വ്യക്തികളുടെ പേരിൽ പ്രശസ്തമായ കേരളത്തിലെ സ്ഥലങ്ങൾ..

Total
66
Shares

ഓരോ സ്ഥലങ്ങളുടെയും പ്രശസ്തിക്കു പിന്നിൽ പല കാരണങ്ങളും ഉണ്ടായിരിക്കും. ചില സ്ഥലങ്ങൾ ടൂറിസ്റ്റു കേന്ദ്രങ്ങൾ കൊണ്ട് പ്രശസ്തമാകും. ചിലത് ചരിത്രപരമായ സംഭവങ്ങൾ കൊണ്ടും. എന്നാൽ ഇവയെക്കൂടാതെ ചില വ്യക്തികൾ കാരണം പ്രശസ്തമായ അല്ലെങ്കിൽ പേരുകേട്ട ചില സ്ഥലങ്ങളുണ്ട് നമ്മുടെ കേരളത്തിൽ. ഈ സ്ഥലപ്പേര് കേട്ടാൽ നമ്മുടെയുള്ളിൽ ആദ്യം വരുന്നത് ആ വ്യക്തിയുടെ രൂപമായിരിക്കും. അത്തരത്തിൽ ചില സ്ഥലങ്ങളെ ഒന്നു പരിചയപ്പെടാം.

1. പിണറായി – കണ്ണൂർ ജില്ലയിലെ ഒരു ഗ്രാമമാണ് പിണറായി. കണ്ണൂർ നഗരത്തിൽ നിന്നും 20 കിലോമീറ്റർ അകലെയായി സ്ഥിതി ചെയ്യുന്ന ഈ പ്രദേശം തലശ്ശേരിയിൽനിന്നും 8 കിലോമീറ്റർ അകലെയായാണ്‌ സ്ഥിതി ചെയ്യുന്നത്. സി.പി.എം-ന്റെ പ്രമുഖ നേതാവും കേരള മുഖ്യമന്ത്രിയുമായ പിണറായി വിജയൻ ഈ ഗ്രാമത്തിലാണ് ജനിച്ചത്. അദ്ദേഹത്തിൻറെ പേരിനൊപ്പം നിലനിൽക്കുന്നതു കൊണ്ടാണ് ഈ നാടും പ്രശസ്ഥമായത്.

2. കോടിയേരി – കണ്ണൂർ ജില്ലയിലെ തലശ്ശേരിയ്ക്ക് അടുത്തുള്ള ഒരു സ്ഥലമാണ് കോടിയേരി. മുൻനിര കമ്മ്യൂണിസ്റ്റ് നേതാവായ കോടിയേരി ബാലകൃഷ്ണനിലൂടെയാണ് ഈ സ്ഥലം നാടൊട്ടുക്കും പ്രശസ്തമായത്. ഇന്നും കോടിയേരി എന്നു പറഞ്ഞാൽ ആദ്യം മനസ്സിൽ ഓടിയെത്തുക ഇദ്ദേഹത്തിന്റെ രൂപമാണ്.

3. മാള – നിന്നും ഏകദേശം 35 കി. മി ദൂരത്തിലും, കൊച്ചി നഗരത്തിൽ നിന്നും ഏകദേശം 50 കി. മി ദൂരത്തിലും, ചാലക്കുടി പട്ടണത്തിൽ നിന്നും ഏകദേശം 14 കി. മി ദൂരത്തിലുമായി സ്ഥിതി ചെയ്യുന്ന ഒരു സ്ഥലമാണ് മാള. പ്രശസ്തനായ നടൻ മാള അരവിന്ദന്റെ പേരിലാണ് ഈ സ്ഥലം അറിയപ്പെടുന്നത്. ആളുകൾ ഒരിക്കലും അരവിന്ദൻ എന്ന് അദ്ദേഹത്തെ വിളിച്ചിരുന്നില്ല, പകരം മാള എന്നായിരുന്നു സിനിമാരംഗത്തും പൊതുസമൂഹത്തിലും അദ്ദേഹം അറിയപ്പെട്ടിരുന്നത്. മാളയെ പ്രശസ്തനാക്കിയ മാള അരവിന്ദന്റെ ജന്മനാട് പക്ഷെ മാളയല്ല. എറണാകുളം ജില്ലയിലെ വളവുകോട്ടാണ്. ഇതുകൂടാതെ മറ്റൊരു പ്രശസ്തി കൂടിയുണ്ട് മാളയ്ക്ക്. പണ്ട് കെ.കരുണാകരൻ മത്സരിച്ചു വിജയിച്ച മണ്ഡലമായിരുന്നു മാള.

