യാത്രക്കാരിയുടെ കുഞ്ഞിനെ വാത്സല്യത്തോടെ മുലയൂട്ടി എയർഹോസ്റ്റസ്..

Total
0
Shares

വിമാനയാത്രകൾക്കിടയിൽ യാത്രക്കാരുടെ ആവശ്യങ്ങൾ കേൾക്കുവാനും അവ പരിഹരിക്കുവാനുമാണ് എയർഹോസ്റ്റസുമാർ വിമാനത്തിലുള്ളത്. സാധാരണയായി യാത്രക്കാർക്ക് വെള്ളം നൽകുകയും ഭക്ഷണ സാധനങ്ങൾ നൽകുകയുമൊക്കെയാണ് യാത്രയ്ക്കിടയിൽ എയര്ഹോസ്റ്റസുമാരുടെ പ്രധാനപ്പെട്ട ജോലി. ചില സമയങ്ങളിൽ എയർഹോസ്റ്റസുമാർക്കെതിരെ പരാതികളും ഉയർന്നു കേൾക്കാറുണ്ട്. എന്നിരുന്നാലും പല ദേശങ്ങളിൽ നിന്നുള്ള വിവിധ സംസ്കാരങ്ങളിൽ ജീവിക്കുന്ന യാത്രക്കാരായ ആളുകളെ ഒരേപോലെ സന്തോഷിപ്പിക്കുവാനും സംതൃപ്തരാക്കുവാനും എയര്ഹോസ്റ്റസുമാർക്കുള്ള കഴിവിനെ പ്രശംസിച്ചെ മതിയാകൂ.

ഇപ്പോഴിതാ ഒരു എയർഹോസ്റ്റസ് വാർത്തകളിൽ നിറഞ്ഞു നിൽക്കുന്നത് യാത്രയാരിയുടെ കുഞ്ഞിനു മുലയൂട്ടിയ സംഭവത്തോടെയാണ്. ഫിലിപ്പീൻസ് എയർലൈൻസിലെ ജീവനക്കാരിയായ പെട്രീഷ്യ ഓർഗാനോ എന്ന ഇരുപത്തിനാലുകാരിയാണ് ആരും ചെയ്യാൻ മടിക്കുന്ന ഈ കൃത്യനിർവ്വഹണത്താൽ പ്രശസ്തി നേടിയത്.

പറന്നുകൊണ്ടിരിക്കുന്ന വിമാനത്തിൽ എന്നത്തെയുംപോലെ ജോലിയിൽ മുഴുകിയിരിക്കുകയായിരുന്നു പെട്രീഷ്യ. പെട്ടെന്നാണ് കാബിനിൽ ഒരു കുഞ്ഞുകുട്ടിയുടെ കരച്ചിൽ മുഴങ്ങിയത്.പെട്രീഷ്യ ഉടനെ കരച്ചിൽ കേട്ട സീറ്റിനരികിലേക്ക് നീങ്ങി. വളരെ ചെറിയ കുട്ടിയായിരുന്നു കരഞ്ഞിരുന്നത്. കുഞ്ഞിന്റെ അമ്മ പരിഭ്രാന്തിയോടെ കരച്ചിൽ മാറ്റുവാൻ ശ്രമിക്കുകയായിരുന്നു അപ്പോൾ. പക്ഷെ എന്ത് ചെയ്തിട്ടും ഫലമില്ല, കുട്ടി കരച്ചിൽ തന്നെ.

പെട്രീഷ്യ ഉടനെ കുട്ടിയുടെ അമ്മയോട് കാര്യം തിരക്കി. സംഭവം ഇതായിരുന്നു – പാൽ കുടിക്കുന്ന കുട്ടിയാണ്. പക്ഷെ നിർഭാഗ്യവശാൽ അമ്മയ്ക്ക് മുലപ്പാൽ കുറവായിരുന്നു. മുലയൂട്ടുവാൻ യാതൊരു മാർഗ്ഗവുമില്ല. വിമാനത്തിൽ മുലയൂട്ടുവാൻ പ്രാപ്തരായിരുന്ന യാത്രാക്കാർ ആരുംതന്നെ ഉണ്ടായിരുന്നുമില്ല. ഈ സമയത്തും കുട്ടി വിശപ്പടക്കാനാവാതെ കരയുകയായിരുന്നു. കുട്ടിയുടെ അമ്മയും കണ്ണീർ പൊഴിക്കുവാൻ ആരംഭിച്ചു.

