എറണാകുളം കണ്ടെയ്‌നർ റോഡിൽ രാത്രിശല്യക്കാർ ഏറുന്നു… സൂക്ഷിക്കുക !!!

Total
0
Shares

കളമശ്ശേരിയിൽ നിന്നും എളുപ്പത്തിൽ എറണാകുളം ഹൈക്കോർട്ടിന് സമീപത്ത് എത്തുവാൻ സാധിക്കുന്ന കണ്ടെയ്‌നർ റോഡ് എല്ലാവർക്കും ഇന്നൊരു അനുഗ്രഹം തന്നെയാണ്. ഗുരുവായൂർ – എറണാകുളം ബസ്സുകൾ അടക്കമുള്ള വാഹനങ്ങളെല്ലാം ഇപ്പോൾ ഇതുവഴിയാണ് പോകുന്നത്. വീതിയുള്ള, മികച്ച റോഡും, തുടരെത്തുടരെയുള്ള ‘യു – ടേൺ’ പോയിന്റുകൾ ഇല്ലാത്തതുമാണ് കണ്ടെയ്‌നർ റോഡിനെ ഡ്രൈവർമാർക്കിടയിൽ പ്രിയങ്കരമാക്കി നിർത്തുന്നത്.

കാര്യങ്ങൾ ഇങ്ങനെയൊക്കെയാണെങ്കിലും രാത്രി വൈകിയാൽ കണ്ടെയ്‌നർ റോഡിലൂടെയുള്ള യാത്ര റിസ്ക്ക് ആണെന്നാണ് ഈ അടുത്തിടെയുണ്ടായ ചില സംഭവങ്ങൾ തെളിയിക്കുന്നത്. രാത്രിയായാൽ ഇതിലൂടെയുള്ള വാഹനങ്ങളുടെ തിരക്ക് കുറയുകയും അവിടം സാമൂഹ്യവിരുദ്ധരുടെ കേന്ദ്രമായി മാറുകയുമാണ് ഇപ്പോൾ. ഇരുചക്രവാഹന യാത്രക്കാർക്കാണ് ഇവരെക്കൊണ്ട് കൂടുതൽ ഭീഷണി. ഇത്തരത്തിൽ തനിക്കുണ്ടായ ഒരു ദുരനുഭവം വിവരിക്കുകയാണ് നാടൻപാട്ട് കലാകാരനും മുളവുകാട് സ്വദേശിയുമായ രജീഷ് പാണ്ഡവാസ്. അദ്ദേഹത്തിൻ്റെ ഫേസ്‌ബുക്ക് പോസ്റ്റ് ഇങ്ങനെ…

“സാമൂഹ്യവിരുദ്ധരുടെ ശല്യം മൂലം എറണാകുളം കണ്ടെയ്നർ റോഡിലൂടെ സ്ത്രീകൾക്ക് കുടുംബസമേതവും അല്ലാതെയുമുള്ള രാത്രികാല യാത്ര വളരെ ദുസ്സഹം ആയിരിക്കുകയാണ്. 28/04/2019 നു പാണ്ഡവാസ് കൊച്ചിയുടെ നാടൻപാട്ട് പരിപാടി കിഴക്കേ കടുങ്ങല്ലൂർ ആയിരുന്നു. പരിപാടിയ്ക്ക് ശേഷം അർദ്ധരാത്രി ഞാനും എന്റെ ഭാര്യയുമായി ബൈക്കിൽ വീട്ടിലേക്കുള്ള യാത്രയിൽ, പാതാളം പഴയ ആനവാതിൽ എത്തിയപ്പോൾ ഒരു ബ്ലൂ കളർ സ്വിഫ്റ്റ് കാർ (KL-07 BZ -6497) ഞങ്ങളെ അപകടപ്പെടുത്തുന്ന വിധം പിന്തുടരുകയുണ്ടായി. ഇവരുടെ ശല്ല്യം സഹിക്കവയ്യാതെ ഞാൻ വണ്ടി യൂടേൺ എടുത്ത് പലതവണ രക്ഷപ്പെടാൻ ശ്രമിക്കുകയുണ്ടായി. അത്രയും തവണ അവരും, ഭാര്യയെ അസഭ്യം പറഞ്ഞുകൊണ്ടും അപകടപ്പെടുത്തുവാൻ ശ്രമിച്ചുകൊണ്ടും ഭീകരാന്തരീക്ഷം സൃഷ്ടിച്ച് ഞങ്ങളെ വിടാതെ പിൻതുടരുകയുണ്ടായി.

ഭയത്താൽ എന്റെ ബൈക്കിന്റെ നിയന്ത്രണം പലവണ നഷ്ടപ്പെട്ടു. തുടർന്ന് FACT പുതിയ ആനവാതിൽ സെക്യൂരിറ്റി ക്യാബിനിലേക്ക് ഭാര്യയുമായി ഒരുവിധത്തിൽ ഓടിരക്ഷപ്പെടുകയാണുണ്ടായത്. സെക്യൂരിറ്റി ഗാർഡിന്റെ സഹായത്താൽ ഞാൻ പുറത്തിറങ്ങിയപ്പോൾ, അവർ വണ്ടി നിർത്തി ഞങ്ങളെ ആക്രമിക്കാൻ ഒരുങ്ങുകയായിരുന്നു. പോലീസ് കൺട്രോൾ റൂമിലേക്ക് വിളിച്ചപ്പോൾ ലൈൻ ബിസിയായിരുന്നു.

ഞാൻ ആ സമയം മൊബൈൽ ക്യാമറയിൽ അവരുടെ വണ്ടി നമ്പർ ഫോട്ടോ എടുത്തപ്പോൾ വീണ്ടും അസഭ്യം പറഞ്ഞു കൊണ്ട് എന്നെ വണ്ടി ഇടിപ്പിക്കുവാൻ ശ്രമിച്ചു. ഞാൻ ചാടി ഒഴിഞ്ഞു മാറിയതു കൊണ്ട് അപകടത്തിൽ നിന്നും രക്ഷപ്പെടാൻ സാധിച്ചു. തുടർന്ന് അവർ വളരെ വേഗതയിൽ വണ്ടി ഓടിച്ചു പോവുകയായിരുന്നു. ഇതിനുമുൻപും സമാന സംഭവം പാണ്ഡവാസ് കലാകാരികൾക്ക് നേരെയും, മറ്റ് യാത്രക്കാർക്കും നേരെ അരങ്ങേറിയിട്ടുണ്ട്. സാമൂഹ്യ വിരുദ്ധരുടെ ഇത്തരം പ്രവൃത്തികൾ പൊതുജനങ്ങൾക്ക് ഒത്തിരി ബുദ്ധിമുട്ട് നേരിട്ടു കൊണ്ടിരിക്കുന്നു. ഇന്ന് എനിക്ക് നേരീട്ട ഈ ദുരവസ്ഥ നാളെ നിങ്ങൾക്കും വന്നേക്കാം.”

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post