവാൻ തീരുമാനിച്ചു.

നേരമിരുട്ടിയതോടെ ഞങ്ങൾ താമസിച്ച ഹോട്ടലിനു മുന്നിൽ നിന്നും ഒരു ടാക്സി പിടിച്ച് അവിടത്തെ ഒരു പ്രധാന നൈറ്റ് ലൈഫ് കേന്ദ്രമായ അർബാത് സ്ട്രീറ്റിലേക്ക് യാത്രയായി. അർബാത് സ്ട്രീറ്റ് എന്നുവെച്ചാൽ കാൽനടക്കാർക്ക് മാത്രമായുള്ള ഒരു ഏരിയയാണ്. ഏകദേശം ഒരു കിലോമീറ്ററോളം നീണ്ടുകിടക്കുന്ന ഒരു സ്ട്രീറ്റ്. നമ്മൾ മണാലിയിലും മറ്റുമൊക്കെ കണ്ടിട്ടുള്ള മാൾ റോഡ് പോലെത്തന്നെ. ആളുകൾ രാത്രി നടക്കുവാനും, ഷോപ്പിംഗിനുമൊക്കെയായിട്ടാണ് അർബാത് സ്ട്രീറ്റിലേക്ക് വരുന്നത്.

കൊറോണക്കാലമായതുകൊണ്ടായിരിക്കണം അർബാത് സ്ട്രീറ്റിൽ വലിയ തിരക്കുകൾ അനുഭവപ്പെട്ടില്ല. എങ്കിലും ആളുകളൊക്കെയുണ്ടായിരുന്നു. അത്യാവശ്യം നല്ല തണുപ്പുണ്ടായിരുന്നതിനാൽ എല്ലാവരും ജാക്കറ്റൊക്കെ ധരിച്ചായിരുന്നു കാണപ്പെട്ടത്. സ്ട്രീറ്റിൽ പാട്ടുപാടുന്നവരും, അതിനൊത്ത് ഡാൻസ് കളിക്കുന്നവരും, മാജിക് കാണിക്കുന്നവരും, ചിത്രങ്ങൾ ലൈവായി വരയ്ക്കുന്നവരും ഒക്കെയുണ്ടായിരുന്നു.

അങ്ങനെ കാഴ്ചകൾ കണ്ടു നടക്കുന്നതിനിടെയാണ് ഒരു മലയാളി ദമ്പതികളെ ഞങ്ങൾ കണ്ടുമുട്ടുന്നത്. ഡോ. കിരണും ഭാര്യ മാനസിയുമായിരുന്നു അവർ. സത്യത്തിൽ അവിചാരിതമായി ഉണ്ടായ കണ്ടുമുട്ടലായിരുന്നില്ല അത്. അഞ്ചു വർഷത്തോളമായി റഷ്യയിൽ താമസിക്കുന്ന കിരണും മാനസിയും മുൻകൂട്ടി നിശ്ചയിച്ച പ്രകാരം അർബാത് സ്ട്രീറ്റിൽ വന്ന് ഞങ്ങളെ മീറ്റ് ചെയ്യുകയായിരുന്നു.

അങ്ങനെ ഞങ്ങൾ അവിടെയടുത്തു കണ്ട StarBucks ൽ കയറി ഒന്നിച്ചിരുന്നു കോഫി കുടിക്കുകയും സംസാരിക്കുകയുമൊക്കെ ചെയ്തു. എനിക്കും സഹീർ ഭായിക്കും സമ്മാനവുമൊക്കെയായിട്ടായിരുന്നു അവർ വന്നത്. ശരിക്കും ഞങ്ങൾക്ക് സന്തോഷമായി. സമ്മാനം കിട്ടിയതുകൊണ്ട് മാത്രമല്ല കേട്ടോ, റഷ്യയിൽ വന്നിട്ട് നമ്മുടെ നാട്ടുകാരെ കണ്ടല്ലോ എന്നുള്ള സന്തോഷം. അങ്ങനെ കുറച്ചു സമയം വിശേഷങ്ങൾ പങ്കുവെച്ചിരുന്ന ശേഷം അവർ ബൈ പറഞ്ഞു യാത്രയായി.

അങ്ങനെ വീണ്ടും ഞാനും സഹീർഭായിയും മാത്രമായി. അവിടത്തെ രാത്രിക്കാഴ്ചകൾ കണ്ടുകൊണ്ടും തെരുവുഗായകരുടെ പാട്ടുകൾ കേട്ടുമൊക്കെ ഞങ്ങൾ മതിമറന്നു നടന്നു. ശരിക്കും അവിടത്തെ ആ തണുപ്പും, തിരക്കൊഴിഞ്ഞ വീഥികളുമൊക്കെ ഒരു ആശ്വാസകരമായ അവസ്ഥയാണുളവാക്കിയത്. ഇതിനിടെ ഞങ്ങൾ ചെറിയ രീതിയിൽ ഷോപ്പിംഗ് ചെയ്യുവാനും മറന്നില്ല.

ഷോപ്പിംഗ് ഒക്കെ കഴിഞ്ഞു ഞങ്ങൾ ഡിന്നർ കഴിക്കുവാനായി ഒരു റെസ്റ്റോറന്റ് കം ബാറിൽ കയറി. അവിടെയാണെങ്കിൽ കിടിലൻ പാട്ടും, ഡിജെയും, ഡാൻസുമൊക്കെയായി അടിച്ചുപൊളി മൂഡ് ആയിരുന്നു. ഭക്ഷണത്തിനു ശേഷം ഞങ്ങൾ അവരോടൊപ്പം പാട്ടിലും ഡാൻസിലുമൊക്കെ പങ്കുചേർന്നു. ആഹാ അടിപൊളി തന്നെ…

പാട്ടും ഡാൻസുമൊക്കെ കഴിഞ്ഞു ഞങ്ങൾ പുറത്തേക്ക് ഇറങ്ങിയപ്പോൾ സമയം വെളുപ്പിന് 1.30 ആയിരുന്നു. അപ്പോഴത്തെ കാലാവസ്ഥയാണെങ്കിൽ 7 ഡിഗ്രിയായിരുന്നു. ആ തണുപ്പ് നിങ്ങൾക്ക് ഊഹിക്കാവുന്നതേയുള്ളൂ. തണുത്തു വിറച്ചുകൊണ്ട് ഞങ്ങൾ ഒരു ടാക്സി വിളിച്ച് നേരെ താമസിച്ചിരുന്ന ഹോട്ടലിലേക്ക് യാത്രയായി. റൂമിലെത്തിയപ്പോഴാണ് ആശ്വാസമായത്. അവിടെ ഹീറ്ററൊക്കെ ഉണ്ടായിരുന്നതിനാൽ തണുപ്പിനെ നന്നായി പ്രതിരോധിക്കുവാൻ സാധിക്കുന്നുണ്ടായിരുന്നു. അത്യാവശ്യം കറങ്ങി ക്ഷീണിച്ചിരുന്നതിനാൽ ഞങ്ങൾ വൈകാതെ തന്നെ ഉറങ്ങാൻ കിടക്കുകയും ചെയ്തു.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post