പെട്രീഷ്യ ആ കുഞ്ഞിന്റെ മുഖത്തേക്ക് നോക്കി. അവളുടെ മനസ്സ് പിടഞ്ഞു. പിന്നൊന്നും അവൾ ആലോചിക്കുവാൻ നിന്നില്ല. ഫ്‌ളൈറ്റ് സൂപ്പർ വൈസറായ ഷെറിലിനോട് കുഞ്ഞിനു മുലയൂട്ടുവാനായി വിമാനത്തിൽ സ്വകാര്യതയുള്ള ഒരിടം വേണമെന്ന് ആവശ്യപ്പെട്ടു. ഷെറിൽ അതെല്ലാം തയ്യാറാക്കുകയും പെട്രീഷ്യ കുഞ്ഞിനേയും അമ്മയെയും അവിടേക്ക് മാറ്റുകയും ചെയ്തു. പിന്നീട് കുഞ്ഞിനെ അമ്മയുടെ കയ്യിൽ നിന്നും എടുത്ത് വാത്സല്യത്തോടെ മുലയൂട്ടുവാൻ ആരംഭിച്ചു. കണ്ടുനിന്ന ജീവനക്കാരും കുട്ടിയുടെ അമ്മയും ഒരു നിമിഷം സ്‌തബ്‌ധരായിപ്പോയി. പാൽ കുടിച്ചതോടെ കുഞ്ഞിന്റെ വിശപ്പ് മാറുകയും കുട്ടി കരച്ചിൽ നിർത്തുകയും ചെയ്തു. കുട്ടി ഉറങ്ങുന്നതു വരെ പെട്രീഷ്യ മുലയൂട്ടുകയും താരാട്ടുകയും ചെയ്തു.

കുട്ടി വിശപ്പടക്കി സുഖമായി ഉറങ്ങിക്കഴിഞ്ഞപ്പോൾ അമ്മയെയും കുഞ്ഞിനേയും പെട്രീഷ്യ അവരുടെ സീറ്റിൽ കൊണ്ടുചെന്നാക്കി. സന്തോഷവും നന്ദിയും എങ്ങനെ പ്രകാശിപ്പിക്കണം എന്നറിയാതെ വിതുമ്പുകയായിരുന്നു ആ അമ്മ. സംഭവമറിഞ്ഞ മറ്റു യാത്രക്കാരും പെട്രീഷ്യയെ അഭിനന്ദിച്ചു.

പെട്രീഷ്യ തന്റെ കുഞ്ഞിനൊപ്പം.

ഈ സംഭവമെല്ലാം ഫോട്ടോ സഹിതം പെട്രീഷ്യ ഫേസ്‌ബുക്കിൽ പോസ്റ്റ് ഇട്ടതോടെയാണ് പുറംലോകം അറിഞ്ഞത്. ഇതോടെ സോഷ്യൽ മീഡിയയിലും പെട്രീഷ്യയ്ക്ക് അഭിനന്ദന പ്രവാഹമായി. മുഖ്യധാരാ മാധ്യമങ്ങൾ ചിത്രം സഹിതം വാർത്ത നൽകുകയും ചെയ്തു. അപരിചിതനായ ആ കുഞ്ഞിന് യാതൊരു മടിയും കൂടാതെ സ്വന്തം മുലപ്പാൽ നൽകിയ എയർഹോസ്റ്റസ് പെട്രീഷ്യയുടെ നന്മയുള്ള പ്രവൃത്തി വാഴ്ത്തപ്പെടേണ്ടതു തന്നെയാണ്.

ഒരു എയർഹോസ്റ്റസിനു ചെയ്യാവുന്ന ഏറ്റവും വലിയ സഹായം തന്നെയാണ് പെട്രീഷ്യ യാത്രക്കാരായ ആ അമ്മയ്ക്കും കുഞ്ഞിനും നൽകിയത്. എല്ലാ എയർഹോസ്റ്റസുമാർക്കും പെട്രീഷ്യ ഒരു മാതൃകയാകട്ടെ. ഒൻപതു മാസം പ്രായമുള്ള ഒരു കുഞ്ഞിന്റെ ‘അമ്മ കൂടിയാണ് എയർഹോസ്റ്റസ് പെട്രീഷ്യ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

