മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

Total
1
Shares

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്. ആ സൗന്ദര്യം നുകരുവാൻ ആണെന്നോ പെണ്ണെന്നോ മുതിർന്നവരെന്നോ കുട്ടികളെന്നോ വേർതിരിവുകളില്ല. അതെ, എല്ലാവർക്കും മനസ്സ് നിറയ്ക്കുവാൻ ഉള്ളത് അവൾ, മൂന്നാർ സമ്മാനിക്കും. ഇതുകൊണ്ടൊക്കെ തന്നെയാണ് പലവട്ടം പോയിട്ടുണ്ടെങ്കിലും ഫാമിലിയായി ട്രിപ്പ് പോകുന്നവരിൽ ഭൂരിഭാഗം ആളുകളും മൂന്നാർ തന്നെ തിരഞ്ഞെടുക്കുവാൻ കാരണം.

ഒരു ദിവസത്തെ യാത്രയിൽ നിങ്ങൾക്ക് മൂന്നാർ ശരിക്കും ആസ്വദിക്കുവാൻ കഴിയില്ല. സീസൺ ആകുമ്പോൾ മൂന്നാർ ടൗണിൽ ഭയങ്കര ട്രാഫിക് ബ്ലോക്കായിരിക്കും. ഈ ബ്ലോക്കിൽപ്പെട്ടാൽ ഉല്ലസിക്കുവാനായി നീക്കിവച്ചിരിക്കുന്ന സമയത്തിൽ നല്ലൊരു ഭാഗം അവിടെ കാത്തുകിടന്നു തീരും.
മിക്കയാളുകളും മൂന്നാർ ടൗണിൽ വന്നിട്ട് ഷോപ്പിംഗും നടത്തി ഏതെങ്കിലും തേയിലക്കമ്പനിയും സന്ദർശിച്ചു മടങ്ങാറാണ് പതിവും.

മൂന്നാർ ആസ്വദിക്കണമെങ്കിൽ പട്ടണത്തിൽ നിന്നും മാറിയുള്ള സ്ഥലങ്ങൾ കഴിവതും എക്‌സ്‌പ്ലോർ ചെയ്യണം. അതുകൊണ്ട് മൂന്നാർ ടൗണിന്റെ തിരക്കുകളില്‍ നിന്നും മാറി ഉള്‍പ്രദേശങ്ങളിലെ റിസോര്‍ട്ടുകള്‍ക്കും, ഹോം സ്‌റ്റേകള്‍ക്കും ഇന്ന് വൻ ഡിമാൻഡ് ആണ്. അൽപ്പം പണം മുടക്കുവാൻ താല്പര്യമുണ്ടെങ്കിൽ മൂന്നാറിലും പരിസരപ്രദേശങ്ങളിലുമായി കൊതിപ്പിക്കുന്ന ചുറ്റുപാടിൽ സ്ഥിതി ചെയ്യുന്ന കിടിലൻ റിസോർട്ടുകളിൽ താമസിച്ചു നോക്കണം. തിരക്കുകളിൽ നിന്നും ഒച്ചപ്പാടിൽ നിന്നുമൊക്കെ വേറിട്ട ഒരനുഭവം നിങ്ങൾക്ക് ഇവിടങ്ങളിൽ നിന്നും ലഭിക്കും എന്നുറപ്പാണ്. ഫാമിലിയായി വരുന്നവർക്ക് ഇത്തരത്തിൽ ധൈര്യമായി തിരഞ്ഞെടുക്കാവുന്ന ചില റിസോർട്ടുകളെ പരിചയപ്പെടുത്തി തരാം.