4. പല്ലാവൂർ – പാലക്കാട് ജില്ലയിലുള്ള ഒരു ഗ്രാമമാണ് പല്ലാവൂർ. ചിറ്റൂർ താലൂക്കിൽ പല്ലശ്ശന ഗ്രാമപഞ്ചായത്തിലാണ് ഈ ഗ്രാമം സ്ഥിതിചെയ്യുന്നത്. പ്രകൃതിരമണീയമായ വയലേലകളും മലകളും കുന്നുകളും കുളങ്ങളും കൊണ്ട് സമൃദ്ധമായ ഗ്രാമമാണിത്. മലയാളക്കരയിലെ വാദ്യചക്രവർത്തിമാരായിരുന്ന പല്ലാവൂർ സഹോദരന്മാർ (പല്ലാവൂർ അപ്പുമാരാർ, മണിയൻ മാരാർ, കുഞ്ഞുകുട്ടൻ മാരാർ) ഈ നാട്ടുകാരായിരുന്നതിനാൽ ഇവിടാരുടെ പേരിൽക്കൂടിയായിരുന്നു ഈ നാട് പുറംലോകമറിയപ്പെട്ടത്. പാലക്കാട് നഗരത്തിൽ നിന്ന് 22 കിലോമീറ്റർ തെക്കുമാറി നെല്ലിയാമ്പതിയിലേയ്ക്ക് പോകുന്ന വഴിയിലാണ് പല്ലാവൂർ സ്ഥിതിചെയ്യുന്നത്.

5. താമരശ്ശേരി ചുരം – വയനാടിനെ കോഴിക്കോടുമായി ബന്ധിപ്പിക്കുന്ന താമരശ്ശേരി ചുരം പണ്ടുമുതലേ ഉണ്ടായിരുന്നുവെങ്കിലും വെള്ളാനകളുടെ നാട് എന്ന ചിത്രത്തിലെ കുതിരവട്ടം പപ്പുവിന്റെ പ്രശസ്തമായ ആ ഡയലോഗ് ആണ് താമരശ്ശേരിയെ ഇത്രകണ്ട് പ്രശസ്തമാക്കിയത്. ഇന്നും ഇതുവഴി കടന്നുപോകുമ്പോൾ പപ്പുവിനെയും അദ്ദേഹം പറഞ്ഞ ആ ഡയലോഗിനെയും ഓർക്കാത്തവർ ചുരുക്കമായിരിക്കും.

6. ചെന്നിത്തല – ആലപ്പുഴ ജില്ലയിൽ മാവേലിക്കരക്കടുത്ത് സ്ഥിതിചെയ്യുന്ന ഒരു കൊച്ചു ഗ്രാമമാണ് ചെന്നിത്തല. മാവേലിക്കരയിൽ നിന്നും പരുമല തിരുവല്ല റോഡിൽ 7 കി.മി. സഞ്ചരിച്ചാൽ ചെന്നിത്തലയിൽ എത്താം. ദേശീയപാതയിൽ ഹരിപ്പാട്ടുനിന്നും എകദേശം 7 കി.മി. ദൂരവും ചെന്നിത്തലക്കുണ്ട്. മുൻനിര കോൺഗ്രസ് നേതാവായ (ഇപ്പോൾ പ്രതിപക്ഷ നേതാവ്) രമേശ് ചെന്നിത്തലയിലൂടെയാണ് കൂടുതലാളുകളും ഈ നാടിനെക്കുറിച്ച് അറിഞ്ഞത്.