You May Also Like

തണുപ്പ് ആസ്വദിക്കാൻ ഒരു യാത്ര പോകാം… ഇതാ ടോപ് 10 സ്ഥലങ്ങൾ

അൽപ്പം തണുപ്പ് ആസ്വദിക്കുവാനായി ഒരു ട്രിപ്പ് പോകുന്നവർ ധാരാളമാണ്. ഇത്തരത്തിൽ തണുപ്പ് ആസ്വദിക്കുവാനായി തിരഞ്ഞെടുക്കാവുന്ന മികച്ച പത്ത് സ്ഥലങ്ങളാണ് ചുവടെ കൊടുത്തിരിക്കുന്നത്. 1. മൂന്നാർ – കേരളത്തിൽ തണുപ്പ് ആസ്വദിക്കുവാൻ ഏറ്റവും അനുയോജ്യമായ സ്ഥലം മൂന്നാർ തന്നെയാണെന്നതിൽ ആർക്കും സംശയമൊന്നും ഉണ്ടാകില്ല.…
View Post

അച്ഛനോടൊപ്പം ഞാൻ കണ്ട ഊട്ടി; ഇനിയൊരിക്കലും നടക്കാത്ത ആ യാത്ര

വിവരണം – ശുഭ ചെറിയത്ത്. യാത്രയെക്കുറിച്ച് ചിന്തിക്കുമ്പോൾ മനസ്സിൽ ആദ്യം ഓടിയെത്തുക നാം നടത്തിയ ആദ്യ യാത്ര ആയിരിക്കും. ഓർമയിലെ ആദ്യയാത്ര … ചിലർക്കത് കുടുംബത്തോടൊപ്പമാകാം , ചിലർക്ക് സുഹൃത്തുക്കളോടൊപ്പമാകാം അതുമല്ലെങ്കിൽ സ്ക്കൂൾ വിനോദയാത്രയാകാം … ആ യാത്രയുടെ ബഹിർസ്ഫുരണം പിന്നീടുള്ള…
View Post

ഓൺലൈൻ തട്ടിപ്പ് നടത്താനൊരുങ്ങിയ മദാമ്മയ്ക്ക് തിരിച്ചു പണികൊടുത്ത് മലയാളി

തട്ടിപ്പുകാർ പലവിധത്തിലുണ്ടെങ്കിലും, ഇപ്പോൾ കൂടുതലും തട്ടിപ്പുകൾ നടക്കുന്നത് ഓൺലൈനിലൂടെയാണ്. ആർക്കും ഒരു സംശയവും തോന്നാതെ പറ്റിക്കാൻ മിടുക്കരായ ഇവരുടെ വലയിൽ പലരും വീണിട്ടുമുണ്ട്. ഇത്തരത്തിലൊരു ഉഗ്രൻ തട്ടിപ്പുകാരിയെ മനസ്സിലാക്കി തിരിച്ചു പണികൊടുത്ത കഥയാണ് കോഴിക്കോട് കുന്നമംഗലം സ്വദേശിയും, സാമൂഹിക പ്രവർത്തകനും, ശില്പിയുമായ…
View Post

KSRTC SWIFT വോൾവോ സ്ലീപ്പർ ബസ്സിലെ യാത്ര; ഒരു പാസഞ്ചർ റിവ്യൂ

വിവരണം – ലിജോ ചീരൻ ജോസ്. ഇരുപത്തിരണ്ടു വർഷമേ ആയിട്ടുള്ളു ഞാൻ നമ്മുടെ ആനവണ്ടിയിലെ ദീർഘദൂര യാത്രകൾ ആരംഭിച്ചിട്ട്. ഗുരുവായൂർ – കോയമ്പത്തൂർ ഫാസ്റ്റിലാണ് തുടക്കം. കുറച്ചു വര്ഷം മുൻപ് വരെ കര്ണാടക ആർ ടി സി വോൾവോ ബസുകൾ കേരളത്തിലേക്ക്…
View Post

എനിക്കും പണികിട്ടി !!! മെസ്സേജുകൾ പോയത് പാകിസ്താനിലേക്കും തായ്‌വാനിലേക്കും

എഴുത്ത് – അജ്മൽ അലി പാലേരി. ഇന്നലെ രാവിലെ മുതൽ എന്റെ ഫോണിന് എന്തോ ഒരു പ്രശ്നം ഉള്ളതായി തോന്നിയിരുന്നെങ്കിലും പെരുന്നാൾദിനത്തിലെ തിരക്കുകൾ കാരണം കൂടുതൽ ശ്രെദ്ധിക്കാൻ കഴിഞ്ഞിരുന്നില്ല. ഫോണ് സ്ലോ ആയതിനോടൊപ്പം ഫോട്ടോ എടുക്കാൻ ക്യാമറ ആപ്ലിക്കേഷൻ ഓപ്പൺ ചെയ്യുമ്പോഴും,…
View Post

കേരളത്തിലെ പത്രങ്ങളുടെ ചരിത്രം – ഒരു മലയാളി അറിഞ്ഞിരിക്കേണ്ട കാര്യങ്ങൾ..