1.ഗോൾഡൻ റിഡ്‌ജ് മൗണ്ടൻ റിസോർട്ട് : തിരക്കുകളിൽ നിന്നൊക്കെ ഒന്ന് മാറി കുടുംബവുമായി താമസിക്കുവാൻ മനോഹരമായ ഒരു സ്ഥലം. അതാണ് ഗോൾഡൻ റിഡ്‌ജ് മൗണ്ടൻ റിസോർട്ട്. മൂന്നാർ – പൂപ്പാറ റൂട്ടിലാണ് ഈ റിസോർട്ട്. മൂന്നാറിന്റെ പരിസരപ്രദേശങ്ങളിൽ ഏറ്റവും കൂടുതൽ കോടമഞ്ഞിറങ്ങുന്ന സ്ഥലം ഇതായതിനാൽ പ്രത്യേകമായൊരു ഭാവം കൈവരിച്ചു നിൽക്കുകയാണിവിടെ പ്രകൃതിയും റിസോർട്ടും.

ഇവിടെ താമസിക്കുവാനായി വരുന്നവർ ലക്ഷ്വറി വാലി റൂം തിരഞ്ഞെടുക്കുവാൻ ശ്രദ്ധിക്കുക. റിലാക്സ് ആയി താമസിക്കുവാൻ പറ്റിയ റിസോർട്ട് ആണിത്. റിസോർട്ടിന്റെ സമീപത്തായി മലയിടുക്കിൽ ധാരാളം മുനിയറകളുണ്ട്. ഇവിടേക്ക് പ്രത്യേകം ഗൈഡഡ് ടൂർ അറേഞ്ച് ചെയ്തു പോകുവാൻ സാധിക്കും. മൂന്നാറിലെ മികച്ച ഒരു ബൊട്ടീക് റിസോർട്ട് കൂടിയായ ഇവിടേക്ക് ആകട്ടെ നിങ്ങളുടെ അടുത്ത ട്രിപ്പ്.

ഇവിടെ മഴക്കാലത്ത് വരുന്നതായിരിക്കും കൂടുതൽ മനോഹരം. സുഖദായകമായ തണുപ്പും മൂടൽമഞ്ഞും നൂലുപോലെ താഴേക്കു പെയ്തിറങ്ങുന്ന മഴയും കൂടിചേർന്നാൽ പിന്നെ പറയേണ്ട കാര്യമുണ്ടോ??? 4000 രൂപ മുതലുള്ള വാലി വ്യൂ റൂമുകൾ ഇവിടെ ലഭ്യമാണ്. റിസോർട്ടിനെക്കുറിച്ചുള്ള കൂടുതൽ വിവരങ്ങൾക്ക് വിളിക്കാം: +919446279800

2. ഡ്രീം ക്യാച്ചർ ട്രീ ഹൗസ് റിസോർട്ട് : തേയിലത്തോട്ടത്തിന് നടുവിൽ, ഓറഞ്ച് മരങ്ങൾക്കിടയിൽ, മൂന്നാറിലെ ഒരു മനോഹര റിസോർട്ട്.. അതാണു ഡ്രീം ക്യാച്ചർ ട്രീ ഹൗസ് റിസോർട്ട്. മൂന്നാറിൽ നിന്ന് 19 കിലോമീറ്റർ അകലെയായാണ് ഡ്രീം ക്യാച്ചർ റിസോർട്ട് സ്ഥിതി ചെയ്യുന്നത്. മൂന്നാര്‍ ടൗണില്‍ നിന്ന് അരമണിക്കൂറോളം യാത്ര ചെയ്താൽ ഇവിടെ എത്തിച്ചേരാം. മലയിടുക്കിനും തേയിലത്തോട്ടത്തിനും ഇടയിലായാണ് ഈ റിസോർട്ട് സ്ഥിതി ചെയ്യുന്നത്. റൂമുകൾക്കൊപ്പം ഇവിടെ മരത്തിനു മുകളിൽ തയ്യാറാക്കിയിരിക്കുന്ന ട്രീ ഹൗസുകളും ഉണ്ട്. റിസോർട്ടിൽ മികച്ച വൈഫൈ സംവിധാനവും ലഭ്യമാണ്. മൂന്നാറിലെ ഏലം, തേയിലത്തോട്ടങ്ങളുടെ നടുവിലായുള്ള സുന്ദരമായ ഈ റിസോർട്ടിലേക്ക് വരുമ്പോള്‍ കലക്കനൊരു യാത്രയും ആസ്വദിക്കാം… കൂടുതല്‍ വിവരങ്ങൾക്കും ബുക്കിംഗിനും വിളിക്കാം – +919745803111.

