തൃശ്ശൂരിൽ നിന്നും ഒരു ദിവസം കൊണ്ട് പോയി വരാവുന്ന ടൂറിസ്റ്റു കേന്ദ്രങ്ങൾ

Total
2
Shares

കേരളത്തിന്റെ സാംസ്കാരിക തലസ്ഥാനമായ, പൂരങ്ങളുടെ നാടായ തൃശ്ശൂരിലും പരിസരപ്രദേശങ്ങളിലുമായി ഒത്തിരി വിനോദസഞ്ചാരന്ദ്രങ്ങളുണ്ട്. തൃശ്ശൂരിൽ നിന്നും ഒരു ദിവസംകൊണ്ട് പോയി വരാവുന്ന വിനോദസഞ്ചാര കേന്ദ്രങ്ങൾ ഏതൊക്കെയെന്നു നിങ്ങൾക്കറിയാമോ? കൺഫ്യൂഷൻ ഉണ്ടെങ്കിൽ ചിലത് ഞങ്ങൾ പറഞു തരാം.

1. നെല്ലിയാമ്പതി – തൃശ്ശൂരിന്റെ അയൽജില്ലയായ പാലക്കാട് ജില്ലയിൽ സ്ഥിതിചെയ്യുന്ന മനോഹരമായ ഒരു ഹിൽ സ്റ്റേഷനാണ് നെല്ലിയാമ്പതി. തൃശൂർ നഗരത്തിൽ നിന്നും ഇവിടേക്ക് 75 കിലോമീറ്ററോളം ദൂരമുണ്ട്. നിങ്ങളുടെ സ്വന്തം വാഹനങ്ങളിലും കെഎസ്ആർടിസി ബസ്സുകളിലും ഇവിടേക്ക് വരാവുന്നതാണ്. തൃശ്ശൂർ കെഎസ സ്റ്റാൻഡിൽ നിന്നും ഉച്ചയ്ക്ക് 12.55 നു ഒരു ബസ്സുണ്ട് നെല്ലിയാമ്പതിയിലേക്ക്. പക്ഷെ ഒരു ദിവസം ഫുൾ എന്ജോയ് അതിരാവിലെ പാലക്കാട് പോയിട്ട് അവിടെ നിന്നും ബസ്സിൽ കയറി പോകുന്നതാണ്. ബസ് സമയങ്ങൾ അറിയുവാൻ : https://bit.ly/2zBvFQc. നെല്ലിയാമ്പതി മലമ്പ്രദേശങ്ങളിൽ ജീപ്പുകളാണ് പിന്നീട് പൊതുവെ ഉള്ള ഗതാഗത മാർഗ്ഗം. പച്ചക്കറികളും പലചരക്കു സാധനങ്ങളും നെന്മാറയിൽ നിന്ന് നെല്ലിയാമ്പതിയിലേക്ക് ജീപ്പുകളിലാണ് കൊണ്ടുവരുന്നത്. നെല്ലിയാമ്പതിയിലേക്ക് പോകുന്ന വഴിയാണ് പ്രശസ്തമായ പോത്തുണ്ടി ഡാം സ്ഥിതി ചെയ്യുന്നത്.

2. അതിരപ്പിള്ളി : തൃശൂർ ജില്ലയുടെ കിഴക്കൻ അതിർത്തിയിലെ ഒരു ടൂറിസ്റ്റു കേന്ദ്രമാണ് അതിരപ്പിള്ളി. അതിരപ്പിള്ളി – വാഴച്ചാൽ വെള്ളച്ചാട്ടങ്ങൾ, തുമ്പൂർമുഴി, ഏഴാറ്റുമുഖം പ്രകൃതി ഗ്രാമം തുടങ്ങിയവയും സിൽവർ സ്റ്റോം, ഡ്രീം വേൾഡ് തുടങ്ങിയ തീം പാർക്കുകൾ എന്നിവയുമാണ് ഈ റൂട്ടിലെ പ്രധാന ആകർഷണങ്ങൾ. വനത്തിനു നടുവിലൂടെ ഇവിടേക്കുള്ള യാത്ര വളരെ മനോഹരമാണ്. വേണമെങ്കിൽ അതിർത്തിയായ മലക്കപ്പാറ വരെ പോയി വരികയും ചെയ്യാം. ഇ റൂട്ടിൽ ബസ് സർവ്വീസും ലഭ്യമാണ്. സമയവിവരങ്ങൾക്ക് www.aanavandi.com സന്ദർശിക്കാം. ഒരു ദിവസം അടിച്ചു പൊളിക്കുവാനും കാഴ്ചകൾ കാണുവാനും ഉള്ളത് ഈ യാത്രയിൽ നിങ്ങൾക്ക് പറ്റും.