7. കായംകുളം – ആലപ്പുഴ ജില്ലയിലെ പ്രമുഖവും പുരാതനവുമായ ഒരു പട്ടണമാണ് കായംകുളം. ആലപ്പുഴയിൽ നിന്നും കൊല്ലത്തു നിന്നും ഏകദേശം ഒരേ ദൂരമാണ് കായംകുളത്തിന്. കേരളത്തിന്റെ മറ്റു ഭാഗങ്ങളുമായി റെയിൽ, റോഡ് എന്നിവ വഴി കായംകുളം ബന്ധിക്കപ്പെട്ടിരിക്കുന്നു. ദേശീയപാത 47 കായംകുളത്ത് കൂടി കടന്നുപോകുന്നു. ‘കേരളത്തിന്റെ റോബിൻ‌ ഹുഡ്’ എന്നു വിളിക്കാവുന്ന കായംകുളം കൊച്ചുണ്ണിയുടെ ജന്മസ്ഥലമാണ് കായംകുളം. എത്രയോ രാജാക്കന്മാരും പദവിക്കാരുമെല്ലാം ഉണ്ടായിട്ടും കൊച്ചുണ്ണിയുടെ പേരിലാണ് ഇന്നും കായംകുളം അറിയപ്പെടുന്നത്.

8. ജഗതി – ജഗതി എന്നു കേട്ടാൽ അറിയാത്ത മലയാളികൾ ആരുമുണ്ടാകില്ല. മലയാളികളെ കുടുകുടേ ചിരിപ്പിച്ച ജഗതി ശ്രീകുമാര്‍ എന്ന മഹാനടനെ ആർക്കാണ് അറിഞ്ഞുകൂടാത്തത്. എന്നാൽ ജഗതി എന്നത് ഒരു സ്ഥലപ്പേരാണ് എന്നകാര്യം അധികമാർക്കും അറിയില്ല. തിരുവനന്തപുരം നഗരത്തിലെ ഒരു സ്ഥലമാണ് ജഗതി.

9. ഉള്ളൂർ – തിരുവനന്തപുരം നഗരത്തിന്റെ വടക്കുപടിഞ്ഞാറ്‌ സ്ഥിതിചെയ്യുന്ന ഒരു പ്രദേശമാണ്‌ ഉള്ളൂർ. ദേശീയപാത 544 ഇതുവഴിയാണ് കടന്നു പോകുന്നത്. തിരുവനന്തപുരം മെഡിക്കൽ കോളേജ് ഇവിടെ നിന്നും ഏകദേശം 1 കിലോ മീറ്റർ ദൂരത്തായും, കേശവദാസപുരം ഏകദേശം 1.5 കിലോ മീറ്റർ ദൂരത്തായും സ്ഥിതി ചെയ്യുന്നു. എന്നാൽ ഈ നാട് അറിയപ്പെടുന്നത് മലയാള ഭാഷയിലെ പ്രമുഖ കവിയും പണ്ഡിതനുമായിരുന്ന മഹാകവി ഉള്ളൂർ എസ്സ്. പരമേശ്വരയ്യരുടെ പേരിലാണ്. ഇദ്ദേഹം ജനിച്ചത് ചങ്ങനാശ്ശേരിയിൽ ആയിരുന്നെങ്കിലും അച്ഛന്റെ നാടായ ഉള്ളൂരിലേക്ക് പിന്നീട് മാറുകയായിരുന്നു.

10. കുതിരവട്ടം – കോഴിക്കോട് കോർപ്പറേഷൻ പരിധിയിൽ വരുന്ന ഒരു വില്ലേജ് ആണ് കുതിരവട്ടം. താമരശ്ശേരി ചുരം പോലെത്തന്നെ കുതിരവട്ടം പപ്പു എന്ന നടൻറെ പേരിൽ അറിയപ്പെടുന്ന ഒരു സ്ഥലമാണിത്. കോഴിക്കോട് ഫറോഖില്‍ ജനിച്ച പനങ്ങാട്ട് പത്മദളാക്ഷന്‍ എന്ന കുതിരവട്ടം പപ്പുവിന് കോഴിക്കോട്ടെ കുതിരവട്ടവുമായി യാതൊരു ബന്ധവുമില്ല. ഭാര്‍ഗവിനിലയം എന്ന സിനിമയുടെ ചിത്രീകരണ സമയത്ത് സാക്ഷാല്‍ ബഷീര്‍ ആണ് കുതിരവട്ടം പപ്പുവിന് ആ പേര് നല്‍കിയത്. കൂടാതെ ഇവിടത്തെ മാനസികാരോഗ്യ കേന്ദ്രത്തിന്റെ പേരിലും കുതിരവട്ടം പ്രശസ്തമാണ്.