3. എല എക്കോലാന്‍ഡ്‌ ട്രീ ഹൗസ് റിസോർട്ട് : മൂന്നാര്‍ ടൗണില്‍ നിന്ന് 20 കി.മീ. ദൂരത്തായി കല്ലാര്‍ – ‘വട്ടിയാര്‍’ എന്ന സ്ഥലത്തു സ്ഥിതി ചെയ്യുന്ന ഒരു ഉഗ്രന്‍ ട്രീ ഹൗസ് റിസോര്‍ട്ട് ആണ് എല എക്കോലാന്‍ഡ്‌. ശരിക്കും ഒരു കാടിനുള്ളില്‍ താമസിക്കുന്ന ഒരു അനുഭവമാണ് ഇവിടെ ലഭിക്കുക. പ്രകൃതിസ്നേഹികള്‍ക്ക് വളരെയിഷ്ടപ്പെടും ഇവിടം. ട്രീ ഹൗസിനു സമീപത്തായി നല്ലൊരു അരുവിയൊഴുകുന്ന കാഴ്ച വളരെ നയനാനന്ദകരമാണ്. ഇവിടത്തെ ട്രീ ഹൗസില്‍ പരമാവധി രണ്ടുപേര്‍ക്ക് താമസിക്കാവുന്നതാണ്. 24 മണിക്കൂറും വൈദ്യുതിയും വെള്ളവും കൂടാതെ സെക്യൂരിറ്റി ഗാര്‍ഡും ലഭ്യമാണെന്നതിനാല്‍ കുടുംബവും കുട്ടികളുമായി വരുന്നവര്‍ക്ക് യാതൊരു ബുദ്ധിമുട്ടും കൂടാതെ ചിലവഴിക്കാന്‍ പറ്റുന്ന ഒരിടമാണിത്.

4. നേച്ചർ സോൺ ജങ്കിൾ റിസോർട്ട് : ട്രീഹൌസും 10 ടെന്റുകളുമായി മൂന്നാറിലെത്തുന്ന സഞ്ചാരികളുടെ മനസ്സു നിറയ്ക്കുന്ന ഒരു ട്രീ ഹൗസ് റിസോര്‍ട്ടാണ് നേച്ചർ സോൺ ജങ്കിൾ റിസോർട്ട്. മൂന്നാര്‍ ടൗണില്‍ വണ്ടി പാര്‍ക്ക് ചെയ്തിട്ട് അരമണിക്കൂര്‍ നീണ്ട ഓഫ് റോഡ്‌ ജീപ്പ് യാത്ര കഴിഞ്ഞാണ് റിസോര്‍ട്ടിലേക്ക് എത്തുന്നത്. ഹണിമൂണ്‍ ആഘോഷിക്കാന്‍ വരുന്നവരുടെ ഇഷ്ടസ്ഥലമാണ് നേച്ചര്‍ സോണ്‍ റിസോര്‍ട്ട്.

ഒരു ദിവസം ടെന്റിലും ഒരു ദിവസം ട്രീ ഹൗസിലുമായി മൊത്തത്തിൽ രണ്ടു ദിവസം ഇവിടെ താമസിക്കുവാനായി വരുന്നതായിരിക്കും കൂടുതൽ നല്ലത്. അത്രയ്ക്ക് ആസ്വദിക്കുവാനുണ്ട് ഇവിടെ. ആവശ്യമുള്ളവർക്ക് ക്യാമ്പ് ഫയർ, ട്രെക്കിംഗ് പോലുള്ള ആക്ടിവിറ്റികളൊക്കെ ഇവിടെ ഒരുക്കിത്തരുന്നതാണ്.  7000 രൂപ മുതലാണ് നിരക്ക്. ബുക്കിംഗിനായി വിളിക്കാൻ: 9745233330, 9745733320, 8943732724.