3. ബീച്ചുകൾ : തൃശ്ശൂരിൽ നിന്നും ഒരു ദിവസം കൊണ്ട് ബീച്ചുകളിൽ ഒരു യാത്ര നടത്തി വരാവുന്നതാണ്. എറണാകുളം ജില്ലയിലെ ചെറായി, കൊടുങ്ങല്ലൂരിനു സമീപത്തെ അഴീക്കോട്, തൃപ്രയാറിനു സമീപത്തെ സ്നേഹതീരം, ഗുരുവായൂരിനു സമീപത്തെ ചാവക്കാട് എന്നിവിടങ്ങളിൽ സ്ഥിതിചെയ്യുന്ന ബീച്ചുകളിൽ വേണമെങ്കിൽ ഒരു ദിവസം കൊണ്ട് യാത്ര പോയി വരാം. കൂട്ടത്തിൽ ഏറ്റവും മികച്ച ബീച്ച് ചെറായിയും സ്നേഹതീരവുമാണ്.

4. കൊച്ചി സിറ്റി യാത്ര : ഫാമിലിയായി ഒരു കിടിലൻ സിറ്റി ട്രിപ്പ് ആണ് നിങ്ങൾ ഉദ്ദേശിക്കുന്നതെങ്കിൽ നേരെ എറണാകുളത്തേക്ക് പോകാം. ബസ്സിലോ കാറിലോ നിങ്ങൾക്ക് യാത്ര പോകാവുന്നതാണ്. കാറിൽ ആണെങ്കിൽ കാർ ആലുവയിൽ എവിടെയെങ്കിലും പാർക്ക് ചെയ്തിട്ട് പിന്നീട് നഗരത്തിലേക്ക് മെട്രോയിൽ കയറി പോകുന്നതാണ് നല്ലത്. ബസ്സിലാണെകിൽ ആലുവയിൽ ഇറങ്ങി ഇതുപോലെ മെട്രോയിൽ പോകാം. മെട്രോ യാത്ര, കൊച്ചിക്കായലിലൂടെയുള്ള ബോട്ട് യാത്ര (സർക്കാർ ബോട്ട് ആണെങ്കിൽ ഒരാൾക്ക് വെറും നാലു രൂപയേയുള്ളൂ) തുടങ്ങിയവ ആസ്വദിക്കാവുന്നതാണ്. ബോട്ടിൽക്കയറി ഫോർട്ട്കൊച്ചിയിലേക്ക് പോകുകയും ചെയ്യാം. ഏറ്റവും അവസാനം ലുലു മാളിലും കയറി തിരികെ തൃശ്ശൂരിലേക്ക് പോകാം. വളരെ ചെലവു കുറഞ്ഞ ഒരു ട്രിപ്പ് ആയിരിക്കും ഇത്.

5. ഡാമുകൾ : തൃശ്ശൂരിലും പരിസരപ്രദേശങ്ങളിലുമായി സഞ്ചാരികൾക്ക് കാണുവാൻ ഡാമുകൾ ഉണ്ട്. പൂമല ഡാം, വാഴാനി ഡാം, ചിമ്മിനി ഡാം, പീച്ചി ഡാം തുടങ്ങിയവയാണ് നഗരത്തിനു അടുത്തായി സ്ഥിതി ചെയ്യുന്നവ. അല്ലെങ്കിൽ പാലക്കാട് ജില്ലയിലെ മലമ്പുഴ ഡാമിലും ഒരു ദിവസം കൊണ്ട് പോയി വരാവുന്നതാണ്.