കേരളീയരുടെ ജീവിതത്തിന്‍്റെ ഭാഗമാണ് പത്രങ്ങള്‍. കേരളീയ സംസ്കാരത്തിന്‍്റെ ഭാഗമാണ് പത്രവായന. ഒരു ശരാശരി മലയാളിയുടെ ദിവസം ആരംഭിക്കുന്നത് ഒരു കൈയില്‍ കാപ്പിയും മറ്റേ കൈയില്‍ പത്രവുമായിട്ടാണ്. കേരളത്തിലെ സാംസ്കാരിക ചരിത്രം പരിശോധിച്ചാല്‍ ഏറ്റവും മികച്ച സംഭാവന നല്‍കിയത് പത്രങ്ങളും പ്രസിദ്ധീകരണങ്ങളുമാണെന്നു കാണാം.…
View Post

കടുവ വേലായുധൻ – ആനപ്പണിക്കാരിലെ എക്കാലത്തെയും വലിയ അതികായൻ !!

എഴുത്ത് – വിനു പൂക്കാട്ടിയൂർ. ആനപ്പണിയിലെ എക്കാലത്തെയും വലിയ അതികായൻ ‘കടുവ വേലായുധേട്ടൻ’ ആനയില്ലാത്ത ലോകത്തേക്ക് യാത്രയായിട്ട് എട്ട് വർഷങ്ങൾ. അദ്ദേഹത്തിന്റെ ഓർമ്മകൾക്ക് മുൻപിൽ അനന്തകോടിപ്രണാമം. ഒരുപാട് പേരുടെ അഭ്യർത്ഥനയായിരുന്നു സാക്ഷാൽ കടുവയുടെ കഥകൾ കേൾക്കണമെന്ന്. എന്നാൽ എന്നെപോലെയുള്ള ഒരാൾക്ക് വലിയ…
View Post

മണാലി ബസ് സ്റ്റാൻഡിൽ ഒരു മലയാളിയെ പറ്റിച്ചു മുങ്ങിയ മലയാളി

വിവരണം – Zainudheen Kololamba. അപരിചിതമായ വഴികളിൽ കണ്ടുമുട്ടുന്ന മലയാളികളെ ബന്ധുക്കളേക്കാൾ സ്വന്തമാണെന്ന് തോന്നാറില്ലേ? ഹിന്ദി, ഉറുദു കലപിലകൾക്കിടയിൽ ആരെങ്കിലും വന്ന് മലയാളിയാണോ എന്ന് ചോദിക്കുമ്പോൾ അത്യാനന്ദം അനുഭവപ്പെടാറില്ലേ? തീർച്ചയായും എനിക്ക് തോന്നാറുണ്ട്. കേരള സമ്പർക്രാന്തിയുടെ സെക്കന്റ് ക്ലാസ് ഡബ്ബയുടെ ബർത്തിലിരുന്ന്…
View Post

1000 രൂപയ്ക്ക് താമസമടക്കം ‘മൂന്നാർ’ ടൂർ പാക്കേജുമായി കെഎസ്ആർടിസി

കേരളത്തിൽ ഏറ്റവും കൂടുതൽ വിനോദസഞ്ചാരികൾ വരുന്ന സ്ഥലങ്ങളിലൊന്നാണ് ഇടുക്കി ജില്ലയിലെ മൂന്നാർ. വിശാലമായ തേയിലത്തോട്ടങ്ങള്‍, മനോഹരമായ ചെറു പട്ടണങ്ങള്‍, വളഞ്ഞുയര്‍ന്നും താഴ്ന്നും പോവുന്ന പാതകള്‍, അവധി ആഘോഷത്തിന് യോജിച്ച സൗകര്യങ്ങള്‍, തണുത്ത കാലാവസ്ഥ, പുൽമേടുകൾ, ഷോലക്കാടുകൾ തുടങ്ങിയ ഘടകങ്ങളാണ് മൂന്നാറിന്റെ പ്രകൃതഭംഗിയ്ക്ക്…
View Post