5. ഫോഗ് റിസോർട്ട് : കുറച്ചു കാശ് മുടക്കുവാൻ ആഗ്രഹമുണ്ടെങ്കിൽ ദി ഫോഗ് എന്നു പേരുള്ള ഈ റിസോർട്ടിൽ താമസം ബുക്ക് ചെയ്യാം. ഒരു പ്രീമിയം അല്ലെങ്കിൽ ലക്ഷ്വറി റിസോർട്ട് ആണ് ഇത്. ഹണിമൂൺ ജോഡികൾക്കും ഫാമിലിയായി വരുന്നവർക്കും അനുയോജ്യമായ ഈ റിസോർട്ടിൽ 9 വില്ലകളാണ് ഉള്ളത്. ചുറ്റുമുള്ള മനോഹരദൃശ്യങ്ങൾ ആസ്വദിക്കുന്നതിനായി പൂർണ്ണമായും സ്വകാര്യത നൽകുന്ന ബാൽക്കണികൾ ഓരോ വില്ലകളിലും ഉണ്ട്. വളരെ ശാന്തമായിട്ടുള്ള മേരിയായാണ്‌ ഇത് എന്നതും ഫോഗ് റിസോർട്ടിനെ ശ്രദ്ധേയമാക്കുന്നു. ഇവിടെ താമസിക്കുന്ന ഗെസ്റ്റുകൾക്ക് തേയിലത്തോട്ടത്തിലൂടെയുള്ള നടത്തവും ആസ്വദിക്കാവുന്നതാണ്. പലതരം മസാജ് ആവശ്യമുള്ളവർക്ക് ഇവിടെ പ്രത്യേകം സ്പാകൾ ഉണ്ട്. ചെങ്കുളം ഡാം, ചതുരംഗപ്പാറ, പൊന്മുടി ഡാം തുടങ്ങി ചുറ്റുമുള്ള സ്ഥലങ്ങൾ കറങ്ങിക്കാണുന്നതിനായി ഓഫ്‌റോഡ് ജീപ്പ് സഫാരിയും ഇവിടെ ലഭ്യമാണ്.  കൂടുതൽ വിവരങ്ങൾക്കും ബുക്കിംഗിനും വിളിക്കാം – 8606991720 , 04865263810.

6. മൂന്നാർ ടീ കൺട്രി റിസോർട്ട് : മൂന്നാറിലെ ഏറ്റവും പ്രശസ്തമായ മുന്തിയ റിസോർട്ടുകളിൽ ഒന്നാണ് മൂന്നാർ ടീ കൺട്രി റിസോർട്ട്. കുറച്ചുകൂടി ലക്ഷ്വറി ആഗ്രഹിക്കുന്നവർക്ക് താമസത്തിനായി ഈ റിസോർട്ട് തിരഞ്ഞെടുക്കാവുന്നതാണ്. ഈ റിസോർട്ട് ദൂരെ നിന്നും കാണുമ്പോൾത്തന്നെ വല്ലാത്ത ഒരു ആകര്ഷണീയതയാണ്. അതുതന്നെയാണ് ഇതിന്റെ പ്രത്യേകതയും. ചുറ്റും പച്ചപ്പ് നിറഞ്ഞ ഒരു മലഞ്ചെരുവിലാണ് മൂന്നാർ ടീ കൺട്രി റിസോർട്ട് സ്ഥിതി ചെയ്യുന്നത്. ഏറ്റവും മികച്ച രീതിയിലെ സർവ്വീസ് ഇവിടെ ലഭിക്കുമെന്ന് അനുഭവസ്ഥർ സാക്ഷ്യപ്പെടുത്തുന്നു. നല്ല ഭക്ഷണവും മറ്റു ആക്ടിവിറ്റികളും ഇവിടെ നിങ്ങൾക്കായി കാത്തിരിക്കുന്നു. മൂന്നാർ ആനച്ചാലിന് സമീപമുള്ള ഒരു മികച്ച ഫാമിലി റിസോർട്ടാണ് ‘മൂന്നാർ ടീ കൺട്രി റിസോർട്ട് അഥവാ MTCR. കൂടുതൽ വിവരങ്ങൾക്ക് വിളിക്കാം: 9497717353.

