സഞ്ചാരികളിൽ അധികമാരും കാണാത്ത ഊട്ടിയുടെ മറ്റൊരു മുഖം കാണാം…

Total
30
Shares

കിടിലൻ ട്രെയിൻ യാത്രയൊക്ക കഴിഞ്ഞു ഞങ്ങൾ ഊട്ടിയിലെത്തി കുറച്ചു സമയം വിശ്രമിക്കുവാനായി ചെലവഴിച്ചു. പിന്നീട് ഞങ്ങൾ ഊട്ടിയിലെ അധികമാരും കാണാത്ത കാഴ്ചകൾ കാണുവാനായി ഇറങ്ങി. ആദ്യം പോയത് പ്രശസ്തമായ ഊട്ടി ഗുഡ്ഷെപ്പേർഡ് സ്‌കൂളിലേക്ക് ആയിരുന്നു. പ്രശസ്തരുടെയും പണക്കാരുടെയും മക്കൾ പഠിക്കുന്ന, നാം സിനിമകളിൽ ധാരാളം കേട്ടിട്ടുള്ള ആ സ്‌കൂൾ ഒരു മനോഹര സംഭവം തന്നെയായിരുന്നു. സ്‌കൂളിനു മുന്നിൽ ഫയർ എഞ്ചിനുകൾ വരെയുണ്ട്. നിർഭാഗ്യവശാൽ ഞങ്ങൾക്ക് അകത്തു കയറി അതൊന്നും പകർത്തുവാൻ സാധിച്ചില്ല. അവിടെ പഠിക്കുന്ന കുട്ടികളൊക്കെ നല്ല മിടുക്കന്മാരായിരിക്കും എന്നാണു പറയപ്പെടുന്നത്. അതിനെക്കുറിച്ചൊന്നും എനിക്ക് അറിയില്ലാത്ത കാരണം ഒന്നും പറയുവാനില്ല.

പിന്നീട് ഞങ്ങൾ ഊട്ടിയ്ക്ക് അടുത്തുള്ള ആവലാഞ്ചെ തടാകത്തിലേക്ക് യാത്രയായി. പോകുന്ന വഴിയിൽ ഒരിടത്ത് ധാരാളം ലോറികളുടെ കൂട്ടം കണ്ടതിനാൽ ഞങ്ങൾ വണ്ടി നിർത്തി എന്താണെന്നു നോക്കി. അപ്പോഴാണ് ഞങ്ങൾ ആ കാഴ്ച കണ്ടത്. ഊട്ടിയിൽ ധാരാളം കാരറ്റ് തോട്ടങ്ങളുണ്ട്. അവിടെ നിന്നെല്ലാം പറിച്ചുകൊണ്ടുവരുന്ന കാരറ്റുകൾ കഴുകി വൃത്തിയാക്കുന്ന പ്രോസസ്സ് ആയിരുന്നു അവിടെ നടന്നിരുന്നത്. കാരറ്റ് വൃത്തിയാക്കുവാനായി ഒരു മെഷീനും ഉണ്ടായിരുന്നു. ലോറിയിൽ കൊണ്ടുവരുന്ന കാരറ്റ് ചാക്കുകളെടുത്ത് മെഷീനിൽ കുടഞ്ഞിടുകയാണ് അവിടത്തെ ജോലിക്കാർ ചെയ്യുന്നത്. മെഷീനിലെ കഴുകൽ രണ്ടുമൂന്നു ഘട്ടത്തിലൂടെ കടന്നുപോയതിനു ശേഷം വൃത്തിയായ കാരറ്റ് ലഭിക്കുന്നു. പിന്നീട് ഈ കാരറ്റുകൾ വലിപ്പമനുസരിച്ച് ആളുകൾ ചാക്കുകളിലാക്കി മാർക്കറ്റുകളിലേക്ക് എത്തിക്കുന്നു.

ഈ കാഴ്ചയെല്ലാം ഞങ്ങൾക്ക് പകർത്തുവാൻ അവിടത്തെ തൊഴിലാളികൾ വളരെ സപ്പോർട്ട് ചെയ്യുകയുണ്ടായി. അവർ ഈ ശുചീകരണ പ്രക്രിയയെക്കുറിച്ച് ഞങ്ങൾക്ക് വിശദമായി പറഞ്ഞു തരികയുമുണ്ടായി. അവിടുന്നു പോരുന്ന സമയത്ത് ഞങ്ങൾക്ക് കുറച്ചു കാരറ്റുകൾ സന്തോഷത്തോടെ തന്നുവിടാനും അവർ മറന്നില്ല. കാരറ്റ് ശുചീകരിക്കുന്നയിടത്തു നിന്നും പിന്നീട് ഞങ്ങൾ പോയത് ഒരു കാബേജ് തോട്ടത്തിലേക്ക് ആയിരുന്നു. അവിടത്തെ കാവൽക്കരനോട് അനുവാദം ചോദിച്ച് ഞങ്ങൾ തോട്ടത്തിലേക്ക് കയറി. വളരെ വൃത്തിയുള്ള ഒരു കൃഷിസ്ഥലമായിരുന്നു അത്. അവിടെ കാഴ്ചകൾ കണ്ടുനിൽക്കേ ഒരാൾ ഒരു ചാക്കും ചുമന്നുകൊണ്ട് വഴിയരികിൽ പാർക്ക് ചെയ്തിരുന്ന ലോറിയിലേക്ക് കയറ്റുന്നത് കണ്ടു. ചോദിച്ചപ്പോഴാണ് അത് തൊട്ടടുത്ത മറ്റൊരു കൃഷിസ്ഥലത്തു നിന്നുള്ള ഉരുളക്കിഴങ്ങുകൾ ആണെന്ന് മനസ്സിലായത്. പിന്നെ ഞങ്ങൾ അവിടേക്ക് നടന്നു.