ഇതുപോലെ നിങ്ങൾക്ക് ഒരു ദിവസം കൊണ്ട് പോയി വരാവുന്ന ധാരാളം സ്ഥലങ്ങളുണ്ട് തൃശ്ശൂരിലും പരിസരപ്രദേശങ്ങളിലുമായി. എല്ലാവർക്കും സുഖ – സുരക്ഷിത യാത്രാമംഗളങ്ങൾ ആശംസിക്കുന്നു.

1 comment
  1. Cheri beach nelum Sneha theeram beech nelum Super Musris Azhikode beach aanu Azhi koodi cherunna vishalamaaya sthalamulla beach aanu Azhikode

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post

കേരളത്തിൽ റോഡ് ട്രിപ്പിനു പറ്റിയ അഞ്ച് മനോഹര റൂട്ടുകൾ…

യാത്രകൾ പല തരത്തിൽ ആസ്വദിക്കുന്നവരുണ്ട്. ചിലർ സ്ഥലങ്ങലും കാഴ്ചകളും ഒക്കെ കണ്ട് ആസ്വദിക്കും, ചിലർ ഓരോ സ്ഥലത്തെയും ഭക്ഷണങ്ങൾ രുചിച്ച് ആസ്വദിക്കും, ചിലർ കൂട്ടുകാരും കുടുംബവുമൊക്കെയായിട്ട് ഒരു അടിച്ചുപൊളി മൂഡിലായിരിക്കും യാത്ര പോകുന്നത്. മറ്റു ചിലരാകട്ടെ ഡ്രൈവിംഗ് ആയിരിക്കും ഇഷ്ടപ്പെടുക. ഇത്തരത്തിൽ…
View Post

മുഖം മിനുക്കി കളർഫുള്ളായി നമ്മുടെ സ്വന്തം കോഴിക്കോട് ബീച്ച്

കോഴിക്കോടിനെ കുറിച്ച് ചിന്തിക്കുമ്പോൾ നമ്മുടെ മനസ്സിലേക്ക് ഓടിയെത്തുന്ന ചിത്രങ്ങളാണ് കോഴിക്കോട് ബീച്ചും മിഠായിതെരുവും മാനാഞ്ചിറയും കുറ്റിച്ചിറയും തളിയുമെല്ലാം. ഒരു സഞ്ചാരി എന്ന നിലയിൽ ഇവയുടെയൊക്കെ മനോഹാരിത എന്നും ഒരുപാട് സന്തോഷിപ്പിച്ചിട്ടുണ്ട്. കേരളത്തിലെ മനോഹരമായതും ആൾത്തിരക്കേറിയതുമായ ബീച്ചുകളിലൊന്നാണ് കോഴിക്കോട് ബീച്ച്. കോവിഡ് വ്യാപനത്തിന്…
View Post

കണ്ണൂർ ജില്ലയിൽ ഫാമിലി ട്രിപ്പ് പോകുവാൻ പറ്റിയ അഞ്ച് സ്ഥലങ്ങൾ

കേരളത്തിലെ വടക്കേയറ്റത്ത് സ്ഥിതി ചെയ്യുന്ന ഒരു ജില്ലയാണ് കണ്ണൂർ. കണ്ണൂർ പട്ടണത്തിന്റെ ആധുനിക ചരിത്രം തുടങ്ങുന്നത് പോർച്ചുഗീസുകാർ മലബാറിൽ പ്രവേശിച്ചതോടുകൂടിയാണ്. പ്രശസ്ത നാടൻ കലാരൂപമായ തെയ്യം കളിയാടുന്നത് കണ്ണൂർ ജില്ലയിലാണ്. തെയ്യം കാണണമെങ്കിൽ ഇവിടേക്ക് തന്നെ വരണം. തെയ്യവും സര്‍ക്കസും ക്രിക്കറ്റും…
View Post