7. യെല്ലോ ടെയിൽ വില്ല : മൂന്നാറിലെ തേയിലത്തോട്ടത്തിനു നടുവിൽ ഒരു ദിവസം താമസിക്കാം.. 4000 രൂപയ്ക്ക് മൂന്നാറിൽ തേയിലത്തോട്ടത്തിനുള്ളിൽ ഒരു ദിവസത്തേക്ക് നിങ്ങൾക്കായി ഒരു മാത്രം ഒരു 2 ബെഡ്‌റൂം വില്ല, ഫാമിലിക്കും ബാച്ചിലേഴ്‌സിനും അനുയോജ്യം. പൂപ്പാറ റൂട്ടിൽ പെരിയകനാൽ എന്നൊരു സ്ഥലമുണ്ട്. അവിടത്തെ ടീ ഫാക്ടറിയുടെ അടുത്താണ് നമ്മുടെ ഈ വില്ല. താഴെ വാഹനങ്ങൾ പാർക്ക് ചെയ്തതിനു ശേഷം ഏകദേശം മുന്നൂറു മീറ്ററോളം മുകളിലേക്ക് നടന്നാൽ മാത്രമേ വില്ലയിൽ എത്താനാകൂ. ബാച്ചിലേഴ്‌സിനും അതുപോലെതന്നെ ഫാമിലിയായി വരുന്നവർക്കും എൻജോയ് ചെയ്യുവാൻ പറ്റിയ ഒരിടമാണ് ഇത്. നടക്കാൻ ബുദ്ധിമുട്ടുള്ളവർക്കും പ്രായമായവർക്കും ചിലപ്പോൾ ഇവിടേക്കുള്ള കയറ്റം ബുദ്ധിമുട്ട് ഉണ്ടാക്കും.

വില്ലയിൽ നമുക്ക് പൂർണ്ണ സ്വാതന്ത്ര്യമായിരിക്കും ലഭിക്കുക. നിങ്ങൾ അല്ലാതെ ഉണ്ടായിരിക്കില്ല. രാവിലെ ഒരു കാര്യസ്ഥൻ ഉണ്ടാകുമെങ്കിലും രാത്രിയായാൽ അദ്ദേഹവും സ്ഥലംവിടും. പിന്നീട് നിങ്ങളുടേതു മാത്രമായ ഒരു ലോകം.. വില്ലയ്ക്ക് ചുറ്റും കമ്പിവേലി കെട്ടിയിരിക്കുന്നതിനാൽ സുരക്ഷയുടെ കാര്യത്തിൽ പേടിക്കേണ്ടതില്ല. വലിയൊരു ലിവിംഗ് റൂം, കിച്ചൻ, രണ്ടു ബെഡ് റൂമുകൾ എന്നിവയാണ് വില്ലയിൽ ഉള്ളത്. ബെഡിൽ മൂന്നു പേർക്ക് നല്ല സുഖമായി കിടക്കുവാൻ സാധിക്കും.  നിങ്ങൾക്ക് സ്വന്തമായി പാചകം ചെയ്യുവാനുള്ള സെറ്റപ്പ് എല്ലാം അടുക്കളയിൽ ഉണ്ട്. പാചകം ചെയ്യുവാനുള്ള വസ്തുക്കൾ (പച്ചക്കറികൾ, ചിക്കൻ etc.) നിങ്ങൾ വരുമ്പോൾ കൊണ്ടുവരികയോ അല്ലെങ്കിൽ കെയർ ടേക്കറായ ചേട്ടനെക്കൊണ്ട് വാങ്ങിപ്പിക്കുകയോ ചെയ്യാവുന്നതാണ്. കൂടുതൽ വിവരങ്ങൾക്കും ബുക്കിംഗിനുമായി വിളിക്കാം 9946478846.