കൃഷിസ്ഥലത്തു നിന്നും കുറേയാളുകൾ ഇതുപോലെ കിഴങ്ങുകൾ പറിച്ചുകൊണ്ട് ലോഡുകൾ ചുമന്നു ലോറിയിലേക്ക് നടക്കുന്നുണ്ടായിരുന്നു. ഒരു വനിതയായിരുന്നു ഇതിനെല്ലാം മേൽനോട്ടം വഹിച്ചിരുന്നത്. ആ ദൃശ്യങ്ങൾ പകർത്തുവാൻ അവർക്കെല്ലാം വളരെ സന്തോഷമേ ഉണ്ടായിരുന്നുള്ളൂ. അവർ ചെയ്യുന്നതുപോലെ ഉരുളക്കിഴങ്ങ് കുഴിച്ചെടുക്കുന്ന പ്രക്രിയ ഞങ്ങളും ഒന്ന് ശ്രമിച്ചുനോക്കി. ഇത്രയേറെ കഷ്ടപ്പെട്ട് നാടും കാടും കടന്നു വരുന്ന പച്ചക്കറികളാണ് നമ്മൾ തൊട്ടടുത്ത കടയിൽപ്പോയി വാങ്ങിക്കുന്നത് എന്നോർക്കണേ.

അങ്ങനെ ഞങ്ങൾ കാഴ്ചകൾ കണ്ടു നടക്കുമ്പോൾ രണ്ടുമൂന്നു ജോലിക്കാർ ഞങ്ങളെ അവരുടെ അടുത്തേക്ക് വിളിച്ചു. വേറൊന്നുമല്ല കാര്യം, അവർ കിഴങ്ങു ചുമന്നു കൊണ്ടുപോകുന്ന ദൃശ്യം വീഡിയോ എടുക്കുമോ എന്നു ചോദിക്കുവാനായിരുന്നു. ഞങ്ങൾക്കും സന്തോഷമായി. അവരെ പരിചയപ്പെടുകയും അവരുടെ വിശേഷങ്ങൾ ഞങ്ങൾ കേൾക്കുകയും ചെയ്തു. അവരോടൊത്ത് കുറച്ചുസമയം ചെലവഴിച്ചതിനു ശേഷം ഞങ്ങൾ വണ്ടിയിൽക്കയറി വീണ്ടും യാത്ര തുടർന്നു.

പലതവണ ഞാൻ ഊട്ടിയിൽ പോയിട്ടുണ്ടെങ്കിലും ഇതുപോലുള്ള വ്യത്യസ്തമായ കാഴ്ചകൾ ആദ്യമായിട്ടായിരുന്നു കാണുന്നത്. ഊട്ടിയിൽ വരുന്ന എല്ലാവരോടുമായി ഒരു വാക്ക് – എല്ലായ്പ്പോഴും വന്നു ബൊട്ടാണിക്കൽ ഗാർഡനും ബോട്ടിംഗും ഒക്കെ കണ്ടു മടുത്തെങ്കിൽ ഇതാ ഇതുപോലുള്ള കാഴ്ചകൾ കാണുവാനായി സിറ്റി വിട്ടു അൽപ്പം പുറത്തേക്ക് സഞ്ചരിക്കുക. തീർച്ചയായും നിങ്ങൾക്ക് അതൊരു വ്യത്യസ്തമായ അനുഭവമായിരിക്കും. SR Jungle Resort ന്റെ കൂടുതൽ വിവരങ്ങൾക്ക് വിളിക്കാം: 8973950555.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

മോസ്‌ക്കോ എയർപോർട്ടിൽ എനിക്കുണ്ടായ അനുഭവങ്ങൾ…

ദുബായിൽ നിന്നും ലോകത്തിലെ ഏറ്റവും വലിയ യാത്രാവിമാനമായ എയർബസ് A380 യിലെ യാത്രയും ആസ്വദിച്ചു ഞങ്ങൾ മോസ്‌കോ എയർപോർട്ടിൽ ഇന്ത്യൻ സമയം 12 മണിയോടടുപ്പിച്ച് എത്തിച്ചേർന്നു. തിരക്കിൽ നിന്നും ഒഴിഞ്ഞുമാറി ഞങ്ങൾ ഇമിഗ്രെഷൻ കൗണ്ടറിലേക്ക് നീങ്ങി. കൂടെയുണ്ടായിരുന്ന സഹീർ ഭായി ഇമിഗ്രെഷൻ…
View Post

ട്രെയിൻ യാത്രകൾ – മലയാളികളും മറ്റു സംസ്ഥാനക്കാരും തമ്മിലെ വ്യത്യാസങ്ങൾ..

ട്രെയിനിൽ യാത്ര ചെയ്യാത്തവർ നമുക്കിടയിൽ കുറവായിരിക്കും. ഒരിക്കലെങ്കിലും തീവണ്ടിയിൽ കയറിയിട്ടുള്ളവരാണ് നമ്മളെല്ലാം. ചെറിയ യാത്രകളിൽ നമുക്ക് ട്രെയിനിലെ സംഭവങ്ങളും കാഴ്ചകളും ഒന്നും ശരിക്കു മനസ്സിലാക്കുവാൻ സാധിക്കില്ലെങ്കിലും ദൂരയാത്രകളിൽ ട്രെയിൻ നമുക്കൊരു വീട് തന്നെയായി മാറും. എന്നാൽ കേരളം, തമിഴ്‌നാട്, കർണാടക സംസ്ഥാനങ്ങൾ…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post