മൂന്നാറിൽ ഫാമിലിയായിട്ട് തങ്ങുവാൻ പറ്റിയ കിടിലൻ സ്ഥലങ്ങൾ

മലയാളികൾ ടൂർ പോകുവാൻ പ്ലാൻ ചെയ്യുമ്പോൾ ആദ്യത്തെ ലിസ്റ്റിൽ വരുന്ന ഒരു സ്ഥലമാണ് മൂന്നാർ. എന്തുകൊണ്ടാണ് മൂന്നാർ എല്ലാവർക്കും ഇത്ര പ്രിയങ്കരമായത് എന്ന ചോദ്യത്തിന് ഇന്ന് വലിയ പ്രസക്തി ഉണ്ടെന്നു തോന്നുന്നില്ല. ഒറ്റവാക്കിൽ പറഞ്ഞാൽ മൂന്നാർ പച്ചപട്ടുടുത്ത ഒരു തണുത്ത സുന്ദരിയാണ്.…
View Post

പ്രളയവും കോവിഡും തളർത്തി; കണ്ണീരോടെ കോട്ടയത്തെ ‘മാംഗോ മെഡോസ്’

പ്രകൃതിയെയും സസ്യജാലങ്ങളെയും ഒരേപോലെ സ്നേഹിക്കുന്നവര്‍ക്കും ആസ്വദിക്കുന്നവര്‍ക്കും വേണ്ടിയുള്ളതാണ് കോട്ടയം ജില്ലയിലെ കടുത്തുരുത്തിയ്ക്ക് സമീപമുള്ള മാംഗോ മെഡോസ് എന്ന മഹാപ്രപഞ്ചം. ലോകത്തിലെ ആദ്യത്തെ അഗ്രിക്കള്‍ച്ചറല്‍ തീംപാര്‍ക്ക് എന്ന ഖ്യാതി കേട്ട മാംഗോ മെഡോസ് ഇപ്പോൾ സങ്കടാവസ്ഥയിലാണ്. തുടരെയുണ്ടായ പ്രളയവും, പിന്നാലെ വന്ന കോവിഡും…
View Post

ബെംഗളൂരു നഗരത്തിനുള്ളിൽ നിങ്ങൾ കണ്ടിരിക്കേണ്ട 15 സ്ഥലങ്ങൾ..

ബെംഗളൂരു ഇന്ത്യയിലെ വലിയ മെട്രോ നഗരങ്ങളിൽ ഒന്നാണ്. അതുകൊണ്ടു തന്നെ ഇവിടെ കാഴ്ചകളും ധാരാളമുണ്ട്. ബെംഗളുരുവിലേക്ക് വരുന്നവർക്ക് സന്ദർശിക്കാവുന്ന 15 സ്ഥലങ്ങളെയാണ് ഈ ലേഖനത്തിലൂടെ പരിചയപ്പെടുത്തുവാൻ പോകുന്നത്. 1 ടിപ്പു സുൽത്താൻ സമ്മർ പാലസ് : ബെംഗളൂരുവിലെ കെആർ മാർക്കറ്റിനു സമീപമാണ്…
View Post

കെഎസ്ആർടിസിയുടെ മലക്കപ്പാറ ടൂർ പാക്കേജ് വമ്പൻ ഹിറ്റ് !!

കെ എസ് ആർ ടി സിയുടെ മലക്കപ്പാറ പാക്കേജ് സർവീസ് ഇന്ന് കേരളമാകെ ഹിറ്റ്! അവധി ദിനങ്ങളിൽ സഞ്ചാരികൾക്കായി ചാലക്കുടിയിൽ നിന്നും ഏർപ്പെടുത്തിയ പ്രത്യേക സർവ്വീസുകൾ സൂപ്പർ ഹിറ്റായതിനെ തുടർന്ന് യാത്രക്കാരുടെ ആവശ്യം പരിഗണിച്ച് മറ്റു ഡിപ്പോകളിലേയ്ക്കും വ്യാപിപ്പിക്കുകയായിരുന്നു. ആദ്യഘട്ടം എന്ന…
View Post