മഞ്ഞണിഞ്ഞ തേയില തോട്ടങ്ങളും കാൻവാസിൽ കോറിയ ചിത്രം പോലെ കണ്ണെത്താ ദുരത്തോളം പരന്നു കിടക്കുന്ന മലമേടുകളും കിടിലൻ റിസോർട്ടുകളിൽ താമസവും മഞ്ഞുപുതച്ച വഴികളിലെ ട്രക്കിങ്ങുമൊക്കെ നിങ്ങളെ വേറൊരു ലോകത്തേക്ക് ആയിരിക്കും കൂട്ടിക്കൊണ്ടു പോകുക. ഇനി മൂന്നാര്‍ ട്രിപ്പ് പോകുവാന്‍ പ്ലാനിടുമ്പോള്‍ ഇതിലേതെങ്കിലും റിസോർട്ടുകളില്‍ക്കൂടി താമസിച്ച് എന്‍ജോയ് ചെയ്യുവാന്‍ ശ്രമിക്കുക… ടെക് ട്രാവല്‍ ഈറ്റ് ചാനലിന്‍റെ വീഡിയോ കണ്ടിട്ടാണ് വിളിക്കുന്നതെന്നു പറഞ്ഞാല്‍ സ്പെഷ്യല്‍ ഡിസ്കൌണ്ട് ലഭിക്കുവാന്‍ സാധ്യതയുണ്ട്.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

സ്‌കോഡ ‘കുശാഖ്’ പുറത്തിറങ്ങി; വില 10.49 ലക്ഷം മുതൽ

വാഹനപ്രേമികളുടെ കാത്തിരിപ്പിന് വിരാമമായി സ്‌കോഡ കുശാഖ് ഇന്ത്യയില്‍ അവതരിപ്പിച്ചു. സ്‌കോഡ-ഫോക്‌സ്‌വാഗണ്‍ കൂട്ടുക്കെട്ടില്‍ വികസിപ്പിച്ചിട്ടുള്ള MQB-AO-IN പ്ലാറ്റ്‌ഫോമില്‍ ആദ്യമായി ഒരുങ്ങുന്ന സ്‌കോഡ വാഹനമാണ് കുഷാക്ക്. 4225 എം.എം. നീളവും 1760 എം.എം. വീതിയും 1612 എം.എം. ഉയരവും 2651 എം.എം. വീല്‍ബേസും 188…
View Post

മലപ്പുറത്ത് 10 ലക്ഷം രൂപയ്ക്ക് പണി കഴിപ്പിച്ച 1300 Sqft വീട്

ഏതൊരു വ്യക്തിയുടെയും സ്വപ്നമാണ് സ്വന്തമായി ഒരു വീട് എന്നത്. ഇക്കാലത്ത് ഒരു നല്ല വീട് വെക്കണമെങ്കിൽ എത്ര രൂപ ചെലവാകും? 20, 30, 35 അങ്ങനെ പോകും ലക്ഷങ്ങൾ. എന്നാൽ ഇതൊന്നുമല്ലാതെ ചുരുങ്ങിയ തുകയ്ക്ക് മനോഹരമായ വീട് പണിത് താമസിക്കുന്നവരും നമുക്കിടയിലുണ്ട്.…
View Post