11. അടൂർ – പത്തനംതിട്ട ജില്ലയിലെ പ്രധാന പട്ടണങ്ങളിലൊന്നാണ് അടൂർ. ഒരാൾ കൊണ്ടു മാത്രമല്ല അടൂർ പ്രശസ്തമായത്. ചലച്ചിത്ര താരങ്ങളായ അടൂർ ഭാസി, അടൂർ ഭവാനി, അടൂർ പങ്കജം എന്നിവരും പിന്നെ സംവിധായകനായ അടൂർ ഗോപാലകൃഷ്ണനും ആണ് അടൂരിനെ ആളുകൾക്കിടയിൽ പ്രശസ്തിയിൽ എത്തിച്ചത്.

12. തകഴി : ആലപ്പുഴ ജില്ലയില്‍, ചമ്പക്കുളം ബ്ലോക്കിൽ ഉൾപ്പെടുന്ന ഒരു ഗ്രാമമാണ് തകഴി. പ്രശസ്ത മലയാള സഹിത്യകാരനായ തകഴി ശിവശങ്കരപ്പിള്ളയുടെ ജന്മദേശം കൂടിയായ തകഴി‍ അദ്ദേഹത്തിലൂടെയാണ് പ്രസിദ്ധമായത്. കാർഷിക ഗ്രാമമായ തകഴി, കുട്ടനാട്, അമ്പലപ്പുഴ താലൂക്കുകളിലായി വ്യാപിച്ചു കിടക്കുന്നു.

13. വെഞ്ഞാറമൂട് – തിരുവനന്തപുരത്ത് നിന്ന് 27 കിലോമീറ്റര്‍ വടക്കായി സ്ഥിതി ചെയ്യുന്ന ഒരു കൊച്ചുഗ്രാമമായ വെഞ്ഞാറമൂട് മലയാളികള്‍ക്ക് സുപരിചിതമായത് സൂരജ് വെഞ്ഞാറമൂടിലൂടെയാണ്. തിരുവനന്തപുരം ജില്ലയിലെ നെടുമങ്ങാട് താലുക്കിലാണ് വെഞ്ഞാറമൂട് സ്ഥിതി ചെയ്യുന്നത്.

14. നെടുമുടി – ആലപ്പുഴ ജില്ലയിലെ ഒരു ഗ്രാമമാണ്‌ നെടുമുടി. ആലപ്പുഴ-ചങ്ങനാശ്ശേരി റോഡിൽ ആലപ്പുഴ നഗരത്തിൽനിന്നും 13 കിലോമീറ്റർ കിഴക്കുമാറിയാണ് നെടുമുടി സ്ഥിതിചെയ്യുന്നത്. കുട്ടനാട്ടിലെ മനോഹരമായ ഒരു സ്ഥലമായ നെടുമുടി അറിയപ്പെടുന്നത് പ്രശസ്ത നടൻ നെടുമുടി വേണുവിന്റെ പേരിലാണ്.

ഇതുപോലെ വ്യക്തികളുടെ പേരിൽ പ്രശസ്തമായ നാടുകൾ ഇനിയുമുണ്ട്. ചാലക്കുടി – കലാഭവൻ മണി, പാലാ – കെ.എം. മാണി, കൊട്ടാരക്കര – കൊട്ടാരക്കര ശ്രീധരൻ നായർ, പൊൻകുന്നം – പൊൻകുന്നം വർക്കി തുടങ്ങിയവയെല്ലാം അത്തരത്തിൽ ഉള്ളതാണ്.

1 comment
Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മുഗൾ സാമ്രാജ്യം – ചക്രവർത്തിമാരും അവരുടെ അന്ത്യവും

ഇന്ത്യയിൽ ഏറ്റവും അധികം കാലം ഭരിച്ച മുസ്ലീം രാജാക്കന്മാരുടെ സാമ്രാജ്യമാണ് മുഗൾ സാമ്രാജ്യം. പിതൃത്വം വഴി മദ്ധ്യേഷ്യൻ ഭരണാധികാരി തിമൂറിന്റെ പിൻ‌ഗാമികളും, മാതൃത്വം വഴി മംഗോൾ നേതാവായ ജെംഗിസ് ഖാന്റെ പാരമ്പര്യം ഉള്ളവരുമാണ്‌ മുഗളർ. മംഗോൾ എന്നതിന്റെ പേർഷ്യൻ/ചഗതായ് രൂപഭേദമായ മുഗൾ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post