ഒരു കെഎസ്ആർടിസി ബസ് മുഴുവനും ബുക്ക് ചെയ്ത് ഞങ്ങളുടെ കോളേജ് ടൂർ…

നിങ്ങളുടെ ജീവിതത്തിൽ ഏറ്റവും കൂടുതൽ സന്തോഷിച്ചിട്ടുള്ള, മറക്കാനാവാത്ത നിമിഷങ്ങൾ എപ്പോഴായിരിക്കും? കോളേജ് ദിനങ്ങൾ എന്നായിരിക്കും ഭൂരിഭാഗം ആളുകളുടെയും ഉത്തരം. അതെ എൻ്റെ ജീവിതത്തിലെയും മറക്കാനാവാത്ത നിമിഷങ്ങൾ സമ്മാനിച്ചത് എൻ്റെ കലാലയ ജീവിതമായിരുന്നു. ബെംഗളൂരുവിലെ ന്യൂ ഹൊറൈസൺ കോളേജിൽ ആയിരുന്നു എൻ്റെ ബി.ടെക്.…
View Post

തിരുവനന്തപുരത്തെ അധികമാരും അറിയാത്ത മനോഹര സ്ഥലങ്ങള്‍…

കേരളത്തിന്റെ തലസ്ഥാന നഗരിയായ തിരുവനന്തപുരത്തേക്കുറിച്ച് അധികം വിശേഷണത്തിന്റെ ആവശ്യമില്ല. ‘ട്രിവാന്‍ട്രം’ എന്ന് വിദേശികള്‍ വിളിക്കുന്ന തിരുവനന്തപുരത്ത് വന്നാല്‍ കണ്ടിരിക്കേണ്ടതും അധികമാരും അറിയാത്തതുമായ ചില സ്ഥലങ്ങളെ പരിചയപ്പെടുത്തുകയാണ് ഇവിടെ. മങ്കയം വെള്ളച്ചാട്ടം – തിരുവനന്തപുരത്ത് പാലോടിനു സമീപമാണ് ഹൃദയഹാരിയായ മങ്കയം വെള്ളച്ചാട്ടം. സംസ്ഥാന…
View Post

കാസർഗോഡ് ജില്ല; ചരിത്രവും വിശേഷങ്ങളും, നിങ്ങൾ അറിയേണ്ട കാര്യങ്ങൾ…

കേരളത്തിന്റെ ഏറ്റവും വടക്കു ഭാഗത്തുള്ള ജില്ലയാണ് കാസർഗോഡ്. കിഴക്ക്‌ പശ്ചിമ ഘട്ടം, പടിഞ്ഞാറ്‌ അറബിക്കടൽ വടക്ക്‌ കർണ്ണാടക സംസ്ഥാനത്തിലെ ദക്ഷിണ കന്നഡ ജില്ല(ദക്ഷിണ കനാറ ജില്ല), തെക്ക്‌ കണ്ണൂർ ജില്ല എന്നിവയാണ്‌ കാസറഗോഡിന്റെ അതിർത്തികൾ. മലയാളത്തിനു പുറമേ തുളു,കന്നട,ബ്യാരി, മറാത്തി, കോങ്കിണി,…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

വയനാട്ടിൽ സെലിബ്രിറ്റികൾ ഏറ്റവുമധികം സന്ദർശിക്കുന്ന ഒരു റെസ്റ്റോറന്റ്…!!

വയനാട്ടിലേക്ക് യാത്രകൾ ചെയ്യുന്ന സഞ്ചാരികൾ ഏറെയാണ്. ഫാമിലിയായും കൂട്ടുകാരുമായും ഒക്കെ അടിച്ചുപൊളിക്കാൻ പറ്റിയ ഒരു സ്ഥലം തന്നെയാണ് വയനാട് എന്നതിൽ ആർക്കും തർക്കമുണ്ടാകില്ല. പലതവണ വയനാട് പോയിട്ടുണ്ടെങ്കിലും കുറച്ചുനാൾ മുൻപ് ഞാൻ നടത്തിയ വയനാട് യാത്രയാണ് എൻ്റെ മനസ്സിൽ ഇന്നും മായാതെ…
View Post